أبي رايكم ... منو الفايز

[~ بنت الديرة ~]

هاااااااااي


شلوناتكم كلياتكم


القصه ومافيها ان اليوم اتفقنا انا وبنت عمي كل وحده فينا تسوي تصميم


وتكون الصورة وحده والكلام واحد


كل وحده حاسة بالفوتوشوب وطلعت الي عندها


يوم يينا نقرر منو فاز ابتلشنا


ماكو أحد محايد


عاد قلت انزل الموضوع هني واشوف رايكم واي تصميم تختارون



... 1 ...




... 2 ...




وتتوقعون اي واحد منهم تصميمي وليش :) ولا تنسون تقولون اي واحد أحلى


وو بس

[برج الأسد]

انا اقولج اي واحد تصميمج الاول اهو تصميمج لانج تحبين الفراش ومعروف ستايلج والصوره مصغرتها :)

وكلهم حلوين :)

وخلي بنت عمج تشاركان بتصاميمها علشان نقول ملاحظتنا ونقدنا لها :)

[~ بنت الديرة ~]

ميرسي برج الأسد على المرور


بس لازم تختار


ماراح تقولك اذا مالها الأول ولا لأ ---->

[برج الأسد]

الاول لانه الثاني اللي مخرب عليه الكلمه الاخيره مو واضحه ومو راكبه على التصميم :)

[غشمرجي]

الاول احلا واوضح وحبيته

[غشمرجي]

شرايج انتي بتوقيعي

[العـــندليب]

السلام عليكم ورحمة الله

هلا اختي بنت الديرة ... في البداية تصاميم جميله


بس ما دام سألتي من اهو الفايز انا في نظري التصميم الاول افضل

الاسباب :

Background
- خلفية الصورة .. التصميم الاول انعم واقل ازعاج .. واللون جميل وبارد .. التصميم الثاني .. حسب ما اشوف تم دمج 5 انواع من الفرش.



Stroke & Emboss
- طريقة الكتابة .. التصميم الاول طريقة الكتابة حلوه وبسيطه استعملتي بس اطار حول الخط .. اما التصميم الثاني اعتقد كان خطأ استعمال تأثير البروز وخصوصا ان خلفية الصورة مزعجه وفيها اشكال كثيره فكان لازم الخط يكون أوضح من جذي .



Outer Glow
- صورة البنت .. التصميم الاول .. وضعية الصورة احلى لانها صغيره وفيه مجال نكتب الكلام بشكل مريح... اما التصميم الثاني فالعكس .. واستعمال تأثير خطأ ماله داعي .. كان المفروض اخلي اصورة تندمج مع الخلفية .


وسلامتكم ..

صاحب التصميم الاول (( مبرووك )) ذوقك حلو وعندك حس فني..
صاحب التصميم الثاني (( ماعليه )) تصميمك جميل جدا بالمقارنه مع تصاميم موجوده بالمنتدى حالياً .. واتمنى تعتبره مجرد راي اذا كان كلامي زعلك


تقبلوا تحياتي

العندليب

[همسات]

الاول احلى والوانه هاديه

[ابي الوفا]

انا اقول التصميم الاول احلى




لان الالوان فيه هاديه وجميله وبارده





اخوكي ابي الوفا


[email protected]

[A7la_sM0oraa]

الاول احلىىىىى
او حتى الثاني حلوو
بس الاحلى الاول الكلام حلو
او صياغة الصوره بعد

[Z@G®†éY]

الأول أحلـــى
ومشكور ع التصمميم

[~ بنت الديرة ~]

ونااااااسه انا فزت :)

التصميم الأول مالي

مشكورين كلكم على المرور


برج الأسد --- صدتني من الفراشه لوووووووووول اعتز براي فنان مثلك ومشكور على المرور

غشمرجي --- حبتك العافيه ومشكور على رايك وانا اشوف توقيعك كبييييييييير وصورة عاديه على الأقل اكتب فيه شي عن الحسافه

العـــندليب --- أسعدني مرورك وصج كنت اتمنى انك تمر عشان تقط علي جم تعليق بس انت انتقدت الثاني وما انتقدت الأول صاحبت التصميم شافت تعليقك بس انا ما شفت انتقادك حق تصميمي وميرسي على رايك

همسات --- عيونج الحلوه حبيبتي وميرسي على المرور

ابي الوفا --- مشكور على مرورك نورت الموضوع

A7la_sM0or --- ميرسي حبيبتي على المرور وعلى اختيارج

فهودي مايتوب --- العفو فهودي ومشكور على المرور

[برج الأسد]

انا لو تحطون لي اي تصميم من غير نكات اعرف منو مصممه , بس على الاقل يكون واحد من المصممين اللي بالمنتدى :) مو من بره تيبون لي :)

وحاضرين للطيبين :)