ساعدوني ابي مواد؟؟

[أسيرة قلبي]

:

حاضرين يا فندم .. :)

شوفي آنا سجلت جماليات حق الكورس الياي عند د. أيمن العشماوي ..

خوش واحد وتقريبا ً من أحسن دكاترة هالمقرر ..

بس في واحد كويتي ما يمدحونه كلش .. إسمه مو ذاكرته الحين بس إذا سجلتيها عند واحد كويتي سئلي عنه أول

لا يطلع الواوي .. :p

بالنسبة حق تحويلج ترى العلوم والهندسة واحد من ناحية الكراف والدكاترة .. فإذا إنتي مو هاوية عوار الراس

ومو حاطة ببالج نية إنج بتشدين حيلج لين ينقطع ..! فأنصحج إنج تحولين لكلية أخف ..

ديري بالج إن فرصة التحويل وحدة وماكو غيرها .. فكري عدل واستخيري .. وإن شاء الله الله بيكتب لج إللي

فيه الخير .. :)

:

[محولا بس انطروا]

حياتي والله انتي :cake0a:

بس عندي جم سؤال انتي ليش محوله تربيه؟؟
والدكتور اللي تقصدينه اكيييييييييييد صباح انا رفيجتي عندهو تقول مع احترامي الشديد>>ماني قايله<<
فوق انه غثيث وثقيل طينه قليل ادب << هذا من اللي سمعته
وبعد انه جعص...

بس والله انا حيييل حابه الهندسه وماني شيفه العلوم صعبه ويعني اللي صعب فيها انها بالانجليزي واحنا بنات حكومه مومتعودين على الانجليزي عدل..

منو دكاتره زنين حق تاريخ حضارة ،،

واعذري بتعبج معاي:ezpi_blush:

[أسيرة قلبي]

:

:)

إي أهو صباح ..!

-

بحول تربية لأني تأخرت بالهندسة كان عندي ظروف ولما رديت للكلية بعد كورس لقيت التخصصات كلها مسكرة

علي إلا الكهربا والميكانيك .. وآنا مابيهم ..

-

تاريخ حضارة عند أحمد الحسن امتحاناته كلها موضوعي .. والعصفور زين .. وعندج أحمد الطوخي ميدتيرماته كلها

موضوعي ما عدا الفاينال مقالي ويبيله كتابه شوي .. بس عيبه ما يحب أحد يناقشه بالدرجات وحقاني درجة أولى ..

:

[محولا بس انطروا]

انا تحويلي اكورس مو الياي اللي وراه
وبعدين انا اذا حولت سيدا بكوون مع اللي داخالين من اول هندسه فهمتي
امممممممممم
انا الحين توني معطله باتفرغلج على الاسئله الله يعيينج

[أسيرة قلبي]

:

سئلي بأي وقت .. :)

ما عندي أي مشكلة ...

:

[محولا بس انطروا]

يااااااااااااااااا بعد جبدي

؟؟سؤال لقافه؟؟
خلصتي امتحانات؟؟

[أسيرة قلبي]

:

لا إمتحاناتي تخلص يوم 20 إن شاء الله ...

:)

:

[محولا بس انطروا]

ويه الله يعيبنج الحين لي حولتي تربيه

تكونين متاخره ،مو؟؟

[أسيرة قلبي]

:

أكيد .. الحين ضايع مني 3 سنين .. :)

وتقريبا بقالي على التخرج 3 سنين أو 3 ونص بالكثير مع الكورسات الصيفي ..

التحويل مو هين .. :)

:

[محولا بس انطروا]

يمااااااااا خرعتيني بس انا موادي مثل مواد مستجدين المهندسه بالضبط
يعني احول وانا مومتاخره


بس اخاف تعلق السناره بحلجي
وماتعجبني الهندسه
مع اني مستصعبه العلوووم؟؟

[أسيرة قلبي]

:

شوفي مواد الهندسة أكيد صعبة ..

سوالف دفرنشال وميكانيكا حرارية وسيركتس ولينير ورسم هندسي .. إلخ

هذيل المواد اللي ياخذونها عقب سوالف فيزيا 2 وكالكولس بي وهالخرابيط .... :)

كلها عوار راس والرياضيات والفيزيا لاحقتج لين تتخرجين ..!

هذا شي يعتمد على شنو إنتي تحبين ..

لو تحبين هالسوالف بيصير كل شي عندج أوكي بس ضروري اعتمادج فوق الدكتور على الدروس الخصوصية ..

هذا شي معروف بالهندسة إن ما يمشون إلا بدروس ..

درسي السالفة عدل .. وإن شاء الله إذا إنتي حابة الشغلة بتمشين فيها ,..

أما إذا إنتي نظام تدورين وين الأسهل عشان راحتج فأكيد ما راح تمشين لأن هذا حالي وإللي جرالي وبمسح

دموعي في منديلك عللي جرا ...! :p

عرفتي شلون ..؟! :)

:

[عاشق مهزوم]

أسيرة قلبي <-- يعطيج العافيه على مساعتج

قواج الله

واختي محولا بس انطروا شدي حيلج بالدراسه

وشوفي إلي اتعرفينه وإلي ينفعج

وموفقه انشاء الله

[محولا بس انطروا]

شكرا عاشق على المرور

واسيره لنا عوده

[JoKeR 2]

وثانيا جوكر دايم سرحان ويطالع اجناط البنات وينا وين الدكاتره والشرح

هههههههههههههههههههههههههههههههههههههههههههههههههه هههههههههههههههههههههههههههه


الله يقطع سوالفج :p


عسى حصلتي مواد


تبين مساعده لووووووووووول

[طموحة مملوحة]

هاي حبيبتي أنا بكلية العلوم وأعرف للتحويل بس شدي حيلج من الحين :) انتي مستجدة عدل؟؟

عندج لازم تاخذين حق التحويل فيزيا1 و2 وكيميا 101 وكالكلس 1و2 وانجليزي 161 ولازم تاخذن فوق السي ولازم يكون معدلج نقطتين وفوق :)

اذا عن الدكاترة ..

عندج حق الفيزيا أحمد الجسار وحسن رأفت وأمينة الفرحان ... وطبعا كل واحد منهم له طريقته الخاصة ... :)

كالكلس عندج محمدي بنظري أحسن واحد بالنسبة لي واذا مو فاهمة شي روحي حق أستاذ سامر خوش واحد والله

والكيميا ... حمد المطر وأمل العازمي


والانجليزي ... كاثرين أو هضيب أو نانسي ونانسي أحسن وحدة لو أعرفج أروح وياج نكلمهم :) وتعرفينهم ويعرفونج مهم يشوفون اهتمامج...


أنصحج بالدورات الي يسوونها القوائم وايد مفيدة لأن الدورات الي تسويها الجامعة الغوها ...

وشدي حيلج ... والله يعينج يالغالية:) اذا تبين شي أنا واسطتج :)



أختج

طموحة مملوحة