سلسلة الدروس للبوكيت بي سي Pocket_PC (ايميت كيوتك IPAQ)

[AL_MoHaNdS]

مرحبا اخواني واخواتي
انشاء الله في هالموضوع
بحط مجموعه من الدروس اللي تفيد مستخدمين البوكيت بي سي
طبعا معظم المستخدمين يعرفون هالمواضيع بس في البعض ما يعرفها
وانشاء الله نفيد كل الاعضاء اللي معانا في المنتدى
واي عضو يريد شرح عن شيء معين يقول وانشاء الله بنحط الدرس اللي يبغيه

اليوم بيكون شرحنا عن كيفية تحط صورة موجوده عندك على البوكيت بي سي كخلفيه
بعض الاحيان تكون في صوره عندك على البوكيت بي سي حجمها صغير ولو تحطها بيكون في فراغات
او يكون في اشياء ثانيه في الصوره ما تبغي انك تحطها في الخلفيه
تبغي بس جزء معين من الصوره
اول شيء تسويه تروح على قائمة البرامج وتختار البرنامج Album مثل ما تشوفون في الصوره



بعد ما تدخل على هالبرنامج تختار الصوره اللي تبيها
بتطلع الصوره في البرنامج
اختار tools
وبعدين set as today wallpaper



بعدين بيطلعلك الشكل التالي اضغط اوكي



وروح على الدسك توب بتلقى الصوره موجوده كخلفيه مثل ما تشوفون



بس تلاحظون ان الصوره طلعت صغيره وفي فراغات بيضاء طلعت مع الصوره
ممكن نتغلب على هالمشكله بان نروح على نفس البرنامج مثل ما شرحنا من قبل
ونضغط على زوم لحد ما نختار الشكل و الحجم اللي نبيه مثل ماتشوفون في الصوره عملنا زوم فيها لحد ما وصلنا للشكل اللي نبغيه طبعا تقدر تحرك الصوره يمين ويسار بالقلم لحد ما تختار المكان المناسب الها

بعد ما اخترنا الجزء المناسب من الصوره
نعمل نفس الاجراءات tools بعدين set as today wallpaper
ونروح على الدسك توب بنشوف الصوره طلعت بالشكل اللي اخترناه مثل ما تشوفون في الصوره

اتمنى اني اكون وفقت في الشرح وانشاء الله الدرس القادم بيكون عن الباك اب
اخوكم المهندس

[AL_MoHaNdS]

الدرس الثاني الباك اب
الحين بنتكلم عن الدرس الثاني
اللي هوه كيف نسوي باك اب للبوكيت بي سي
اول شيء لازم نعرف شوه هوه الباك اب ؟
اباك اب هو انك تحفظ جزء او كل المعلومات اللي موجوده في البوكيت بي سي علشان اذا صار شيء لاسامح الله للبوكيت بي سي واضطريت انك تفرمته ترجع كل المعلومات مره ثانيه بسرعه وبطريقه سهله
في نوعين للباك اب
انك تعمل باك اب للاسماء والمواعيد وتضبيط الاتصال
وهذا النوع يتخزن في ذاكرة الجهاز بعد ماتفرمت الجهاز بيرجعن اوتوماتيكيا
اما كيف تعمل هذا الباك اب
تروح على settings مثل ما تشوفون في الصوره

بعدين تختار system


واخر شيء تختار permanent save وبتطلع الصوره هذي

اختر الاشياء اللي تبي تخزنها
واضغط اوكي وبهذي الطريقه تكون خزنت الاسماء والمواعيد وتضبيط الاتصال
اما الباك اب الثاني هو اللي تخزن كل شيء موجود في الجهاز الصور البرامج واي حاجه موجوده فيه
وطريقتها
تروح program وتختار xBackup مثل الصوره القادمه

بيطلعلك الشكل التالي

تحط نقطه على all data
وضغط على فايل وتختار storage card لانه الفايل بيكون كبير واحسن تخزنه على الكرت


وبعدين تضغط start وتنتظر لحد مايخلص التحميل
بهذا الشكل تكون عملت باك اب للجهاز في الجهاز نفسه وماتحتاج للكمبيوتر علشان تخزن فيه الباك اب
اما كيف تعمل restore للمعلومات اللي حفظتها
الطريقه الاولى اوتوماتيكيا تعمل ريستور بعد ما تفرمت الجهاز
اما الطريقه الثانيه تروح لنفس البرنامج وتضغط على restore وتختار file وبعده storage card واخر شيء تضغط start بترجع كل المعلومات للجهاز

وخلص الدرس الثاني

AL_MoHaNdS

[alamoOora]

يسلموووووووووو ايديك المهندس ويعطيك الف الف الف عافيه على المجهود ياعسل

[AL_MoHaNdS]

الله يسلمج
وانا اشكرج على المرووور

[THE_DOCTOR]

ماتقصر اخوي على الشرح

[AL_MoHaNdS]

يعطيك العافيه اخوي على ردك
والى الامام