تويت
ويومي تعبت وقلت: ياقلبي إنساه
جَمر الهوى وسط الفؤآد إشتعل بي
قِمّت آتذكر يوم كنت آترجاه
والشوق في قمّة جنونه وصل بي!
وآقول حس ارجوك بالقلب وش جآه
حالي مِن الفرقا حبيبي نَحل بي
الشوق كفنته وهو دإخلي حي
ياما بكى في تالي الليل حادي
لين أرجهن بداخلي وانطوى طي
حتى جفاك القلب وأصبح معادي
وبميسمك ماتت عروقه من الكي
بين الحنايا طالع الوسم بادي
ان لقيت انسان مثلي مايخون الود حبه
وقتها؟ بتعرف قيمة من تهاونت بفراقه
كل جرح ٍ من فراقك لانويت اجيب طبه
بذكر أنك كنت غالي؟ وكنت للقلب اشتياقه
اخذ مني قاعـده صارت بفكر العقل قبـه
واخذها مني قناعه في مفاهيـم العلاقه
ممكن!بيوم الصداقه تكبر وتصبح محبه
بس لا يمكن؟ بيوم الحب يتحول صداقه
أنت "عمري " لو فقدتك مابقى لعمري وجود ..
وين أروح بكل حبي وأنت لأوطانه أمان
ما لحبك يا عيوني في طرف عيني جحود
لو نسيتك ما بقالي وسط هالعالم مكان
لو برق " شوقك " ينادي جاوبه " شوقي" رعود
أنت كل الناس عندي يا بعد كل الزمان ...
صباح الباب ياليل الكراسي والحضور غياب
.......... صباح الطاوله"وريال"حاضر يحرس غيابي
!انا الاستاذ: افضل من نطق فمّه: صباح الباب
.......... انا الامضاء/..والإصغاء/ وطبشوري وطلاّبي!
احبائي قبل نبدأ..ابسأل...... من هو: الكذاب
.......... انا ؟.. وإلا أنا ؟ ..وإلا هذاك المقرف: إعرابي ؟!
ولجل نقرا..اذاً لابد ......انّا ننحني لـ..كـتاب
.......... ونعْرف كيف قدرت شاه عرجا....تاكل كلابي!
يا انا ياهذا الشِّعر ياهذا السكوت
...... إمّا اسكنيني أو خذيني وارجعي
ازدحمْوا الغيّاب في صدري بـموت
......وأنت معي في وحدتي ؟
....................: ما انتي معي!
والريح تشهق في شبابيك البيوت
........ وتنهيدة ٍ تَعوي ورَى حـْدب أضلعي
حبيبتي والحلم قدّامي يفوت
........ إمّا اسكني قلب الحنين أو اطلعي
هذا قصيدي في يدينك غصن توت
........وكل المطر، كل المطر تحت أصبعي!
اخاف ابوح بسـر قلبي و شكواي
و تصير نفسي بين ربعي ذليله
اضحك ودايم بسمتي تسكن شفاي
و من شافني قال محدن مثيله
و انا بجـوفي هـم و النار بحـشاي
و الجرح ينزف و الليالي طويله
دام الفضاء في عيوني واسع أرحابه
وانا بحلوّ القصايد مسرجٍٍ خيلي
ما همّني لو زماني كشر بنابه
الله يخلي لدمعاتي مناديلي
انّسج من الآه نغمة حبّ جذابه
وأخفي ورا ضحكة عيوني غرابيلي
مرتابه الحال والاوضاع مرتابه
ما ودي اشكي وتسمعني عواذيلي
الله واكبر أثر الأيام دواره
وشلون الأحباب ماتسأل عن حبايبها
ماهي طبايعك تنسى الخل واخباره
هذي الطبايع جديده من وين جايبها؟
ترى القطاعه..اثم..والوصل كفاره
كفر عن ذنوبك اللي كنت مذنبها !
يقول احبك وطعناته بقلبي ماهي شويه!
اجل لاجا يكرهني دخيلك كيف بيسوي؟
لاترتفع بالحيل ياطير شلوى
ترى زمان البين مايرحم الريش
ماطار طير إلا على القاع دلوى
قد قالها قبلي رجال(ن) مداغيش
وترى الكبر والكذب فالرجل بلوى
اركد وخل السمن يركد على العيش
تكفى يابو قلبي وعمّه وخاله
تكفى يابو كل الجروح القديمه
تكفى تعزيني بجرحن بقاله
في خاطري مثل انتظار الهزيمه
لديت يمّك شفت جرحك لحاله
ولديت يمّي شفت ضحكه يتيمه !
ظلم الغريب أهـون ولا ظلم الاقراب
لان الظليمه مـن قريـبـك مصيـبه
وعيب القريب اصعب من عيوب الاغراب
لان القريـب يعيبـك الـلـي يعيـبه
والله مايـذبـح طويلـيـن الاشناب
غير القريـب اللي طعـن فـي قريبـه!
ماجور ياللي من فراقك تعلمت
ان الزمن يومين .. طيّب و خيّب
فاجأتني بمفارقك ما تولمت
كذا ؟ بدون أسباب عني تغيّب !!
ما مت من فرقاك لكن تألمت
وشيّبت بي يا صاحبي قبل أشيّب
أضحك و أسولف و ان لحقني سهر نمت
لكن قسم بالله : ماني بطيّب !
أنا ماجيتك أشكيلك ولا أبكي على صدرك
ولا أدور عن أحلامي في قلب ميت شعوره
أنا وان رحت والا جيت مجرد ماضي بعمرك
مثل لعبة تسليني بها والحين مكسوره
وإذا يهمك تعرفي ليه رجعت انا رغم غدرك
أحب أقول لك كلمه توضح خافي الصوره
رجعت أقولك ياما كرهت بداخلي كبرك
وكانت فكرتي عنك مجرد بنت مغروره
يحسبون الصمت مثل أول علامه للرضـى
يعلم الله ماسكـت لهالزمان الا قهر!
يا للأسف كان حبك صادق فيني
يا للأسف كان حبي بعض نزواتك!
يا قو قلبك قدرت انك تبكيني
مسكين قلبي و لا ترضيه دمعاتك!
اللي حصل منك صدقني يكفيني
ضيعت قلبي و أنا ضيعت أوقاتك!
تعليق