( تدرون ليش الشباب يغازلوون البنااات ))؟؟؟؟

[AL_MoHaNdS]

العبايات:-

شمغ .. ساري.. شك .. خرز.. طب وتنقى بس لا تكثرووون يالبنيات..

نشوف ان العبايات بدت حبه حبه شوي شوي.. step by step
كانت وسيعه==> بدو يضيقون===> فستان عزيمه===> بدلة رقص شريهان==> خلصنا صارت
فيفي عبدو..

والي يلفت انتباهي.. مره وانا عند خياط عبايات كان فيه ثنتين وحده عبايتها تقول وزرة يماني..

والثانيه قاعده تفصل عبايه.. عاد تقول للخياط ضيق من عند الخصر.. وخلها كلوش من تحت
(يعني فرنسي)

والخياط ماغير يضيق بهل العبايه لمين الخياط طلع من طوره وقال
ماما هذا مافي عباه هذا صار فستان عروسه..
(مشالله الهندي مطوع)

ولا يوم خلصت قالت خل فتحات من الجوانب وخلهن لمين الركبه.
. عشان يطلع البنطلون الجينز..

خلونا الحين من ذولي قالتله عندك خرز احمر ??
قال الهندي المسكين ايه قالت حطه بالعبات كله..
من حق عبات صارت..(بس اقول الله يستر عليها بس)



الشيلة والطرح..

-الفوطه:الي صايره جنها فار مقرضها مافي قض الي فيها.. صايرة جنها مشخال..

لوحة بيكاسيو:- مافي لون بالعالم الا رازته بالغطى

غطى على غفله:-شيفون ولا حرير بس يكون شفاف الله يرحم والدينك(طيب ليه تغطين)..(والله ماودي بس الوالد اجبرني)

-مافي خيط هندي وخرزه الا بالغطى:-الي تصير كله شخابيط ..

هذي بعضالشيلات الي هابين فيها هل اليومين بنات ترى الموضه الحين الجنز لا يفوتكم



الشنط:-

1-اهم شي انها تكون صغيره(سندويشت ابو يمن..) وتلصق بالاباط وتكمله ضيق الكم بالله وشلون تمشي..

2-تلمع وتبلص:-ومره انا امشي واحد يلحق وحده وانا وراهم اتتبع الاحداث(CNN)ومستغربه البنت مابه شي
يعني عشان يلحقها.. وبالاخير وقفه قاله من وين شنطتك انا ابي اتزوج وابي لزوجتي مثل ذي الشنطه لانها تلمع..
البنت دور خشمها طار للدور الثالث..

3-ح************ المدرسه:-قال امريكان قال.. بعبايتك ومتغطيه ورازتن الشنطه وراج(والله عيب)



الاحذية (وانتو بكرااامة )

1-ابراج الكويت ولا برج حمود و برج التحرير معاهم:-(بالغصب طويله وعنقى)تلبسهن بس اويلاه من جاء ودفه
(عاد مايقصرون الشباب انواع الحرش)

2-جواتي االشباب العرابجه:-اكشخ من قدكم البنات بدوا يقلدونكم..



المكيـــــــــاج:-

لطخي بويهج وكثري بالعيون وسوي زي كحل زينب العسكري.. وشوفي الشباب كيف يلاحقون..

(ابي امي .. ابي ابوي..ليش الشباب يلاحقوني)..


عرفتووو اي نوعية الي يلحقووونها الشباب و يغازلونها ؟؟
ترى البنت المحتشمة الي ما تتبرج تبرج يلفت الانظار محد يقدر يتجرأ و يقرب يمها ...

الله يهدي جميع البنات الي يسون مثل جذى ويدلهم على الطريق المستقيم
وخليهم يبتعدوو عن هذه الاشياء اللهم امين
منقووووووووووووووووووووووووووووووووول

[سيجنال2]

تسلم على هذا الموضوع
وصح كلامك درر والله درر
الي ماشيه بطريجها محد له شغل فيها

سيجنال2

[جيكر حلو]

تسلم عالموضوع وانت الصاج مهندس جذي البنات يسوون
<=--=- بس ما عليك الشماتيه موجودين
<=-=- لا مو شماتي ماله شغل باحد :)


عالعموم مشكور عالموضوع وعالنصايح بالاخر


تحياتي :
جيكر^حلو

[WoOoOoOoW]

يسلموووووووو على المووضوع

الله يهدي البناااات الي يسوون جدي :p

بس ابي اعرف الكحل الي يحطوووونه ابدا مايعجبني يفشل يخلععععع ويعع مو حلوو
العيوون الطبيعيه احلى بوااجد او الكحل الخفيف
والمكيااج والله البنت على الطبيعه احلى

[Loves_Kw]

اي والله صاج اول شي شحلاتهم شافو جم وحده ضيقت كملو لووووووووووول
مشكور على الموضوع الحلو والكلام لكم يا بنات
اخوكم :Loves_kw

[BO_3zo0oz_Q8]

مشكوووووووووووور أخوووووووووووووي

على الموظووووووووو ع

كلامك ينقط عسل

[الشمرية]

ههههههههههههههههههههههههههههه
هههههههههههههههههههه حدك خطير انت والله نكتة معاك حق بس والله مو كلهم
خف على البنات من شوي الجنط وشنو فبها والحين ......................
خف على البنات مشكور على الموضوع

[المهمومة]

اي والله خفوا شوي على البنات بس اللي يسون جذي يستاهلون كل اللي يجيهم صح؟؟؟؟؟؟؟؟؟؟؟؟؟؟ والا شنو راي الاعضاء الباقيين؟

[AL_MoHaNdS]

الف شكر اخوي

سيجنال2



على ردك

[AL_MoHaNdS]

وتسلم اخوي جيكر حلو على ردك

[AL_MoHaNdS]

يعطيك العافيه اخوي Wooooooooow
على ردك

[AL_MoHaNdS]

والف شكر اخوي Loves_Kw على ردك

وتسلم اخوي بو عزووووز على ردك


وتسلمين اختي الشمرية على ردج ومرورج

ويعطيج العافيه اختي المهموومه على ردج

ويعطيكم العافيه