تجمع طلاب الجامعة الخليجية

[أرموشا]

السلام عليكم

الموضوع شارح نفسه

نبي نتجمع بهالموضوع ونكتب عن كل شي يخص الدراسه

مثلا مدى احتياج كل ماده للكتاب والا عنده الكتاب ممكن يفيد الباجي

وممكن نسأل عن اي شي ببالنا مثلا انا عندي سؤال متى يبدي الصيفي :icon12:

وجذي عشان نفيد ونستفيد

انا راح اقولكم عن مادة السياسة الاجتماعية

نصيحه تاخذونها عند الدكتوره انعام وماراح تحتاجون للكتاب لا تشترونه وعندي ملخصات ان شاءالله احطها لكم لما افضى شوي

ان شاءالله محد يبخل علينا

وعاشت لنا الكويت :ezpi_blush:

[صاحي لهم]

وعليكم السلام ..

انتي بفتح الموضوع هذا حليتي ازمه كبيرة ..

شكرا لج ..

وعسى الله يوفقكم ..

:)

[أرموشا]

يسلمووو اخوي صاحي :)

ولا تحرمنا من طلاتك الحلوه

[black tulip]

السلام عليكم

انا الخميس انشالله بروح البحرين عشان اسجل مواد راح ادرس محاسبه انشالله .
اخترت الدراسه بلغه الانجليزيه .
انتو اشرايكم

[اليوفى 73]

تحياتى للجميع

يا جماعه الخير فى تسجيل مواد لتخصص هندسه ميكانيكيه واذا فيه متى اخر يوم ( للفصل الصيفى )

متى تبدا الدراسه للفصل الصيفى ومتى ينتهى

اقصى عدد من الوحدات او المواد المسموح لى بالتسجيل بالصيفي

ولكم جزيل الشكر

[guitarist_q8]

ياجماعة شنو اخر الاخبار وشنو صار على الاعتراف ونظام ال3 ايام ياريت تاوفونا باخر الاخبار

[alkeeka]

مساء الخير للجميع
بالنسبه للتسجيل الصيفي بدأ التسجيل ونزل جدول الصيفي بالموقع
اما بالنسبة لل 3 days بالكويت ما اعترفوا فيه لحد الان ولا اعتقد فيه اعتراف بهالطريقه بس احنا بنكمل على هالنظام لان الكل متبع هالنظام لما نشوف حل بالموضوع

[black tulip]

السلام عليكم

انا سجلت مواد امس وهذا اول كورس لي راح يكون نظام 3days. بس عندي سؤال جم عدد الوحدات الي لازم اجتازها للتخرج ؟؟؟

وعندي سؤال ثاني ماكو سكن قريب من الجامعه ؟؟ و هل السكن الي اتاجره الجامعه زين؟؟

وبعد في سؤال متى سحب واضافه لان عندي مواد اوقاتها لي 22.00 ودي اغيرها

ساعدوني عفيه جاوبو على اسألتي

وشكرا

[alkeeka]

عليكم السلام
الله يوفقك
يعتمد عدد الوحدات على التخصص وعلى المعادله مالتك لشهادة الدبلوم وكله راح تعرفه لما تاخذ الخطة الدراسيه لتخصصك
للاسف ما في سكن قريب للجامعه
اما بخصوص سكن الجامعه ما ادري عنه والله بس الي اعرفه ان تكلفته 1000 دينار بالكورس واعتقد ان اهو مبلغ كبير للي نظام 3 ديز بالشهر لان احنا بنداوم 3 ايام بالشهر مو سنه كامله
اما بالنسبه للسحب والاضافه فما عندي فكره متى بكون

[اليوفى 73]

السلام عليكم

انا سجلت مواد امس وهذا اول كورس لي راح يكون نظام 3days. بس عندي سؤال جم عدد الوحدات الي لازم اجتازها للتخرج ؟؟؟

وعندي سؤال ثاني ماكو سكن قريب من الجامعه ؟؟ و هل السكن الي اتاجره الجامعه زين؟؟

وبعد في سؤال متى سحب واضافه لان عندي مواد اوقاتها لي 22.00 ودي اغيرها

ساعدوني عفيه جاوبو على اسألتي

وشكرا

شلون كان التسجيل (سهل )

لقيت المواد للى تبيها

وبالتوفيق للجميع

[بوهاشم]

السلام عليكم ،

انا خريج كلية الدراسات التكنولوجية بالكويت هندسة كهربائية وودي أكمل دراستي بالجامعة الخليجية وودي التحق بنظام كل شهر 3 أيام حضور للدراسة وودي اعرف اي معلومات اضافية طريقة الدراسة وشلون الامتحانات ومشكورين

[صمت الوهم]

حياك الله يابو هاشم

نظام 3 ايام بالشهر اهو نظام حظور شهري فقط يوم الخميس والجمعه والسبت من كل شهر وبأمكانك تسجيل 4مواد

بمعدل 12 ساعه كحد أقصى بالفصل الدراسي وتكون المحاظرات بمعدل 3 ساعات للمحاظره الواحده

اما

الامتحانات من اللي تدرسه والله الموفق

بالتوفيق

أخوك ::: وليد الشمري

[بوهاشم]

السلام عليكم شباب ممكن أكلم احد من الطلبة تخصص هندسة كهربائية بالجامعة الخليجية ودي أعرف شلون الدراسة عندهم وهل في كتب ومذكرات انتهى منها ممكن اشتريها منه.

ولكم جزيل الشكر والاحترام.....

[sco-GU]

رد: تجمع طلاب الجامعة الخليجية

اخر موعد للتسجيل والدفع يوم الخميس 18/11/2010



يسر مجلس الطلبة تنظيم رحلة إلى "جزر حوار" للطلبة

لليلة واحدة مبيت الذهاب صباحاً والرجوع في عصر اليوم الثاني..



ستكون الرحلة الاولى

في اجازة كلية الإدارة والقانون:

الذهاب يوم الجمعه بتاريخ 26-11-2010

الرجوع يوم السبت بتاريخ 27-11-2010



وستكون الرحلة الثانية

في اجازة كلية الهندسة وهندسة كلية الحاسوب والتربية:

الذهاب يوم الجمعه بتاريخ 3-12-2010

الرجوع يوم السبت بتاريخ 4-12-2010



تكلفة الرحلة للشخص الواحد 20 دينار بحريني فقط، وتشمل

3 وجبات واجره القارب والسكن والانشطه البحرية وغيرها..



وبالنسبة للسكن بامكانكم الاختيار من احدى الخيارات:

• 4 اشخاص في سويت

• 5 اشخاص في سويت

• 6 اشخاص في سويت

والسويت به غرفتان



وبالنسبة للاصدقاء سعر آخر..

شخصين في غرفة
35.5 دينار بحريني للشخص

3 اشخاص في غرفة
31.5 دينار بحريني للشخص

4 اشخاص في سويت
28 دينار بحريني للشخص

5 اشخاص في سويت
27 دينار بحريني للشخص

6 اشخاص في سويت
26.5 دينار بحريني للشخص

الاطفال اقل من 5 سنوات
17 دينار بحريني للطفل

الاطفال بين 5-10 سنوات
25 دينار بحريني للطفل

فمن يرغب بالذهاب في هذه الرحلة

التسجيل لدى محمد زياد بمبنى التربية او

الاتصال على 33779893

رئيسة مجلس الطلبة مروة عادل الحسن

[email protected]