تويت
غبت وبقى لك داخلي صوت يدعيكـ..
تبقى لك الذكرى معك تتبع خطاكـ..
غبت وبقت لك دمعة انسان شاريكـ..
عن كل خلانه والاقراب بدّاكـ..
غبت وعشقت الحلم لازارني فيكـ..
ولو كان يخدعني (اذا قمت ما ألقاكـ)
\\
//
\\
ليتك تشوف الوله في وحشة غيابك
وتشوف قلبي وجرح البعد ساطي به
سألت عنك الغياب: ليش ماجابك؟؟
وتمتم شقى غربتي يقول:مدري به
ياما سألت الطيف وباقي أسرابك
متى على الله يحن الوقت ويجيبه
\\
//
\\
أبسرق وقتي لعينك مدامـك ساكنـه باحشـاي
وأبرمي كـل هالدنيـا ورى ظهـري وأخليهـا
وبأبوس عيونك الحلوه وشوفـك غايتـي ومنـاي
لأن عيونـي العطشـا عيونـك بـس ترويهـا
تعالي صافحي كفي وحطي فـي يـدك يمنـاي
وهدّي رعشـة كفـوفٍ ملامـس يـدك يدفيهـا
\\
//
\\
ياصاحبي .. لو بالزمـن ذرة إحسـاس
ماياخذك .. من عند ( قلبي ) ثواني
مليت اشوفك .. بين الأشواق والياس
واشوف حلمي .. ينهدم فـي كيانـي !
\\
//
\\
ياعين لا تبكيـن خل(ن ) فقدتيـه
تصبري وارجي مـن الله يجيبـه
مدام هو حي مع النـاس شفتيـه
لو طالت الغيبه لـزوم التقـي بـه
قلبي من الفرقـى تزايـد بلاويـه
وعهد على ما انسى غرامه وطيبه
\\
//
\\
يامن بحبك تملك القلب وينك ؟
تعال قلبي يشتكي همـ واجراح
ضمه ولمه واحضنه في !..يدينك..!
تعال خل الروح للروح تنساح
روحي تحبك ماضمت حب غيرك
انت الوحيد اللي له القلب يرتاح
\\
//
\\
. لاتحسبن البعد تاليه نسيان.!
مير الظروف امحاربتني وأنا بعيد.!
ماني على وصل المحبين كسلان.!
ذكراك تبقى داخل القلب وتزيد.!
للوزن كيلو وأنت ميزانك أطنان.!
ميزان قدرك ماله ارقام تحديد..
\\
//
\\
ياويل قلبي كل ماجيت ابنساك
القاني أتعلق بك أكثر وأكثر
واللي خلقني ماقوى البال يسلاك
لا نامت عيوني لك القلب يسهر
وشلون أبنسى العيش والملح وياك
أطلع رخيص الأصل لو قلت أقدر..
\\
//
\\
كل يومٍ يمـر وفيـه ماشوفـك
ينقص العمر لو أسنينه طوالـي..
الحياة ان خلت يازين من شوفك
وش بها ياعساها مالهـا والـي..
إيه أحبك وأحبك وأعشق حروفك
والبعد عنك في حياتي ماطرالي..
\\
//
\\
لاتزعل إن جاك عني خبر شين ..
قالوا توفى بس هذي وصاته ….
الأولــى :
حرام خدك تجرحه دمعة العين..
مادام ماذاق الدمع في حياته ..
الـثانيـــه :
لاتنسى منهو يحبك من سنين..
ومحدن لأجل حبك يسوي سواته..!
\\
//
\\
ماعاش مخلوق يعرفك وينساك
بس الزمن زادت علينا حموله
ياصاحبي جعل المخاليق تفداك
يفداك كل الكون عرضه وطوله
اضرب بي الهامه وأنا كف يمناك
أطول منهو عجز غيري يطوله
\\
//
\\
لحظه حبيبي وقف هناك بالدور..
مانيب فاضي يمكن افضى لك اشوي!!
لازم تذوق المر وتعيش مكسور..
واكويك من جمر الهوى لاغدى حي..
ولو بعتلي عمرك فلا قلت مشكور..
لانك بعيني صرت كلك ((ولاااا شي)
\\
//
\\
في غربة المشتاق تزداد الأشواق
أزود من أشواق الشقيق لشقيقه
والقلب يصبح من عنا البعد خفاق
وتزداد دقاته بزود الدقيقه
ودقات قلبي ظنتي دقها فاق
مليون دقه بين لحظه و دقيقه
\\
//
\\
في غيبتك تساقطت خضر الأوراق
ماقاومت غيبتك جرة عنادي ..!
ماكل من يبعد له القلب مشــــتاق
ولاكل من عود له القلب شـــادي..
إلا أنت في الثنتين محرقني إحـــراق..
إن غبت زاد الشوووووق وإن جيت زااااادي
\\
//
\\
طال الغياب وأنا أنتظر منك ميعاد..
أخاف موتي حل ما شفت لك زول ..
أخاف من يوم تجي فيه نشاد ..
تلقى مماتي دار من حوله الحول ..
أنا أصارع موج الأيام بعناد ..
أطلب لقاك ومطلبي حيل مقتول .
\\
تقـــبلوا خالـــــص احترامـــــــــــــــي
تحــــــــــــــــــ ღ دلــــــــــــــــــع ღ ـــــــــــــــــــياتي
تعليق