إعـــــــلان

تقليص
لا يوجد إعلان حتى الآن.

مسجات عجيبه غريبه لعيونكم ..!!؟

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مسجات عجيبه غريبه لعيونكم ..!!؟

    [frame="7 80"]

    أروي ضمى غيرى وأنا يابس الريق
    وأضحك واجامل لو مانـى برايـق
    وإن ضقت أسلّي خاطري بالطواريق
    وأستلهـم الفرحـه لنفسـي دقايـق
    وإن شفتك بعينيي وفي خاطري ضيق
    إنزاح هم القلـب وأصبحـت فايـق




    أبكي قصيده وأشبك البيت بالبيت
    وأشكي قوافي الليل من كل ضيقه
    وأدخل في بحور الشعر لامن تجليت
    وأغوص في وسط البحور العميقه
    في حبكم لاني بحي ولا ميت
    كني كسير الطير ماله طريقه
    في زمانك محد يشيل همك
    لاحبيبك لا أخوك لا رفيقك




    ماتهم اللي يهمك
    لو بغيت تعيش صح
    صل فرضك وأقضب أرضك
    وخلها للي عيونه ماتنام ونام
    صرت أنا للحب والدمعة أسير





    في حياتي يوم راحة ماظهر
    مظهري جنه ومضموني هجير
    مرقدي تمثيل والواقع سهر
    جيت يمك وأنت عزمت المسير
    صرت ضدي مع صواديف الدهر
    الوداع فراق والموقف مرير
    والعزى ماضيك والحاضر قهر





    وعذابي كان لي نفس صحيحه
    خيرت مابين صدك والمنيه
    أن نويت البعد ضاقت بي الفسيحه
    وأن بغيت القرب خان القرب فيه
    كيف بخفي الحب وجروحي صريحه
    كيف أحجب الشمس ياخلي بيديه
    كيف أداوي علة النفس الجريحه
    وين أودي دمعة العين الشقيه






    من مواني الليل لعيونك سريت
    ودمعتي تحلف علي أهلها
    كم بكيت بداخلي لو مابكيت
    كبرت همومي وقلبي شلها
    كم تناسيتك ولكن مانسيت
    لو تغيب الشمس يبقى ظلها
    بأنتهي بك مثل مافيك أبتديت
    وماسوت عزة زماني وذلها







    أنا بدوي وبعيشتي ماتنعمت
    ورمز البداوه سيف وللكيف دله
    محبوبتي صحراي في حبها همت
    أعشق سهلها والرجوم المطله
    يكفي إني من البداوه تعلمت
    إن الركوع لغير ربي مذله






    أنا الذي من شوف الأحباب محروم
    والله يكافي شر زلات الأقدام
    قبل أمس مع ربعي سواليف وعلوم
    واليوم طاويني هواجيس وهيام
    أضحك ضحى قبل أمس وأبكي ضحى اليوم
    ياسرع دورات الليالي والأيام






    شكواك للي طالبه مابعد خاب
    ودعواي لك يالله تطول سنينه
    كم واحد من الحب منصاب
    الحب قاتل ماأحد يقدر يدينه
    يادمع عيني لمن تغرب ومن غاب
    ياشيب عيني لمن يفارق ضنينه
    قلبي عذلته لكن القلب ماتاب
    والحب تلعن ساعته وسنينه






    أبشتكيلك دامك أعز الأصحاب
    شكوى جريح يبتسم من ونينه
    القلب ياخلي جريح ومنصاب
    خلا دموع العين تنزف حزينه
    على هنوف صكوا دونها الباب
    من عقب ماحنا ظنين وظنينه
    حلفت ماأنساها ولو فوقي تراب
    وأنا بوسط القبر لأقول وينه







    يامرحبا أعداد ما لاحت بروق
    ترحيبة المؤمن بحكم الشريعه
    رسالتن جتني من أعز مخلوق
    ومن كان مثلك طيب مانبيعه
    ياطيب الجدان من جذر وعروق
    أفعالهم كل الخلايق تذيعه





    من يوم ماذوقتني حر فرقاك
    واليأس والحزن في حياتي غرسته
    شريت لي ثوب على شان لقياك
    والثوب راحت موضته ما لبسته
    وشريت عطر مازهاني بلياك
    أربع سنين بعلبته ما لمسته





    أرسلك المرسول يامعرب الجد
    من ساس قوما"يحتمون المظله
    يحمل تحياتي بها الود ممتد
    من ضامري ماهي سواليف شله
    البعد ماعنه الرجاجيل تنحد
    لو حال من دونه سماء نجد كله
    والحر مهما راح لابد مايرد
    للنايف اللي كل حر فطن له





    الليالي شرهتني ودنياي أمحقاء
    بين كتمان الحقايق وشرهات الرفيق
    والله أني ماتوقعت مدري ماهقاء
    ينخدع فيني صديق وغيره في حريق
    مستعد أقضي العمر من دون أصدقاء
    بس ماأخون الصداقه ويجفاني صديق






    مافيك عيب إلا قلبك متيني
    وتصد عني والصدود القطيعه
    إن كان واصلني فهذي يميني
    مبسوطه لك والمواصل شريعه
    0وإن كان قاطعني يبالله يعيني
    مر الفراق ولا حلاوة خديعه
    لكن صبري والرجاء واليقيني
    وسيلتي عن كل بلوى وجيعه





    كان ودك ماتزيد الصدر ضيقه
    لاتسمع للدعاوي والشكاوي
    وش يهمك وش صديق من صديقه
    مامشالك بالمحاسن والمساوي
    رافق اللي فاهم واجب رفيقه
    لانخيته جاوبك راعي نخاوي





    غربة عمر منها المشاعر عطيبات
    ولجل الرجاء جربت كل الطرايق
    ورد الامل في زحمة اليأس مامات
    يحيه دمعن به رموشي غرايق
    بصوتي أجاوب صرخة العمر بآهات
    مدام حظي من عناء الوجد عايق





    وش حيلة اللي علته داخل الجوف
    نار الفراق بوسط صدره تصلى
    وش حيلتي ياناس والحال منصوف
    منصوف نصفين على اللي تغلى
    نصفه يقول أصبر يمكن يحن ويروف
    ونصفه يقول اللي تغلى يخلى





    يازين حبك رج قلب العناء رج
    شف له طريقه قبل توقف عروقه
    أما تدور له عن الحب مخرج
    ولابعد حرقه تداوي حروقه
    هذي سنه وخيول حبك تسرج
    من فوق قلبي لين بانت فتوقه
    أما أنتصافا بالهوى ونتهرج
    ولانكب الحب ونكب سوقه




    زينه على كل المخاليق غطى
    عقل وجمال وخف دم مخلوطي
    عمره صغير وجاهل توه ماتغطى
    ولاغيره أحد يخيط قطوطي
    غرون على عرش البنات أيتوطى
    قطع على الزينات كل الخطوطي
    ياليل قلبي على قلبي أخطى
    حط القدر بيني وبينه شروطي





    مات حبك والبقية في حياتك
    في حنايا خافقي لاقى مصيره
    خذ مع الجثمان باقي ذكرياتك
    تجربه حبي معك كانت مريره
    مايعرف الحب من سوى سواتك
    يجهل الإخلاص من ضيع ضميره
    غرني ياصاحبي ظاهر صفاتك
    غلطتي يا للأسف كانت كبيره




    صديقنا الصادق بروحي فديته
    وعدونا يخذل ويقهر وينظام
    وللاش ولد اللاش لامن لقيته
    مع كلاب الضير نرمي له عظام
    وأنا معك بمشي بدرب مشيته
    سوا سوا لاقلت قدام قدام





    من دون ماأقصد ياهوى البال مريت
    قدام بابك وأنجبرت أشتكيله
    ياباب قله في عذابي تماديت
    ومرت على فراقه سنين طويله
    شوقي فضحني في عيوني وصديت
    الدمع مايرحم وماقويت أشيله





    العام رجلي بالطويله تعدي
    واليوم كني مكتف الرجل تكتيف
    ضيعت عمري في أسترح وأستعدي
    نوب جزاء ونوب أنقريه وتنظيف
    يارجل سجي وياعين لدي
    لديار نجد وعاليات المشاريف





    مني للغالي سلام وتراحيب
    مضمونها تقدير من قلب صافي
    سلام ياراعي الوفاء والمواجيب
    سلام يارجل مع الناس وافي
    أجيك لو ماأرسلت يمي مناديب
    آصلك لو أني على الرجل حافي





    خانت الأيام شخص مايخون
    ولاهقيت أنه كذا طبع الزمن
    كيف أصبر وأعيش مغبون
    كيف اداف طالما الحظ أندفن
    بس ليه أشكي وأحسب للظنون
    وراس مالي تالي الدنيا كفن
    ذي بداية والنهاية وش تكون
    هو يزول الهم عني ما أظن





    سافر حبيبي مابقى غير تذكار
    تذكار عين للمحبة سهيره
    سافر وقلبي من عنا البعد صبار
    مبعد من عيوني وقلبي يديره
    أجامل الضحكة وقلبي على نار
    والجمر في جوفي تزايد سعيره





    عرفت بحياتي لوعت الوقت والحرمان
    وعرفت العذاب وتعبت أميز ألوانه
    وجلست أذكر الماضي على قول كان وكان
    غرام حفظته ياعسى صاحبي صانه
    تراك بحياتي نابض القلب والشريان
    ودونك حياتي ياهوى البال خسرانه





    سلام ياشيخ تربى على الطيب
    سلام يارجل عزيز وغالي
    تعيش ياحر تعلى المراقيب
    حر ولد حر على الرجم عالي
    يحتار فيه الشعر تشريق وتغريب
    رجل عزيز النفس ماله مثالي
    رجل الوقفات راع المواجيب
    صلف على الصكات مابه جدالي




    غايتي ومناي بالدنيا رضاك
    لو يقولون العرب صابه جنون
    لو جفوني من نهوني عن هواك
    لو رضيت فراقهم عندي يهون
    لو تغيب سنين قلبي مانساك
    لو تعذبه المواجع والطعون
    حالف ماأنساك لو بعدك هلاك
    ومن حفظ عهد المحبة مايخون





    هذي رسالة تاصلك في قصيدة
    فيها بأعبر لك من القلب بإحساس
    أببتدي وياك صفحة جديده
    ولا أتركك وأتوب ياشمعة الناس
    لا تبتعد عني بديره بعيده
    كيف يتحمل غيبتك قلب حساس







    وصلك مثل غيم الربيع أستخيله
    وأنا على باب المحبة رجاوي
    حاولت قربك مالقيت الوسيله
    أنا أشهد أني بالمحبة الفارس
    مالي على مايجري اليوم حيله
    ولاني على بعد المحبين قاوي






    ولعتني يانور عيني وصديت
    وخليتني من طول هجرك أعاني
    مدري جفاء مدري علينا تغليت
    ولا دخل في جوكم شخص ثاني
    وأنت الذي في وسط عيني تعليت
    وليا ذكرتك داعي الشعر جاني
    ماطاب لي زاد ولا مقعد البيت
    حتى لذيذ النوم راح وجفاني





    ليتك تعرف أن الهوى سهم ذباح
    وقلوب عشاق المحبة رقيقه
    وليتك تعرف أني ليا شفت رقمك أرتاح
    والقلب يسعد يوم يلقى رفيقه
    أنا الحزين وباقي الناس بأفراح
    وأنا الأسير وخلق ربي طليقه





    مايبعدك عني ولا أي مخلوق
    وإن غبت يبقى في غيابك خطوره
    مثل الشجر مهما رفع هامته فوق
    يبقى مصيره مرتبط في جذوره
    حنا تخاوينا على سلم وطروق
    ياحلو خوة طيبين المشوره





    أسأل وأنا كلي من أجلك إجابات
    كل الصعايب لأجل عينك سهاله
    يضيق صدري لو بقارقك لحظات
    وأصير بعدك بألف حاله وحاله
    لو كنت غايب وأبعدتك المسافات
    لك صاحب ماغبت عن خياله







    أنا الذي من بدة الناس أغليك
    وأنا الذي عينه تراعي خيالك
    وأنا الذي لو تزهمه ماتعداك
    وتطلبه في كل حزه عنالك
    يالعنبو دنيا تهمك وتشناك
    موتي ولا شيء يكدر مزاجك
    هذا كلام اللي يعزك ويفداك
    ماهو كلام اللي يدور ضياعك







    سيدي بالحال رد النظر
    وأرحم محب حياته بين يديك
    إلى متى يازين وأنا أنتظر
    صبري قضى والعمر منك وإليك
    الناس طلعت على سطح القمر
    وأنا معك ماقدرت أوصل إليك
    ماعاد باقي علي إلا أنتحر
    وأموت لجلك حسبي الله عليك






    ليه يا دنيا تعزين الرخوم ؟
    والشجاع يعيش عمره في نكد
    تطرحينه كل ما حاول يقوم
    كل ما يبني يفاجأ با الهدد
    والخبل جظه ورى ذيك النجوم
    عالي مرتاح دايم في سعد
    والشجاع تحاصره سود الهموم
    وان تخلص من نمر طاح بأسد!








    للفرح يوم هليت في قلبي
    هبوب
    ما اظلم زماني يوم عن الكون
    غايب
    لك بسمة تتملك الكون
    بالطيب
    ولك نظرة سوت بروحي
    العجايب
    يا جعل عمرك سعد وايامك
    تطيب
    وجعلني فدا حبك ماعنه
    تايب







    حرام ما ترحم
    احوالي
    وانا اللي بك عرفت
    نفسي
    اشوف في طيفك
    آمالي
    وانسى في بسمتك
    امسي
    الا يا أغلى من
    الغالي
    عساني في همستك
    منسي








    لاتسأليني عن سبب كتم الآحزان
    بس اسأليني عن غيابي وحضوري
    لاتسأليني عن سبب دمع الآعيان
    بس أسأليني عن دواعي سروري
    لاتسأليني عن تصاريف الأزمــان
    أجامل أحبابي وربعي والأخـــوان
    جبر الخواطر صار معنى حضوري
    أعطيهم الفرحه وأنا وسط الآحزان
    وأجبر كسور الغير وأهمل كسوري


    مع تحياتي عنوسه
    [/frame]

  • #2
    ليه يا دنيا تعزين الرخوم ؟
    والشجاع يعيش عمره في نكد
    تطرحينه كل ما حاول يقوم
    كل ما يبني يفاجأ با الهدد
    والخبل جظه ورى ذيك النجوم
    عالي مرتاح دايم في سعد
    والشجاع تحاصره سود الهموم
    وان تخلص من نمر طاح بأسد!

    --------------------------------------


    يسلموو عنوسه على المسجات
    Facebook : Katolchy al

    تعليق


    • #3
      الله يسلمك اخوؤوؤوي

      تعليق


      • #4
        غريبه عجيبه

        بس شغل عدل مدل

        يسلموؤوؤو

        فقــط
        احترام لشهر رمضان
        بلا توقيع

        تعليق


        • #5
          الله يسلمج حبيبتي

          تعليق


          • #6
            يسلموو على المسجات الحلــــوة
            [align=center][/align]
            [align=center]*·~-.¸¸,.-~*[glint][align=center]ســــــــــــــاعة زمـــــــــــــــن[/align][/glint]*·~-.¸¸,.-~*[/align]

            تعليق


            • #7
              يسلمك اخوؤوؤوؤي

              تعليق


              • #8
                مشكووره حبيبتي على المسجات الحلوه مثلج

                :):):):):):):):)

                تعليق


                • #9
                  الله يسلمج

                  تعليق

                  يعمل...
                  X