*_أبشركــ بالحــــال طيب ولكن_*

[Caramel]

[frame="7 80"]السلام عليكم و رحمة الله و بركاته ..

كيف الحال جميعا ..
ادري ما راح يكفي الإعتذار عن الغياب و ادري اني قصرت بحكم واااايد بس سامحوني ! هذي الدنيا ...

عندي لكم مجموعه اتمنى تعجبكم ..
حياكم الله ..

اشتقتــــــلك ... يا صاحبي كيف دنياك ؟ وشلون حـــــــــالك يا بعـــد كل غالي .؟ ! ..

**

حب تغلغل في الصمــــــيم .. فقضى على الحــب القـــــــديم . ..

**

ممكن أكــــون مقصر في حقك ... و مو دوم ويــــــاك !! .. بس بقولها و بصراحة !! (( انت )) الوحيد اللي لا يمكن أنســــــــــاك ..

**

يا صديـــق العمر يا أوفى رفيق .. عشرتك تسوى بعيوني هالبشر .. ليتني من حلم وصلك ما أفيق !! .. لو كسرني حمل هالدنيا كســـــــر !.. ما أحب و لا أشوف و لا أطيق .. غير شوفتك يا أغلى البشـــــــر ..

**

فديــــــــــت اللـــي تناســـــــاني .. و شطبني من على بـــــــاله ..! فديت اللـــي يسكبني .. ! و لا يطمني بأحـــــــواله !!

**

يا هـــــــي كثير أوقات يحرجني الوفا .. لا صرت أقصر في سؤالي و أنا أغليك ! ...الله عطاني قلب صادق ما نسى !! .. والله عطاك الطيب منهو يضاهيك .. يا صاح ما دام يجمعنا الغلا ! .. وشلون ابقسى !! دام لي قلب يغليك !! ..

**

أبشرك بالحـــــــــال طيب ولكن !! .. الشاهد الله في غيابك تحرقت !! .. أنت الوحيد اللي من القلب ماكن .. و انت الوحيد اللي بحبه تعلقت .. (( محمد عبده )) سمعته يوم غنى الأماكن !؟ ... إسمعها و بتعرف وشكثر لجلك اشتقت !!

**

يا صاحبي وشلون عنا تخليت !؟ .. و انته غلاك بداخل القلب ساكن .. مادري علامك يا رفيقي تماديت !! .. و أشوف نورك غادين لون داكن !! .. و إن كانك مصمم و عنا تنحيت !! ..عندي طلب !! ... ياليت تسمع (( الأماكن !! ))

**

صحيح وقتي من الأحباب سارقني ... عسى الأحبه تقدر سبة غيابي .. من كثر ما الوقت ضايقني و مرهقني .. ما ودي أجيب همي و أزعج أحبابي .. لا صار وضعي حزين و حييل خانقني .. أحسن أغيب و أحبابي هم أحبابي ..

**

جاني قصيدك وأطربتني معانيك..غنالها قلبي من الوجد موال..سبحان ربي حط نبع الوفاءفيك..أرويتني منه على شكل مرسال..أستصفح أبياتك وأحاول أجازيك..والله يقدرني على رد الافعال

**

ان كــان ماجتك الليالي بالاخبار

ياصاحبي يشبه شروقي غروبي

صابر ويبشر بالفرج كل صبار

هذي ذنوب الناس .. وهذي ذنوبي

مثل الجبل .. كابرت في وجه الاعصار

ماطحت .. لكن اوجعتني جنوبي

**

كلما ذكرت انك رفيقي بهالكون

احس كن الكون كله بيديني

ياصاحبي والله ماغيرك يمون

انتا غلاي ونور قلبي وعيني

لاغبت عني .. صرت للهم مرهـون

ولاشفت زولك .. عادت الروح فيني

**

لقد خفت أن لا تقنع النفس بعدكم
بشيء من الدنيا وإن كان مقنعا
سلام على الدنيا فما هي راحة
إذا لم يكن شملي وشملكمو معا

**

لحظه
حبيبي وقف هناك بالدور
ماني بفاضي يمكن افضى لك شوي!!
لازم تذوق المر و تعيش مكسور
واكويك من جمر الهوى لا غدى حي
ولو بعتلي عمرك فلا قلت مشكور
لانك بعيني صرت كلك
"ولا شــي"

**

شيل من راسك حكايه ارجعي ..
ما بقالك في فوادي متسع ...
انت جرح في طرف اصبعي ...
وبــصـــــــــراحــــه
ما اتذكر في أي صبع

**

والله لو تبعد فلاهمني رضاك
واسمع كلامي زين دام انت هادي
ماكنت شي وشلون ازعل لفرقاك
عادي وجودك كان .. وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مــد الايادي

**

لاتتأسف .. مــا أبي منك اعتذار
أبيك ترد أيام عمري مثل ماضيعتها
أبي أرجع مثل ماكنت (فلانه) شمعة الدار
اللي من عرفتك ( إنت ) انطفى نورها
وأبيك تسدد ديون(ن) غدت فرقـبتك كثار
وماظنك لوقضيت العمر كله تحت رجلي بتسدها

**
إن ذكرتك

إنجرحت
وإن نسيتك
أنتهيت
ماعمرها عيني بكت
واليوم بغيابك بكيت!!

**

افهم ترى ماني مثل طبع غيري
أصبر على البعاد ولو طوى مهجتي طي
أنا كفيت الناس شري وخيري
أموت جنبك ما أحاول أظهر لك شي
أشوف وأسكت ويحكمني ضميري
أرفض أكون في بالك الغايب الميت الحي ...

**
ما زعلت الا بعد ما تماديت بخطاك ..
تحسبني كل مره أبقبل لك عذر ..
لو تقول أبي المفارق هذا دربه وجاك ..
بس أنا بنصحك يا صاحبي وخلك حذر ..
النظيف لامن عطيته يبين به عطاك ..
والقذر مهما عطيته يبيقى لك قذر ..

**

والله كبيره يحسبوونك من أعداي
أبك انت وش عندك عشاان أستغلك
أنا عدوي لازم يكون شروواي
حتى عدوووي لاتظن يحصلك
أسمع كانك تبي تلحق أقصاااي
تبطي عظم خلك على جنب خلك

**

علمني أمسح دمعتي
وأتوب .. علمني ازعل
منك لو مره .. ليت الحنايا
ياهواي قلوب وتشوف
حبك فيني وش كثره
لي فلب واحد وانت له
محبوب وما غيرك هز بي
شعره .. !!!

**
كتبتك
في وطن قلبـــــي مدينه كلها أشواق
تحرك
قلبي بنبضك وحرك حبك أعماقي
أحبـــــــك
لين تتجاوز حروفي لهجة العشاق
أحبــــك
لين هذا الحــــب يثبت كثرة اشواقي

**

ليتني حبر بيدينك أقلب أفكاري حروف
أكتب الي قد كتمته وما أبي غيرك يراه
ليتني ظل بنهارك ليتني بليلك طيوف
أسهر الليل بخيالك وأسمعك لا قلت آه

**
لحب والجنون كانا صديقين
نشبت بينهما معركـــة
خرج منها الحب بفقدان بصره ,,
فأصبح الحب أعمى ..
اجتمعا للمحاكمة ..
وبعد المداولـــه والتحقيق..
قرروا أن يعاقبو الجنون على جريمته..
بأن يقود الحب مدى الحياة..
لذلك .."أحبـــك بجنون"

**
ما حكت والحزن بيني وبينها
في صمتها تضيع ادور وينها
فجأه اختفى كل الكلام
تاهت حروفي في الظلام
اللي سكن في عينها
كل الاماني وقتها ردت لقلبي اشتقت لها
مدري المحبه ضيعتني ولا انا ضيعتها ..

**

أوعدكـ ما اتخلى عنكـ ابد
وقلبي عمره ما يسكنه احد
انت حبيبي وحياتي للأبد
وان غبت عنكـ .. لاتظن بينسيني حبكـ أحد
وان مـــر يوم وما سألت لاتقول
"خانني وخان العهد"
قــول
مات وللحين ما حبني كثره أحد

**

طاح صبري طيحة أوراق الخريف
والزمن والناس ضدي والظروف
أه وين الصدق والحب العفيف
للأسف كلٍ على همه يطوف
راحت أوقاتٍ بها ( القلب ( النظيف
يبتسم .. غنىّ .. على كل الحروف
قمت ضايع لا صديق ولا وليف
دم قلبي ساح في همٍ وخوف

**
تحيــــــــاتي ..
و اتمنى اشوف ردودكم .. [/frame]

[عاشقــ تويتي ـة]

لاتتأسف .. مــا أبي منك اعتذار
أبيك ترد أيام عمري مثل ماضيعتها
أبي أرجع مثل ماكنت (فلانه) شمعة الدار
اللي من عرفتك ( إنت ) انطفى نورها
وأبيك تسدد ديون(ن) غدت فرقـبتك كثار
وماظنك لوقضيت العمر كله تحت رجلي بتسدها

....................


تسلمين يا حياااتي ع هالمسجاات

ولج وحشة والله

[Caramel]

شكرا على المرور عاشقــــــــــــه :) ..
يعطيج العافيه

[KaY]

::

.+. Caramel .+.

مشكــ،،ـ،ــوره حبيبتي

=>

يعطيج العافيــ،،ـهـ

::

[ŋαŋ]

صاحبي وشلون عنا تخليت !؟ .. و انته غلاك بداخل القلب ساكن .. مادري علامك يا رفيقي تماديت !! .. و أشوف نورك غادين لون داكن !! .. و إن كانك مصمم و عنا تنحيت !! ..عندي طلب !! ... ياليت تسمع (( الأماكن !! ))


أوعدكـ ما اتخلى عنكـ ابد
وقلبي عمره ما يسكنه احد
انت حبيبي وحياتي للأبد
وان غبت عنكـ .. لاتظن بينسيني حبكـ أحد
وان مـــر يوم وما سألت لاتقول
"خانني وخان العهد"
قــول
مات وللحين ما حبني كثره أحد




تسلمين حبيبتي ع المسجاات الروعه

يعطيج العافيه قلبي

[كتكووته^^مكتكته]

شيل من راسك حكايه ارجعي ..
ما بقالك في فوادي متسع ...
انت جرح في طرف اصبعي ...
وبــصـــــــــراحــــه
ما اتذكر في أي صبع



كاراميل


تبين الصراحه

مسجاتج روعه


روعه بحقها قليل

بردتي حرتي بصراحه وسويت ارسال

:)


مشكوره وبانتظار جديدج

[Caramel]

شكـــــرا جميعا على المرور .. و الكلام الحلو ..
اوعدكم بالجديد دائما و انشالله دوم يعجبكم ..

[][ ///ـا@ـر ][]

هلا وغلا

كراميل

من طول الغيبات جاب الغنايم

نورتي المنتدى برجعتك المعطرة

وإن شاء الله ما تقاطعين

تسلم أيديك على المسجات

مررررة حلوين

نسختهم وحفظتهم على الجهاز

:)

يعطيك العافية

دمتي مظللة بالسعادة

[الكل بالكل]

ما زعلت الا بعد ما تماديت بخطاك ..
تحسبني كل مره أبقبل لك عذر ..
لو تقول أبي المفارق هذا دربه وجاك ..
بس أنا بنصحك يا صاحبي وخلك حذر ..
النظيف لامن عطيته يبين به عطاك ..
والقذر مهما عطيته يبيقى لك قذر ..



اي والله يا كارميل حشاج قذر

مشكوره عالمسجات الحلوة

وننظر جديدج

[lulu]

تسلمين غلاتي
كارميل
على المسجات الروعه
ولا تحرمينا من مواضيعج القيمه
وربي يعطيج كل الصحه والعافيه

[Caramel]

يعطيكم العافيه على المرور و التشجيع ..
و انشالله ما راح اطول المره الجايه انشالله ..
شكــــــــــرا جميعا ..

[BaSKo0Ta]

ميرسي كراميل على المسجات الحلوه .. عورتي قلبي شوي ..