عـــزومه وهـــديــه لجميــــع الاعضـــــاء <<<<<احمد 2>>>>>>

[احمد 2]

[gl]اولا اقووول لكم منقوووووله؟؟؟؟؟؟؟؟؟؟


ثانيا ـــــــــ بدون زعل والسمووووووووووحه مقدما شباب وصبايا

تابع للنهايه وراح تنبسط من الضحك [/gl]


كوكتيل للعاطلين .....(الجزء الثاني)

يالله ان تحييهم ياهلا ويامسهلا

يالربع تخبرون انا رجال ماعندي شغل <<<<<فرحان الأخ

وماغير اعزم جيراني واصدقائي <<<<مع عيال حاتم الطائي الأخ

ومره من المراريت عزمت عيال وبنات المنتدى عندي بالشقه ايام الجامعه ايه ايه الله يذكر

هذيك الأيام بالخير <<<<<أخلص لاتضيع السالفه

عاد هالكلام قديم يعني قبل كل اللي عزمتهم تقاعدوا ترى <<<<<<ذكي علشان مااحد يمسك عليه شي

هذا الله مير يسلمكم كان عندي واحد نشبه أيام الجامعه انا تعرفت عليه بالجامعه وهو من اهل الديره وكل يوم

ماغير يتسدح عندي بالشقه ولايروح لأهله يعني لزقة الأسد على غفله

<<<<<<ادخل بالسالفه اخلص

طيب .... هذا الله مير يعافيكم كان يوم خميس عاد انا ماتفرق عندي خميس جمعه عوض مايهم ماغير

جالس في هالشقه المهم والله واطالع لساعتي <<<<< اوماكس بــ20 ريال وناشب للهندي وخلاها بـ12

يووووووووه الساعه اربعه العصر والله ماادري يمديني اروح لسوق واجيب اغراض للعشاء الظاهر انه يمديني برووح ........!!

والله وارجع المغرب وابي افتح باب البيت ..... غريبه مايفتح ...... وش فيه المفتاح يؤؤؤؤؤ الله يستر خلني احاول ...... فيه مفتاح من دااخل ؟ غريبه ماني خابر احد معاه مفتاح غيري ( لأني عزوبي ) يؤؤؤؤؤؤ تذكرت الدب تروووكي معه مفتاح البيت ؟ ياويلي لايكون جاء الغبي والله فشله ؟ وربي بيفضحني عند الضيوف يؤؤؤؤؤؤ كأن المفتاح اللي داخل طاح .... طلع صوت ... خلني اجرب المفتاح .... تمام فتح اشواااا

تروووكي منسدح بالمجلس .. ( والله اني بتفشل اليوم عند اهل ياقلبي وش يبي هالنشبه ) .... أحم

بالله يالحبيب ابو عاطل موجود .<< مايقط نغزات ابد

تروووكي : لا والله يالحبيب من اقوله .. << يبين له انه وسيع وجه ماهو ماشي

وقبل مايكمل كلامه والله واشوته برجلي شوته يحبها قلبكم

قم بيجيني ضيوف بعد شوي .. بعدين اهلك يمكن يالهون عليك ..

ويرد ترووكي وهو يتوجع .. توني داق على امي من جوالك ..

والله واعطيه نظرات واحد قافله معه .. وأقول

شف بيجيني ضيوف اللحين وتراهم من المنتدى ويموتون بالانتقاد ..

يعني لاتقعد تستدلخ عندهم اخلي وجهك كانه دفتر بزر ...

ويرد ترووكي ويقول افا عليك خلهم عندي يا انا ابسنعهم تسنيع ...

وارد عليه بسرعه .. انت فكنا من تسنيعك ..


ويطق الباب ...

وينط ترووكي يركض يبي يفتح ..

واركض وراه ... وامسكه واحشره قلت اركد ياخوي تحسبهم يوزعون حلاو ...

ونمشي انا وياه ونفتح الباب .....


اول مافتح الباب .. وتطير عيونه ترووكي ..

ويناظر زين .. قال الله جايبين معهم بنات ..

والله واجي من الفرحه بالضيوف وافتح الباب بسرعه واعدل ملامح وجه ترووكي

وأقول ....

اكيد معهم بنات هذا منتدى فيه كل الانواع .. ( انواع الاحراج من الاعضاء )

وينط ترررروكي بلقافه ويقول هو فيه نوع غير البنات والعيال ؟؟؟

واصكه اقنور .. اقلطوا اقلطوا يالله حيهم ..

ويوم ادخلوا الاعضاء انا احاول قد مااقدر امشي بين البنات وبين ترووكي...

يوم دخلوا وجلسوا قال ( نوافي ) وين فلان وفلانه ليش مادخلوا .. ؟؟

وألتفت لترووكي : وين الباقين ؟؟

قال تروكي .. مابقى احد غير اثنين بزران معهم قلت لهم روحوا العبوا مع البزارين ..

.. يؤ يؤ .. ( تذكرت انه فيه بنت وولد اجسامهم صغيره من حقين المنتدى ..)

والله واطلع اركض والقى اخواني حاشرين العضوين ومهبلين فيهم ..

وأجيبهم وتعذر لهم ويدخلهم المجلس ..

قلت يالله تعذر لهم ياخبل ..

ويجي ترووووكي ويقوم ويحب راس الولد .. وهو يقول العذر والسموحه ..

بس اني اول ماشفتكم شفت اجسامكم قطاع ولادي احسبكم بزران <<< ايقاله رقعها ..

وانط عليه وامسكه قلت يكفي اقعد .. والخبل يقاوم ويقول .. اصبر باقي البنت ما اعتذرت لها وحبيت راسها ..

ياخي خلاص مسامحتك .. اقعد ..

يوم قعدوا .. وينط ترووكي ويقعد عند الشاهي والقهوه ..

ويبدا يغمز لي وانا مايادري وش السالفه وبعد اخذ وعطا ..

قال تروكي : تبونها نظام عربي ولا انجليزي ..

قالوا وش هي .. قال اول شي اصب للحريم بما انه ليدز فريست ..

ولا اصب للكبير ولا اصب للي يمين ..

واجي واعطيه كتف قانوني .. قلت رح هات المبخره ..<<< مايصرفه ابد

ويروح تروكي يركض ويجيبها ..

يوم دخل قلت رح هات البخور ..

قال تررروكي قديمه يالصعيدي <<< فضحه قدام الاعضاء ..

ولاحظ تروكي انه جاب العيد ..

وعلى باله يبي يرقعها قاال ..

ايه عمارتنا هذي كلها صعايده وهنود وفلبينيين <<< لا والله ترقيعه ..

قديمه انا جايب البخور اصلا ..

ويطلع البخور من مخباته ...

واخذ منه البخور ويقوله اقعد وحط جوالي على الصامت .. <<< يلمح له يعني انطم ولا تتكلم

قال ترووكي .. ياخوي نسيت ان جوالك مقطوع مايرسل ولا يستقبل ...


واضحك وكانها مزحه يعني ..

واقوله رح حبيبي شف العشاء ...

وترووكي يتلفت ..

واقوله قم ياخي ..

.. ويقول تقصدني يابو الشباب .. << حشى هذا سواق تريله مو واحد يكلم خويه

قلت ايه ياتنكه .. <<< فقد اعصابه مره ..

ويضحك ترووكي قال ايه توك تبدا تكلمني ..

ويحرك حواجبه كذا قال هوا والعشاء حاضر ..

وينط من بين الاعضاء ويتوطى الفناجيل ويشوت البيالات ايقاله يعني سريع ...

ويوم راح : ماعليه هذا صديقي وزي اخوي الصغير من زمان مع بعض دراسه ووناسه

<<<<< مايدري وش يقول

ومن كلام المسلسلات هذا ..

قال الفارس الوسيم ( لا عادي مبين عليه خفيف دم هههههههه )

<<<< حس ان الفارس الوسيم يجامل

ومادريت إلا جاي يمشي مليون .. ويدخل مع الباب ويضحك ويقول للأعضاء ..

جايين تبون عشاء هههههههههه ياحرام احترق عشاهم ههههههه

وأنط كأني أتكلم معاه واخنقه واطلعه برى ...

ونروح للمطبخ الا العشاء محترق ..



تروكي.. حبيبي .. من هو اللي يبي يصيح اللحين .. اللي مزود النار على العشاء من هو ؟؟

وتروكي يناظر يمين ويسار ويقول .. ياعاطل لاتسيئ الظن بأخوياك تراهم كل الوقت معنا وبعدين ما اتوقع احد يسويها ..

( يقاله مايدري من هو اللي رافع على النار )

والله واعطيه ذيك الأبتسامه قلت يعني ماعرفتك .. اصلا انا خابرك لامنك بديت تلفت يعني انك تكذب ..

ليه تزود على العشاء .. ويرد تروووكي ويقول ..

ياخي جاني النوم واخوياك طولوا ..

وارد عليها وانا شوي وابي انفجر من القهر .. قلت وهو بيت ابوك ياخي رح نام ببيتكم ..

ويجاوب بسرعه ترووكي .. ياخي بيتنا مافيه تكييف مركزي

لكن اسمع ياعاطل لايهمك ...

انا خابر لك واحد ذيب يطلعنا من المشكله هذي ..

قلت من هو .؟؟

قال الافغاني اللي بآخر الشارع ... عليه كبسه بس ايه ..

شغل مجنون .. يحلفون ان الافغاني هذا راضع مع سعوديين

مره انا رحت يمه ..

وبنفس الوقت اللي يسولف فيه ترووكي..واقوم اتلفت واطلع من المطبخ ...

ويتلفت بعدي تروكي يوم شاف ما احد انتبه ويفرش ابتسامه على وجهه ويمشي وراي...

واروح واجيب فلوس قلت اسمع .... او تدري هات الفلوس انا بروح اجيب عشاء ..

وانت تروح تقعد مع الضيوف وتسكت ساكت ماتتكلم بس تصب شاهي وقهوه ...

قال ترررروكي سم ..

والله واطلع من باب المطبخ ...

ويروح تروووكي ويدخل على الضيوف ..

ويجلس .. ويسوي نفسه يبي يفتج سوالف مع ( عاشق المنتدى) قال : انا كأني شايفك قبل بالسوق ..

رد عاشق المنتدى وقال .. شكلك مشبه انا من جده ..

الا ويطيح وجه ترووكي .. ويحاول يرقعها قال يمكن شايفك يوم اجي لجده بالصيفيه مع المركز ..(فرحان بالمركز الصيفي الأخ)

قال عاشق المنتدى انا كنت بمصر وقتها

وقتها عرف ترووكي انه مايمديه ينصب

ويلتفت على فهودددي قال ..

ماشاء الله معك جوال الباندا ..

قال فهووددي ( ومسوي فيها اتكيت) مايغلى عليك ..

الا يسحب ترووكي الجوال قاله .. تبي الرقم ولا لا ؟؟

وعلى بال ماجيت انا الا ترووكي مجمع كل اغراض الأعضاء عنده ..

يوم دخلت إلا يقولي ترووكي شفت لعبت عليهم اخذت اغراضهم

وأضحك ضحكة واحد منحرج قلت هههههه مزح معكم خويي !! رجع اغراضهم ...

ويرجعها ترووكي وهو مقهور ويقول .. ماعمري كسبت شي الا ياخذه مني ...

يالله حيهم لاتواخذوني يالربع صديقي دمه خفيف

قلطوا ياجماعة الخير العشاء جاهز

تررروكي هات الببسي من الثلاجه ؟

قال : مالقيت إلا واحد وانا اول واحد شفته

( حاط الببسي بمخباته )

والله وناكل ( طبعا الدب ترووكي على الأكل مايتكلم )

قاموا الأعضاء وغسلوا وجلسنا نبي نسولف !!

أخبارك أطياف الماضي وشلونك عاش من شافك ؟

ردت علي : الله يسلمك ياعاطل بخير الله يطول بعمرك

ويلزق الغثيث ترووكي عند اذني : من هي هذي أطياف الماضي ؟

قلت أحم بعدين .... بعدين ... هههههههه هذي كاتبه عندنا بالمنتدى ماشاء الله عليها

مواضيعها مره حلوه

وش اخر مواضيعك يااطياف الماضي ؟

وينقز الملقوف ترووكي ويقاطع أطياف الماضي قال :أطياف انا وين شايفك ؟

قلت : هههههههه ترووكي ياحبك للمزح حنا نسولف عن منتدى مو تلفزيون

قال الغبي : لا لا هذي شايفها قبل فتره بالسوق عند محلات الكمبيوتر

قالت أطياف الماضي : هههههههه يمكن تشابه ليش لا

قال الثور : لا لا واجهتك بمحل كمبيوتر تسألين صاحب المحل وقلت له انه بتنـزل حروف جديدة للكيبورد هي نزلت ولا بعد !!

ويطالع لي ترووكي ويضحك : ههههههه ذابحتها الموضه واخر الصرخات

قلت : الله يقطع سوالفك ههههههههه

تروكي لزق بأذني للمره الثانيه : عاطل أم كرش هذيك من هي ؟

ياخبل اسكت لاتفضحنا ههههههههههه وتلتفت علينا ساحرة القلوب ؟ واتدارك الوضع قلت هذي ماشاء الله شعلة نشاط بالمنتدى !! قال ترووكي : يارجال والله مغير تسدح عند محلات الفول .... يؤؤ أحم يالله حي ساحرة القلوب !!

اوووووووه فهودددي اخبارك طال عمرك ؟

قال فهوودي بخير ... بخير

<<<< حس ان فهوودي مرتفع ضغطه

قال ترووكي لفهودي : انت اللي تقدم نشرة الأخبار وتضحك على العالم وتقول غداً أمطار

يؤؤؤ أحم ترووكي حبيبي عيب !! استح ههههههههه ياهلا بفهودي ياهلاااااا

شوق اخبارك وش مسويه وشلون الاجازه معك ؟

والله تمام ياعاطل ماشي الحال .....

وينط ترووكي : عاطل هذي لقيتها مره عند محل صيانه وجالس الخبير يشرحلها الانترنت

بكل اهتمام فجأه قاطعته بسؤال ماادري وشلون جاي قالت: الحين أيهم أفضل

الإنترنت أم الهارد ديسك ؟ راعي المحل انفجر فيه عرق وانتقل الى رحمة الله ))

ترووكي حبي تكفى خل هالليله تعدي على خير ززززين .... يالله حيهم

عاشق المنتدى يطالع ساعته ؟

اووووووووه عاشق بدري وش فيك

قال لا والله عندي شغل بدري لازم اروح !!!

قال ترووكي : والله اللي يبي يروح يروح واللي يبي يجلس يجلس

هههههههههههههه الله يقطع سوالفك ترووكي ( هين شغلك بعدين )

ويقوم عاشق المنتدىويقومون الأعضاء كلهم وقبل مايطلعون قال ترووكي بالله خوذوني معكم

ههههههههههه يمزح يمزح ( انا اوديك اركد لا احوسك شغلك بعدين )

يالله حيهم والله الساعه المباركه ولازم تكررونها وطلعوا الأعضاء والتفت لتروووكي

ويروح يمشي الفين داخل الشقه مسرررررع ويطيح فوق الكنب ويمسك الريموت حق الدش .... قال أخذته قبلك

والله واطرده ومن يومها متفشل ماادري كيف اروح للمنتدى وناقل هم الاعضاء لايكون زعلوا بس صرت من بعدها كل ماابي اجي للمنتدى ألبس كعب عالي <<<<<والله انك منت بعيد عن تروكي


*************************



يالربع جارتنا تبي عريس وماذيتنا عاد انا قلت لها بشوف لك من المنتدى اذا لقيت ولا العذر من الله ومنك

ياأم صنيتان عاد يالربع الي يجد في نفسه القدره على الزواج وتراه مجاني بس يفكنا

وهذي صورة العروسه

V

V


V

V


V



V



V






*************************


اسرعوا ترى الكميه محدوده خخخخخخخخخخخخخخخخخخخخخخخخ


ياشباب واهم شي الصبايا الشباب هين لاحقين خير

انا لي تجارب ترى مع الفن والفنانين والتمثيل وسويت افلام كانت تعرض في قناة سبيس تون بس توقف

العرض بسبب مشاكل في الرقابه مدري وش سببها المهم انا بنزل هالصيف أضخم عمل فني

وقلت ابي اخصكم بالخبر تدرون انتم بالنسبه لي مدري وشو بس شي ثقيل <<<<يعني كبير أحم

المهم انا قررت أسوي وانتج شريط أكسر فيه الدنيا والفنانه ياربييييه بس على الفنانه وشي نناسي

وشي هيفاء وهبي وشي هذيك بعد الدميره ...أحم فنانه يخزي العين تؤبرني عليها جمال

وحلا وحركات نص كم بالفيديو كليب صراحه شي شي تدرون تعالوا نتعرف على الشريط والفنانه

V


V


V


V


V


V


V

V

V

v




الله يستر من العين بس


*************************



هالشايب منتهي اربع وعشرين ساعه قدام الدش يذكرني بجدي الله يرحمه ايام طلعت نانسي عجرم



*************************


عاد هذي صحيح بدون تعليق وهنا يتضح لماذا جماعتنا العاطلين أصبحوا عاطلين



عن الضحك عاد هذا موقف صار معي وحسبي الله على من كان السبب

V


V


V


V


V


V


V

V



*************************


انا حلمت حلم وخايف ان تفسيره اللي فسره لي جاري أبو هوجاس يطلع صحيح تعالوا نشوف الحلم

V

V

V


V

V

V

V

v

V

V



والله ان شبابنا في خطررررر شوفوا شوفوا

V

V


V


V


V


V


V










**************************


عاااااااااااااااااااااد هذي مالي اي كلام فيها بنات المنتدى ابخص

v

v

V

V


V


V

v

V

v

V

V


**************************




هذا اللي ماصدق خبر والله






إذا في أمك خيررررر ألحقني


*************************

عندي جدتي ياجماعة الخير والله ياهالعجوز ماترد على احد ولابعينها احد وكل يوم اذا جيت من الملعب

ولابغيت اروح للملعب ألقاها جالسه عند فم الباب وتطالع في خلق الله وكل يوم جدي

يهاوشها يبيها تدخل داخل ولا كأنها تسمع ويوم سألتها ليش ياجده عيب ومايصير قالت ماعلي من احد

هذي روبي يعني مااحد يكلمها اشوف يؤؤؤؤؤؤؤؤؤؤؤؤؤؤؤؤ

عاد تعالوا شوفوا الجلسه وشلون

V

V


V

V

V

V

V

v

V

V

V

V




*************************


حبيبي ئرب بوص وبوص بوص زعلان ازعل ازعل نوووووووص نووووووووووووووووص

شوفوا من لقيت بالحوش

واحد يغني والثاني يرقص حسبي الله علي نانسي ضيعت شباب المستقبل


V

V

V

V

V

V

v

V

V

v

V

V







محشش احترق محله سألوه عسى ما خسرت واجد؟ قال أشوى إني كنت مسوي تخفيض

واحد ضرب محشش كف. سأله مزح او جد؟ قال جد. قال احسن لأني ما احب المزح ابد

محشش قفل المفتاح علي سيارته فتحوه له بعلاقة ملابس سوي نسخة للعلاقة

شرطي محشش شاف واحد معه دباب ويرفع غزالة عطاه مخالفة وكتب محاولة طيران

محشش تٍْأخر عن الدوام قاله المدير وين الناس؟قال ما ادري عنهم انا توي جاي

محشش دخل شركه قال وين المدير, قالوا المدير (العام)، قال لا السنة هاذي
فيه محشش سئلوه وشلون تصيد الارنب قال اتخبى تحت شجرة واقلد صوت الجزر


أربعة محششين يلعبون بلوت قال واحد لخويه تري الشباب يأشرون قال لا توقف



محشش صدم 2 الأول مات و الثاني يهاوش قال المحشش شف خويّـك مات ما قال شي



محشش ماشي في الشارع شاف دورية يبي يبعد الشبه وقفهم وقال اللومينا للبيع



محشش يصبغ جدار قاله واحد حط تحتك جريدة قال لا عادي اطول



حشاش مشترك في مسابقة أسرع رسمة رسم نقطة وقال: هذا فيل جاي من بعيد



محشش يسوق فراري شغل الراديو قالت المذيعة:هنالندن قال:يلعن ابوالسرعة



محشش راعي تكسي فالت له وحدة ابي اروح السوق قالها روحي بس لا تتأخرين



محشش قال لخويه إنت وين مولود قال بالمستشفى قاله ليه كنت مريض



محشش سأل واحد قال وش إسمك؟ قال بسام .قال المحشش أي بصمة ؟؟



نذله تقهوي ابوها سألها وش اخر اخبار النذاله؟؟ قالت:نص الدله كلوركس




خليجيه تزوجت وراحت شهر العسل للشام ،يوم شافت شباب الشام قالت يا شين العجله



محشش ذبح زوجته سألوه ليش .قال بنت الكلب ربحت اقامة في فندق مع شخصين.


محشش ابوه مااات يوم غسلوه قالوله عط الرجال 50 ريال قال والله لو انه لكزس


محشش دق على الخطوط بيحجز قاله الموظف: ذهاب واياب قال: لا خروج المغلوب!!!


*************************


ياجماعة الخير والله ان ودي اسوي لكم مفاجأه بس ذال انكم تصكوني عين مااشوف الدرب بعدها

خوياي المشرفين الأفاضل <<<<<<يضبط وضعه الولد

يالربع نظرا لالحاح الكثير من بنات المنتدى اللي يطالبن عاطل بأنزل صورته في المنتدى

وانا اقول ماله داعي يابنات يقولن تكفى ياعاطل تكفى ياعاطل واللي يرحم والديك ياعاطل تكفى ياعاطل

<<<< تحلف انه روميو مو عاطل

عاد انا سويت اتصالاتي واقنعت المسؤلين والقائمين على المنتدى <<<<<حلوه القائمين

قالوا خلاص ياعاطل نزل صورتك بس انا خايف من شي سمعته واخاف يتكرر هنا

انا سمعت ان وحده في لبنان يوم شافت ملحم زين يقولون طاحت كالفطيسه يعني ماتت

وانا خايف يتكرر هالشي هنا بس يابنات انت عارفات ان الجمال نعمه والوحده لازم تمسك اعصابها

وانا والله سويت مجهود ماهو بسيط بس علشان اقنعهم ينزلون صورتي ووافقوا

يالله عااد خلوني اوريكم الصوره

V

V

V

V

V

V

V

V

v

v

V

V

v

V



يازيني يخزي العين


في نهاية هذا الكوكتيل وكالعاده احب ان اختم بأهداء لكم

وهذا اهداء لكل العاطلين عن العمل من




http://alsahe9.jeeran.com/هديه.htm


~~~~~~~~~~~~~~~~~~~



كوكتيــــــل للعاطليــــــــن عــن العمــــــــل

v
v
v
v

ممنـــــوع دخول الموظفيـــــن ** ورجال الاعمـــال **

v
v
v
v

ارعــــــص هنـــــا وانـت ما تشـــــوف الدرب




تشكر11111111111ت






* حــــاليا في الاســـــــــــواق *


كوكتيــــــل للعاطليـــــــــن عن العمــــــل 000 الجزء الثاني




لا يفووووتكم 00 يـــاتلحقون 00 يـــــا ماتلحقون 000



[gl][/gl]

[WoOoOoOoW]

هههههههههههههههههههههههههه حلووووووووووووووو

مشكووووووووووور على الموضوع الكووكتيل

[احمد 2]

هههههههههههههههه يسلمووووووووووا علي المروووووووووووووووووووووور