جآمعيـيـن وجآمعيآت كـ777ـويت تفضلوا لو سمحتو شوي ؟؟

[اوراد]

يا جماعة
تعالو فهمووني شغلة *









انا مو حاطة ابالي جامعة الكويت ابدًا ابدًا مستحيل افكر فيهآإ بس ابوي قاعد يحن قدمي احتيآط فـ بقدم بس عشان افتك من الحنة
بس بعرف شغلة
النسب الحين حاطينها اهي نسب القبول الفوري يعني لو مثلا على سبيل المثال قلنا ان الحقوق القبول الفوري 92 ، جم ادنى نسبة يقبلونهآ ؟؟

[**قدساوي كول**]

إذأ مـآخـآب ظنُي 86 %..

لأن إخوي جاب السنه الي فاتت 86% وإقبلوه ..<<مو فوري طبعا :p

فـ مأدري اذا الحين غيروها ولا لأ!..

عـ العـمووم ياعسى ربي يوفٌقج !

[رياديـهـ]

خل اشرح لج من الاول شلون الطريقة تصير >>> جم سنة واهيا تشرح لوول

أقل نسب يقبلونها :
70 % للعلمي
78 % للأدبي
>>>>> هذيل النسب منها وانتي صاعده راح يستلمون طلب الالتحاق واللي اقل منها بيباي ماكو جامعة

الحين انتي معدلج اكثر من هذيل النسب ( ولله الحمد ) شنو راح يصير ؟؟؟
راح تروحون تقديم طلب التحاق بالجامعه ( التسجيل) على حسب معدلج ،، لان كل يوم تسجيل لمعدلات معينة ،، مع احضار كامل المستندات المطلوبة ( اذا تبين تعرفينها انا حاضره >>> بنت الاتحاد )

الحين انتي رحتي وسجلتي وحطيتي رغباتج بالترتيب .. راح يشوفون الرغبه الاولى اللي حاطتها ولنفرض حقوق ..
القبول الفوري للحقوق 92% ،،، وانتي مثلا ما انقبلتي فوري
اللي يصير ان كل كلية لها عدد معين من المقاعد لقبول الطلبة والطالبات ،، لنفرض ان الحقوق يبون بس 200 طالب وطالبه ،، والمتقدمين للحقوق مممممم خل نقول 300
من هالـ 300 اللي متقدمين خل نقول 50 قبول فوري يعني 50 مقعد راح وظل 150 مقعد متاح ،،
باقي 250 ناطرين القبول ،، راح يبتدون يقبلون الاعلى معدلات لييييييين تمتلي المقاعد اللي كلية الحقوق يبونها
والـ 100 شخص اللي ما انقبلوا راح ينتقلون للرغبة الثانيه ،، وبالرغبه الثانيه راح يصير نفس اللي شرحته توه


أتمنى ان الشرح كان واضح ،،و اي شي تبينه تراني حاضرة

موفقة يا رب

رياديــهــ

[رياديـهـ]

اييييي ونسيت اقول شغلة ماراح تقدرين تقدمين بأكثر من مكان ،، ليش؟
لأن قبل جامعة الكويت كانوا ياخذون شهادة طبق الاصل ،، لكن الحين من المتطلبات النسخه الاصلية من شهادة الثنوية
فـ انا اشوف انج تقدمين المكان اللي انتي تبينه بالاول وتشوفين القبول ،، وترا آخر موعد لاستلام طلبات الالتحاق بجامعة الكويت 29 - 7 يعني اتوقع عندج مجال

[رياديـهـ]

ايييييييييي وفي شغلة مهمه نسيت اقووووولها

ورقة طلب الالتحاق راح تختلف من نسبة لي نسبة ،، يعني اللي نسبهم عالية راح تكون ورقتهم فيها كل الكليات
وكل ما قل المعدل تنشال جم كلية من ورقة الطلب لان المعدل ما يسمح
وعندي نماذج حق اوراق طلب الالتحاق اذا حابة تشوفينها

[اوراد]

مشكورين مشكورين مشكورين
الله يوفقكم يارب

[liverpool]

قوه اوراد

اذا انتي تبين جامعه زينه و قبولج فيها يكون فوري و مضمون

انا انصحج بالـ aum , الي بالعقيله اهيا جامعه قويه ويديده صارلها سنتين اهيا وانا الحين صارلي فيها سنه

واهما يبون طلبه و عندهم تخصصات وايد عندج مثلا تخصصات العلوم الاداريه كلها موجوده بالجامعه و اكو بعد جم تخصص ثاني غيرهم مثل الاعلام و جذي اذا حابه هالشي

واي شي تبين تعرفينه عن الجامعه سأليني

[SuL6aN]

هـــلآـآ اورـآد

//

شوفي .. نسبتج حلوه وانشالله بيقبلونج قست

بس اذا ما قبلوج تقدرين تقدمين ع الكورس الثاني وانا متأكد انهم راح يقبلونج

كوز انا اعرف وحده بالجامعه قدمت اول كورس وما قبلوها عشان نسبتها كانت 76 .. و قدمت الكورس الثاني و قبلوها على طول بعثهـ ..

بس انتي نسبتج زينه الحمدلله .. فـ انا اتوقع انهم راح يقبلونج

واذا لا سمح الله ما قبلوج .. لا تستعيلين وتروحين جامعة الكويت

كوز سلبياتها اكثر من ايجابياتها ...

فـ شوفي انتي و انشالله خير

و اي مساعدهـ بالنسبه حق التقـديم بقست انا ما راح اقصر وياج

...

Good Luck

[اوراد]

ليفربول
والله انا وااايد ودي ادش الـ aum حيل يمدحونهآ و خصوصا سمعت انهم بيفتحون طب بشري فـ راح تكون أقوآ جآمعة بالكويت
بس بعيييييييييدة حييييل
يعني ماتسوى علي جامعة كل يوم الصبح طريييج سفر


\

سلطآن
لا ان شالله بيقبلوني اهمة مو قبولهم من 74 مادري 75 ويبون وآحد يكون عنده الانجلش إكسلنت !!!
اي هاذي انا هههههههههه

المهم تسجيلي بآجر ان شالله و الله يكتب الي فيه الخير بس بغيت اسألك شلون على طريقة تقديم البعثات الدآخلية اروح الجآمعة دآيركت ؟ ولآ امر التعليم العالي أول ؟؟ و اذا ماعليك أمر الطلبات الي محتاجينها للتسجيل ،،


و هم ساعدوني بالسؤال الي سألته فوق عن جامعة الكويت لان هم اسأل لـ رفيجتي مو بس لي ،،

ومشكووورين

[SuL6aN]

سلطآن
لا ان شالله بيقبلوني اهمة مو قبولهم من 74 مادري 75 ويبون وآحد يكون عنده الانجلش إكسلنت !!!
اي هاذي انا هههههههههه

المهم تسجيلي بآجر ان شالله و الله يكتب الي فيه الخير بس بغيت اسألك شلون على طريقة تقديم البعثات الدآخلية اروح الجآمعة دآيركت ؟ ولآ امر التعليم العالي أول ؟؟ و اذا ماعليك أمر الطلبات الي محتاجينها للتسجيل ،،


و هم ساعدوني بالسؤال الي سألته فوق عن جامعة الكويت لان هم اسأل لـ رفيجتي مو بس لي ،،

ومشكووورين

لوول

ان شاء الله .. اتمنى انهم يقبلونج والله


شوفي اهما قبولهم مو 74 .. التقديم عشان البعثه من 74 .. فـ اهما ياخذون النسب الاعلى عرفتي .


اما بخصوص التقديم ... روحي الجامعه دايركت و التقديم عند الرجستريشن اهوا راح يكون يم الـ هلب ديسك.. الدور الارضي .. يم المكتبه على طول ..

اما بخصوص الطلبات .. انا مو متأكد شنو يبون بالضبط .. كوز انا قدمت قبل سنتين و ناسي والله .. والمره الي طافت كنت بسأل عشانج .. بس ما كانوا مداومين الي يشتغلون بالرجستريشن .. وانا مو ماخذ صيفي فـ ما اروح وايد الجامعه .

بس شوفي .. اخذي وياج .. شهادة الثانويه الاصليه و نسخه عنها .. و اخذي بطاقتج المدينه .. و بطاقة الوالد ., و صورة جنسية الوالد اعتقد مو متأكد منها بس اخذيها احتياط عرفتي ..

اعتقد ان بس هذول الي يبونهم .. لأن اهما يبون بياناتج بس

//

اما بخصوص جامعة الكويت ماعندي فكرهـ عنها

بس انصحج لا تفكرين فيها

...

[اوراد]

انا والله مو مفكرة فيها بس الوآلد الله يهدآه يحن على راسي p;
و كلش كلش مو حابتها ابي مكان اكون مرتاحة فيه وانا ادور مكان دراسته بالانجلش وايد اسهل لي من العربي ،
شوف خل اقولك الي باخذهم :p

البطاقة المدنية و صورتين عنها
الجنسية و صورة عنها < جنسيتي طبعًـا احم :$
جنسية امي وابوي بعد يمكن لآ سمح الله P:
4 صور شخصية< احتياااااط
الشهادة الاصلية و صورة طبق الاصل عنهآ‘
بعد شنو ؟:P

حشآ عقد زوآج مو تقديم جآإمعة !!

[liverpool]

ليفربول
والله انا وااايد ودي ادش الـ aum حيل يمدحونهآ و خصوصا سمعت انهم بيفتحون طب بشري فـ راح تكون أقوآ جآمعة بالكويت
بس بعيييييييييدة حييييل
يعني ماتسوى علي جامعة كل يوم الصبح طريييج سفر


\

لا شدعوه والله شوفي مو مشكله الطريج المهم انج ترتاحين بالمكان الي ادرسين فيه واي شي تبينه من هالجامعه انا موجود وموفقه يا رب

[SuL6aN]

انا والله مو مفكرة فيها بس الوآلد الله يهدآه يحن على راسي p;
و كلش كلش مو حابتها ابي مكان اكون مرتاحة فيه وانا ادور مكان دراسته بالانجلش وايد اسهل لي من العربي ،
شوف خل اقولك الي باخذهم :p

البطاقة المدنية و صورتين عنها
الجنسية و صورة عنها < جنسيتي طبعًـا احم :$
جنسية امي وابوي بعد يمكن لآ سمح الله p:
4 صور شخصية< احتياااااط
الشهادة الاصلية و صورة طبق الاصل عنهآ‘
بعد شنو ؟:p

حشآ عقد زوآج مو تقديم جآإمعة !!

لووول اهم شي كل هالاوراق

شوفي .. اوراد انا سألت واحد من الربع

اهوا ماخذ صيفي .., و قتله يستفسر عن هالموضوع

جان يقول الاوراق الي يبونها ...

_ البطاقه المدنيه الاصليه .
_ ثلاث صور شخصيه .
_ 10 دنانير رسوم تسجيل .
_ شهادة الثانوية الاصلية .

بس اخذي بطاقة الوالد وياج احتياـآط يعني ..

و اذا يبون صورهـ حق البطاقه او اي شي .. اكو مكان تصورين فيهـ .. فيديكس .. موجود بالنورث .. صوب ستاربكس :)

[اوراد]

ليفربول
لا والله صعبة حيل انا ساكنة بالمنطقة الرابعة الساعة جم اقعد عشان اطوف الزحمة واوصل العقييلة ؟
اصلا ماعمري دشيتها ولا ادلهاااا !!
و مشكوووور خيو الله يوفقك ،،

سلطآن مشكوووووووووووووووور و باجر الصبح التسجيل الله يسسسسستر مادري ليش حدي متصرقعة هههههه

[SuL6aN]

ولـــو .. ما سويت شي ...

لوول .. لا انشالله خير .. :)