فوائد الدراسه مع البنات‏

[طموحة مملوحة]

موضوع عجبني وحبيت أنقله :)



السلام عليكم
اخواني واخواتي
شلونكم شخباركم


اليوم بحطلكم موضوع وصلني من ايميل حلو ويونس
ولو انه مبالغ فيه شوي .. بس عادي طوفوا المهم يعجبكم


فوائـــــــد الدراســــــــــه مـــــــــــع البنــــــات :-



لما يدرس الشاب ويكون بجانبه بنت

****


1

بتقل نسبة الغياب الى 99 %

2

تنتهي أيام النذاله وعدم تسليف الاقلام والفلوس
3

كل واحد يفتح أذونه وعيونه وخشمه مع الدرس عشان يشرح للطالبات
4

كثرة الادب والاحتراااام بين الشباب وكل واحد مسوي فيها أخلاااااق
5

تلقاهم صاحيين من ثلاث الفجر عشان مايروح للمدرسه وعيونه متفخه
6

تشم كل أنواع العود والبخور والعطور
7

بتقل نسبة النوم بالفصل الى 200 %
8

يكثرون الشعراء والرومانسين بالفصل
9

المدرسين يستانسون من الطلاب دااااايم حافظين الدرس وحالين الواجب لا.....وتشوف الدرس كل سطر بلون مختلف .
10

تكثر العزايم بالبريك وطبعا ينسون أيام البيض والفلافل ويبدونها......بفطيرة عسل ولا جبن
11

كل واحد يكتب موبايله وايميله على الطاوله مسوي فيها(ذكريات )
12

عاااد كل البنات بينجحون..... تدرون ليييش؟
لان كل طالب يسعى الى تغشيشهم ...
وفي الاخير البنت تنجح والولد يسقط




وشكراً




أهم شي :)

منقووووول

[Q8_N]

اهم شي ماكو غياب ,, محد يطوف اي يوم لوووول

وشي طبيعي كتابة الذكريات ,, الايميل مزخرف والرقم مخطط لووول

شكرا ,, بس جني قاريه قبل فترة,,, / :

[طموحة مملوحة]

مادري أنا توني اقراه ونقلته :)


بس لا صج والله بموادي محد يساعدني الا زملائي بالمحاضرة ولا البنات نحاسة ..... يستعبطون :)


مو كلهم نيتهم شينة ياخوي :)


في منهم متربيين وفيهم الخير ويعاملوننا مثل خواتهم :)


شاكرة مرورك :)

[Q8_N]

اي والله البنات نحاسه و انا نفس الحاله ما يساعدوني بالمحاضره كلش :d

والله الشباب ما يقصرون مع البعيد والقريب والبنت بالموت اتساعد او تحصلين منها شي :d

[طموحة مملوحة]

حرام عليك مو كلهم والله :(


يعني والله بالنسبة حق تخصصي أعرف ارسم فوايد بنات وشباب مايعرفون يضبطون الشكل الهندسي للمعدن

فارسمهم واحط لهم نسخ .... يصورون ويدرون ان انا الي مسويته بعدين اذا طلبت شي من بنت عطتني ظهرنا الشباب والله يساعدوني ويقولون والله يعطيك العافية نفعتنا نوتتج.... احس اني صج سويت شي مفيد :)

[JoKeR 2]

معروف انه البنات الجامعيات نحاسه خصوصا بين بعض يعني قليل تحصلين بنت تساعد بنت لووولو


اما الشباب زقرت يساعدون بعض ويساعدون البنات :p


انا عن نفسي اساعد الكل حتى الدكاتره ههههههههههههههه :p


ومشكوره على الموضوع حلو

بس عجبتني اخر شي البنت تنجح والولد يسقط كاااااااااااك

[طموحة مملوحة]

لا والله الصراحة الشباب أذكياء ماشاء الله

أذكر مرة كنا بامتحان وواحد قاعد بيني وبين رفيجتي ... ونازلين غش ... غش ...

المشكلة اني اقول له السؤال بصوت واطي ... اتصرقع صوته عالي .... اقول له خلاص خلاص لا تقول ...

والهبلة الي يمه خلته يغششها اثنيناتهم صوتهم عالي ... جان يجكهم الدكتور ونقصه 5 درجات واعليا .....

لمن طلعنا من الامتحان رحت اعتذر ... جان يقول لي بالطقاق 5 درجات ؟؟؟ أصلا انا قريداتي عالية ماتفرق عندي ...

بغيت أقول له عطني اياهم الله يعطيك :)

[بوقلبين]

8

يكثرون الشعراء والرومانسين بالفصل

عاد بهالنقطه الشباب شطار حتى بالمنتديات تلاقين الغالبيه شعار ورمانسيين :)

قواج الله وصف دقييق

[طموحة مملوحة]

حياك الله أخوي شاكرة مرورك :)

[محولا بس انطروا]

تلقاهم صاحيين من ثلاث الفجر عشان مايروح للمدرسه وعيونه متفخه

بهذي صاجه

احنا منفصلين و البنات من 5 الفجر يصيغون يويهم

والشباب 3 ساااعات ينفشون بشعورهم

عيل لو مختلط شسوون

كل واحد يكتب موبايله وايميله على الطاوله مسوي فيها(ذكريات )

اما هذي قديمه الحين الله يخلي البلوتوث

معروف انه البنات الجامعيات نحاسه خصوصا بين بعض يعني قليل تحصلين بنت تساعد بنت لووولو

انا وحده من اللي ما يقششون بس مو نحاسه بس لاني اذاكنت واثقه من ايجاباتي يكونون غلط حرام اغشش غلط

انا عن نفسي اساعد الكل حتى الدكاتره ههههههههههههههه

اما عن هذي انا اشهد جوكر الدكتور لو يسأله:: فلانه شنو لون نعله (((تكرمون )))؟؟اظن حتى مقاسه يقوله

[لنا عمر ٍ بلياك]

أنا قبل كنت ادرس مختلط :p

الابلة كانت تقعد عندي ايام الامتحانات على اساس انه راح استحي وما اغش هههههههه

اعتمادا ً على هل شي انا اذاكر عشان البنت تغش مني :p


لكن الحين كبرنا .. بالكلية مرات فيه محاضرات ومعانا بنات

بالعكس والله نستحي وما نسأل



مشكوره مزمزيل مملوحة :)

[طموحة مملوحة]

مشكورين على المرور كلكم ... :)


وحدة من زميلاتي بالامتحان قالت ماراح اغششج قلت اوكي .... وبالامتحان اسمعها سارووووو ...سارووووو


قلت ها شفيج ..؟؟؟ جان تقول نخيتج ساعديني .. :( لووووول كسرت خاطري والله وغششتها :)

[saizo]

لووووووووووووووووووووووووووول

بتقل نسبة الغياب الى 99 %

بتقل نسبة النوم بالفصل الى 200 %

على الغياب انا ما اغيب بس انام وايد :p (( لأن مالا داعي اروح الجامعه اذا ماراح اداوم ... شحاقا رايح ))

تلقاهم صاحيين من ثلاث الفجر عشان مايروح للمدرسه وعيونه متفخه

لول .. انا اقعد قبل ساعه او نص ساعه مرات ... ولو على العيون المتفخه الله يخلي النظارات الشمسية :p الي تلقا كل الطلبه لابسينه حتى داخل المحاظرات :p

كل واحد يكتب موبايله وايميله على الطاوله مسوي فيها(ذكريات )

مثل ما قالت محولا الله يخلي البلوتوث :p

.................


يعطيج العافيه على الموضوع :)

[عاشقــ تويتي ـة]

ههههههههههههههههههههههههههاااي
:p
يابنت الناس حلوو المجلس بسبت هالموضوع
شتقولين انتي بس :p
تسلمين حبيبتي

[Demon of Dark]

لووووووووووووووول
الصراحه خوش موضوع

امممم البنات ترا نحاسه حدهم قليل اللي تفكر تغشش

والحمدلله ماكنت احتاج ان اغش من احد
بس اذكر مره صار موقف ومنها حرمت اغشش احد لو يمووووت

لا و اسوي فيهم حركات نذاله

خصوصا بالترو اند فوووولس ( صح وخطا )

يعني احط اجابات واذا بطلع اعكسهم
وطول الوقت ورقتي مفتوحه للكل سيبل

واطلع واضحك عليهم
واقول لهم انتو اغبياء
افهموها اذا ماطلعت يعني في شي صاير

ومنها اذا بيغشون مايطلعون قبلي لو شنو يصير

يعني صايدتهم عدل

خل يموتون قهر شكو مايدروسون


تقبلي مروري