لطلاب الجامعه الكويت ...... Kobe_bryant

[ZaYoD88]

قوه شلونكم شخباركم


ابي كل طالب اوطالبه بجامعه الكويت يسجل

اي كليه

واي سنه

.....

اذا في اسئله عن مواد تبي تسجلها بجدولك وتبي تسال اذا اهيا صعبه ولا لا

اسال اهني والي يعرف يجاوب

عشان نستفيد

بس ياريت قبل لا يجاوب ويشارك بهالموضوع

يقولنا

اهوا اي كليه

واي سنه

عشان نكون علي علم ...


ومشكووووورين

واسف اذا طولت عليكم

[BaSKo0Ta]

هلا اخوي كوبي ....

شلونك شخبارك ؟؟؟


اكيد سجلت بالجامعه :) والف مبروك ...


اممم انا داشه سنه ثانيه بكلية الآداب ، والصراحه كل الشعب مغلقه ما سجلت الا ماده وحده عند دكتور اسمه ديفيد ميري ، وناطره يفتحون شعب يديده حق 141 ... وناطره السحب والاضافه ، اذا عندك أحد بيسحب من هالماده عطني خبر عشان أنطره وأسجل بداله :)
لأني اذا ماسجلت راح تروح سنيييين عمري وانا ماتخرجت من الجامعه اللي كل شعبها مسكره :(

[ZaYoD88]

يبارك بعمرج يا بسكوته

انا وياج بكليه الاداب بس انا اول سنه لي

ومسجل تمهيدي انجليزي

وماده جماليات الادب العربي عند دكتور صباح السوفيان

انا ابي اسئل لج يا بسكوته منو الي يبي يسحب واقولج تسجلين بداله ومراح اخليه يسحب الا لما اقولج عشان علي طول تسجلين

راح اعطيج خبر باسرع وقت من عيوني

[BaSKo0Ta]

مشكور ويعطيك ألف عافيه ....

والله يوفقك ... اذا تبي كتب أو مذكرات عطني خبر


عند منو خذيت التمهيدي ؟؟

[ZaYoD88]

انا خذيت عند عبدالصمد ندوب

يقولون كلش ما يغيب

لووووووووول

[BaSKo0Ta]

لووووووول

اي اي الله يعينك ..

بس ترى التمهيدي حده حده سهل ..

مو مهمه الدرجات اهم شي اتييب باس وبس !!


بس والله من كثر ماكان سهل كانت كل درجاتي كامله وكان الدكتور يحبني ويمدح فيني لوول وناسه صح ؟

بس دير بالك من هالدكاتره اللي انا جربتهم للحين :


عدنان غزال .. يفهمك بس دمه ثقيل ويخليك تكره القواعد

عبدالمالك التميمي .. لا يحوشك .. ظالم درجه أولى ..

[ZaYoD88]

لوووووووووووووووووووووووووول

لا الحمدالله افتكيت منهم الله رزقني بعبدالصمد ندوب

مبين عليه حبوب

انتي شنو خذيتي مواد وعند منو

[Foshya]

اموفقين ياارب

[BaSKo0Ta]

انا خذيت عند ديفيد ميري ماده اسمها الأدب والفنون .. هاذي لازم تاخذها بالانجليزي اذا تبي تتخصص انجليزي ..

[حنان الشوق]

بصراحة انا بجامعة خاصة في البحرين
بس يمكن احد يحتاج لي ويسألني
وانا مستعدة افيدكم اذا تبون >>طبعااا عن جامعات البحرين

انا تخصص علوم الحياة >>احياء
سنة ثانية جامعة
جامعة نيويورك ..

وانا اسفة رزيت ويهي معاكم :icon_redface::icon_redface:

[ZaYoD88]

اها سمعت انا بهالماده الي عند ديفيد ميري

يعني انتي تبين تخصصين اداب انجليزي


حنان شدعوه بالعكس انتي ويانا ونورتي الموضوع بوجودج

[BaSKo0Ta]

اي بتخصص انجليزي ... وانت شنو ناوي ؟؟





حنووونه .. نورتينا يالغاليه بس تخصصج احلى شي بالعلوم كله .. انا كل شي بالعلوم اكرهه الا الاحياء كنت وايد شاطره بهالماده .. الله يوفقج ياقلبي ..

[أمونه]

بالتوفيق للجميع

عقبـالي

زيود ثانكس عالموضوع

:):)

[حنان الشوق]

BaSKo0Ta..
تسلمين حبوبة صج المادة حلوة بس واااااااايد دسمة يبي لها
وانا خايفة وااااااااااايد لان الكورس الياي عندي تشريح
وانا ما احب اشرح
تخيلي نشرح فار ابيض :icon_cry::icon_cry:

[BaSKo0Ta]

لووووووووول

حنان الشوق انا عمتي بكلية الطب ويشرحون حتى البشر !!!


لا تخافين راح تتعودين لأن هذا مجالج .. وبالتوفيق قلبوووش :*