خلصنا من طيحني جانا سامحني يابابا؟؟؟؟

[شوفو شموخي]

مادري وين بنوصل طبعا كلكم عارفين بنطلون طيحني وللي توه مايعرف



هو عباره عن بنطلون واسع من الخصر واهم شروطه انه الملابس الداخليه




تباااااان


شفتو المصيبه ؟؟




الى متى هالانحدار والتقليد الاعمى




وعلى فكره هذه الموضه تعتبر في الغرب علامه للشاذ يلبسه الشاذ


للدلاله عن نفسه




والمحزن انه الامر ماقتصر على الشباب الا انتشر بين البنات والله قهر



والحين طبعا طيحني صار موضه قديمه وطلع لنا شي جديد




اسمه سامحني يابابا




وهو بنطلون زي اي بنطلون بس فيه فرق بسيط تدرون وشو



تخيلو




السحاب عادة في الامام اما بنطلونا الجديد في الخلف





اذا كانت الرقابه تسمح بدخول هالبضائع وين دور الاهل في التوجيه



لاتقولون كل جيل له موضه واهلنا قبل لبسو وطولو شعورهم



حلو الانسان يتعلم من اخطاء غيره ومايعيدها



وعلى فكره انا وحده من هالجيل واحب اكون ستايل بس ضمن حدود المعقول



واحترام مشاعر الغير




والله يحز في نفسي لما اشوف هالمناظر ويوجعني قلبي


واقعد اتسائل ليه كذا واحناجيل >>>الطفره********




يعني محظوظين؟؟؟؟؟




اللهم اصلح شبابنا بعدد ماخلقت في السماوات والارض وردهم اليك مردا جميلا



شرايكم؟؟؟؟

[بوقلبين]

للأسف الشديد مثل هالملابس محد قاعد يحتج على دخولها او يعترض على نزولها او يقدم شكوى فيها عند وزارة التجارة
اولياء الامور الكل يقول يالا نفسي وخلني اربي عيالي والمشكله مو بالآباء كبار السن المصيبه بأولياء الامور والاباء الشباب اهما اللي متساهلين واهما اللي قاعدين يشترون حق البنات والاولاد بقصد يدللونهم ويدعونهم واهما يخربونهم من دون ان يعلموا

عجبني خبر سمعته امس
عن منع وزارة التجارةعرض وبيع قمصان ليفربول في الكويت لإحتواؤه على اعلان لشركة بيرة

وهذا يدل ان الدولة مو مقصره بس القصور منا احنا يجب انتكون رقابتنا ذاتيه ونساهم بدفع البلاء عن اخوانا وعيالنا

والله استغرب من انسان بنت او شاب يفتخر بسليبه
شوفوا اول بشنو كنا نفتخر والحين بشنو يفتخرون
حسبنا الله ونعم الوكيل



محتاجلك اسمحلي على الاطال بالمشاركة
بس موضوعج مهم وطيحني بشباكة
ماقصرتي كل الشكر :)

[العميل السري07]

من حفره في دحديره
ومن خزه في لزه
ومن بلوى في مصيبه
ومن سفه الى جنون
الله لا يبلانا والله يحفظني ويحفظ اهلي وعيال المسلمين وبناتهم
والله انصدمت يوم قالت الاخت ان السحاب من ورا !!!!!!!!!
ما المقصود من جل السحاب من ورا؟؟؟
اهم يريدون ان يخرجوا جيل بلا اخلاق جيل لا يعرف جنسه
جيل اباحي منتهي
لعنه الله على اليهود والنصرى
ولعنه الله على ما سموه موضه
الموضه <<بلوى الله يرفعها عنا
.
.
مادري شقووول والله منصدم من الخبر هذا لاني توني ادري فيه
اذا طيحني وباطه جبدي وغاثتني حيل ولو بيدي اكفخ اللي اشوفه مسويها كفخته
تجينا هذي بعد بابا مادري شنو اسمها
لا حول ولا قوه الا بالله
والله انها لبلاء منزل
.
.
اقول خلوني اطلع قبل لا اجيب العيد
.
.
شكرا خيتي

[شوفو شموخي]

بو قلبين,,,,العميل


مشكورين على المرور

[DaNa :)]

مشكووووووووووره واااايد إختي محتاجك على هالمواضيع الحلوه :)

والله هالظاهره منتشره بشكل مو طبيعي ..

صج صج صج صرت أكره أروح هالمجمعات والسبه هالأشكال :/

والله حتى لما يطلعون أهلي .. لازم أسألهم .. إذا بيروون مطعم أروح .. وإذا مجمع مستحيييييييل أروح إلا حق شغله ضروريه :/

لأن صج صج صج قاعدين نشوف أشكال قبيحه :/

دايما نقول يلا هذي موضه وبعدين يقطعونها .. بس للأسف كل مالهم ويزيدوه :/

ما أقول إلا الحمدلله والشكر !! والله يهديهم انشالله :)

وشكرا :)

[HITLER]

السلام عليكم

من المعروف الي يلبسون هذا اللبس لهم اسم واحد ( ناعم ) وغيره اوسماء ما ابي اذكرها


بس لا تشملين كل الشباب :)

وثانيا البنات اخس من الشباب

عليهم موضات عجيبه

ما يحتاي اذكرها لانها معروفه

اما بخصوص هذول


الكلام مو عليهم

الكلام على الي مسؤل عنهم وما عرف اشلون يخليهم ريايل


يعطيج العافيه

سلاام

[قـمـر]

استغفر الله ياربي


ذبحونا مع الموضه الماصخه هذي


ماحب هالسوالف مره وحده


احب اشوف الشباب والكبار بالدشداشه


بدل هالبناطيل المرصصه



يعطيك العافيه محتاجك الليله عالموضوع


اختك

قمررررررررر

[HoNeY RoSe]

صراحه انا اول مره اسمع بهذي الموضه
للحين ماصادفت وشفت ناس لابسين منهم

والله يعينهم على حالهم ..
والله يتمسخرون على نفسهم ..

لانه الكل يتكلم ويتنابز عليهم ..

مشكوره اختي ع الموضوع

^_^

[اخووو نوره]

اخيتي الفاضله
شكرا لك على هذا الخبر السيء
ولكن مشاركتي هي:
حديث النبي صلى الله عليه وسلم:
(( لتتبعن سنن من كان قبلكم شبرا بشبر وذراعا بذراع ولو دخلوا جحر ضب لتبعتموهم قلنا( الصحابه هم الذين قالوا ) : اليهود والنصارى؟ قال : فمن ؟ ))
وهاهم يتبعونهم اولا طيحني والآن بابا
والقادم الله اعلم به .
.
.
شكرا
.
.
اخووو نوره

[فـــااارس]

بصراااااحه وكيفكم يمكن تقولون انى متخلف رغم انى شباب

اول مره اسمع بهالموديلات والشغلات هذى ماعندى فكره عنهااا

حدى دشداشه والغتره وفى البر ألبس سبورت بس

بس والله أشكال الشباب فى الملابس هذى بالمجمعات تضحك وشعورهم واقفه بعد

تقول الواحد فيهم مخرعه جنى الله لايبليناااا

[شــمــآلــي]

معلومه ::

الموضه اللي يتبعونها بعض الشباب , والتي لا يعرفون من هم اللي طلع فيها ...

في سجون أمريكا كان بعض ( الشاذين ) من الرجال أي ( الجنس الثالث ) يطيحون البنطلون

وخرجت هذه الظاهره خارج السجن وأصبحت موضه ( ومنعت لفتره في أميركا ) وإضطرت الشركات أن تجعلها موضه
لتبيعا في الأسواق ...


الشباب الحين ما يدرون شسالفه ...

متميزه يا محتاجك ..

تحياتي لإبداعج ...

[شوفو شموخي]

شرفني مروركم ودمتم بموده ولاتحرموني من تواصلكم



تحياتي