-|[ اكتب/ي احلى لحظة في حياتك ]|-

[(رومانسي)]

انا حبيت اني اطرح هالموضوع للمناقشه

كل انسان مرت عليه فترة حلوه واحلى من الفترات الثانيه

انا بهالموضوع ابي كل شخص يكتب احلى لحظات مرت عليه بحياته

والموضوع مفتوح للكل

[(رومانسي)]

انا راح ابدى اول واحد

احلى فترة مرت علي بحياتي اهي فترة الطفوله

كنا نلعب ونستانس ونسوي كل شي وما نفكر لا بمسؤوليه ولا هذا صح او غلط

كانت عندنا مغامرات ما اعتقد انها مرت على احد

في شغله من الشغلات الي كنا نسويها

كان عمرنا يمكن 11 سنه انا وربعي كلهم كنا نروح المزرعه ونصيد عقارب :)

وطبعا قصص وايد ومغامرات وايد وايد

ويعطيكم العافيه

[شوفو شموخي]

انا بالنسبه لي واجد لحظات حلوه منها:


تخرجي بتفوق,,قبولي في الجامعه بس للاسف ماكملت

لما تزوجت انسان ابيه,,,لما جبت بنوته حلوه,,,,لما غيرت من اشياء مااحبها في نفسي حسيت بالرضا



واكيد لما حسيت انه الله معاي في اكثر من موقف


تحياتي

[*TanTosHa*]

الحـــياه مليئه بالحظـــأت السعيده ..

لحظه تخرجي من الثنويه كــــأنت لحظه حلوة ..

وأول ما سقت سيــــأره كـــأن وناسه ..

ولمن نجحت بلتراي ..:)

بس للاسف بعدين سويت حادث :crying:

اي ..

ولمن شفت نتيجتي اني ناجحه بأول الكورس بلجامعه حدي استانست لاني كنت متوقعه اني ساقطه ..!

ويعطيك العافيه على طرحك الحلو

وأبي أشوف ردك ..

شنو أحلى لحظات حياتك

^_^

[Demon of Dark]

السلام عليكم وررحمة الله وبركاته

مشكور اخوي ع الموضوع

وفعلا الطفوله اهي اللي فيها احلى اللحظات بالعمر
وكل واحد يتمنى انها ترجع ويعيشها ومايكبر يتمنى يوفق بعمر الشقاوه واللعب والمرح
طبعا لا مسؤليات ولا غيره واي شيء يصير يقولون ياهل بعد مافهم صج مرات يعاقبونا لكن نرجع ونقول نجرب
مغامرات ومغامرات ....

انتو تصيدون عقارب شغل عدل ..... كنا نصيد قنديل البحر ويقرصنا بس ماكو فايده
كل هذا عشان ندفنه ويموت شوف الطفوله شلون

وطبعا احلى لحظه بحياتي
كانت وقت تخرجت من الجامعه وبتقدير ممتاز :)


تحياتي

[(رومانسي)]

يعطيكم الهافيه ومشكورين على تجابكم معاي بالموضوع

والمهم في هالموضوع انك لمن تكتب تتذكر هاللحظات وتستانس لمن تكتبها

وتنتوشه انا كتبت احلى لحظات بحياتي فوق

مشكورين

[مينونه صاحيـه]

احلى لحظه بحياتي ؟؟

لما توظفة ..

لما شريت سيارة ..

لما استلمت معاشي وحسيت ان له طعم المعاش لان من تعبي مو من ابوي وامي ولااخواني وخواتي ^0^ بس بصراحه صج تعبو معاي والله يعطيهم العافيه ..

لما عرفت معنى الحب وحبيت ..

ويسلموو خيووو رومانسي عالموضوع الحلو ..

وبنتظار يديدك خيوو ..

ودمت بود ..

مينونه صاحيه

[(رومانسي)]

تسلمين يا مينونه على مرورج الكريم
وانشالله اللحظات الحلوه ما تنقطع من حياتكم وتصير احلى واحلى

[شــمــآلــي]

أحلى لحظات في حياتي ...


طبعاً أيام الطفوله مثل ما قال أخوي رومانسي ...


مغامرات << ههههههههههههههههههههههه والله ذكرتني بشغلات واااجد يمكن لو أقولكم ما تصدقون ...


المغامرات دائماً ما تكون عند الصبيان بس البنات طفولتهم باربي ولعابيب ...

انا طفولتي عشتها بين المشاكل والهوشات ... هههههههههههههههه

يعني موقف صار طريف فيني < خالي طقوه ثلاثه وانا قاعد أطالع فييه جاني واحد قالي انت وياه قلت لأ ههههههههههههههههههههههه بس وقتها يمكن كان عمري 6 سنين


شاكرلك رومانسي << للحينه يضحك ..

[(رومانسي)]

مشكور يا شمالي على مرورك

واكيد طفولة الانسان احلى شي
وكلنا مرينا بالمشاكل وهالسوالف
بس طبعا العمر له دور بالانسان والانسان لمن يكبر شوي يعرف الصح من الغلط
ولازم نغلط علشان نتعلم الصح

وشاكرلك مشاركتك معاي بالموضوع

[HoNeY RoSe]

كل فترات حياتي

كل فتره يكون فيها شي يميزها عن الثانيه

وكل فترات حياتي احبهم انا

مشكور اخوي ع الموضوع

^_^

[بنت فضل]

الغالي

( رومانسي )

؛؛

كل لحظة في حياتي مريت لها طعم خاص ومميز ولكن أجمل لحظات هي مرحلة الطفولة فرغم بساطتهالكنها حلوة بالذكريات الجميلة وأحلى مافيها المرحلة الابتدائية والاعدادية والثانوية باختصار المرحلة الدراسية على الرغم بانني كنت من الشقيات ودائما ما كنت من المعاندين والمشاغبين في الصف الا أنني كنت من المتفوقات

فما أحلاها من من لحظة

مغامرة وشقاوة


فيلتها تعود


تحياتي لك رومانسي

ويعطيك ألف عافية

وعسى أيامك كلها لحظات سعادة وهناء


أختك

بنت فضل ؛؛؛

[قـمـر]

أحلى لحظات حياتي مع الغالي ابوي الله يرحمه


لما أقعد معاه ويسولف لي عن أول


لما يسألني شنو سويتي بالمدرسة ولما اييب له الشهاده ناجحه ويعطيني خمس دنانير هديه كانت اغلي هديه بحياتي


لما كان كل ما يدخل علينا من بعد الدوام يكون بيده شي لي ولاخواني وخواتي من هدايا وحلويات


لما كنت احتاج اي شي الاقيه يسمعني ويكلمني وينصحني ماكنت اروح لاحد بالدنيا غيره


لما نجحت بالتراي وشرالي سياره وما قصرت فيها دعمت فيها علي حياته مرتين وتالي وداها المصلح قمت وسقت سيارته وهم دعمت فيها هههههههه


واشياء كثيرة مادري ابجي او اضحك عليها


فقدته حيل



يعطيك العافيه علي تذكيري باحلى لحظات حياتي



اختك

قمرررررررررر

[(رومانسي)]

مشكورين وايد على مشاركاتكم
وانشالله تكون حياتكم كلها حلوه

انا ادخل هالموضوع اقراه كله ولقرى كل رد فيه
لان كل رد له قصه حلوه

وطبعا ردودكم انتو اهي الي تخلي الموضوع احلى
وشاكر لكم تواجدكم معاي

[s.r.k]

أحلى لحظات بحياتي :


لمن اتفوق بالمدرسة سواء بالابتدائية و المتوسطة و الثانوية .. و اشوف امي قاعدة مع الامهات بالطابور و مستانسة فيني وودها تسويلي اي شي بهاللحظة .:icon_wink:


لمن يصير اجتماع امهات و اقعد انطر امي تطلع من المسرح و اسمع كلام الابلات عني .. و احاتي .لووول

لمن سافرنا صيف 2006 لمدة طويلة

لمن شسمة أحــــم ضعفت

لمن كنت صغيرة و لمن اشوف نفسي بالفيديو اتمنى اني ارجع صغييرة مثل قبل :)

و في شغلة بعد بس حييل سرية .:)


و الله وايد شغلات حلوة .. الا ماندر .. :)

و اللحظات الحلوة ماتخلص الحمدلله


يسلمووو عالموضوع