-|[ قانون منع الأختلاط .. رآيك يهمنـي شخصياً ]|-

[SuL6aN]

الـ س ـلآم عليكم ورحـ م ـة الله وبركآته

...

مسآءكم مـ ع ـطر بـ ع ـطر الـجوري والبنفسج ..

موضوعي اليوم عن قانون منع الإختلاط ...

كثيراً ماتناولت الصحافه الكويتيه هذا الموضوع

وكثر الحديث عن هذا الموضوع في الآونة الاخيره

والي ابيه منكم .. ان كل واحد يعطينا رايه في هالموضوع

هل انت مع ولا ضد قآنون منع الأختلآط ؟؟

السؤال بصيـ غ ـه ثآنيه .

هل انت مؤيد لهذآ القـآنون ولا معآرض ..؟؟

اتمنـىى من الكل انه يكتب السبب


.,,,.

شخصياً .. مؤيـد وبـقوه

مثل ما يقولون > الكبت يولد الإنفجآر وهذي مشكله كبيره ..

خصوصاً ان الريال او البنيه الحين في عمر يخليهم يعرفون ويميزون

بين الصح و الغلط وبعدين شنو الفايده من إلغاءه

خصوصاً ان الإختلآط موجود في كل مكان .. ابسط مثال > المجمعات

رأي شـ خ ـصــيىىى

مع إلغآء القـآنـــون .. وإن شاء الله يلـ غ ـوونـه ..

ــــ

ملآحظه "" الموضوع لم يُنقـــل ""

كتب بوآسطتــيىىى

7zN < التـوقيع الـ ي ـديد

Becks << سآبقاً في نهاية كل موضوع

[ALz3L]

هلا بحبيب القلب لا باخوي الغالي


ياقلب اشكرك من صميم قلبي على الموضوع الجميل



انا معارض لانه في اشكال

نعلم انه تزوجد وظائف فيها خلط

واماكن عامه نعلم


ولاكن ليه الخلط شنو الفوائد اللي فيه

يا اخي مافيه ضرر اذا استرم القرار


ولاكن من الممكن توجد اضرار بالغاء القرار


صدقني ماله اي فائده


واذا على انه الخلط يفيد البنات فهذا كلام غير صحيح

نحن الشباب مايفيدنا صدقني

واللي يعارضون الشي هذا اكبر فيه فيهم الشباب


وتقبل رأي


فمان الله


اخوك السابق : مــاأحباليهال

[شوفو شموخي]

]هل انت مع ولا ضد قآنون منع الأختلآط ؟؟


في المدارس انا معاه

]هل انت مؤيد لهذآ القـآنون ولا معآرض ..؟؟

انا مؤيده له لان الاختلاط في مكان ضروره مثل المستشفيات لكن المدارس


ماراح يصير شي لو كان البنات لوحدهم والاولاد كذلك ومايجي من وراه

الا البلاوي وامريكا الحين يفكرون في الغائه وهم الدعوه عندهم ((فري))


لانهم عانو من نتائج الاختلاط صحيح الكبت مرفوض بس هذا مو انفتاح


لانه راح يفتح ابواب صعب تنقفل,,


ارجو ان تتقبل رائي والف شكر لك

[Na3ooma]

اول شي تسلم اخووي على الطرح الرائع للموضوع :)


انا بصراحة اقوول انه مافي شي يخليهم يمنعون الاختلاظ ..

لان الاختلاط موجوود بكل مكان .. بالمجمعات بالمكاتب بالجامعات .. يعني عادي .. والي متربي عدل يعرف شلوون يتصرف في مواقف مثل الي تصير ..


وهذا المجتمع .. المرأة مكملة للرجل .. و هذا رأي شخصي ..

[*TanTosHa*]

في البدايه ..

أح ـــبــ أشكرــركــ على طرحكــ ..

ومنــزمان ما شفتــ مواضيع ــكــ ..؟

بالنســـبه حق القانون التـــأفه انا ضده وبقوة ,,

أنـــا اسنغــرب منهم ..!

يعني الحين خايفين علينا من الخلط ..احنا بكل مكان خلك يت على الجامعه ..!

يعدين في وايد اشياء لازم يهتمون لها بدال مو حاطين دوبهم دوب الخلط الي مضاره واااااايد ..

خل يهتمون حق مواقف الطلبه ..سبب اغلاق الشعب ..ونظام التسجيل الفاشل ..الشكل الخارجــي..والمرافق ..المطاهم الى الاخره من الاشياء المهمة ..

انا اتكلم عن جامعه الكويتــ طبعا ..

وانا مع الاختلاط ..

يع ــطيك العافيه بيكهام ..
واتمنى اشوف مواضيعك الهادفه ..

^_^

[Q8_N]

والله انا مع الاختلاط ... ومنع الاختلاط راح يضر .. لان فيه تخصصات او شعب الطلاب فيها شويه يعني لازم اختلاط

ومثل ما قالت نعومه الاختلاط بكل مكان يعني وقفت بالجامعه ....

واتمنى انهم يركزون على شغلات اهم من الاختلاط لاننا احنا رايحين ندرس مو نلعب

وشكرا

[F%B%I]

آنا من معارضين الختلاط بشده

لأن هذا ارح يأثر على المجتمع

وخاصة انت الحين في امريكا سوو تجارب

ومقارنات بين المدارس اللي فيها الاختلاط والمدارس اللي مافيها اختلاط

وشافو ان بدون اختلاط الدرجات أحسن

هذا رايي

[لنا عمر ٍ بلياك]

I disagree with confusing :D


Specially in the college

Because all students did'not compelete the enough Age ,, which allowe to them to be together

:D

A student ,, is a person who need to develop his self by knowladge ,, So No need to confusing

if you have a Principle that ,, you have to learn and earn the information ??

:D

Thank you i hope for my idea to be clear for reader :D

[HoNeY RoSe]

اممم

مو ضد القانون

لانه بكل مكان فيه اختلاط ..

يعني مثلا بيسون المجمعات فترات .. فترة للحريم وفتره للريال ..
الاشغال ؟؟ معقوله انه يكون قسم للحريم وقسم للرياييل .. بس ما اعترض على الاختلاط ^_^

المستشفى ؟


اممم .. انا ما اعارض الفكره .. واحس عادي


( اختلاف الراي لا يفسد في الود قضيه )

^_^

[ALz3L]

والله يا اخواني وخواتي ادري اني مزعج واشارك اكثر من مره بالموضوع بس الموضوع يطلب المشاركه


انتو تقولون ماتعارضون عن الاختلاط


شنو الفايده فيها؟.


انتو ماسكينه من الزاويه اللي مافيها فايده تبررون رايكم بانه كل مكان له موخلط


واللي يقول الشغل لا في اقسام مخصص للنساء وللرجال


وفي خلط ولاكن موشرط يعني الخلط بيكون ويه ناس مو مراهقين ولا صغار بالنس


الخلط ويه موظفات كبار بالنس وناس معتمده على نفسها

الدراسه مو شي اجباري باستطاعتنا نعيش من غير اختلاط صح

انا اتكلم من الباب اللي فيه ممكن يحصل فيه مشاكل

نعم لاتوجد اختلاط بين البنات والشباب بالمحاضرات ولاكن بالكفتيريه بالممرات والساحات وكل مكان بالجامعه

وهم في مشاكل


اذا انتو نتظرون من باب انه كل مكان في عام اختلاط لا تبررون الشي هذا بليز

وفكرو شوي ولو ثواني

واتمنا تتقبلون مروري ومشاركتي ومحد يزعل بليز


فمان الله

[SuL6aN]

ALz3L

اولاً : يـ ع ـطيك العآفيه ع التوآصل و ع الطلــه

ثآنياً وليس آخراً : انت مـ ع ـآرض . هذا رآيك واحنا نحترم وجهآت النظر المختلفه

حبيبـيىى انا موضوعي وآضح انا اقصد الاختلاط بالجآمعات والكليات التطبيقيه

انت شاركت مرتين وانا احب العضو الي جذي الي يشارك ويناقش

هذا اسمه منتدى النقآش الجآد . يعني المفروض العضو يشارك ويقرا ردود الأعضاء ويناقش

مو هذا موضوعنآ

...

انت في مشاركاتك تقول شنو الفايده من إلغآئه و وين المشكله إذا استمر.. ؟

المشكله الله يسلمك كبيره شوف معــآي
اولاً: هذا يكلف الدوله مبالغ كبيره عشان يفصلون المرافق وجذي
ثانياً: الشعب المغلقه واعتقد الشباب ماقصروا وشرحوا الموضوع
يعني الحين عندك صف فيه 4 بنآت وصف فيه 23 طالب كل هذا
بسبب القآنون الـفاشل الي اهوه قانون منع الإختلآط
الموضوع اكبر من انه الاختلاط موجود في الأمآكن العآمه ..

النقطه الثانيه الي بناقشك فيها . الي حضرتك تقول فيها ان الإختلاط يضر الشباب
انت قصدك يشتت انتباه الطلبه عدل ؟
صدقنـيىى هذا الموضوع مو من الاختلاط الموضوع يعتمد على تفكير الإنسان
يعني الحين احنا نشوف شباب متفوقين بالجآمعه وشباب مايدرون وين الله قاطهم
همهم الوحيد البنات .. شخصياً .. ولد عمتي تخرج الحين واهوه متفوق
يعني الموضوع كله يعتمد بالدرجة الأولى على تفكير الإنسآن
والمشكله ان شبابنا نظرتهم للبنات انهم جسد بس والاختلاط يمكن يخليهم يغيرون الفكره هذي
احنا المفروض نشوف البنات على انهم عقل مو جسد

يـ ع ـطيك الـ ع ــآفيه ع التوآصل حبيبـيىىى

نورت الموضوع

(F)

ـــــــــــــــــــــــ

محتاجك الليله

رآيج نـ ح ـترمه

والـ م ـوضوع عن الجآمعه مو عن المدآرس ..

ملآحظه : اعتقد ان البيئه الي يعيش فيها الإنسان اهيا السبب وهذي مو قنآعات شخصيه

حيآج الله
ــــــــــــــــــــــــ

Na3ooma

الله يســلــ م ــج

عدل كلآمج . التربيه اهيا الأساس والي متربي عدل يعرف شلون يتصرف

مـ ن ـوره

ـــــــــــــــــــــــ

*TanTosHa*

الـ ع ـفــو آنسه / تنتـش

ومنــزمان ما شفتــ مواضيع ــكــ ..؟
مثلـج عآرف آخر سنه بالثآنويه وهذا اهوه السبب

عدل كلآمج والله لازم يهتمون بمواضيع ثانيه غير هذا الموضوع

الي ذكرتيها ومنها // مواقف الطلبه وسبب اغلاق الشعب

انتي مع الإختلآط .. وآنا مع الإختلآط وان شاء الله يلغون القآنون

تسلمين ع الطله .. مـ ن ـوره

ـــــــــــــــــــــــــــــ

Q8_N

القآنون هذا الي اهوه منع الإختلآط .. اثبت فشله

والأرقام والأدله تثبت هالشي

ومنها انه سبب في تأخير التخرج

تـ س ـلم ع الـ م ـرور

ــــــــــــــــــــــــــ

F%B%I

حبيبـيىى لكل مجتـ م ـع قوآنينه احنا ليش نقول امريكا وامريكا

الموضوع اكبر من مسألة تقلـ ي ـد الغرب او امريكآ واعتقد

شرحنا الموضوع

مشكور ع التوآصل
ـــــــــــــــــــــــــــــــــــــ

لنا عمر ٍ بلياك

نحتـرم رآيــك

انا اختلف معاك في النقطه الي تقول ان عمر الطلآب صغير ع الإختلآط

بالعكـس انا اشوف انهم يميزون بين الصح والغلط وشنو الي يضرهم والي يفيدهم

عدل كلامك اهوه يطور نفسه ورايح يدرس وهذا ما نختلف عليه

بس اعتقد ان الاختلاط مايضر والتربيه اهيا الاساس مو العمر والتفكير يلعب دور كبير في هالموضوع

يـ ع ـطيك العآفيه ع الطله

مـ ن ـور

ــــــــــــــــــــــــ

HoNeY RoSe

مصيبه .. بل طآمه كبرى .. اذا يسوون المجمعات فتره للحريم وفتره للشبآب

تسلمين ع الـ م ـرور

ــــــــــــــــــــــــــــــ

يـ ع ـطيكم الـ ع ـآفيه ع الـتـــوآصــــل

مشكـورين

وانا عندي ملآحظه صغيره او اهوه سؤال بمعنى اصح :

( منو الـ ح ـلو الي عدل اسم الـ م ـوضوع )

انا كآتب اسم الموضوع . رآيك يهمنـيىى واعتقد انا حر بإختيار الاسم

مشكورين مره ثآنيه

7zN

[قـمـر]

هل انت مؤيد لهذآ القـآنون ولا معآرض ..؟؟



انا مؤيدة للقانون واتمنى يطبق لان المشاكل زادت عن حدها والحل بمنع الاختلاط


اشكرك اخوي بيكهام عالموضوع

اختك

قمررر

[SuL6aN]

قـ م ـر

حيآج الله

تسلمين ع المرور

[HoNeY RoSe]

خيو انا الي عدلت .. وسوري اكا حطيت الباقي

وانا اختصرت العنوان .. ^_^

بس انت تبيه جذيه
^_^

[Na3ooma]

ممكن ارد على بعض المعارضين .. اول شي مو قاعدين نبرر انه الاختلاط موجود بكل مكان ..

أول شي اذا الواحد تعود على شي ماراح يقد يغيره ..

فالنفرض انه ماكان فيه اختلاط و الشخص تعود على هالشي !!

اشتغل !! .. و المكان الي اهوا فيه كله اختلاط .. !! شلوون بيتعامل مع الناس .. راح يحس انه هذا شي غريب عليه ..


يعني لو كان في اخنلاط بالجامعات و الكليات راح يعرف يتعامل بعدين .. و مثل ما قالت اختي تنتوووشة يعني بدال لا يقعدوون يفكروون بالقوانين خل يفكروووون بأشياء تفيدنا بجامعة الكويت احنا كطلبة قاعدين محتاجينها ..

وكل واحد له رأيه ..


تسلمون ..

و تقبلوا خالص احترامي ..