.+. شطانة المدارس .. تعالوا نسترجع الذكريات .+.

[عاشقــ تويتي ـة]

قــووة عــليكم


شرايكم تتذكرون معاي

شنو أكبر بلوة سويتوها بالمدرسة

وتعاقبتوا عـليها :icon_lol:

ومنو انطق بسبتها :p


بإنتظار مشاركتكم

^_~

[عاشقــ تويتي ـة]

أما بالنسبـة لي

فموقف والله ليلحين في بالي

من بعدها مو بس تعاقبت عليها

إلا وصلت درجاتي بالحضيض على قولتهم :awink:

يوم من الأيام كنت رابعة متوسط

وكان علينا حصة اسلامية (( دين )) وقاعدين بالمسجد

المهم ورا الحصة كان فرصة .. عاد أبلتنا الدين عندها بنت في أولى متوسط

كانت دايماً تيي لأمها تاخذ المصروف يمكن أو أكل المهم

طلعنا من المسجد والأبلة داخل عاد في وحدة الله يذكرها بالخير اسمها (( مريم يمكن )) شاتت تكرمون كعب الأبلة

والكعب شوي بعد عن باب المسجد بس موايد المهم عاد انا يييت يعني مسوية نفسي جنقر و ست الستات :p

جان اشيل الكعب واحذفه وصار آخر الساحة يعني لو حاذفته شوي اقوى جان طلع من السور :redface:

المهم بحذفة الكعب جان اتيي جازورا (( بنت الأبلة )) لا تشوفوني أنا صج كنت شيطانه وملسوونة بالمتوسطة

بس كنت شادة الظهر بشطارتي واني متميزة والإدارة تحبني والابلات والخ

عاد فتنت البنت علي و على مريم

انا كنت انكر واقول ان انا ومريم طلعنا أول بنتين من المسجد

جان الحلوة مريم تقول الصج :s

وين تشووفوون ويهي انا اندقرت دقرة محترمة :/

عاد من بعدها أبلة الدين غيرت معاملتها لي

قبل انا كنت اراجع درجات الامتحان معاها
وانا اشيل واييب لها اغراضها وكانت دايما تطلعني من الحصص
اسويلها دفتر تحضيرها واكشخ مكتبها <== لان لي خبرة بالديكوريشن :p

والله يسلمكم هالسالفة كانت كورس ثاني

لا تشوفون انا مو ذاك الزود بالحفظ

عطتني مرة 16 من 20

وقبل انا كله 20 من 20

ابوي قال شنو هذا درجاتج وايد انزلت بالقرآن لازم نشتكي على الأبلة

قتله لا بابا ماعليه أنا أحاجي الابلة تعيدلي التسميع <== بلااه ماكان يدري :p

وبس


^_~

[صاحي لهم]

ههههههههههههههه

خوووش قصه والله

يعطيج العافيه عشووق فكره حلوه بصراحه

اتمنى من الجميع المشاركه

:)

[صاحي لهم]

انا عن نفسي شكثر صارتلي مواقف لووووول

اكثر هالمواقف سوالف الزقاير ايام الثنويه

اذكر بحصة اسلامية كنت قاعد مع واحد من الربع اسمه فارس (الله يذكره بالخير)

قاعدين ورا وقاعدين ندخّن

كنا عند الدريشه

ومدرسنا الاسلاميه شاااايب وسمعه ثقيييل ويالله يشوووف

ومايدري عننا شنو نهبب ورا لووووول

المهم من بره مر مدرس رياضيات ولا يشوفنا

(بتعملو ايه هاا) ، قلنا تكفه اسكت فكنا

قال وروني زقايركم شنو بشوف

ولا نوريه ، قال (الله زي الصنف بتاعي)

قلنا يمعود اخذه بس تكفه اسكت لوووول

المهم خذااه وسكت

وعدى هالموضوع بسلاااام

:)

[عاشقــ تويتي ـة]

هههههههههههههههههاي اي مصري بقششه يسكت :p

دنت نفسه على الزقاير بل عليه :p

تسلم خيوو على مرورك

وعلى سالفتك

وترى مو زينة الزقاير اسال مجرب :p

أتغشمر هع هع هع

[صاحي لهم]

طلعتي تشربين زقاير لووووول

لا ابشرج انا قاطعها من زماااااان

:)

[عاشقــ تويتي ـة]

لايبا لا يصدقون عاد يبون الشارة علي :p

اي اشوة ربك فكك منها

[حمـوووود وهبـي]

ههههههههههههههههههههههههههههههههه
اما عن نفسي مسميني المدرسه الضحوك < بس يضحك على اي شي
ره قاعد بصفي اوكي جا المدرس التربيه الاسلاميه وكان يعني عصبي لدرجه ماتتوقعونها اوكي كان يصيح حرام وما حرام وليش وهكذا انا طبعآ قاعد اخر واحد انا وربعي واحد يطالع الثاني ونضحك ههههههههههههههههههههههههههههههههه
ربعي سكتو الا انا ضليت اضحك شافني قاعد اضحك قالي وقف قلتله خير < يدور مشاكل هههههههه
قالي ضحكنا وياك قلتله تذكرت سالفه وضحكت حرام ولا شنو قالي لا عادي بس مو عندي تضحك ونادا طالب قاله جيب تقرير وكتب باتقرير بس يهذري واجد ويضحك على اتفه الاسباب ههههههههههه
والله حاشني بس تقرير يمعوده تقرير ولا فصل

[عاشقــ تويتي ـة]

ههههههههههههههاااي محمد شي من ولاشي هذا ادري

انا بالثانوية بلشوا فيني تعهداات لووولز قبل كنت خوش بنت بالمتوسط عمري حياتي

ماوقعت على تعهد حتى مادري شنو لونه ولا شكله :p

يبا تكبر وتنسى

وتعلم لا تضحك بسااعته مرة ثاانية :p

منور خيو