ناس عايشه الدور وناس اتخجلك بتواضعهم

[HITLER]

السلام عليكم

صارلي وقت مو كاتب موضوع بمنتدي المناقشات


اول شي قبل ما اكتب موضوعي بشكل عام


بقولكم ليش قررت اكتب الموضوع


يعني الموقف الي حصل معاي


مثل ما اتعرفون كل موضوع اكتبه ما اكتبه إلا لاني شفته او من موقف معين


يالله يبيله صبر لوول لاني راح اطول


اول شي مثل ما بعض الاعضاء يعرفون اني اشتغل بشركة خاصه


وبالشركات الخاصه يكون عليك مدره وايد ومراقبين



المهم بمكان عملي علي مدير يلقب ب ( موجه ) هذا بالمكان الي اشتغل فيه

وفوقه ( مدير المشروع ) وفي بعد علينا من ينقال لهم ( مراقبين )


المهم موجهي القبلي كان واحد شباب يعني فرق العمر الي بيني وبينه مو وايد بس نفسيه على الاخر الاصبي

وكل الشباب ما يحبونه يقولون انه نفسيه وعايش الدور


المهم اخذ اجازه لمدة شهر والحين يداوم بداله واحد اكبير بالعمر متقاعد سابق


ما شاء الله عليه ما يتأخر علي كلش :) واخلاق وغشمرجي وحبوب وطيب ويقدر ظروفك

عكس القبلي 100 درجه


وبنفس الوقت مدير المشروع كان ماخذ اجازه وصدفه كان عندي شغل بشركتي الرئسيه يعني المبني الرئيسي للشركه سوالف توقيع ورق

المهم رحت وقعدت مع ( مدير المشروع ) القبلي قعدت معاه اشويه نفسيه

وماكو موظف يمدحه ما يحبونه

وهذا حبوب ومتواضع لاخر درجه .. شفته ياب الاريوق وقعد مع الموظفين

سوالف وغشمرجي على الاخر ويقدر الظروف على الاخر

عكس مدير المشروع القبلي الي طالع اجازه باللوقت الحالي

واليوم كنت قاعد اكلم جم موظف معانه عنه كلهم يقولون نتمه هذا المدير بدال القبلي انه يظل على طول وما يطلع ونفس الحاله بالنسبه للموجه

يتمنون الموجه الاكبير بالعمر الي ياي بديل عن الشباب الي ماخذ اجازه انه يظل ثابت عندنا وما يطلع





ادري عورت راسك وفريته فر لوول


اختصر لكم السالفه كلها

واكييد الي يشتغلون راح يفهموني

مرات الواحد يشوف مدير متواضع وحبوب ويقدر ظروف الموظفين

ومرات العكس ما يقدر وولا شي ونفسيه وعايش الدور على االاخر



هذا المدير الي عايش الدور


شلي يخليه يعش الدور ..؟

ليش يصير نفسيه ..؟


شنو الاسباب الي اتخلي هذول الناس جذي يصيرون ..؟


على العموم هذه استفساراتي واتمنه اشوف ارائكم

ويالله انا استأذن نزل المعاش والحاله فلس بروح اسحب المعاش :d

نشوفكم على خير


سلااام

[قـمـر]

هذا المدير الي عايش الدور


شلي يخليه يعش الدور ..؟

ليش يصير نفسيه ..؟


شنو الاسباب الي اتخلي هذول الناس جذي يصيرون ..؟




بالنسبة لي اشتغلت العام بمكان وانحشت منه بسبب مسئولتي النفسية المتكبرة كل صفة شينه تنطبق عليها


وانا بعد ماتحملت أقعد بمكان فيه شخصية مريضه واسمع من زميلاتي شلون متهنين مع مسؤوولة اخلاق وحبوبه وروعه مثل ما تفضلت


وطبعا شخطت النقل لووول مافيها روحي وتعالي محد جابرني اجابل انسانه معقده فكريا ونفسيا و جنها مو شايفه خير ما صدقت تمسك الكرسي علشان تنفخ نفسها خل الكرسي الحين ينفعها بعد ما طاقم العمل قدم نقله بسببها !




والسبب طبعا عبالهم الفئه هذي ان الضبط بالعمل هو شينة النفس وتندي مستوى الاخلاق والضقط علي الموظف بالعمل علشان ينتج


ونسا ان الموظف انسان في حاجه الي كلمة حلوة واخلاقيات رائعه وبساطه بالعمل فلا فرق بين رئيس ومرؤووس


والعمل صدقني بيمشي عدل بالكلمة الحلوه





انا ذكرت الموقف لان مر علي العام اول سنه لي بالعمل وبغيت استقيل من العمل كله بسبب مسؤووله مسيطره ونفسيتها مو شي وتعاملها تعبان



بس هالسنه الحمد لله رب العالمين الله رزقني بمسؤووله عسل خلتي اموت بالدوام والتزم بعملي وباخلاقيات مهنتي







وشكرا لسؤالك هتلر



اختك


قمررررررررررررررررر

[AL7LoOo]

عليكم السلام
يا هلا ومرحبا أخوي هتلـــّر ..
موضوع جميل . ومناقشه أجمل من ظاهرهّ حاصله فى الدوامات بشكل عـام .

والنفسيه والتكبر على الموظفين ليس فقط فى الاعمال الخاصه .. كذالك بالدوامات المدنيه وخاصه العسكريه . !
نحصل الكثير من المتكبرين ويرى الناس بأستحقـار .. فقط لوظيفته ومركزه المهم أو العالـّـي ..

قال سبحانه ..
إِنَّ ٱلَّذِينَ عِندَ رَبّكَ لاَ يَسْتَكْبِرُونَ عَنْ عِبَادَتِهِ وَيُسَبّحُونَهُ وَلَهُ يَسْجُدُونَ .. (الأعراف 204 - 206)

لكن للأسف الشديد كثير من الناس تتكبـّـر على الناس الاخرين ويراهم فى نقطـة غير مهمه .. وأستنكارهم وأستحقارهم
وفى الاصل ! هو يستحقر نفسه لا للناس .. لأن هالناس تداوم وتجتهد لعمله وأستشارته والتقدم فى العمل المميز .. والمفروض هو من يساعدهم على الروح الطيبه والسعيدهّ للأجتهاد الكلــي فى الدوام .

لكن الانسان لا يملكّ غير الصبر .. وعسى من الله إن تفرج مهمه كان الوضع .

وبخصوص الأسألــه المطروحه ..
الانسان سبحان الله يتكبرّ لو أمتلك اكبر مركزًا من الناس . ! ويطمع أكثر لو أمتلك مالا ً . وينغّر لو أجمل الناس . وكذا .. !
هذا الانسان طبعه فى الدنيا ..
لكن العابد الساجد للـه ! يختلف أختلاف تـــام عن هالشبهات الرديئـه

اشكرك أخوي هتلر .. والله يعطيك العافيه ..
والله يهدي كل من لم يهتدىّ

[*TanTosHa*]

HITLER

فـــي البدايه أحــب أشكرك على موضوعك ..

..

بالنسبه حق النفسيه والتكبر موجود بكل مكان مثل ما ذكر أخوي الحلو ..
تخيل ساعات لمن اكون بلجامعه في بنات معاي بنفس لكلاس ..اطالعهم وابتسم ..اهمه لا يطالعوني بنظرات حقيره وما يبتسمون ..!

ليش التكبر ..وعلى شنو يعني ..كلنا مثل الشي ..والكبر لله ..

بعدين لازم روحك تكون حلوة مع الناس عشان تكون محبوب بينهم ..
ليش النفسيه والغرور ..!!

وأكيد هذيل المتكبرين فيهم مرض أو نقص ..يبون يلفتون نظر الناس بس مو عارفين شلون ..!

الله يهديهم بس ..

ويعطيك العافيه ..

^_^

[العميل السري07]

اخي هتلر حياك الله
ولاهنت على الموضوع والقضيه
الموجوده في مجتمعنا بل في العالم كله.
.
.
الغرور هو صفه ذميمه جدا
وتكسب الانسان السمعه الرديئه
فقد يقول هذا الانسان ( ان الناس ما يمشون الا بالعين الحمرا)
وقد يقووول انا افضل منهم بشهادتي وتعبت على روحي وحصلت شهاده فمن حقي ارى نفسي على من لم يتعب على نفسه ومن لم يحصل الشهاده
وقد يقوووول هذا الانسان المريض ( المغرور) انني انا انسان متعلم ومثقف ومتطور ومتنور كيف انزل بمستواي الى هؤلاء الجهله غير المثقفين غير المتطورين وغير المتنورين...
.
.
ان قلت الناس ما يمشون الى بالعين الحمرا على ما تقول فالكلمه الطيبه والاحسان ليست تمشي الناس فقط بل تجعلك تمتلكهم فقد قال الشاعر :
ان اكرمت الكريم ملكته ** وان اكرمت اللئيم تمردا
فالناس ليسوا لئام وليس من حقك ان تصف الناس باللؤم الا اذا كنت لئيم
والرسول صلى الله عليه وسلم شخص واحد ولكن بالاخلاق الحسنه والكلمه الطيبه انظروا كم اتباعه الآن؟؟ بالمليارات والله تعالى قال (( ولوا كنت فضا غليضا لنفضوا من حولك)) هذا قيلت لسيد ولد آدم فكيف بك انت ايها المغرور ؟؟ وانت عندما ترا نفسك وتغتر وتعامل الناس بالنظره الدونيه انك بهاذا تعزل نفسك وتنبذها ...
فانت جزء من مجتمع والشخص(( سمعه ))فلو ذمك من هم يعملون معك... فسوف تكون سمعتك بالحضيض...
.
.
تتعذر بالعلم وانك متعلم واهم جهله وانك مثقف وهم لا وانك مطور وهم لا
فلك خير مثال ... الرسوول صلى الله عليه وسلم عندما كان جالسا هو واصحابه في المسجد فجاء اعرابي (( فبال في المسجد)) فالرسول عالم ومتنور بالدين والوحي وهذا الاعرابي جاهل ودنس مسجد رسول الله ببوله... فلم يزجره الرسول ولم ينهره ولم يعلي عليه صوته .... وانما قال لصحابه دعوووه وعندما انتهى الرجل دعاه الرسووول صلى الله عليه وسلم وعلمه ان هذا المكان لا يصلح لمثل ما عمله هذا الاعرابي ثم امر بالماء فاريق على مكانه...
فهذا رسووول الله خير البشر لم يتكبر وهو كان نبي الله وسيد ولد ادم وحاكم المدينه وعليه من العلم مالم يبلغه احد
وهذا اعرابي جاهل لا يفقه شي فعامله الرسوول صلى الله عليه وسلم خير معامله ولم يحتقره لانه اعرابي جاهل
... .
.
.
فمن انت ايها المسؤوول حتى ترى نفسك؟؟ أأنزل عليك وحي ؟ ام لديك علم ليس عند غيرك؟ ام حكمت الدنيا ؟ ام لديك كنوز الارض ؟ وكل هذي ليست لديك فعلما ترا نفسك!!!!
.
.
.
وشكرا

[بوقلبين]

هتلر الله يعينك على ما بتلاك
هؤلاء ناس فيهم نقص
ويعانون من قلة الاحترام في بيوتهم وبمجتمعهم
المحيط فيهم ويحاولون يعوضون هالنقص من خلال عملهم
والمركز اللي هم فيه

لكن تأكد انهم تعبانيين نفسيا اكثر منك
ويعانون ودهم يصيرون مثلك


لانهم يرون فيك وبأمثالك دماثة الخلق والتواضع

كل الشكر هتلر على الموضوع الرائع

[شوفو شموخي]

عادي اخوي فيه ناس كثير اذا اعتلو مناصب يحاولون يفرضون على الناس احترامهم بالقوه مو بالطيب يعني


الموظف ينافق عشان الترقيه ويضحك بوجه المدير وهو مايطيقه هذا اذا كان ولد اما اذا بنت الله يعينها



اذا توفقت بمدير محترم امها داعيه لها


من زمان وعلاقة الرئيس بالمرؤس سيئه والمشكله كل طرف يشتكي من الثاني



طبعا انا اتكلم عن فئه معينه مو الكل



تحياتي

[نـ ألعشره ـأكر]

الله يعينك ياخوى

هذا بعض الناس تفكيرهم مادرى شلوون على بالهم النفسيه ولا التكبر تسوى شى بالعكس يكووون مكرووه بين الناس

وهنى المشكله ماينفع معاى لا الكلمه الحلووه ولا الكلمه الموزينه

بس اقوول لك ترا ( إلـصبر مـفتأح إلــفرج )

وإنـا إخووووك

[DaNa :)]

أول شي .. تسلم إيدك أخوي هتلر على هالموضوع :)

وشكلك حييييييييييييييييل حييييييييييييييييل محتر :p

آنه أتوقع أن السن يلعب دور .. يعني بما أن النفسيه صغير بالعمر ومقارب لعمركم تقريبا هالشي يخليه يتكبر عليكم شوي .. مادري آنه هذي وجهة نظري ..

آنه أدرس بكليه .. ولو أطبق كلامك على دكاترتنا .. تلقى أن الحال من بعضه .. يعني إذا يانا دكتور صغير بالعمر تلقاه نفسيه .. وإذا واحد كبير تلقاه خووووووش واااحد ومحترم :)

يمكن الصغير ما يكون عنده خبره واسعه .. وعباله إنه جذي يفرض شخصيته :)

وشكرا :)

[HITLER]

السلام عليكم

يعطيكم العافيه على ردودكم وتفاعلكم


---

قـمـر

الله يوفقج بعملج ان شاء الله


وحاس فيج نفس الحاله والله لول


وصحيح المدير المتواضع يخلي موظفينه يحبون عملهم

---

AL7LoOo

صدقت يا اخوي

---

*TanTosHa*

:) هذه حاصله معانه انا والشباب معانه بالمعهد عندنا جم واحد بوقليب

ونصيحه لا تعطينهم وييي وقد ما تقدرين مصخريهم :p انا وصاحبي كل ما يمر علينا واحد من هذه النوعيه انزعله لوول


----

العميل السري07

ما اعتقد انه الغرور السبب الرئيسي

شاكر مرورك

----

بوقلبين

اهلين يالشايب .. شي اكييد يعانون نقص

حياك

---

محتاجك الليله

اختي والله انتو البنات ما ينعرف لكم

صج والله .. يعني المدير اذا عطاكم ويي قلتو قاعد يتحرش فينا .. وان كانت علاقته علاقة عمل

قلتو حقير وما زين وما ادري شنو .. واذبحي بنت وولا اطب عليها مديره مو مدير لوول


معروفه هذه الشغله

على العموم شاكر مرورج الجميل


----

نـ ألعشره ـأكر

صدقت اخوي

حياك الله

----

DaNa :)

دندون حياج الله

اولاً مو محتر اتعرفين ليش .. لاني لو ابي اخلي منصبي مثل منصبه اقدر اصير برفعة تلفون واحياتج والله

واقدر اشيله من مكانه برفعة تلفون .. وولا اهو ووولا عشر من الي خلفوه يقدرون يطاولون علي ..


بس انا استغرب من ناس فقرانه عشان منصب يصيرون نفسيه :)

آنه أدرس بكليه .. ولو أطبق كلامك على دكاترتنا .. تلقى أن الحال من بعضه .. يعني إذا يانا دكتور صغير بالعمر تلقاه نفسيه .. وإذا واحد كبير تلقاه خووووووش واااحد ومحترم

اختي انتي بكليه وانا بمعهد الاتصالات والملاحه .. الله يستر نتايج الفاينل اليوم :(

واعتقد كلامج غلط .. طبو عندنا مدرسين شباب وحبوبين ومحترمين واتحطينهم على الجرخ يبره

بس بشكل عام المدرسين الي عندنا يكرهون يدرسون البنات .. يقولون لنا انهم اغبيه لاخر درجه ونصهم منحطات


على العموم شاكر مرورج وحياج الله


ووو شــــــــــاكــر كل من شــــــــــارك بالموضـــــــــــــوعــــــ


حياكم الله


سلااااام

[HoNeY RoSe]

ناس عايشه الدور وناس اتخجلك بتواضعهم

اي والله
انا عندي مدرستين لو تشوفهم تقول فرق السما عن الارض

وحده مدرسة مالت مكتبه وجذي .. بس والله اتقول متخرعه على منصبه الله والمنصب عاااااااااد
وكله نفسيه وعصبيه مع البنات .. طبعا انا كلش ما اقرب لها لاني ماحب احد يعاملني بنفسيه .. ولين عندي شغل معاها اطرش رفيجاتي ..


والمدرسه الثانيه مالت رياضيات .. والله طيييبه بشكل موطبيعي معنه يعني هذي لو تكون متكبره ومغروره يحق لها لانها بنت واحد هامور بدريتنا :$ ..
وانا اقول والله الواحد المتواضع والطيب والناس تحبه .. وتي يمه
بس المغرور ينحش الناس منه
(التواضع لله رفعه):p

مشكور اخوي ع المووضوع