حــصــريــا ريمكس سنوات الضياع

[حـبـي الكويت]

بسم الله الرحمن الرحيم
السلام عليكم ورحمة الله وبركاته
شلونكم فديتكم ان شاء الله بخير
واخيرا فضيت وقدرت انزل ريمكس
للمسلسل التركي سنوات الضياع:)
الريمكس عباره عن نغمه سنوات الضياع
اللي تطلع كل 5 دقايق في الحلقه الوحده:P
مع قصيده للشاعر حامد زيد

انا يوم سمعت القصيده حسيت انها راكبه ع المسلسل
وانه يتكلم عن قصه المسلسل والاحداث اللي تصير
وكأن حامد زيد يقصد سنوات الضياع:P
المهم انا فسرتها ع طريقتي طبعا أحداث القصيده من الحلقه 106 وطالع
RiMx Ihlamurlar altinda by:7oby Alq8
---------------------------
اضغط هنا للتحميل
---------------------------
يلا ببدي بالقصيده وتفسيري:P
كانها بالحميا كل ربعي قروم @@@ لو يلدون لاصعاب الظروف صلحت
طبعا هذيلا ربع يحيي أكرم و صالح والكل يعرف وقفتهم مع يحيي


========================
بين صدة عزيز وكبرياء مهزوم@@@ عين شحت على وعينٍ استسمحت
يعني يوم لميس صدد عن يحيي فتره طوويله وييت في هالفتره سحر وحنت ع يحيي


========================
حسبي الله على الي مابغاها تدوم @@@ من بعد كيف كانت شوف كيف اصبحت
يقصد تيم يوم سبب المشاكل لـ لميس وغير حياتها الي الاسوأ

========================
خصها الله بوصفٍ من خيال معدوم @@@ لا اذان اسمعت به ولاعيون المحت
كن ربي خلقها من بياض الغيوم @@@ ومن كفوف السحابه بالورد القحت
عن سواها فرقها بالقمر والنجوم @@@ وكل عذرى تباها بالجمال انزحت
بالحلا هي كوم وباقي الناس كوم @@@ كفتٍ عادلوها بالبشر وارجحت
وصف لميس..

========================
احرمت نور عيني من غلا ريم دوم @@@ بذرةٍ وارتوتني واثمرت واطرحت
بدلو اسم ريم الي لميس.. وتخيلوا يحيي اللي كاتب القصيده:P
========================
وهذي القصيده كامله
لو تعرف الخطايا كيف كنت محروم @@@ كان سود الليالي يوم طحت سمحت
لو هموم المفارق مثل كل الهموم @@@ ماتشوفون عيني بالدموع سبحت
ولو تحل المشاكل عقب حب الخشوم @@@ كان حبيت خشم المشكله واستحت
بين صدة عزيز وكبرياء مهزوم@@@ عين شحت على وعينٍ استسمحت
بس مالله خلقني من بكاي معصوم @@@ وادري انه المحاجر لو تفيض افضحت
والله اني على جرحي صبور وكتوم @@@ لكن ان الدموع ان روحت روحت
اعذلتني ظروفي وانهكتني عزوم @@@ والوجيه احزنتي والقلوب افرحت
والله ان الليالي ماتعرف السلوم @@@ قلب جافي لقاه ووجه صافي بحت
راهنتني تبلل بالدموم الكموم @@@ ويشهد الله عليها راهنت واربحت
احرمت نور عيني من غلا ريم دوم @@@ بذرةٍ وارتوتني واثمرت واطرحت
جادلٍ دوم ماهي مثلها كل يوم @@@ استضاحت غموض وبالغموض اوضحت
دورت بين قلبي والهدب درب نوم@@@ وامرحت وين مدري المهم امرحت
تنحت اسمي بقلبٍ جيت فيه معزوم @@@ واسمها بين جلدي والعظام انحت
مثل جفني لعيني بالنعاس محكوم @@@ كل مانمت نامت كل ماصحى صحت
ماتعارض كلامي غير عند اللزوم @@@ بس لا قمت اسولف واندمجت سرحت
دايم ازعل عليها بس قلبي رحوم @@@ وهي تموت بعذابي من تحت لي تحت
مثل وجه الصداقه في ثياب الخصوم @@@ ان تطيبت طابت وان جرحت اجرحت
خصها الله بوصفٍ من خيال معدوم @@@ لا اذان اسمعت به ولاعيون المحت
كن ربي خلقها من بياض الغيوم @@@ ومن كفوف السحابه بالورد القحت
عن سواها فرقها بالقمر والنجوم @@@ وكل عذرى تباها بالجمال انزحت
بالحلا هي كوم وباقي الناس كوم @@@ كفتٍ عادلوها بالبشر وارجحت
حسبي الله على الي مابغاها تدوم @@@ من بعد كيف كانت شوف كيف اصبحت
لاتحقق وصال ولا فراق محتوم @@@ خطةٍ قربتني للفشل وانجحت
لعنة العشق تبقى مثل ضرب السهوم @@@ لو محى الوقت جرحه طعنته ما انمحت
كيف ابنسى وانا الي من جفاف لسموم @@@ ماحشمت العيون ولا الدموع فلحت
كانها بالحميا كل ربعي قروم @@@ لو يلدون لاصعاب الظروف صلحت
اجزم ان كنت ياقلبي شجاع وجزوم @@@ لد لعيون بنتٍ لا التفت الفحت
ماتهين البخيل الى يدين الخدوم @@@ دام كف الخطايا بالجفا لوحت
نطح الباس باس ونطح اللوم لوم @@@ وان تهدت تهد وصيح ان صيحت
ياتعيش بمعزه ياتموت محشوم @@@ ودك ان الليالي لافعلت امدحت
عمر ضعف الاراده مايسر الرخوم @@@ ضربت السيف لو بيد الشجاع ذبحت
ان شاء الله يعجبكم موضوعي
والسموحة ع الاقصور ^_^

[الـدلـع مبـتليـنـي]

وااااااااااااااااااااااااااااااااااو روعــــــــه


اموت على حامد زيــد ومسلسل سنوات الضيــاع


يعني اثنينهــــــــم روعـــــــــــه


يعطيــكـ الف عافيـــــه بس السموحه مو بالقسم السحيح ينقــــل الى قسم الويفــات والثيمــات

[حـبـي الكويت]

مرورج الروووعة أختي
تسلمين ع المرور والنقل
تحياتي لج:icon_wink:

[kiwi]

" حبي الكويت"

يعطيج الف عافيه عالريمكسات

روووعهـ
^_^
تسلمين
وقواج الله

:)

[جمعان بوند]

كانها بالحميا كل ربعي قروم @@@ لو يلدون لاصعاب الظروف صلحت

اخوي هذي عن ربعه العوازم : )


وشكرا بس صج راكبه عليها : )

[حـبـي الكويت]

تسلمين كيوي ع المرور

انا ولد مو بنت ^_^

==========


جمعان بوند شاكر لك مرورك يالغالي

عندي خبر انه يقصد ربعه العوازم

فديت ربعي والله:icon_wink:

[ضـاري]

[align=center]روعه



الف شكر على هالابدااااع



تقبلي احترااامي [/align]

[حـبـي الكويت]

مرورك الرووعة أخوي ضاري

تسلم ع المرور ويعطيك العافيه