تويت
السلام عليكم
يمكن الي من زمان يشبكون او الي قدم يعرفون برنامج الـ mirc
هو اقدم برنامج محادثة على الانترنت وهو الاشهر !!
اليوم حبيت اشرح هذا البرنامج للي ما يعرفه لانه يحتاج الى شرح بسيط!
اولاً تحميل النسخه الي فيها خط عربي وهي الاصداره رقم 6.35
تحميل من موقع البرنامج
اخر اصدار من البرنامج هو 7.22 لكن للاسف مافيه عربي..
الان نبدأ الشرح ، بعد تحميل البرنامج شغل ملف التثبيت
اضغط نكست
اضغط على موافق وكمل لي الاخر.. الى ان يأتيك finish
الحين جذي احنا خلصنا من تثبيت البرنامج ، لكن البرنامج يعطيك الى 30 يوم فقط ويقفل
فعشان جذي قبل ما نشغل البرنامج نعمله كراك ونسجله..
تحميل الكراك من هنا او هنا او هنا
لكن قبل ما نسوي الكراك لازم البرنامج يكون مو شغال.. يعني خله طافي..
الحين شغل الكراك
يظهر معانا هذا المربع
اضغط على كلمة patch واذهب الى وين ثبت في البرنامج وغالبا يكون c:\programs files\mirc
بعد ما نضغط على patch .. لاحظ عندك نيم وسيريال
افتح الحين برنامج mirc وروح على قائمة هيلب ومن ثم رجستر والصق النيم والسيريال
ومن بعدها ok
الحين خلصنا من عملية التسجيل ، وصار البرنامج كامل..
ملاحظه: مو ضروري انك تعمل هالخطوات كلها لكن بعد الـ 30 يوم لازم تسويها او ماراح يبطل البرنامج.
ملاحظه اخرى: بعض البرامج تعتبر ملف الكراك فايروس وبعضها لا ، تمت تجربة الكراك على جهازي وسليم مافيه اي شي.
نكمل الان شرح البرنامج وكيف تشبك على سيرفر dalnet وهذا لانه فيه عرب
الحين لما تروح قائمة file بعدين سلكت سيرفر
او انك لما تدخل البرنامج مره ثانيه يطلع هذا البوكس ..
مثل ماهو موضح بالصوره..
اكتب البيانات الموضحه بالفل نيم والايميل واختر نك ولازم يكون بالانجليزي فقط بعدها على اليسار روح على قائمة identd
حط علامة صح على enable identd server واكتب اي شي باليوزر اي دي
بعدها روح على اليسار على servers ونختار من هذه اللسته dalnet
اضغط على اي سيرفر من الي تحت الـ dalnet دبل كلك وراح يرجعنا على الشاشه الرئيسية..
الحين جذي كل شي جاهز فقط نضغط على connect وننظر شوي على ما يشبك السيرفر
بعدها راح يطلع لنا جذي..
هني نقدر ندخل على اي روم او جنل channel
مثلا kuwait
والحين خلاص جذي تمت العمليه بنجاح
واسف على الاطاله