-|[ سؤال خطر في بالي وابيكم تجاوبني ]|-

[(رومانسي)]

السلام عليكم

اول شي احب اهنيكم واحب اهني كل شخص يدخل الصفحه ويقرا الموضوع


عندي سؤوال من زمان يخطر فبالي من دخلت هالمنتدى

كل الاعضاء قاعد يحطون مواضيع حلوه وحلول حق الانسان الحزين والي عنده مشاكل والي فقد صديق او حبيب


بس السوؤال : هل احنا قاعد نقرى الموضوع ونطبق الحلول الي فيه ؟ او بس مجرد قراءه وننسى الموضوع ؟


اتمنى من الكل يجاوبني وبكل صراحه

واذا في شخص استفاد من مواضيع خل يقول ويعبر عن مشاعره



دائما : ردودكم جزء من موضوعي

[شوفو شموخي]

اخوي رومانسي

اول شي مشكور ويوم عن يوم تبهرنا بجديدك

انا عن نفسي حاولت اغير من نفسيتي وحتى مبادئي من خلال المنتدى وصدقيني تغيرت كثير يمكن لو تشوف


كتاباتي اول مادخلت كانت حيل شؤم وبعدين لما غبت عنكم ورجعت وربي حسيت انه الدنيا لسى بخير وحلو



الانسان يكون له اخوان في الله وانا اتوقع اني اذا ماساعدت احد على الاقل خففت عليه الانسان احيانا يشكي


مو عشان يبي الحل بس يبي يحس بشوية((طبطبه))



الله لايخليني منكم

[(رومانسي)]

تسلمين يا محتاجك
بصراحه مشاركتج نورت موضوعي

وانا بالفعل وايد استفدت من مواضيع المنتدى
وبالفعل لو نمشي على هالموضايع راح نستفيد
ولو نطبقها اتوقع ان راح نعيش مرتاحين


دائما : ردودكم جزء من موضوعي

[مينونه صاحيـه]

اول شي ::: يسلمووو خيوو عالطرحك للموضوع المميز ..


هل احنا قاعد نقرى الموضوع ونطبق الحلول الي فيه ؟
طبعا كثير ماطبقت الاشياء الحلووه ..


او بس مجرد قراءه وننسى الموضوع ؟

في مواضيع تقراءها وتنسى الموضوع لان يكون مايشدك ولاكن في كثير من المواضيع تشدك وماتنساها ...

وثاني شي ::: عساك عالقووه يارب ..

ودمت بود ..

مينونه ميشوو

[قـمـر]

اي موضوع يكتب نقراه وانا اقرا الردود لانها ممكن اني اقتنع بوجهات النظر اللي اشوفها صح واستفيد من خبراتهم في الدنيا وراح اكيد تفيدني بحياتي


انا عن نفسي نعم اطبق


واللي اشوفه يفيدني ما يضرني بطبقه علي نفسي


وان شفت احد محتاج مشوره بحياتي هم بفيده ان شاء الله


اخوي رومانسي مرات في ناس محتاجين كلمة حلوه ترفع من نفسيتهم


احنا ما نشوفهم بس اللي نقدر عليه بنسويه ونحاول نشيل همومه وننصحه


وصدقني راح يطبق لان محتاج انه يرتاح


اشكرك اخوي رومانسي هالاهتمام والسؤال


اختك

قمرررررررر

[(رومانسي)]

شكرا لج يا مينونه على ردج الحلو

وطبعا في مواضيع تستحق التمعن فيها ونستفيد منها
وطبعا في مواضيع ممكن انها ما نعنيج بشي لانها مو جزء من حياتج او ما مرت عليج ظروفها

دائما : ردودكم جزء من موضوعي

[(رومانسي)]

شكرا لج يا قمر

طبعا كل انسان فينا محتاج حق كلمه حلوه
واحنا بدورنا نحط المواضيع الحلوه الي تشجع الانسان
وكل شخص له خبره بالحياة ولمن نحط هالخبره الكل يستفيد منها
اذا صرت انا احط موضوع وانتي تحطين موضوع وغيرج يحط موضوع
القارء راح يستفيد لان راح يشوف اكثر من تجربه وراح يشوف عدة تجارب ويستفيد منها


دائما : ردودكم جزء من موضوعي

[دنووش]

انا عن نفسي كنت يعيييييده عن المنتدى لظروف شغلي ..

اللحين احاول ارد نفس اول واحسن ..

واتمنى استفيد منكم وتستفيدون مني ...

تحيااتي لك (:

[(رومانسي)]

يا هلا فيج يا دندوشه
او ولكم باك مره ثانيه

وانشالله تستفيدين من مواضيع المنتدى
واذا بغيتي اي مساعده احنا حاظرين

دائما : ردودكم جزء من موضوعي

[*TanTosHa*]

أكيد أطبق ..

عيل ليش قاعدين نقره ونستفيد ..

..

الرومانـــسي ..

يعطيك العافيه على موضوعك الروعه ..
ومــأ قصرتــ ؟؟

^_^

[ALz3L]

اشكرك من صميم قلبي على الموضوع الجميل



ثق يا اخي الحبيب انه الكل ياخذ من المنتدى هذا شي


امه خبر يفرح الناس او خبر يضر الناس او كلمه تجمع القلوب او تفرق القلوب


والاكثير الكثير


اطبق بحياتي من الحكم اللي تقال

ولاكن بحياتي العاديه انا اثق بقراري واحب انه يكون من اقتناع داخلي واكتشفته بموقف وليسه بقرائه بموضوع فهمت قصدي


لانه الحياه الزوجيه والمسؤوليه تعلمك كل شي وتغير مجره حياتك

لانك بالاول تفكر بنفسك والان تفكر بنفسك وشريك حياتك اللي اصبح ظلك وكل مكان وياك فيه


وتقبل مروري

دمت لنا سالم ان شاءالله من كل شر يارب


فمان الله

[(رومانسي)]

شكرا يا تنتوشه على مشاركتج
والله يعطيج العافيه

دائما : ردودكم جزء من موضوعي

[(رومانسي)]

وشكرا لك يا الزعل على مشاركتك وابداء الرأي فيها
طبيعي انك تتخذ قرارك بنفسك

والله يوفقك بحياتك الزوجيه ويديمها عليك طول العمر
والله يخليكم حق بعض انشالله

دائما : ردودكم جزء من موضوعي

[قطوه برونزيه]

الصراحه مو كل المواضيع بس الشغلات اللي تجذبني وجوابها احس ان منه فايده

[عــبــيــطــه]

انا عني توني الي سجلت بهالمنتدى مآامدآني ادخل في اعماقه وافتش فيه:)

بس بحكم خبرتي بالمنتدياات وموااضيعها وخصوصا الموااضيع الي تتكلم عنهآ..

أنآ عني شخصيتي هي هي مآتتغير صعب اني اغيرها من موضوع او موضوعين فما شفت اي اختلااف ..

عموما يعطيك العاافيه ع الموضوع الراائع..تقبل مروري :)