-|[ زواج رجل وامرأة مخلتفين الجنسية ]|-

[بنت فضل]

مرحبااا

شلونكم عساكم طيبين

حبيت اطرح موضوع انشالله القى فيه التفاعل منكم

شنو رايكم بزواج رجل وامرأة مختلفين الجنسية يعني كل واحد من بلد واهل الطرفين مو موافقين عالزواج
مع انهم يحبون بعض وما يقدرون يعيشون بعيد عن بعض؟؟

والسؤال الثاني ليش برايكم الاهل يرفضون هذا الزواج ؟؟

اتمنى القى ردودكم



بنت فضل ؛؛؛

منقول

[شوفو شموخي]

شنو رايكم بزواج رجل وامرأة مختلفين الجنسية يعني كل واحد من بلد واهل الطرفين مو موافقين عالزواج

((((حلاة الشي رقعته منه وفيه))) وبعدين ماوراء هالزيجات الا المشاكل

لازم التوافق الفكري والمادي والاجتماعي وبعدين بنت البلد اولى



مع انهم يحبون بعض وما يقدرون يعيشون بعيد عن بعض؟؟

عادي الدنيا تنسيهم وجع ساعه ولا العمر كله



والسؤال الثاني ليش برايكم الاهل يرفضون هذا الزواج ؟؟

لانهم عارفين انه الزواج مو متكافيء وخايفين على اولادهم من الفشل اهم


شي مايكونون ضدهم لان الممنوع مرغوب يحاولون يقنعونهم ويشرحون لهم



السلبيات


بس في نقطه نسيت اذكرها انه اذا كانت ظروف المجتمع متقاربه مثلنا في


الخليج فيه زيجات نجحت

[بنت فضل]

اختي محتاجك الليلة
شكرا عــ المرور الجميل
جزاك الله كل خير
على حسن المتابعة
دمت بود


بنت فضل

[شــمــآلــي]

شنو رايكم بزواج رجل وامرأة مختلفين الجنسية يعني كل واحد من بلد واهل الطرفين مو موافقين عالزواج

انا برايي اذا كانو كل واحد من بلد ...

فلازم البنت نفسها تقعد مع الرجل تتكلم معاه تشوفه ويشوفها ويكلمها عن كل شي بصراحه ...

عشان يكون كل شي واضح ...

مع انهم يحبون بعض وما يقدرون يعيشون بعيد عن بعض؟؟

الحب الحقيقي دائما ما يكون بعد الزواج ...

واذا يحبون بعض الأيام كثيره ونعمت النسيان موجوده , مع ان من الصعب نتسى حبيب ...

والسؤال الثاني ليش برايكم الاهل يرفضون هذا الزواج ؟؟

الأم والأب ليس لهم الحق أن يوقفون نصيبها اذا كان الرجل تنطبق عليه مواصفات الرجل الحقيقي من أصل وموظف ...

ومن الناحيه العاطفيه وخاصتاً الأم تصعب عليها أن تبعد ابنتها اللي ربتها كل هالسنين ...

موضوع شيق ...

تقبلي مروري ...

تحياتي لكي ...

[عاشق مهزوم]

شنو رايكم بزواج رجل وامرأة مختلفين الجنسية يعني كل واحد من بلد واهل الطرفين مو موافقين عالزواج

يتزوجون وعادي المهم انه ريال محترم ويستر على البنت ماعندي مانع
مع انهم يحبون بعض وما يقدرون يعيشون بعيد عن بعض؟؟

انا معه الحب وارضي انه تتزوج واحد يحبها وتحبه
والسؤال الثاني ليش برايكم الاهل يرفضون هذا الزواج ؟؟

العدات والتقاليد على كلامهم عاد
والله يعطيج العافيه على الموضوع الرائع

[بنت فضل]

شمالي مزيون

؛؛؛

اخجلت قلمي المتواضع
وتستحق كل الشكر والتقدير
لتواجدك المستمر ولجهودك الرائعة
لاحرمنا تواصلك العذب

بنت فضل

[بنت فضل]

الغالي

(عاشق مهزوم)

يقف القلم اجلالا واكراماا لمرورك المميز
نورت صفحتي بارق الكلمات
دمت بود ومحبة


تحياتي

بنت فضل ؛؛؛

[اماراتى كوول]

تبين الصراحه عن نفسى شو المشكله يعنى
اذا خذت من بلاد ثانيه
واذا كان على موضوع الاهل الاهل يبون النسل يكون من بينهم
بس بعد ما اخذلى امريكى ولا يهودى ولا ..............

[(رومانسي)]

اول شي تسلمين على طرح هالموضوع

السؤوال الاول : اول شي راح اسال نفسي شلون يحبون بعض وكل واحد بديره ؟؟؟

واذا كانت في طريقه انهم يحبون بعض ومتأكدين من قرارهم
هذا شي بكيفهم اذا الرجل والمراه راضين خلاص كيفهم هذي حرية واهم اختاروها


السؤوال الثاني : الاهل ليش يرفضون ؟
طبعا اهم نظرتهم غير
بيسالون شلون تعرف عليها وشلون حبها ؟ واكيد بيقولون العادات والتقاليد الي اهي عاشت فيها غير الي اهو عاش فيها

يعني متأكدين انها ماراح تكمل معاه حياته والاهل يبون وحده تكون منهم وفيهم علشان تفهمهم
يبون وحده باجر تصير ام عيالهم

[بنت فضل]

الغالي

(أماراتي كوول)


شاكرة لكم هذا التواصل..
وهذه المداخلة الرائعة

دمت متألق


تحياتي


بنت فضل ؛؛؛

[بنت فضل]

الغالي

؛؛ رومانسي ؛؛

شاكرة لكم هذا المرور الجميل..
وتعليقك ع الموضوع
اسعدنتي مداخلتك..


ربي يعافيك..
ولاتحرمنا تواصلك الرائع
دمت متالقا

تحياتي بنت فضل..

[مينونه صاحيـه]

شنو رايكم بزواج رجل وامرأة مختلفين الجنسية ؟؟

شي عادي اذا من دوله عربيه او من دول الخليج اوافق هالشي ..

يعني كل واحد من بلد واهل الطرفين مو موافقين عالزواج ؟؟

مثل ماقلت اذا من دول الخليج راح ان شاء الله يتوفقون مع بعض لان العادات والتقاليد والدينا نفس الشي وهذا مراح يمنع انهم يتوفقون مع بعض طبعا ماننسى الاحترام والحب ..... واللخ .. من السبب الزواج الناجح ..

مع انهم يحبون بعض وما يقدرون يعيشون بعيد عن بعض؟؟

طبعا لازم موافق الام والاب عشان يتوفقون واذا الوالدين موافق اللي يحب لازم يضحي يعني مااظل مع شخص وخليه يعاند اهل ويقاطعهم عشاني لازم ابتعد عن والله يوفقه ويوفقني بحياتي والسنين تنسي وادري صعب الواحد ينسى من يحب بس الحمدالله الله عطانا نعمه النسيان ..

والسؤال الثاني ليش برايكم الاهل يرفضون هذا الزواج ؟؟

يمكن يرفضون دينه او سبب اخلاقه او مايبون بنتهم تتغرب عنهم وتروح بعيد عنهم في ناس واايد يحبون اعيالهم ومايبون يفارقونهم ..

يسلموو حبووبه على مواضيعج الحلووه ..

ولاتحرمينا من طلتج ومواضيعج غلأتي ..

ودمتي بود ..

مينونه ميشوو

[hadi_pwc]

انا مو مع تدخل الاهل فى قضية الزواج


لان حالة الزواج حالة استقلال لا تكتمل الا مع الاختيار الحر من الطرفين

واى تدخل من قبل الاهل حتى لو كان فى الاشياء الرمزيه مثل
ثوب الزفاف
او موعد الزفاف
او موقعه
ممكن يسبب مشاكل بين الطرفين تستمر بعد الزواج

فما بالك ان كان اختيار الاهل للزوجه لم يلاقى استحسان الزوج

ففى تلك الحاله نجد الزوج مجبر علا زواج مجاملة لاهله

ولا اظن ان المجامله فى امور الزواج تمر بلا عواقب

الا ما رحم ربى


ودمتم

[عنوسه ^_~ ماتهاب]

::



هلا وغلا بج اختي

موضوع حلو جدا



شنو رايكم بزواج رجل وامرأة مختلفين الجنسية يعني كل واحد من بلد واهل الطرفين مو موافقين عالزواج
مع انهم يحبون بعض وما يقدرون يعيشون بعيد عن بعض؟؟


والله انا الزواج مع القسمه والنصب
وفي مثل يقولونه اهلنا مو حافظه
جنه بنات الشرق للغرب وبنات الغرب للشرق
ومعناه ان البنت تتزوج باي مكان مافي مشاكل وهذي حال الدنيا


والسؤال الثاني ليش برايكم الاهل يرفضون هذا الزواج ؟؟


انا اقول لك طبعا خوي الاهل وحرصهم

ويخافون انه يكون زواج مو ناجح وبس

بس لما يشوفون الاطراف متوافقين ومتفين هالفكره تتغير دايم


وكل الشكر لج يا غناتي :)

[بنت فضل]

الاعضاء الاعزاء


مينونه صاحيه

hadi_pwc

عنوسه ^_~ ماتهاب

؛؛؛؛

بداية سلمت اناملكمـ الرائعة على مانثرتمـ من ارق واعذب حروف تنساب للقلب
فتشفي مابه من جراح..
فدوما تسعدوني بوجودكمـ في صفحتي حتى تزيدوها تالقا
واشراقا..
وفقكمـ الله وعافاكمــــ..
ولاحرمني وصالكمـ المشرف..
دمتم بخير وعشتمـ في مملكة الهدوء..

تحياتي لكمـ



بنت فضل ؛؛؛