تويت
سالفة البري مع عمه وبنت عمه والطياره 0000
مساكم الله بالخير والصحه والسلامه والعافيه
ابحكي لكم قصتي يوم كنت قروي ويوم نقلة عندي عمي بالرياض
طبعا انا كنت بدوي وساكنن لي بقريتن بعيده عن القصيم
المهم تخرجت من سادس ابتدائي وحصلت بكل فخر على تقدير مقبول
لان المقبول بوقتنا مايجبونه الى الرجال الحلاحيل وتبطي مالقيت اللي معه سادس
المهم قال الشايب ذبحك التسدح رح لعمك خله يشوفلك وضيفه عنده بالرياض
والله والقط عفشي .... القط يعني اجمع / مابقي عندي من اوراق وكل اللي من اول تبعثينه واحد مايسمع بعزازي
المهم والله ويحجزلي ابوي على الطياره والبري خبركم مايعرف العلوم ذي حده سيكل
والله ويوم ركبت الطياره وتجي المضيفه وتمسك يدي تبي تدلني للكرسي
انا حسيت انها زافتني ذاك الليوم
<<<<<<<< قايلكم دلخ ماصدقتوني
والله وتحطني عند الجناح الوضوع الى الحين تماااااااااام عندي مادريت عن الخافي توي
والله ويوم اخذت شوي الى يوم قالو اربطو الاحزمه وانا الله يجيركم اقعداتهاوش معه هو يحلف وانا احلف عليه لين جت المضيفه وربطته لي
ويوم اخذت شوي والطياره اتحرك اعجبني انا منظر الجنااااااح وهو يهتز
والطياره تمشي على هونها والجناح يهتز خشيت جوي ماهو صاحي
ولا ومن دلاختي احسب عيون القطط وحده وحده
شوي الى يوم دعس ملعون الرقبه
والا ماعاد اميز عيون القطط وانا اتمسك بالكرسي ماعرفت انطق ولا حرف تشبصت
وشوي الى يوم رفعها وانا انزل راسي واتمسك وحالتي حاله مايعلم بها الى الله
ويوم هجد الوضع وحسيت الامور هدت وانا اناظر مع الدريشه عنيزه على كبرها اشوفها تقل مزرعه
وانا اقضب الكرسي مادري وش اقول اخاف اقول رجعوني يحذفوني من السما
المهم وتجي المضيفه وتهرج انقليزي مادري وش تقول انا سويت نفسي فاهم
قلتها no شوي الا يوم جت وقامت اتوزع الاكل على المسافرين
الناس كلها جاها اكل الا انا قلت من غير شعور وجبت اللهجه
انا اخو مزنه اخوها ابك الناس كلها تغدت الا انت يالبري علامهم ماجابولك غدا
الايوم ضحك اللي وراي قلت انت علامك تضحك قال انت قلت للمضيفه
يوم شاورتك تبي غدا والا لا قلتها no و no يعني لا
قلت اهاااااا اثاري البلا من ها الكلمه لاعادها الله من فلسفه انا وشلي بالانقليزي
المهم وصلت عند عمي بالرياض واستقبلني بالمطار
والله واروح معه للبيت ويوم وصلنا للبيت قالي ترى فيه عشى عندي الليله
قلت الله ينعم عليك ياعم والله ونجي للبيت ونجلس نسولف شوي الايوم
وجبت صلاة المغرب قال عمي شف الحمام عندك توضا
وادخل الله يكرمكم دورت المياه واناظر الا وش اناظر غرفة نوم ماهو دورة مياه
عاد انا متعود على الشغايا والحفر ماتعودت على غرفه 3*2
واجلس اناظر بالحمام مسغرب حمام السباحه والدش اول مره اشوف الحاجات ذي
واطالع الى الله يكركم الحفره حقت المرحاظ قلت بس هذي اللي عليها العلم
واجلس بالمقلوب واعطي وجهي للجدار ههههههههههههههههه
واشوف سلسله نازله من فوق ( يقصد السيفون ) قلت هذي الظاهر
محطوطه لكبار السن لاجو يقومون يتمسكون فيها ويوم خلصت وانا اتمسك فيها
الى هدير الماء من تحتي قلت بس كسرتلي ماصوره وانا القط شماغي
واسد فيه الحفره عشان الما مايضيع واقعد ماسك الشماغ الين انقطع الماء
وانا اخذ شماغي وانفضه مره مرتين وارجع البسه وامسح على وجهي ويدي
واطلع لعمي قال هااااااه توضيت قلت ايه ياعم ................ امحق وضو
والله ونصلي ونتعشى مع الرجال وانام ويوم جا من بكره طبعا يوم جمعه
قمت مع عمي ونروح على السياره يم المسجد وقبل ندخل المسجد قال عمي
لاتضيع الباب قلت ابشر ياعم المسجد عاد له ثلاث بيبان وكلها نفس بعض
ويوم انتهت الصلاه وانا انتظر الزحمه لين انتهت واطلع وادور عمي
الى مافيه احد وانشد لي واحد قلت تعرف عمي قال من عمك قلت ابوصالح
قال ماعرفه احسب ان اهل الرياض كلهم يعرفون عمي زينا بالديره
المهم واتذكر الى عمي قد عطاني رقم بيتهم وانا اروح للكبينه
انا اعرفها من شكلها انها تلفون لاكن ماقد استخدمتها طبعن هي من نوع الهلل
واجي وادخل رقم عمي ويوم ارفعو السماعه من الطبيعي ينفصل الخط
يوم ارفعو السماعه قلت انا البري شوفوني عند المسجد بالجهه الغربيه
والله واسكر واجلس انتظر ما احد جا شوي وارجع للكبينه وادق مره ثانيه
ويوم رفعو السماعه قلت انا البري عجلو علي انا احتريكم وذبحني الجوع
والا ما احد رد بالصدفه كان فيه واحد ولاحظ اني ما احط هلل يوم اكلم
ويجي يمي قال ياخوي ترى لازم هلل كيف يكلمونك قلت الا رفعو السماعه
قال ايه بس ينفصل الخط عقبها لازم هلل قلت ايييييييييه اثاريني ماليوم اهرج نفسي
والله وادق مره ثانيه بهلل وشوي الايوم جاني عمي وعيونه بتطلع مع راسه
ويوم جينا للبيت سكت ماقال شي قال لعياله جهزو الغدا
قال تعال تغدا معنا انا استحيت لان فيه بنات كبري عند عمي ومستحي
قال اقول امش تغدا والله وادخل والقاهم مادين السفره
عمي محطوط عنده جريش ومرقه وقرصان والباقين محطوط عندهم رز وسلطه
قال عمي تعال جنبي جاكم ولد الديره ماهو انتم خلوكم عند رزكم
انا عاااااد كنت مستحي والله واخذ اول لقمه وتطيح من يدي الى وهي بالمرق
قال عمي استدر وراك لعيال عمك جسرهم ( درا اني من جنبها )
والله وتجي البنت قدامي قالت تبي سلطه حاره والى بارده قلت الحين اخاف
تنقد علي اذا طلبت بارده قلت ابي حاره والله واطالع فيهم الى ياكلون بملاعق
انا ما اعرف للمعلقه ولا قد جربتها وامسك الملعقه واخذبها سلطه الى يوم
ضبطت معي مسكت الملعقه قلت تماااااام والله واعبيها سلطه واكلها
شوي الى يوم لساني وفمي غدت مثل الجمره من حرارة السلطه
وانا ادنق وافتح فمي واقوم الهث بنت عمي انتبهت لي قالت خذ الماء اشرب
وانا اخذ الكوب ومثل الطير وانا اشربه الى يوم زاد البلا علي وانا اقوم واترك السفره
واروح واجلس بغرفتي واطلع فلوسي من الشنطه ميه وخمسين معطينيها ابوي
وكل شوي احسبها واطلع البوم الصور واجلس اناظر صور ابوي واخواني
وصورتي مع ابوي بالمزرعه واقعد ابكي ودموعي على خدي تقل شغيه
اثاري الباب كا ن امطرف وكان عمي وبنات عمي وكل اهل البيت متابعيني
ويناظرون في وانا ابكي شوي الاعمي داخل علي قال اعقل وخلك رجال انت عند عمك
منت عن واحدن اجنبي وانا بكره بسافر وانا عمك البيك تنبه للبيت وللعيال ايه
وانا عمك انت اكبر منهم
قلت تروح وترجع بالسلامه ياعم وازهلهم .......... حسيت اني مهم
ومن بكره قلت للبنات وحده تمد يدها على التلفون اكسرها لها ....... صار يمون الطعس
والله وذاك الليوم كنت جالس قدام التلفزيون ويدق التلفون وتنقز وترفعه البنت الكبيره اللي وهقتني بالسلطه
وانا انقز مثل الطير واعطيها هاااااك الكف اللي ماقد ذاقتها من ابوها ولاراح تشوفه من زوجها
وهي تنااااااااااظر في والشرار يتناقز من اعيونها
وتنحاش من عندي وعلى المطبخ الا جايبتن ذيك السكين اللي مايذكون فيها الا البقر من كبرها
وتنقز مرة عمي قالت لا يامهبوله ولدك عمك تبين تفضحينا والله ويالله افتك منها
عاد انا طول الفتره اللي كنت فيها عند عمي ما انزل شماغي ابد والسبب
عندي شعور ماهي صاحيه وداسها بالغتره اخاف عمي يشوفها
والقصد ماهو اني اربي شعر لا بس ما اعرف الحلاقين ولاقد شفتهم
وذاك الليوم جت بنت عمي طبعن تصالحنا بعد ذيك المشكله جتني وقالت انت
وراك
ماتنزل شماغك قلت اعلمك بس ماتعلمين احد قالت خلاص والله ما اعلم
وانا انزل الشماغ ويوم شافت الشعر قالت وهي تفتح فمها ويييييييييييييييييي
كل ذا شعر يالبري قلت ايه قالت والله لاعلم ابوي
المهم من حسن حظي ذاك الليوم عمي ماهو فيه ويم جا من بكره قال عمي رح اشترلك ملابس رياضه
لاني كنت توي مسجل بدوره عسكريه المهم رحت واشتريت لي ملابس
ويوم وصلت البيت قال عمي يالله البسها الحين ابي اشوفها عليك
انا توهقت كيف البسها واطلع لعمي اكيد راح يشوف شعري وساعتها من بيفكني منه
المهم قلت يالله هي خربانه خربانه ويمكن بكره تعلمه ملعونت الرقبه
والله والبس الملابس واطلع لعمي ويوم شاف الشعور قال انا اخو مزنه
وابك ها اللي تقل عرف ديك وش تبي فيه يوم انك مربيه
يالله قدامي للحلاق واشوا اللي جت على كذا
المهم هذي سالفتي واعذروني كان طولت عليكم والا انا توي بس الصراحه
تقفل مخي ماعندي اللي اضيفه
مساكم الله بالخير والصحه والسلامه والعافيه
ابحكي لكم قصتي يوم كنت قروي ويوم نقلة عندي عمي بالرياض
طبعا انا كنت بدوي وساكنن لي بقريتن بعيده عن القصيم
المهم تخرجت من سادس ابتدائي وحصلت بكل فخر على تقدير مقبول
لان المقبول بوقتنا مايجبونه الى الرجال الحلاحيل وتبطي مالقيت اللي معه سادس
المهم قال الشايب ذبحك التسدح رح لعمك خله يشوفلك وضيفه عنده بالرياض
والله والقط عفشي .... القط يعني اجمع / مابقي عندي من اوراق وكل اللي من اول تبعثينه واحد مايسمع بعزازي
المهم والله ويحجزلي ابوي على الطياره والبري خبركم مايعرف العلوم ذي حده سيكل
والله ويوم ركبت الطياره وتجي المضيفه وتمسك يدي تبي تدلني للكرسي
انا حسيت انها زافتني ذاك الليوم
<<<<<<<< قايلكم دلخ ماصدقتوني
والله وتحطني عند الجناح الوضوع الى الحين تماااااااااام عندي مادريت عن الخافي توي
والله ويوم اخذت شوي الى يوم قالو اربطو الاحزمه وانا الله يجيركم اقعداتهاوش معه هو يحلف وانا احلف عليه لين جت المضيفه وربطته لي
ويوم اخذت شوي والطياره اتحرك اعجبني انا منظر الجنااااااح وهو يهتز
والطياره تمشي على هونها والجناح يهتز خشيت جوي ماهو صاحي
ولا ومن دلاختي احسب عيون القطط وحده وحده
شوي الى يوم دعس ملعون الرقبه
والا ماعاد اميز عيون القطط وانا اتمسك بالكرسي ماعرفت انطق ولا حرف تشبصت
وشوي الى يوم رفعها وانا انزل راسي واتمسك وحالتي حاله مايعلم بها الى الله
ويوم هجد الوضع وحسيت الامور هدت وانا اناظر مع الدريشه عنيزه على كبرها اشوفها تقل مزرعه
وانا اقضب الكرسي مادري وش اقول اخاف اقول رجعوني يحذفوني من السما
المهم وتجي المضيفه وتهرج انقليزي مادري وش تقول انا سويت نفسي فاهم
قلتها no شوي الا يوم جت وقامت اتوزع الاكل على المسافرين
الناس كلها جاها اكل الا انا قلت من غير شعور وجبت اللهجه
انا اخو مزنه اخوها ابك الناس كلها تغدت الا انت يالبري علامهم ماجابولك غدا
الايوم ضحك اللي وراي قلت انت علامك تضحك قال انت قلت للمضيفه
يوم شاورتك تبي غدا والا لا قلتها no و no يعني لا
قلت اهاااااا اثاري البلا من ها الكلمه لاعادها الله من فلسفه انا وشلي بالانقليزي
المهم وصلت عند عمي بالرياض واستقبلني بالمطار
والله واروح معه للبيت ويوم وصلنا للبيت قالي ترى فيه عشى عندي الليله
قلت الله ينعم عليك ياعم والله ونجي للبيت ونجلس نسولف شوي الايوم
وجبت صلاة المغرب قال عمي شف الحمام عندك توضا
وادخل الله يكرمكم دورت المياه واناظر الا وش اناظر غرفة نوم ماهو دورة مياه
عاد انا متعود على الشغايا والحفر ماتعودت على غرفه 3*2
واجلس اناظر بالحمام مسغرب حمام السباحه والدش اول مره اشوف الحاجات ذي
واطالع الى الله يكركم الحفره حقت المرحاظ قلت بس هذي اللي عليها العلم
واجلس بالمقلوب واعطي وجهي للجدار ههههههههههههههههه
واشوف سلسله نازله من فوق ( يقصد السيفون ) قلت هذي الظاهر
محطوطه لكبار السن لاجو يقومون يتمسكون فيها ويوم خلصت وانا اتمسك فيها
الى هدير الماء من تحتي قلت بس كسرتلي ماصوره وانا القط شماغي
واسد فيه الحفره عشان الما مايضيع واقعد ماسك الشماغ الين انقطع الماء
وانا اخذ شماغي وانفضه مره مرتين وارجع البسه وامسح على وجهي ويدي
واطلع لعمي قال هااااااه توضيت قلت ايه ياعم ................ امحق وضو
والله ونصلي ونتعشى مع الرجال وانام ويوم جا من بكره طبعا يوم جمعه
قمت مع عمي ونروح على السياره يم المسجد وقبل ندخل المسجد قال عمي
لاتضيع الباب قلت ابشر ياعم المسجد عاد له ثلاث بيبان وكلها نفس بعض
ويوم انتهت الصلاه وانا انتظر الزحمه لين انتهت واطلع وادور عمي
الى مافيه احد وانشد لي واحد قلت تعرف عمي قال من عمك قلت ابوصالح
قال ماعرفه احسب ان اهل الرياض كلهم يعرفون عمي زينا بالديره
المهم واتذكر الى عمي قد عطاني رقم بيتهم وانا اروح للكبينه
انا اعرفها من شكلها انها تلفون لاكن ماقد استخدمتها طبعن هي من نوع الهلل
واجي وادخل رقم عمي ويوم ارفعو السماعه من الطبيعي ينفصل الخط
يوم ارفعو السماعه قلت انا البري شوفوني عند المسجد بالجهه الغربيه
والله واسكر واجلس انتظر ما احد جا شوي وارجع للكبينه وادق مره ثانيه
ويوم رفعو السماعه قلت انا البري عجلو علي انا احتريكم وذبحني الجوع
والا ما احد رد بالصدفه كان فيه واحد ولاحظ اني ما احط هلل يوم اكلم
ويجي يمي قال ياخوي ترى لازم هلل كيف يكلمونك قلت الا رفعو السماعه
قال ايه بس ينفصل الخط عقبها لازم هلل قلت ايييييييييه اثاريني ماليوم اهرج نفسي
والله وادق مره ثانيه بهلل وشوي الايوم جاني عمي وعيونه بتطلع مع راسه
ويوم جينا للبيت سكت ماقال شي قال لعياله جهزو الغدا
قال تعال تغدا معنا انا استحيت لان فيه بنات كبري عند عمي ومستحي
قال اقول امش تغدا والله وادخل والقاهم مادين السفره
عمي محطوط عنده جريش ومرقه وقرصان والباقين محطوط عندهم رز وسلطه
قال عمي تعال جنبي جاكم ولد الديره ماهو انتم خلوكم عند رزكم
انا عاااااد كنت مستحي والله واخذ اول لقمه وتطيح من يدي الى وهي بالمرق
قال عمي استدر وراك لعيال عمك جسرهم ( درا اني من جنبها )
والله وتجي البنت قدامي قالت تبي سلطه حاره والى بارده قلت الحين اخاف
تنقد علي اذا طلبت بارده قلت ابي حاره والله واطالع فيهم الى ياكلون بملاعق
انا ما اعرف للمعلقه ولا قد جربتها وامسك الملعقه واخذبها سلطه الى يوم
ضبطت معي مسكت الملعقه قلت تماااااام والله واعبيها سلطه واكلها
شوي الى يوم لساني وفمي غدت مثل الجمره من حرارة السلطه
وانا ادنق وافتح فمي واقوم الهث بنت عمي انتبهت لي قالت خذ الماء اشرب
وانا اخذ الكوب ومثل الطير وانا اشربه الى يوم زاد البلا علي وانا اقوم واترك السفره
واروح واجلس بغرفتي واطلع فلوسي من الشنطه ميه وخمسين معطينيها ابوي
وكل شوي احسبها واطلع البوم الصور واجلس اناظر صور ابوي واخواني
وصورتي مع ابوي بالمزرعه واقعد ابكي ودموعي على خدي تقل شغيه
اثاري الباب كا ن امطرف وكان عمي وبنات عمي وكل اهل البيت متابعيني
ويناظرون في وانا ابكي شوي الاعمي داخل علي قال اعقل وخلك رجال انت عند عمك
منت عن واحدن اجنبي وانا بكره بسافر وانا عمك البيك تنبه للبيت وللعيال ايه
وانا عمك انت اكبر منهم
قلت تروح وترجع بالسلامه ياعم وازهلهم .......... حسيت اني مهم
ومن بكره قلت للبنات وحده تمد يدها على التلفون اكسرها لها ....... صار يمون الطعس
والله وذاك الليوم كنت جالس قدام التلفزيون ويدق التلفون وتنقز وترفعه البنت الكبيره اللي وهقتني بالسلطه
وانا انقز مثل الطير واعطيها هاااااك الكف اللي ماقد ذاقتها من ابوها ولاراح تشوفه من زوجها
وهي تنااااااااااظر في والشرار يتناقز من اعيونها
وتنحاش من عندي وعلى المطبخ الا جايبتن ذيك السكين اللي مايذكون فيها الا البقر من كبرها
وتنقز مرة عمي قالت لا يامهبوله ولدك عمك تبين تفضحينا والله ويالله افتك منها
عاد انا طول الفتره اللي كنت فيها عند عمي ما انزل شماغي ابد والسبب
عندي شعور ماهي صاحيه وداسها بالغتره اخاف عمي يشوفها
والقصد ماهو اني اربي شعر لا بس ما اعرف الحلاقين ولاقد شفتهم
وذاك الليوم جت بنت عمي طبعن تصالحنا بعد ذيك المشكله جتني وقالت انت
وراك
ماتنزل شماغك قلت اعلمك بس ماتعلمين احد قالت خلاص والله ما اعلم
وانا انزل الشماغ ويوم شافت الشعر قالت وهي تفتح فمها ويييييييييييييييييي
كل ذا شعر يالبري قلت ايه قالت والله لاعلم ابوي
المهم من حسن حظي ذاك الليوم عمي ماهو فيه ويم جا من بكره قال عمي رح اشترلك ملابس رياضه
لاني كنت توي مسجل بدوره عسكريه المهم رحت واشتريت لي ملابس
ويوم وصلت البيت قال عمي يالله البسها الحين ابي اشوفها عليك
انا توهقت كيف البسها واطلع لعمي اكيد راح يشوف شعري وساعتها من بيفكني منه
المهم قلت يالله هي خربانه خربانه ويمكن بكره تعلمه ملعونت الرقبه
والله والبس الملابس واطلع لعمي ويوم شاف الشعور قال انا اخو مزنه
وابك ها اللي تقل عرف ديك وش تبي فيه يوم انك مربيه
يالله قدامي للحلاق واشوا اللي جت على كذا
المهم هذي سالفتي واعذروني كان طولت عليكم والا انا توي بس الصراحه
تقفل مخي ماعندي اللي اضيفه
