((..مـــيري في حياتنا ..))

[عنوسه ^_~ ماتهاب]

بسم الله الرحمن الرحيم

ميري في حياتنا ..


::





::



لحد يستغرب!!


::


ميري الخدامه او راما او ما ادري شسمهم

الخدامه بشكل عام


في حياتنا

شنو اصبحت جزء لا يتجزء

شي لا يمكن الاستغناء عنه

بل واصبحت مثل الماء والهواء
وين الحين بيت ما فيه خدامه


::


لا يخلو اي بيت من ابسط بيوت دوله الكويت من الخادمه


التي

تغسل

تطبخ

تنظف
تجيب للي مالها خلق توم قلاص ماي


وتسوي لها عشي

وتغسل الله يعطيها الف عافيه ميري الملابس

وتسوي كل شي


وما تقصر كلش
هم تربي الاولاد
لدرجه ان الاولاد يتكلون هندي او اندوسني او اجنبي



طيب

صح جذي ولا غلط


.!

والله ما ينعرف الحين الصح من الغلط

امي الله يخليها لي تقول البنات الحين خربو والسبب الخدم

بنات الحين متزوجين ما يسوي جاي
ليش
ببيت اهلهم خدم

يجيبون لهم حتي الماي
وهل هذا دلال


::

هل هذا شي صحيح سليم

طيب جذي تربيه البنات

اوكي الي تتحجج وتقول ادرس كلنا ندرس

وكل شي
ندرس ونشتغل بالبيت وكل شي اوكي ولا بعد في وقت فراغ
اشبك فيه بالنت




::



عيب ان البنت تشتغل في بيت اهلها

عيب انها تطبخ
تنظف ملابسها

بالعكس كلنا مدللين بس مو الدلال اني اكون ما افتهم شي ولا اسوي شي


الدلال انه ما يقصرني شي
والذكاء
اني اكون اعرف اطبخ واسوي كل شي
مو فشله خدامه تجي من بره ما تفتهم شي
سنه او سنتين تكون افضل طباخه حق الاكل الكويتي


وانتي بنت كويتيه مولده هني
بيضه ما تقدرين تطبخين

اطرح هذا الموضوع

يمكن البعض يشوفه مو مهم وانا اشوفه مهم جدا جدا


وكلي امل اجد نقاش هادف

واساله لبعض الشباب والبنات


البنات

ميري شنو بحياتج ؟
تدخلين المطبخ ؟
كم مره طبختي ؟
شنو رايج بالبنت الي تطبخ ؟
شنو رايج بالبنت الي ما تعرف شي ؟
واللوم يقع وين علي الاهل ولا البنت نفسها ؟




:+"






اساله للشباب


شنو ميري في حياتك
شنو رايك ببنات هالوقت .؟
شنو رايك بالبنت الي تطبخ ؟
شنو رايك بالبنت الي ما تعرف شي ؟
تحس ان الطبخ شي اساسي والتربيه وكل شي ؟
تفضل حريم اول او بنات هالوقت ؟





::


ولكم مني جزيل الشكر

[HoNeY RoSe]

ميري شنو بحياتج ؟
ولا شي .. انا مو كلشش مع الشغالات .. الا اللهم اذا زا الشغل استعين بصديق الا اهي لووووول

تدخلين المطبخ ؟
اي ..
كم مره طبختي ؟
والله انا مو من هوات الطبخ .. بس جم مرة سويت شي ^_^

شنو رايج بالبنت الي تطبخ ؟
والله خوش وحده واهي الي نافعه نفسها مستقبلا :P

شنو رايج بالبنت الي ما تعرف شي ؟
العوين الله
واللوم يقع وين علي الاهل ولا البنت نفسها
لا ما اقول الاهل .. لانه انا عن نفسي .. امي مو مقصره .. بس انا ماحب الطباخ .. بس شي اكيد اذا تزوجت غصب عني اطبخ .. لانه انا من الناس الي مايحبون ياكلون من ايد الخدم ..

والله خوش موضوع ..
واقول نصيحه الي يعتمدون على شغالاتهم .. مايحتاج اهم يتزوجون دام كل شي الشغاله تسويه
خله يزوجون الشغاله لووووووووووووول
:D

>> جني بنطق لوووووووول

مشكور خيتو ع الموضوع

[بنت فضل]

ميري شنو بحياتج ؟
(ميري لا وجود اليها بيننا واللة يخلي الوالدة ماتحب شي أسمه خدم لا ميري ولا سولا)؛؛

؛؛؛؛؛

تدخلين المطبخ ؟
(اي واايد أدخل المطبخ وكل يوم وكل ساعة يمكن يسموني قطوة مطابخ)؛؛

؛؛؛؛؛
كم مره طبختي ؟

(كل يوم تقريبا )؛؛

؛؛؛؛؛
شنو رايج بالبنت الي تطبخ ؟

(ست بيت ممتازه وبصراحه عجيبه)؛؛ وحلات البنت جدي

؛؛؛؛؛
شنو رايج بالبنت الي ما تعرف شي ؟
(مافي أحد مايعرف شي لازم تتعلم )؛؛

؛؛؛؛
واللوم يقع وين علي الاهل ولا البنت نفسها ؟

(لا على الاهل والبنت في نفس الوقت لان لازم تكون مبادرة من الطرفين في التشجيع )؛؛؛

؛؛؛؛؛
تسلمين عنوس على هالموضوع

وتحياتي لج

بنت فضل؛؛؛

[Kenichi]

الموضوع مهم وجميل...لي عوده

[Na3ooma]

ميري شنو بحياتج ؟
والله عادي مو ذاك الزود انا مع الخدم .. بس خدامتنا صارلها 20 سنة عندنا فمرات اعتمد عليها بأشياء !! بس الباجي مالي شغل فيهم !!

تدخلين المطبخ ؟
ما احب الطبخ كلش !! بس احب اسوي حلووووو

كم مره طبختي ؟
ما اكبخ بس اسوي حلوو .. بس مرة جربت ويا امي بس ما حبيته !!

شنو رايج بالبنت الي تطبخ ؟
امممم !! عادي !! وانا وحدة اختي الي اصغر مني بسنة كله تطبخ و تحب يعني ,.. و اختي الكبيرة ما تستهي ادش المطبخ !! كل واااحد يختلف عن الثاني ,, هذا ميوول مو شرط كل وحدة تطبخ ..


شنو رايج بالبنت الي ما تعرف شي ؟
عااد ما تعرف شي موووليله !! لا ما ينفع جذي ,, على قوولت امي عل اقل دااااارج كوني مسؤوووله عنها .. بس تعرفوون بنات هالايام .. و انا وحدة اعترف امشي سيدة جم يوووم بعدين ..... !!!!!


واللوم يقع وين علي الاهل ولا البنت نفسها ؟


تسلمين عنووووس :)


تقبلي مروووري
الأهل و البنت اثنينهم ..

[اخووو نوره]

اولا شكرا
اخيتي عنوسه ماتهاب على هذا الموضوع الرائع
.
.
.
اساله للشباب


شنو ميري في حياتك
لا مكان لها في حياتي .. الا انها فقط اراها كائن دخيل ومشتغرب

شنو رايك ببنات هالوقت .؟
نوعان :
الاول : ونعم البنت
والثاني : بئس البنت

شنو رايك بالبنت الي تطبخ ؟
هذي هي الفتاه العاقله التي تعلم مكانها اين ومستعده له وهي ما يبحث عنه الآن

شنو رايك بالبنت الي ما تعرف شي ؟
بئس الفتاه.. تركت ما يهمها لما لا يهمها.

تحس ان الطبخ شي اساسي والتربيه وكل شي ؟
بالطبع ... لانها هي اعمال المرءه وربه المنزل فان لم تجدها فمن الذي سيجيدها ؟!!!

تفضل حريم اول او بنات هالوقت ؟
كل لها ميزتها ولكن افضل نساء الماضي لمواجهه الحياه
.
.
.
وشكرا
اخووو نوره

[*TanTosHa*]

عنـــــوسه ..

كـــل الشكــر لــج أختي العزيزة على الطرح المميز
والذي يستحق النقــأش ..

ميري شنو بحياتج ؟

مجرد مساعده للمنزل ..

تدخلين المطبخ ؟

ما أدخل اله في الحالات النادره جدا ..

كم مره طبختي ؟

بصــراحه مودري ..! لاني ماعررف أطبخ ..اله بعض الأشياء البسيطه ..بس مره سويت عيش ..:)

شنو رايج بالبنت الي تطبخ ؟

تفيد ريلها بالمستقبل ..

شنو رايج بالبنت الي ما تعرف شي ؟

تتعــلم ان شاء الله ..

واللوم يقع وين علي الاهل ولا البنت نفسها ؟

ما يقع على أحد ..لانه كل بنت وميولها .والطبخ مو اجباري ..يعني لمن تتزوج تتعلم حق ريلها ..الحين ليش تتعلم ..؟

ويعطيج العافيه

^_^

[AL7LoOo]

السلام عليكم ..
يعطيج العافيه أختي عنوسه .

اولا ً الطبخ ليسّ بواجب ديني محكم للمرأه للعمل طبخ ! ..
لكن رغم هذا .. لا يعنىّ المرأه لا تطبخ ..
ما شاءالله كثير من النسوان يملكون تعليمّ الطبخ بكافة انواعه

والتعليم والطبخ يظهر بالبنت من بعد الزواج مباشرةً .. وشئ اساســي لكن ماهوّ بديني .. شئ اساسي المرأه الكويتيه او الخليجيه بعد الزواج تتعلم الطبخ ..

المرأه ذاتّ عمل وشغل كثير من حقها لو تستطيع توظيف خادمه للشغل وتجهيزات البيت .. ما من عيب ابدًا ..
الشغل كثير . والخادمه راغبهّ فى العمل .. وهالشئ ما يمنع ..

لكن اذا المسألــه وصلت للتربيه ! لا شــئ آخر هذا .. أن الخادمه تربى الاولاد وكذا .. اعتقد مسأله سلبيّه للتربيه ..
لأن الخادمه وظيفتها تخدم ما نحتاجه بوقت انشغالنا بمثل دومات أو شغل لا نستطيع نخدم البيت كاملا ً ..
وليس تربية الاطفال .. !
انا أرى الخادمه وظيفتها الاساسيه للتنظيم وتنظيف والعمل للمنزل بوقت انشغالنا .. وليس للتأمر .
ويجب عليهم الرحمه والطف بمثّل ما أوصى علينا رسول الله صلى الله عليـه وسلم ..

اما عن الاسأله المطروحه كلامي يردّ على الأسأله بالتّمام

جزاج الله خير اختي .. :)

[شوفو شموخي]

البنات

ميري شنو بحياتج ؟

والله هي شر لابد منه لها سلبيات وايجابيات



تدخلين المطبخ؟


اكيد وفنانه فيه وافتخر مافي احلى من السنع





كم مره طبختي ؟


كثيييييير ماينعدون

شنو رايج بالبنت الي تطبخ ؟


خوش بنت واكيد الطبخ فن



شنو رايج بالبنت الي ما تعرف شي ؟


بصراحه شي يقهر لما البنت تفتخر انها بليده ماتعرف شي وتفكره دلع

وبعدين الحين الشباب يبون زوجه تكون مثل امهم في السنع

ومن جيل الحين في التفكير معادله صعبه بس مو مستحيله

واللوم يقع وين علي الاهل ولا البنت نفسها ؟

على الاثنين يعني لازم كل فرد في البيت له مهام معينه يقوم فيها المسأله

تعويد.....


اختي الموضوع مو مهم الااهم من المهم اللي قاعد يصير يفجع

يعني لما تروحين مجمع روحي منطقة العاب الاطفال وانتي تشوفين كل


طفل مع امه عفوا مع خادمته وتأكله وتلعبه وتنومه ولا اذا جاء ياكل تسأل



الام اللي ولدته امه البديله ايش يحب ياكل



والله مسخره وبعدين يقولون ليه الانحراف والعقوق اكيد نتيجة الاهمال


انا ماقول لاتجيبون خدم بس هم في عقدهم جاو لتنظيف البيت وبس


مو تربية عيالنا



يعطيك العافيه عزيزتي

[HaRD]

شنو ميري في حياتك
الهنديه الان بمجمعنا صارت كل شي بالبيت لادرجة أنها تربي الاطفال والاطفال يحبون الخدم أكثر من الام أو الاب

شنو رايك ببنات هالوقت .؟
فيهم الخير والبركه .. بس عندي شغله بخاطري .. البنات هالوقت صارت ماتمشي ولا تحرك نفسها وكل شي تبي يجيها احتمال تطرش زوجها يجيب لها ماي هههههه

شنو رايك بالبنت الي تطبخ ؟
ونعم البنت وهالمجتمع فقد بنات مثل هالبنات .. وانا اتمنى انتي اتزوج مثل هالبنات

شنو رايك بالبنت الي ما تعرف شي ؟
استغفر لله هذي مدلعه وانا .: أكره هالنوع :.

تحس ان الطبخ شي اساسي والتربيه وكل شي ؟
شي أكيد ان الطبخ والتربيه شغلة البنات .. بس الحين عطوهم الحريه يسون اللى يبونه ..

تفضل حريم اول او بنات هالوقت ؟

ههههههه من صجج تسألين هالسؤال أكيد حريم أول والحين نادره تلقى بنت مثل حريم اول









شكراً اختي

[ŋαŋ]

ميري شنو بحياتج ؟

مالها دور عندي .. بس بالنسبه لي جايه تطلب رزقها لا أكثر

تدخلين المطبخ ؟

طبعاً ..

كم مره طبختي ؟

كثير والله يعني أيام الويك أند أنا أللي أسوي عشاي لحالي أذا كانوا أهلي برا البيت و أهي تساعدني بحاجات بسيطه
أو أي يوم خاطري أسوي أكل لي أقول لأمي ترا بسوي كذا وكذا :)

شنو رايج بالبنت الي تطبخ ؟

شي حلو وناااسه خاصه أذا سويتي أكله ومحد ساعدك فيها تحسين أنك قدرتي تسوين شي ^_^

شنو رايج بالبنت الي ما تعرف شي ؟

مصيرها راح تتعلم ،، لأن كل البنات اللي يطبخون الحين و يدخلون المطبخ ،، متعلمات *_*

واللوم يقع وين علي الاهل ولا البنت نفسها ؟

لا الأهل ولا البنت
حب البنت للمطبخ مو شي أساسي .. بس أذا حبيت تدخله و تسوي محد منعها

/
|

تسلمين عنووسه ع الموضوع الروعه صراحه
عجبني
تسلم أيدينك
بأنتظار مزيدك غلاي

[HITLER]

شنو ميري في حياتك ؟

ما ادري عنها .. ومن النوع الي يحب يسوي شغله بنفسه :)

شنو رايك ببنات هالوقت .؟

ماكو منهم فابده

شنو رايك بالبنت الي تطبخ ؟

اعشقها

شنو رايك بالبنت الي ما تعرف شي ؟

خبله

تحس ان الطبخ شي اساسي والتربيه وكل شي ؟

اكييد

تفضل حريم اول او بنات هالوقت ؟

حريم اول يعرفون يطبخون


سلااام

[شــمــآلــي]

هل تعلمين أن نصف السكان بالكويت هي العماله الوافده ...!!


والله غريبه ....


والحين البنت ما تطب بيت الزواج الا الخدامه قدامها ...


ميري << فديتها لو لاها نموت جوع بالبيت والحريم ما يسون أكل ..

ولكن في من البنات اللي ردو والله ما يستغنون عن ميري بس شتسوي تقول كلمة الحق ...

تحياتي لج ...

[حمـوووود وهبـي]

شنو ميري في حياتك
الانثى لا تحس بطعم انوثتها ان لم تكن تواجد الخدامه
شنو رايك ببنات هالوقت .؟
بنات مالهم خلق اي شي الي يهمها ها عبووود يا حبي الوحيد وينك ..؟
احاجيك خلوووووود حياتي وينك ترا انا ما احب غيرك
شنو رايك بالبنت الي تطبخ ؟
افضل البنات
شنو رايك بالبنت الي ما تعرف شي ؟
مو صاحيه ( خبز خبزتيه يا رفله اكليه )
تحس ان الطبخ شي اساسي والتربيه وكل شي ؟
طبعآ
تفضل حريم اول او بنات هالوقت ؟
حريم اول وبس والباجي خس ...!

مشكوره على الموضوع
الجميل والي صاحبته اجمل

[Demon of Dark]

ميري شنو بحياتج ؟
ولا شيء وما احبهم ومن سافرت قبل فتره قلت خلاص مانبي شر وفتكينا منه
تدخلين المطبخ ؟
اي ..
كم مره طبختي ؟
والله وبكل صراحه يوميا :)
شنو رايج بالبنت الي تطبخ ؟
اممم بما ان انا منهم اكيد خوش بنت .. عاد تخطط لمستقبل مو تنطر الخدم يساعدونها
شنو رايج بالبنت الي ما تعرف شي ؟
الله يعينها باجر تتوهق بحياتها


وربي يوفقك الكل

ومشكوره اختي لطرحج الموضوع الرائع

تحياتي