تويت
هــايـزز أووول ..
كيفكـــووون ..؟!
هذه مقطتفات من مذكراتي اتمنى تعجبكم :p
1- بنيه والاغاني : براءة طفله .. (6سنوات )
(فكة راس)
طبعا كنت اسمع واحفظ الاغاني بسرعه اسوي لها داونلود بمخي بثواني بس كان فيه شي غلط ..
احفظ الكلمات ولا ادري شنو معناتها !! :/
(انواع التحريف)
اذكر اغنيه لخالد الشيخ "نعم نعم هذي سنة المحبين .. لهم مطامع بالهوى مساكين "
انا كنت اغنيها جذي ركزوا زين
" نحم نحم هذي سنة المحبين ....لهم مطاعم بالهواء مساكين " <<=--- شغل عدل والله .. مساكين دام مطاعمهم بالهواء لوووووووووووووووول
2- بنيه في مأزق .. ( 7 سنوات)
(لعنة الديرفه = المرجوحه )
مرة كنت العب بديرفه بحوشنا وانا العب الا انقطع واحد من سلاسل الديرفه وانا طحت على جنب وجلبت بفتحه الديرفه اللي على جنب صارت ريولي تحت وراسي فوق ولا قدرت اطلع لوووول هذا تقريبا الساعه 4 العصر ...ومرت ساعه وانا مجلبه (طبعا للحين ما بجيت ترى قويه ) صارت الساعه 5 ومروا اخواني رادين من البقاله ياكلون بـرد وقلت يت من الله الحين بيساعدوني واناديهم ويطالعوني ولا إيوون ويضحكون ويطالعوني جنه العيد .....وعاااااادي يدخلون البيت ....
(ولا بجيت للحين).....وبعدين يا المغرب يت اختي الكبيره قلت الحمد لله بتنقذني حاولت تطلعني ما قدرت وراحت دخلت البيت واتركتني (جزاها الله خير على الاقل حاولت) :D (لي الحين ما بجيت ترى ) .... وبعدين دخل ابوي مسسسسسرع على الديوانيه ولا انتبه انه في احد في ورطه :D ..بعدين يا واحد من قرايبنا (ياي مع ابوي) دخل الحوش وشافني قال الله بنيه في البرد وابتسم ودخل الديوانيه وراه ابوي وانا اتعصر من العوار وماعطوني فرصه اعلمهم باللي صار ..............(للحين ما بجيت ) ....المهم ظليت احاول اطلع نفسي واحاول لين صارت الساعه 11 .......يتني البجيه بعد ماباءت محاولاتي بالفشل وحسيت اني من قلب ماراح اقدر اطلع وصوتي حتى لو صرخت ما يوصل لهم واكثر شي قهرني اني ما حليت واجباتي (ياحلوي من صغري لي الحين و انا وين والواجبات وين طلعي اول بعدين يحلها ربي )....المهم في هالوقت دخل خالي (مثل سوبرمان) وباب الحوش مفتوح دخل وشافني ابجي ويا جهتي وحاول يطلع ويطلع ويطلع لين طلعت برحمة ربي ولا المكان كان ضيق حيل ......وبعد ما شالني من بين الحدايد كان مافي شي ببالي غير اني انتقم من هالي مروا علي ولا طلعوني واكثر شي اختي :D بس مع هذا كله الحين اسأل نفسي امي (الله يخليها لي) وينها عني معقوله ما فقدتني من 4 الى 11 ؟؟؟؟؟؟؟؟؟ :mad:
3- بنيه والبحر ... (9 سنوات)
(اشوي الا اغرق )
مرة طالعين البحر عند الابراج بالتحديد .. عايلتين احنا .... المهم انا وبنت خالتي مستانين ونلعب ونطامر وحالتنا حاله .. المهم قلت حق بنت خالتي شرايج انتمشى قالت اوكي .. قعدنا انتمشى ورحنا صوب المطعم اللي بمكان شيليز (( ماذكر ان شيليز كان موجود قبل ؟! ) المهم اهناك في دري ( درج ) قلت لها تعالي ننزل ( نيتي شينه كنت ابيها تنزل علشان ادزها وتطيح واضحك شوي ) .. واهيا مسيكينه على نياتها .. نزلنا حبه حبه الا وانا زالقه وبنت خالتي زلقت وراي لوووول (كنت ماسكه يدها) لووووووووووول .... بس الخاينه على طول شالت عمرها وصعدت متى مداها مادري ؟! وضليت انا طايحه واخييييييييييييييييييييييه على ذيج الطيحه المهم رجعت بنت خالتي تسحبني لليييييييييين ما خليتها تشيلني لوووووووووووول ...وانا مدينه لها .... اللي قاهرني اهلنا يطالعون واخواني ياكلون حب بعد :mad:
4 – بنيه والحيوانات (10 سنوات)
(فـــــــــــاهمـ غلط ! )
عندي واحد من اخواني كان يحب يربي الحيوانات ومجمعها في الحوش شكثرها .... دياي وحمام وسلاحف وكتاكيت وارانب ....المهم ذاك اليوم كان مطلع ارنب (عيونه حمر يخوف ويركض وراه ويحذفه ويضحك ... (شرير لوووول وانا الحقه واقول حرام حرام عليك لا تحذفه .....)
شوي ولا يفهم الارنب السالفه غلط ويقوم يركض وراي وانا انحاش واركض ويركض وراي واركض ويركض وراي لفينا الحوش كله(واخوي ورانا ميت من الضحك) وادخل من باب المطبخ ويدخل وراي ووادخل البيت ويدخل وراي واطلع الدور الثاني يطلع وراي وماراح الا لما دخلت غرفة امي وسكرت الباب وراي :D مادري شكله فهم السالفه غلط علباله انا اللي كنت احذفه :D او انه كان يبي يشكرني على موقفي النبيل معه ؟! لووووووووووووووووول .......
بس هذا اللي عندي الحين لان فيني النومـ .. يعني فضفضه ماقبل النومـ مو شي :p
تعليق