احلى سهرة برمضان مع كويت 777

[بقايا أثر]

رد: احلى سهرة برمضان مع كويت 777

شكرا على هذا الموضوع

نبدي بسم الله ..

1- أختار أسامي 3 أعضاء / وعضوات وتوصفهم لنا
الوصف مايزيد عن ثلاث كلمات لكل عضو ولا ينقص عن كلمة وحدة ؟

عاشق حزين: طيب وحبوب

بيوو : شيطون صغير

سارونه :اخلاقها عاليه

ممكن تهدي العضو ات هدية اذا حبيت تهديه مثلا اغنيه . او توقيع / او خاطره /
المهم الاهداء يكون حسب ذوقك ؟

اهديلهم احلا دعوه اتمنى من رب العالمين يستجيبها ان الله يوفقهم ويهديهم الى الطريق الصحيح ويوفقهم بدراستهم وان يعطيهم كل اللى فى بالهم ويجعلهم من الصالحين الناجين من هذى الدنيا الغداره

اكتب لنا شنو كان فطورك نفسى الليله اللي وقع عليك الاختيار

فطورى كان فى بيت اختى الغاليه زهره كان عيش مع دياى يم يم لذيذ مع حميسة بيديان مع بطاط يم يم لذيذ ...

وشنو سحورك ؟سحورى كان معكرونه +كبة لحم +سمبوسه جبن +عصيده

العضو يقول لنا نكته او قصة حصلت له برمضان / يضحك ونضحك معاه

امممممممممممممم
كان اعتقد ثانى ايام من رمضان وكنت طالعه آآخذ ولدى نتمشا وكنت حاطه على مارينا اف ام 888.8اسمع بعد ما وديت ولدى بيت ابوه كان اسم البرنامج boo
انشديت له وقلت عادى ما يخوف وشاركت وما توقعت ان راح يدقون..

دقوو على وانا بالطريج الساعه 12 الا ربع وطلعت على الهوا وانا راجعه البيت افتح الباب واهوه المذيع يخرعنى وحطلى قصه نفس قصتى فقمت اضحك على الهوا قالى المذيع ترى البرنامج ما يضحك قلته لألألأ بس من الخرعه والقصه اللى حاطها نفس قصتى ..

قالى عيل لج اللى ياى وسالنى وخسرت من الخرعه

وقالى يلا يا صفاء انتى بالفرامه

ولمن سكرت الخط قعدت اضحك على روحى عشت بجو رعب وخوف وحسيت باللى يشاركون بالبرنامج صج يرتبكون من الخرعه

وفيه موقف ثانى

كان ضايق خلقى حيييل وقاعده ابروحى بالبيت دقت رفيجتى ويت عندى البيت طبعا انا مغرمه فى البرنامج BOoيعنى اذا ما كنت بره افتح اللوب توب واقعد اشوف واسمعهم بث مباشر يكون صوت وصوره
المهم كنا مندمجين بالسوالف واللوب توب بالصاله واحنا بغرفة ولدى قاعدين انرتب صور ولدى من كان صغير لحد ما كبر الحين الله يخليه لى وفجأه نسمع صوت باب ينفتح واحنا نطالع بعض منصدمين منو اللى فتح الباب واشوى بنصارخ وفجأه تذكرت ان انا حاطه على البرنامج BOOوالصوت فتح الباب من القصه اللى حاطها قعدنا نضحك ضحك ما انسا هاليوم

اخر سؤال العضو يقوله حق اللي يختاره . يختار السؤال على كيفه يبيه ديني او فني او اجتماعي او تاريخي على راحته ؟

شنو الي خلاك تدش \ تدشين المنتدى ؟

اللى خلانى اشارك بالمنتدى ان قدمت استقالتى من الدوام وطليقى خذا حضانة ولدى وعشان اسلى روحى ولا اصير مينونه من فراق ولدى اشتركت بالمنتدى ومن يومها صار بيتى الثانى اللى اشكى له همومى واتسلى واضحك مع بيتى كويت 777 الله لا يحرمنى منكم

و اخيرا اشكركم على الموضوع

واشكر بيووو اللى ذكرنى بهذا الموضوع اللى ما ادرى عنه وبفضل بيووو دشيت هالموضوع

وشكرا لكم مره أخرى

والسؤال لج يا همس شنو اكثر شى تحبينه

و اهدي المصباح لــأختى العزيزه همس

تفضلي

الفانوس

[اريش العين]

رد: احلى سهرة برمضان مع كويت 777

اووووووه ..



سهرات من ورانــا ..





وين بـي مكـان تقعدون ..

[همـس]

رد: احلى سهرة برمضان مع كويت 777

شكراً لكم ..

[همـس]

رد: احلى سهرة برمضان مع كويت 777

[align=right]السلام عليكم ورحمه ..

شكرا ً بقايا أثر لـ / دعوة

نبدأ بـ / الاسئله

س1 :-أختار أسامي 3 أعضاء / وعضوات وتوصفهم لنا

اخاً لم تلده امي

{ صعلوك متمرد }

كلمة طيبه قليلة

{ just:)smile }

أغبى من رأيت

{ أريش العين }

س2 : ممكن تهدي العضو ات هدية اذا حبيت تهديه

مثلا اغنيه . او توقيع / او خاطره /

أهدي لهم

سبحان الله وبحمده ~ سبحان الله العظيم

3- اكتب لنا شنو كان فطورك نفسى الليله اللي وقع عليك الاختيار
عيش ولحم وتشريبه وقيمات ومعكرونيا

وسنبوسه على قولة امي وشوربا ذره

ناكل وبس

/ وشنو سحورك ؟

معكرونيا


4- شنو اكثر شي تحبينه ؟

منتدى كويت 777


5- السؤال حق just:)smile

شنو سر غيابتس عن المنتدى ؟


واعطي الفانوس لـ / just:)smile [/align]

[just:)smile]

رد: احلى سهرة برمضان مع كويت 777

5- السؤال حق just:)smile

شنو سر غيابتس عن المنتدى ؟

أنا غاايبه ؟؟؟

انا 24 ساعه رازه الفيس هون ما من شغل :>



===========================



س1 :-أختار أسامي 3 أعضاء / وعضوات وتوصفهم لنا

أوراد << لسان طويل بس قلب ابيض و اغلى صديقه لي هون :>

همس << هالبنت حبوووبه و عليها غشمره ما تعرف هي صج او جذب :>

سهم الغلا << حبيبه قلبي :>


س2 : ممكن تهدي العضو ات هدية اذا حبيت تهديه

اممممممممممممممممممممم
و الله ما يحضرني شي الحين :>


3- اكتب لنا شنو كان فطورك نفسى الليله اللي وقع عليك الاختيار

الفطور : مجبوس دجاج - شوربا - كبه - خبز عروق - لقيمات - هريسه - سلطه - ملوخيه - تشريب -:>


/ وشنو سحورك ؟

كورن فليكس :>



4- شنو اكثر شي تحبينه ؟

أنا :> و أغلى الناس :>





5- ما من سؤال

بس الفانوس بأعطيه لأوراد :>



همس تنكيووو عالاختيار :>

[الشرير اللذيذ]

رد: احلى سهرة برمضان مع كويت 777

/ وشنو سحورك ؟ كورن فليكس :> ~ <-- أَنـْتَيِ مَتّـأَكـَدة ~.؟

[just:)smile]

رد: احلى سهرة برمضان مع كويت 777

يس متأكده << مسويه رجيم :>

ترى الفطور مو فطوري كله لا الفطور العام :>

[الشرير اللذيذ]

رد: احلى سهرة برمضان مع كويت 777

عـَلِيَجْ بـِ / آلعـَآفِيَّة .. ~

وِ يَآ حـَلُوِ رٍمضـَآنَ حـَلْوِآآه ~


سـَبْحآنَ آلله رِآح بـَرٍمَشْة عِيَنَ ~

[~..دمــووع..~]

رد: احلى سهرة برمضان مع كويت 777

[align=center][table1="width:95%;"][cell="filter:;"][align=center]ليش ما نجدد الموضوووع يا شبآآب :> [/align][/cell][/table1][/align]