مهم لكل الأعضاء ..الرجاء الدخول ..!!

[*TanTosHa*]

الســـلام عليكم ورحمه اللــّه وبركـــأته ..

في البدايه أحب أشكر كل الأعضاء الي يتفاعلون بالمنتدى ويردون على المواضيع ..

لكن للاسف انه في بعض الردود هزليه ..! وفيها ضحك

احنا داشين اناقش وله نستعبط ونضحك ..!

والنقاش لازم يكون بأسلوب جاد ومحترم ..



وبعدين في وقت للنقاش ..وفي وقت للضحك ..

وعلى ما اعتقد كل شي بوقته حلو مثل ما ينقال ..

يعني أتمنى من كل الأعضاء في منتدى النقاش ..

يناقشون من غير ردود هزليه وضحك ..وله راح يتم مسح الرد ..

وأنا ملاحظه انه وايد لمن يناقشون يطلعون عن الموضوع الأساسي ,,

فأرجو منكم انه النقاش يكون علموضوع نفسه ..

وأي رد خارج نطاق الموضوع سيتم حذفه ..

ويعطيكم العافيه ..

*TanTosha*

^_^

[Ra7_al2aml]

ان شاءالله نشوف الاعضااء يطبقون هالشي ولما يتناقشون ماتكون مناقشه ضحك و و و و ماتخرج عن نطااق الموضووع



تسلمين ^_^

[شــمــآلــي]

أشكر أخت تنتوشه على إلتفاتها لـ هالشي ...

ولكن هناك أيضا بعض الأعضاء يرد على الموضوع بكل برود (( مشكووور وماقصرت على الموضوع )) وصاحب الموضوع ما يدري اذا هالشخص قرا الموضوع أو لا ...


والعكس أحيانا عضو يقوم برد جميل وملفت للنظر ويكون تاعب على الرد ويأتي صاحب الموضوع
((( مشكوور على مرورك.. نورت )))...


وهنا نخرج من الموضوع بلا فائده أو نقاش ....


تقبلي إعجابي ومروري ...

تحياتي لج ...

[*TanTosHa*]

Ra7_al2aml

انــ شــأء اللـــه يطبقونه ..

الله يسلمكــ ..

ويعطيك العافيه على تواجدكــ العطر ..

مــأ قصرتــ ..

^_^

[*TanTosHa*]

شمالي و مزيون

..

عدل كلامك للاسف انه البعض يرد مثل ما ذكرت ..
تحس انه حتى مو قاري موضوعك .,.

..

يعطيك العافيه على مرورك العطر ..

ومشكور ومــأ قصرتــ

نورتــ

^_^

[العميل السري07]

سلام عليكم ورحمه الله وبركاته
.
.
شلونكم شخباركم ان شاء الله كويسين على البرد
يقولون درجه الحراره حاليا 3 درجات :)
.
.
اوهـ سوري اختي تنتوشه كلامك على العين والراس
ولكن عندي اعتراض بسيط لو تسمحين لي
انا بطبعي ملقوف واحب الغشمره
ووقت الجد اكون جاد
(((ولكن)))
احب اذا شفت النقاش حصل فيه شوي تأزم
احب ادخل مداعبات من اجل تلطيف الجوو وتهديه نوعيه التشنج النقاشي
.
.
فارجوا ان ما تعتبين علي اذا شفتيني داعبت الاخوان
فانني انا والمداعبه ربع ورفاقا :p
.
.
ولا انسا ان اظم صوتي لكم في عدم الضحك والغشمره في النقاش بشكل زايد
فالحلا لو اكلت منه قليل وجدته حلوو ولكن لو كثرت فيه يغثك :p
فهذا اللي ابي اوصلكم اياه فقط

.
.
وشكرا
.
.
العميل السري07

[*TanTosHa*]

العميل السري07

أهلا وسهلا

الحمدالله بخير ..

..مو محتاجين لبعض التلطيف بالنقاش ..
واعتراضك مرفوض ..
ومثل ما ذكرت كل شي بوقته حلو ..

ويعطيكــ العافيه على ردك ..

وما قصــرت

^_^

[شوفو شموخي]

سلاام تنتوشه


انا معاك ياريت نكون جادين في النقاش عشان الفايده تعم


بس انا لاحظت قلة المواضيع المطروحه للنقاش انا في منتدى ثاني ماتصدقين في ساعه تلقين اكثر من عشر مشاركات


يعني في مواضيع تبقى مده طويله المرور عليها كثير والردود قليله



شكرا لك على جهودك

[عنوسه ^_~ ماتهاب]

يعطيج العافيه
وضيفي عدم الخروج عن محور الموضوع

ونقاشه

والتطريق الي الردود الجانبيه

وكل الشكرلج

[AL7LoOo]

عليكم السلام .

اهلا ً وسهلا ً أختي المبدعهّ فى المواضيع الجميلـه ,,

اشكرج على هالتنبيه إلى محتاجه هالقسم الطيب ..
وأتمنى أختي تضيفون قوانين بإعلى القسم بالمثبت .. ويكون تنويهّ لجميع الاعضاء والزوار ..
اذا صار مخالفة ببعض القوانين تنمسح .. واذا أشتكى او شبيه لذالك يكون نص القانون مدرج فى القسمّ ..
هالقسم للناقش " الجاد " والطرح ذو الفائدهّ .. ليس للضحك وخروج من الموضوع والتطرفّ لغيره . !
لو كان كذالك .. الاداره مو مقصره فى اقسام ترفيهيه وتسليه بإمكانه يضيف ردوده المسليهّ بالقسم المناسب .

اشكرج أختي .. واشكر الجميع على حسنّ تعاونه .
وما يصير خاطرج الا طيــب .. !

:)

[DaNa :)]

:)

الســـلام عليكم ورحمه اللــّه وبركـــأته ..

وعليكم السلام ورحمة الله وبركاته

في البدايه أحب أشكر كل الأعضاء الي يتفاعلون بالمنتدى ويردون على المواضيع ..

آنه توني مشاركه بالمنتدى بس انشالله راح أكون من هالأعضاء :)

لكن للاسف انه في بعض الردود هزليه ..! وفيها ضحك

احنا داشين اناقش وله نستعبط ونضحك ..!

والنقاش لازم يكون بأسلوب جاد ومحترم ..



وبعدين في وقت للنقاش ..وفي وقت للضحك ..

وعلى ما اعتقد كل شي بوقته حلو مثل ما ينقال ..

يعني أتمنى من كل الأعضاء في منتدى النقاش ..

يناقشون من غير ردود هزليه وضحك ..وله راح يتم مسح الرد ..

وأنا ملاحظه انه وايد لمن يناقشون يطلعون عن الموضوع الأساسي ,,

فأرجو منكم انه النقاش يكون علموضوع نفسه ..

وأي رد خارج نطاق الموضوع سيتم حذفه ..

كلام عي العقل وصحيح 100% :)

ويعطيكم العافيه ..

الله يعافيج وتسلم إيدج :)

*TanTosha*

والنعم

[a7la 3eemiya]

بسم الله الرحمن الرحيم ::

تنتوشه : كلامج يالغالية عالعين والراس ،، صح ان الموضوع لازم نتناقش فيه عدل وما نضحك ولا نتغشمر بس هالشي ما يمنع ان نقول كلمة مثلا حلوة أو تخلي الواحد يبتسم أو يضحك

يعني ما يصير من ندخل قسم النقاش الجاد انسكر (( حلوجنا )) لا نضحك ولا شي لين نطلع منه :)

الابتسامه والكلمة الحلوة مطلوبة بس بحدود ومو بكل مكان طبعا ..

ويعطيج العافية ..

[قـمـر]

الحل بالموضوع الاحترام


لو كل عضو قبل لا يدخل الموضوع فكر بانه يحترم غيره


لم يصبح لدنيا ردود هزليه او ردود تنقص من قيمة الكاتب او ناقل الموضوع


وعلي فكره يوجد ردود حلوه فيها فكاهه لان روح هذا العضو غشمرجي فلا بأس بها ان لم تنزل من قيمة كاتب الموضوع


والقصد منه الغشمره


اما الردود الهزليه واللي ما منها فايده اتمني الترفع عنها والردود بلباقة او لا يرد افضل ان لم يتقن فن الردود !




يعطيك العافيه خيتوووو تنتووووشه


اختك

قمررررررررر

[Na3ooma]

انشالله ما يصير الا الي فيه الخير ..

مشكوورة حبووبة

[«…أحلـى…كـلام…»]

[.. تنتوشه ..]

يا هلا فيج .. وهذا ما تعودناه منج حريصه بقسمج لأبعد الحدود

ومع هذا التنبيه ألزم نفسي بذلك .. وان شاء الله نكون لا نتطرق لأي امر ذ ٌكـَر

ومن هذا المنبر ، أحب أن اقول الحمدلله على سلامتك مره ثانيه : )

كل الشكر لك ،،