ليش الناس وايد تسأل؟؟؟؟

[بنت فضل]

السلام عليكم ورحمة الله وبركاته

ماتلاحظوا هالشي:
لما تمر سنوات والبنت ما تزوجت .. يسألوا: ليش ما تزوجت؟؟؟
ولما تنخطب . يسألوا .. متى بتتزوجين؟؟؟
ولما تتزوج .. متى بتجيبي أولاد؟؟؟
ليش تأخرتي ...
ولما تجيب طفل .. يسألوا .. متى بتجيبي الثاني .. يالله جيبي غيره
وهكذا

ويا ريت لين سويتي الا يقولوه .. يسكتوا
إذا سويتي زين يتكلموا وإذا سويتي شين هم يتكلموا!!!
غريب أمرهم



في أنتظار تفاعلكم مع الموضوع


تحياتي


؛؛ بنت فضل ؛؛

[Kenichi]

فعلاً امرهم غرييب يسألون في ما يعنيهم وما لا يعنيهم



لكن .....انت ليش مستغربه ..التي تقولينه هذا موجود في

جينات كل العرب وبالتحديد اهل الخليج ولتحديد اكثر نساء

اهل الخليج...ولتأكيد التحديات كلها ....فترة شاي

الضحى ...والدوائر الحكوميه ...وجميع الملتقيات النسائيه

وفي اي مكان....(ما عند الحريم غير هالسوالف)


لدرجة اني لما اروح مركز خدمة المواطن او السنترال

ارجع البيت اكون عارف كل المستجدات التي حصلت

لأهالي المنطقه فلما تسألني امي مثلاً دفعت االلي علينا يا

ولد ..اقول لها اي يمه دفعتهم ..بس ما دريتي انه ام حمد

بنتها اخطبت ...وام فلا ولدها طلع تاجر خمور ..وتفاتيش

اللي تصير عند مدخل المطقه كلها بسبته ...إلخ

فول شتسوين يا بنت فضل الطبع هذا ما يروح

وتقبلي مني...Kenichi

[» STyLeyO «]

أول شي يعطيج العافيه إختي بنت فضل على الموضوع الحلو

والناس طال عمرج يسألون وايد من الفضول اللي فيهم وهذا الفضول بكل

إنسان والإنسان عنده رغبه بإنه يعرف كل شي

ويعطيج العافيه ولا تحرمينا من مواضيعج الحلوه

ويلا جاو جاو

[AL7LoOo]

السلام عليكم

مشكوره أختي على هالموضوع ..
بخصوص الأسألـه المطروحه .. او المناقشه بشكل عامّ
الانسان يا إختي طبعه فضولي .. وفضولي جدًا ! ..
وكثير الاسأله احيانًا وفى خاطره يعرف جميع ما يدور بحوله .

واذا كانت الاسأله عفويهّ .. او حباً له لا أرى بها شئ
مثلا ً متى عرسكِ .. او متى المولود وكذا .. لا ارى فيه شئ ابدًا .. هالسؤال ما انطرح الا حباً فيه واستعجالا ً به .

اما اذا كان الهدف غير ذالك .. الله أعلم ! .. ناس تعتبر من النوايه السيئه فى الاسأله التىّ لا تخصهم .

والله المستعان ,,

[شوفو شموخي]

هلا بنت فضل...


شوفي ارضاء الناس غايه لاتدرك




يعني مهما تسوين منقود عليك واللي تقولين عنه فضول زايد وخصوصا عند كبار السن


احيانا يكون مجرد لقافه ومرات يكون تعدي على الخصوصيه


يعني انا اعتقد السؤال عن الحمل قمه في التفاهه لان يمكن يكون السبب من الشخص رغبه في التأجيل



او شي مكتوب من ربه يعني ف الاول والاخير شي خاص




او لما تسأل الموظف عن راتبه والله عيب!!!!



فيه خطوط حمراء لازم الشخص يوقف عندها ويفكر لو هو محل هالشخص ماراح يتضايق!!!!!



تحياتي

[فـــااارس]

يسلمووووو بنت فضل

بصراحه هذى سوالف الحريم وأسألتهم دااايم جذى خصوصا كبار السن

غريزه سبحان الله

[شــمــآلــي]

أولا كل شي قسمه ونصيب ...


وبعدين اللي يبي يسمع كلام النااس يضيييع ...


والواحد ما يقدر يمسك لسان كل شخص ...


واذا أبي التفت لـ كل شخص وأسمعه ماراح أخلص ...


أسوي اللي أبيه وأخطط بروحي وما علي من الناااس ...


تقبلي مروري ..

تحياتي لج ...


( وعسى الله يقينا شر هالفئه من البشر )

[عنوسه ^_~ ماتهاب]

والله انج صدقتي

هذا يمكن بلغه شف


فضول




بس شنو الواحد يقول هذي الناس

وبعضهم يقولوها باسلوب سخيف يضايقك
ولا يحس ابدا



انا عن نفسي اسوي الشي الي مقتنعه فيه

وما اطالع حجي للناس

[HoNeY RoSe]

من راقبه الناس ماته هماً

اذا بتراقبينهم وبيراقبونج والله ما بنتطور ولا بنوصل لشي

وانا اقول كل واحد عليه من نفسه
ماعليه من غيره

عندي موضوع مثل الي انتي تتكلمينه عنه واصلني بالايميل بنقله ان شاء الله بالقسم العام

^_^

[بنت فضل]

الاعضاء الاعزاء


تسلمون على المناقشة وتسلمون على التحاور

والاراء الحلوة


تحياتي لكم

ويكفينا يارب شر هاي النوعية من البشر


تحياتي


؛؛ بنت فضل ؛؛

[اخووو نوره]

اختاه
جميل ما طرحت
وسلمت يداك على طرح
مثل هذا الموضع...
الناس يسئلون كثير
ولكن السوآل نوعان:
الاول هو نوع الفضوول وحب الخير للغير او للمسئول عنه
والنوع الاخر وهو الفضوول والحسد
فالنوع الاول كثير وعسا الله يزيد فيهم
والنوع الاخر اكثر واكثر وعسا الله يقلهم
ويستأصلهم من جذعهم
وقد قال الله تعالى :(( يا ايها الذين امنوا لا تسئلون عن اشياء ان تبد لكم تسئكم))
فالانسان يجب عليه ان يقلل من السوال
وخاصه اذا امرت بامر فلا تفصل فيه لان كثرت التفصيل فيه يزيد تعقيده
عليك وسوف تتركنه عجزا عنه.
.
.
وشكرا لك اختي الفاضله

.
.
اخووو نوره