تويت
لوووووووووووووووول مسكين صج مقرود ،اقروها وتعرفون منو؟
--------------------------------------------------------------------------------
أبوعلي : شنو هذا يا عليوي شقاعد تسوي ؟
عليوي : لا ماكو شي قاعد اسقي الزرع .
أبوعلي : حسبي الله عليك من ولد شيل ايدك منها .
عليوي : ماقدر يبا شكلها حلو والله ماني هادها .
أبوعلي : هدها يا ولد الـ؟؟؟ هدها لا اذبحك اليوم .
أم علي : شصاير فيكم صراخكم واصل لآخر البيت .
أبوعلي : تعالي وخري ايد ولدج لا بارك الله فيج و بولدج .
أم علي : عليوي يما وخر ايدك عن الورده وأنا اعطيك فلوس تروح تشتري باكيت كامل ولا منة ابوك علينا .
أبوعلي : اسمه باكيه مو باكيت والله سليمه تصكج وتصك ولدج معاج يالله مناك مالت عليكم .
أم علي : يمه عليوي ليش تبي تقطع الورده ؟
عليوي : يمه شفيج باجر عيد الفلانتاين وحبيت اجمّع كل الورد الأحمر اللي بحديقتنا على شان اهديه لحبيبتي ((نوسه)) .
أم علي : أي نوسه لايكون قصدك نوسه جارتنا أم كشه .
عليوي : اي يمه أنا من اول ماشفتها وهي راده من المدرسه مع سايقهم طحت بغرامها .
أم علي : عليوي شفيك سايقهم أحلى منها ومافيها شي ينحب .
عليوي : شوفوا عاد ماتعطوني فلوس اشتري ورد والا ترى باخذ كل ورده حمره بحديقتنا .
أم علي : أي عفيه ولدي وخل ابوك يموت بسكته قلبيه لا يمه هاك هذا ربع دينار اشتر ورد على كيفك .
عليوي : يا ربي هذيله على بالهم بشتري بنك يمه الجوريه الوحده بنص دينار حرام عليج .
أم علي : خلاص يا وليدي هذا دينار فيه وردتين روح يمه عسى الله يوفقك .
ويذهب عليوي وهو بغاية السعاده ويشتري وردتين ويكتب الى حبيبته رساله يضعها مع الورد ويعطيها الى نوسه فكانت الرساله حياتي نوسه كل عام وانتي الحب أنا مادري شقولج في هذا العيد ... نوسه صدقيني أنا عملت المستحيل على شان اقدم لج هالوردتين وهذا اللي اقدر عليه .. وفي العيد القادم بهديلج كرت ايزي بو دينار ونص ولا يصير خاطرج الا طيّب يا ننوستي انتي .
ولكن طبقا للمثل القائل تجري الرياح بما لا يشتهي السفن وقع هذا الورد والرساله بيد فرج والد نوسه وبعد ان انكرت نوسه معرفتها بعليوي ذهب والد نوسه ومرزوق عم نوسه وفهد خال نوسه الى بيت بو علي وطرقوا الباب ولسوء حظ عليوي ذهب مسرعا لفتح الباب فوجد ثلاثه طوال مصاكه بالنتظاره .
فصرخ والد نوسه : أنت عليوي ؟
عليوي : أي ياهلا تامر بشي اقدر اخدمك بشي ؟
فهد خال نوسه : أنت اللي كاتب هالرساله وداز هالورد .
عليوي : بعد ان بلع ريقه (ها اي والله بس كان بالغلط )
مرزوق عم نوسه : بالغلط احنا نعلمك شلون تغلط مره ثانيه .
عزيزي القارئ : في مثل هذه المناسبات لا يشترط اهداء الورد الأحمر بنص دينار ولكن يكفيك ارسال مسج بعشرين فلسا بشرط ان تكون نوسه مقطوعه من شجره ولا تتلقّف في فتح الباب كعليوي
--------------------------------------------------------------------------------
أبوعلي : شنو هذا يا عليوي شقاعد تسوي ؟
عليوي : لا ماكو شي قاعد اسقي الزرع .
أبوعلي : حسبي الله عليك من ولد شيل ايدك منها .
عليوي : ماقدر يبا شكلها حلو والله ماني هادها .
أبوعلي : هدها يا ولد الـ؟؟؟ هدها لا اذبحك اليوم .
أم علي : شصاير فيكم صراخكم واصل لآخر البيت .
أبوعلي : تعالي وخري ايد ولدج لا بارك الله فيج و بولدج .
أم علي : عليوي يما وخر ايدك عن الورده وأنا اعطيك فلوس تروح تشتري باكيت كامل ولا منة ابوك علينا .
أبوعلي : اسمه باكيه مو باكيت والله سليمه تصكج وتصك ولدج معاج يالله مناك مالت عليكم .
أم علي : يمه عليوي ليش تبي تقطع الورده ؟
عليوي : يمه شفيج باجر عيد الفلانتاين وحبيت اجمّع كل الورد الأحمر اللي بحديقتنا على شان اهديه لحبيبتي ((نوسه)) .
أم علي : أي نوسه لايكون قصدك نوسه جارتنا أم كشه .
عليوي : اي يمه أنا من اول ماشفتها وهي راده من المدرسه مع سايقهم طحت بغرامها .
أم علي : عليوي شفيك سايقهم أحلى منها ومافيها شي ينحب .
عليوي : شوفوا عاد ماتعطوني فلوس اشتري ورد والا ترى باخذ كل ورده حمره بحديقتنا .
أم علي : أي عفيه ولدي وخل ابوك يموت بسكته قلبيه لا يمه هاك هذا ربع دينار اشتر ورد على كيفك .
عليوي : يا ربي هذيله على بالهم بشتري بنك يمه الجوريه الوحده بنص دينار حرام عليج .
أم علي : خلاص يا وليدي هذا دينار فيه وردتين روح يمه عسى الله يوفقك .
ويذهب عليوي وهو بغاية السعاده ويشتري وردتين ويكتب الى حبيبته رساله يضعها مع الورد ويعطيها الى نوسه فكانت الرساله حياتي نوسه كل عام وانتي الحب أنا مادري شقولج في هذا العيد ... نوسه صدقيني أنا عملت المستحيل على شان اقدم لج هالوردتين وهذا اللي اقدر عليه .. وفي العيد القادم بهديلج كرت ايزي بو دينار ونص ولا يصير خاطرج الا طيّب يا ننوستي انتي .
ولكن طبقا للمثل القائل تجري الرياح بما لا يشتهي السفن وقع هذا الورد والرساله بيد فرج والد نوسه وبعد ان انكرت نوسه معرفتها بعليوي ذهب والد نوسه ومرزوق عم نوسه وفهد خال نوسه الى بيت بو علي وطرقوا الباب ولسوء حظ عليوي ذهب مسرعا لفتح الباب فوجد ثلاثه طوال مصاكه بالنتظاره .
فصرخ والد نوسه : أنت عليوي ؟
عليوي : أي ياهلا تامر بشي اقدر اخدمك بشي ؟
فهد خال نوسه : أنت اللي كاتب هالرساله وداز هالورد .
عليوي : بعد ان بلع ريقه (ها اي والله بس كان بالغلط )
مرزوق عم نوسه : بالغلط احنا نعلمك شلون تغلط مره ثانيه .
عزيزي القارئ : في مثل هذه المناسبات لا يشترط اهداء الورد الأحمر بنص دينار ولكن يكفيك ارسال مسج بعشرين فلسا بشرط ان تكون نوسه مقطوعه من شجره ولا تتلقّف في فتح الباب كعليوي
[/align]
تعليق