هل انت ضد ؟؟؟ ام مع ؟؟؟؟ ( التشديد ع البنات )

[بنت فضل]

السلام عليكم ورحمة الله وبركاته

اخواني و خواتي اعضاء المنتدى والمشرفين

حبيت اعرض عليكم واناقش معاكم ظاهرة موجوده ومنتشره بشكل كبير الا وهي ظاهرة ((( التشديد على البنات))

كثير من الاسر والاهل يقومون بالتشديد والضغط على البنات وهذا ظنا منهم ان الاسلوب والطريقه المثلى في تربية البنات ..فالبنت ممنوع عليها كل شي تقريبا .

وعيب اتسوي كل شي تقريبا

وهذا يكون حرص وخوف
من الاهل على البنات واللي يوصله الاهل للبنات بطريقه وبأسلوب خاطىء

بحيث انهم ما يراعون ان البنت مخلوق لطيف وحساس
ويمكن ان البنيه اتفسر هذا الحرص على انه شك وحرمان وخاصه لو كان عند البنت صديقه يسمح لها بما لا يسمح للبنت بالقيام به فتعتبر البنت هذا الشي تمييز وتسلط...بالتالي تضطر البنت انها اتسوي الشي من ورا هلها

لان من الطبيعي ان(((الضغط يولد الانفجار)))
وطبعا اتكون العواقب وخيمه بعد مايكتشف الاهل

وبعد هذا كله ينعق اللوم على البنت .....
اخيرا وليس ااخرا
احب اعرف راايكم في هذا الموضوع من خلال الاجابه عن هذا السؤال

هل انت ضد ؟؟ ام مع ؟؟ ((( التشديد على البنات))) مع ذكر السببب



*،*بنت فضل*،*

[كــويــت]

قـ,,ـوه

بـنـت فـضـل

:.,.:

هل انت ضد ام مع (( التشديد على البنات)) مع ذكر السببب

اذا تبي الجوآب الصريح والأمثل .. آنــآ مو ضد التشديد ولا مع التشديد ..!

اختىى الفاضله ان التشديد ومثل ماذكرتي يولد انفجآر والتبااهي وترك البنت

على رآحتهآ هم يولد فصخ الحيا وعدم التفكير في الأاهل لان الأهل تاركينها

تشوي الي تبي ... ونرد على التشديد .. التشديد يولد انفجآر نعم صح انا

معآج في هذي النقطه ... وانا انصح الأأهآلىى مايشددون على بنآتهم

وبنفس الوقت مايخلونهم على رآحتهم ... لو تسألني يشنو الجوآب بقولج

شغله وحده ... الجوآب اهوا التشديد لــكن ...!! بحدود معينه يعني

مايشددون حيل عليها ولا يتركونها على رآحتها ,,

:.,.:

ولـج جزيل الشكر ع الموضوع

وامتىى تكون اجابتي واضحه

وبنفس الوقــت خفيفه عليج

وقـوآآج الله

ؤآرقىى تحيه .. كويت

[AL7LoOo]

عليكم السلام
اهلا ً وسهلاً أختي .

موضوع شيّق وجميل .. وكثير من يناقش هالمواضيع الجميله والهادفه صراحه

اختي بنت فضل .. سؤال مطروح للجميع لكن للأسف الشديد غير واضح بالمعنى .
ما معنآى التشدد . ! وبإي ناحيه التشدد .
هل هي التشدد المبالغ بهّ .. ام التشدد المفيد للبنت .

اختي .. كثير من المراهقات او صغيرات السن يحتاجون لملئ رغبتهم والخروج من البيت والبس وكذا ..
فا من هالناحيه أختي يحتاج المرءّ ان يتشدد نحوّ ذالك ..
التشدد بالمعنى الأصح .. هو أمساك البنت من الخطيئهّ ..
اذا كان غير ذالك . ! التشدد ليس له معنى او بالاصح التشدد يكون بلا فائده .
اذا كان له فائده نحوّ البنت انا اقول لنفسى نعم وألف نعم للتشدد

لا نريدّ ان ننظر للبنات والحريه لهم والحريهّ القويه . ! والتى تهدم بيوت الناس ونقول لا للتشدد . !
نحتاج هالتشدد لو خرج الأمر للخراب ودمار البنت .

لكن من باب التفكير الصحيح ! .. ان نتشدد بالاقتناع للبنت
نقنع البنت قبل تشددها بالاجبّار عليها
نقنعنها هالشئ غير مرغوب . او لا فائده له .. او نحوّ ذالك .. بيكون أفضل من التشدد الاجبارى
ولوّ رفضت الاقتناع ! . فى هالوقت يكون التشدد الاجباري لمصلحتها !

قال تعالى: (( وَاللاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلاً إِنَّ اللَّهَ كَانَ عَلِيّاً كَبِيراً )) [النساء: من الآية34].

ونسأل الله العظيم ذو الجلاله والأكرام ان يحفظ بناتنا وشرفنا وأمتنـّا على أفضل خلقّ ..
اشكرج اختي .. وجزاج الله خيرًا

[عنوسه ^_~ ماتهاب]

هل انت ضد ؟؟ ام مع ؟؟ ((( التشديد على البنات))) مع ذكر السببب



اشكرج اختي انا ضد

الضغط يولد الانفجار

بالعكس انا مع التربيه الصح
واعلم بنتي الصح والغلط
وافهمها

واعلمها حدود ما تتجاوزها



وهني ما تغلط
اما اخليها متدري شي عن الدنيا
واسكر عليها كل الابواب غلط
لان بيجي يوم وتشوف الدنيا
وان كان ما تعرف شي راح تغلط
وهني المصيبه
وكل الشكر لج حبيبتي

[بوقلبين]

بنت فضل كل الشكر على الموضوع

بصراحه انا كنت اتمنى ان الاسر صج تشدد على بناتها بس الظاهر للجميع ان مافي تشديد التشديد اول لكن بزمنا الحالي ماني شايف تشديد البنت مدلعينها لي درجة ان الوضع فالت
ووصلنا الى مراحل مترديه والسبب عدم التشديد
انا مع التشديد على البنت ولكن بحدود المنطق والقيم الاسلاميه
ومسئلة الضغط يولد الانفجار هذا مبرر واهي وغير صحيح
لان البنت اللي تتخذ الضغط هو سبب هياتتها وتسيبها اعتقد انها كاذبه
وهذا ساتر تبرر فيه خطاياها

وكل الشكر مره اخرى للموضوع الراقي في طرحه

[اماراتى كوول]

انا مب ويا التشديد ولا ضده انا ويا الحق
يعنى تعطى البنت الخيط والخيط
يعنى اعطيها شىء واخذ شىء
يعنى احافظ على بنتى مب اخليها تطلع على كيفها
والشىء الثانى انصحها تختار ربعها الصح

[*TanTosHa*]

بنتــ فضلــ ..

وعليكم السلام ورحمة الله وبركــأته ..

موضوع رؤعه يستحق النقاش والتفاعل فيه ..

التشديد على البنت ,,!

من الخطأ ان نشدد على بناتنا في تربيتهم ..

لانه مثل ما ذكرتي الضغط يولد الانفجار ..

اذا ضغطنا على بناتنا في التربيه راح يقومون بأفعال خطا من وراء ظهرنا ..
تخيلي اني كنت اعرف بنت ما تطلع كلش اله المدرسه والبيت ..
لي درجه انه لمن البنات يقولون اي انا اليوم بروح ماكدونالز كانت تستغرب وتقول شنو ما كدونالز ؟ يردون عليها هذا سوق ..ويضحكون ..!

يعني حرام بصراحه ..ممنوع عنها انها تستانس وتطلع ..!
وبعدين تخيلي لمن تشوف الانفتاح بين رفيجاتها أكيد تحب تكون مثلهم ..
وتكون بسرعه ينقص عليها ..وتكون فريسه سهله حق الذئاااب ..

يعني التربيه تكون بحدود من غير تشدد كبير ولا انج تخلين الأبناء على راحتهم ..

يعني الاب او الام لازم يراقبون عيالهم بغض النظر اذا بنت او ولد ..ويعرفون منو اهمه يرافجون ومنو اصدقائهم ..

ويعطيج العافيه على الطرح المميز
وما قصرتي

^_^

[العميل السري07]

سلام عليكم ورحمه الله وبركاته


شكرا اختي بنت الفضل على الموضوع...
.
.
اخواني اخواتي الاعضاء والمشرفين والاداره :)
(( يقال ان السباحه عكس التيار احيانا جميله))
.
.
انا مع التشديد على البنات
قد يقول قائل لماذا ؟؟ ان هذا تخلف ورجعيه ؟؟ والبنت لازم تاخذ حقوقها وتشوف الدنيا ولازم تطلع ومادري شنو.....
.
.
اخي الفاضل اختي الفاضله
الفتاه كالورده ان كثر من يلمسها ويشمها ((ذبلت))...
فالتشديد دائما لصالح الفتاه ولحفظها ولصونها
فهي ضعيفه وحساسه ايضا
فمن المستحيل ان يكون هناك تشدد من دون تعليم اي من دون علمه عن السبب
فعندما تخرج الفتاه تريد السوق لابد ان يخرج معها اخوها او ابوها او من كان له صله بها لكي ( يحميها) ولكي يكون لها ( محرما)
قد يقول القائل لماذا تخرج معها لماذا لا تتركها تذهب بنفسها ؟؟ اكل هذا شك بها ؟ وسوء ظن بها ؟
ارد واقول له: كلا ليس كما قلت بل حمايه لها من اولا من شياطين الانس وثانيا حفظا لها من شياطين الجن التي توسوس لها وتزين لها الفسق والفساد.
وعلى قولت بعض الشباب (( وشتبين يا البنت احسن من كذا اخوك معك مثل الاميره ولا ذات المنصب العالي اللي دايم معها حرس ( بدقارديه<<او مادري شيسمونهم)) .
فالتشدد ليس ( ان تدخلها داخل غرفه وتسكر عليها حتى غرفه بدون دريشه)) فهذا ليس تشدد فهذا حبس وسجن
اما التشدد كان لا تاخذ الفتاه (الهاتف النقال الا بعد ما تخلص الثنوي) << قد يقولون وين عايشين شنو هذا تخلف حاقطينها ومعيشينها فيمادري شنو ... ومن تلك العبارات اللي مالها اول ولا لها تالي
فاقول لهم يا جماعه هذا تشدد محموووود لانكم لو رايتهم ما رأت عيناي ووقفت عليه قدماي لذهلتم
بنات في سن 12 و 13 عشر سنه تغازل ؟؟ وتعاكس ولها حبيب ومن هسوالف ...
من وين جات هذي وين هذي توها صغيره على هسوالف ولكن الانفتاح والهاتف بجيبها من عمرها 10 سنوات !!!
ولا رقابه عليه ولا شي :(
.
.
واسمحوولي...
وكلامي مو موجه لك يا العضوو/ه كلامي لا اقصدك فيه << ارجوووك انتبه لست المقصود في كلامي

ارى اليوم ان هناك فتيات(((( يذهبن ))))مع صاحباتهن او تذهب بمفردها او تذهب هي واختها
الا اين؟؟ الى هارديز وماكدونالز ومادري شسامي البلاوي الثانيه علشان تتغدا او تتعشا!!!!
بنت وتروح تاكل برا البيت وقدام خلق الله!!!
اين الحياء ؟؟
زين ما تعرفين تدقين تلفون وتطلبين وانتي بالبيت؟؟ ولا لازم تطلعين جدام عيون الناس؟!!!!
وياليتك مستتره... بل طالعه وهي متمكيجه ومتزينه ... لمن هذا ؟؟ << هذا الانفتاح وماعندهم تشدد على قولتكم :)
علشان تطلع بصوره زينه جدام الناس هذا ان لم يكن متبرجات ... واذا قلت لهم شي .. قالوا عيل تبينا نطلع مو حلوات قدام الناس ولا تبينا نطلع معفوسات واشكالنا غلط ؟!!!!!!!!!!!!
اصبح الستر والعفه معفوسات واشاكلهم غلط!!!! << يا للعجب حقا إننا في اخر الزمان
(((( اعلم قد تقولون انني خرجت عن نطاق الموضوع ولكن انا لم اخرج انما اردت ان ابين الوجه الثاني ان لم يكن هناك تشدد فسوف يكون هناك تراخي وهذه بعض صوره )))
.
.
ففي الختام
التشدد دائما من صالح الفتاه
وليعلمن البنات ان مهما جائهم من تشدد على قولتكم انه من صالهم وكله محافظه عليهم
انا حاليا وانا رجال واقول اني اضبط تصرفاتي ومشاعري والله ثم والله اني اتمنى اني ارجع صغير علشان اكون تحت يد ابوي وضبطه لي(( اما الحين خلاص كبرت قالي علمه وعلمتك وكل شي وتعرفه وانت رجال كبري روح الحين بكيفك سو اللي تبي اللي علي سويته)) وانا ماشي على تعليماته القديمه لي ولكن مرات اشطح واطلع طلعات مالها داعي
لانني وجدت الانفتاح ... فكيف بالبنت ؟؟؟؟!!!!!
.
.

والسلام ختاااااااااااام

[kiwi]

بنت فضل موضوع حلو
فعلا
شوفي انا مع التشديد ع البنت بس عاد مو تيشددون عليها
لان مثل ما قلتي البنت مخلوووق حساسه
ويصراحه البنت سمعه واذا توصخه سمعتها خلاص تروووح فيها البنت
اما الريال بالعكس مثل ما يقولوون شايل عييبه
بس التشديد موحييل يكووون ع البنت يكونن من باب الحرص عليها
:)
وبث هذا رأيي

[شوفو شموخي]

سلام سؤال حلو شوفي عزيزتي الاساس في التربيه انك

تمسكين العصا من النص يعني الحين الزمن تغير انفتاح سريع وفتن الله يكفينا شرها

اول كنت في بيئه مررره فري وطبعا محسوده من صديقاتي لانهم محكورين

الحمدلله ربي حماني ولا فلوس وحريه يعني انحراف بس ارجع واقول الحمدلله الف اني كان عندي جزء من الرقابه الذاتيه وماخنت ثقة اهلي فيني

والحين انا مع التشديد على البنات مو عدم ثقه فيهم بس الدنيا الحين مرره صعبه

[مينونه صاحيـه]

وعليكم السلام ورحمة الله وبركاته ..

بالبدايه احب اشكرج عالطرح الموضوع الحلوو ..

وثاني شي اخواني واخواتي الاعضااء كفوو ووفووه ..

وانا هم مع وضد هالشي (( التشدد على البنات )) ..

ومثل ماقالت اختي محتاجك الليله (( نمسك العصاا بنص )) ..
يعني خير الامور اوسطها ..
يعني في امور يجب ان تتشدد بها ,,
وفي امور لاتستحق التشديد ,,
اهم شي ماتحسس بنتك او اختك انك تعاندها وخلاص ..
لازم تفهمها وتعلمها ليش انت ترفض هذا الشي او ذاك ..
لأن البنات الصغار وخصوصه بهالزمن مايشوفون اشياء انت اشوفهاا او احنا يالبنات الكبار انشوفهاا ..
ولازم تحاورها وتناقشها وتفهما ان ليش ترفض هذا الشي او ذاك ..
وطبعاً لاتنسى ايهاا الاب او الام او الاخ والاخت انك تسمع كلامهم كله ..وخصوص خواتك او خواتج الصغار بنسبه لي انا احب اني اشووف رائي خواتي واحب اشاركهم بالكبيره والصغيره حتى لو سبب انت اشووفه او انتي تشوفينه تافه ماتدرون يمكن يكون مهم عندها احب اني اكون صديقتهم اتقرب منهم مو قصدي اتدخل بخصوصياتهم بالا احب انهم اهم اللي يجون ويتكلمون ويطلعون اللي بقلبهم وصدورهم واعلم الصح والغلط ومثل ماقلت في امور تستحق التشديد وفي امور لا ..
وان شااء الله اني وفيت ..
ويعطيج ألف عافيه يالغاليه على الموضوع ..

وتقبلي ودي واحترامي لج ..

مينونهـــ ميشووهــ

[بنت فضل]

الاعضاء الاعزاء

؛؛؛


ألف شكر لكم عالطله الحلوه

ومنورين قسم المناقشات الجادة بردودكم الحلوة


ردود حلوه من أعضاء أحلى

وأختلاف الرأي لايفسد للود قضية


تحياتي لكم


؛؛؛

*،*بنت فضل*،*

[DaNa :)]

أول شي شكرا عالموضوع :)

وثاني شي .. آنه 100% ضد هالشي ..

كل شي إذا زاد عن حده ينقلب ضده ..

غلط أن ولي الأمر بخلي البنت تسوي كل اللي تبيه بدون مراقبه ولا حساب .. وهم بعد بنفس الوقت غلط إنه يشدد عليها بدرجه أن يمحي شخصيتها ..

آنه بنيه وأعرف البنات .. في بنات وايد أعرفهم أهلهم حيييييييييييييل مشددين عليهم .. ونتيجه هذا .. أول ما يطلعون من البيت ويبتعدون عن مراقبة أهاليهم .. مثل في الكليه مثلا .. تلقاها تسوي شغلات تنصدمون لما تعرفونها

وهم بعد البنات اللي أهلهم ما يدرون عنهم .. تلقونهم يغلطون وآخر شي لما أهلهم يعاتبونهم .. يقولون إذا محد منعنا من هالشي أكيد بنسويه

ف من رايي أن العدل بين الأثنين والوسط اهوا أحسن شي :)

[HoNeY RoSe]

انا مع وضد بنفس الوقت

كل شي بالهون يصير ..

ومثل ماقلتي كثر الضغط يولد الانفجار
بس يعتمد على نوعيه البنات .. يعني بنات والله بالهون كلشي ايبهم تتفاهمين معاهم بهدوء اي بس بعصبيه وتحريم ومنع وهسوالف يسون بالعكس >> انا من هالنوع ^_^

وبنات والله ماتيهم الا العيون الحمره .. منعيهم وحرمي عنهم الاشياء يمشون سيده

فيعني احس هالشي يعتمد على نوعيه البنت الي يتعاملون معاها الاهل

^_^
شكرا حبوبه ع الموضوع

[» STyLeyO «]

اول شي يعطيج العافيه بنت فضل ع الموضوع الحلو وبصراحه انا بقولج كلتين الشي اذا زاد حده انقلب ضده اوكي ماشدد عليها حيل لا بحدود الدين والعادات بس واطلعها وبشرط اكون معاها واخليها تعيش حياتها عاديه واهم ش بهذا كله التربيه وتراقب بنتك أو إختك مو شرط التشديد

وجاو جاو