شارك واكسب ، واضحك على غيرك

[دنيا غير]

أولا : أحب أرحب بالأعضاء وأتمنى من الجميع المشاركة ....

أول مشارك يكتب موقف مضحك صارله
والثاني نفس الشي
والثالث نفس الشي

أما رابع مشارك فراح يختار أطرف موقف من ال 3 مواقف السابقة وراح يكون صاحب الموقف الأطرف الرابح معانا...

وإللي بعده يرد يكتب موقف ... وهكذا

يعني بإختصار : 3 مواقف ومن ثم تحديد الموقف الرابح

وآسفة لأني طولت عليكم بالشرح



في إنتظار أول مشاركة :)

[دنيا غير]

شدعوة محد يشارك ... لازم أحرج نفســــي الأول؟؟

أوكي مو مشكلة :)

مرة كنت قاعدة بالصالون حسيت إن بنطلوني مشدود ، جان أطالع ريولي ولا زهيوي أسود عود شواربه طوال قاعد يتمشى على ريلي ..... وع وع وع وع وييييييييييييييييع

قعدت أناجز وأرجف وماسكة نفسي عن إني أصارخ جدام الأوادم ... طبعا صار هدوء ... كل وحدة بالصالون هدت شغلها وقاموا يطالعوني جني مينونة

وأمي قالتلي شفيج يالخبلة ؟؟ جان أرجف وأبجي .... فهمت أمي إن السالفة فيها زهيوي بس محد صدقني لأن الزهيوي إختفى .... وصاحبة الصالون قالت إحنا ما عندنا زهيوية !!! زين ما ودوني مستشفى الطب النفسي .... :)

[اليمامــــــه]

هههههههههههههههههه

طيب انا احكي موقف صار معي

هذا انا كنت ثاني يوم داشه فيه الدنمارك
وجنت طالعه بلساحه الي بلعاصمه وهيه كبيره
ضيعت شويه فيها وانا كنت بروحي
جان اسأل واحد رجال كبير بلسن دنماركي اقووله في الانجليزي ما تعرف وين أو شلون اطلع من هلساحه الحين ما فهمني هههههههههههههه ولا جان احجي وياه عربي
قام يقولي بلاب بلاب بلاب ههههههههههههه وربي متت عليه ضحك


ومشكوورة على الموضوع كويتاويه كوول

[دنيا غير]

هههههههههه العفو حبيبتي

يلا ناطرة موقف بعد :)

[دنيا غير]

جذي محد يشارك بالموضوع ؟

آنا كتبته لأني زعلانة

ما يصير تضحكوني شوية ؟

[BIG^BOSS]

افا عليج يالغاليه حاظرييييييييييين :) مشكوره على العبه الجميله وعساج عالقوه يالغاليه


مره رحت محل تلفونات قلت له شنو عندكم اجهزاااء ولا يقولي هذوول كانو 3 وفي جامه عاكسه التلفونات فريت عليهم واحد واحد وصلت لثالث ولا اوقله بجم هذااا جان يعطيني السعر المهم ولا اقوله ازين الراابع جم سعره ولا يقولي لا هذي الجامه عااكسه لووووووووووووووول

مره رحت الحلااااق قلت له خفف على شعري شوووي مو وايد ولا يسمع كلمه وايد ولا يخفف علي صررت اقررع لوووووول

[دنيا غير]

لوووووووووووووووول

ذكرتني بموقف الصالون

كان شعري طويل وقلتلها قصريه حيل بس لا يوصل " بوي

راحت قصتلي بوي :)

الياي يحدد أحلى موقف من ال3 اللي طافوا

[*TanTosHa*]

مواقفكم كلها حلوة

بس موقف كويتيه أكثر شي يضحك لانه صاير معاي تقريبا مثله لوووووووووووووووووووووول

[دنيا غير]

لووووووووووووووووووول ،،، شفتي البنات شلون مظلومين ؟

يلا عطينا موقف صارلج ؟

[دنيا غير]

من يومين وآنا صاعدة الدري بالكلية
كنت لابسة كعب
الكعب الغدار زلق على الدري وطيح قلبي بالأرض ،،، آآآآخ يالفشـــــلة :)

[سعودي رايق]

هههههههههه كويتيه كان رميتي الكعب ومشيت يحافيه احسن


مره كنت بمصر وجايبين هدايا حق اصدقاء منها تلفزيون وتعرفون لازم يسجل على الجواز عشان ترجعه


يوم كنا بنعود قال خالي رح الشرطه وعطه 100 جنيه وخله يسوي بلاغسرقه

رحت وعلمت حضرة الصون بكل شي قالي نفتح المحضر :

سين تعرف نمرت الغربية اللي سرقت التلفزيون

كان يجاوب هو ويقول طبعاً ماتعرفشي ..

سين تعرف شكل السواق طبعاً ماتعرفشي ...

هو يسأل ويجاوب ( الله يخلي 100)

في النهايه قالي خد يبني ولو اتسرق خالك تعالا وانا اعملك محضرهههههههههههه

[دنيا غير]

هههههههههههههههههه

حلــــــــــــوة :)

جان قلتله آنا بايقتـــــه :)

[اليمامــــــه]

انا بكتب موقف صارلي من زمان


انا اول شئ درست هني بمدرسة للغه
ومن خلصت منها رحت مدرسه عاديه يعني فيها اجانب وعرب
اول يوم لي هناك اخذت اربع حصص ومن خلصو انا شفت الي بلصف كلهم ياخذون شنطهم ويروحو مكان ما اعرف وين انا على بالي راحو البيت انا قمت اخذت الشنطه ورحت البيت
عاد ثاني يوم كلهم لقيتهم واقفين برا قلت لهم شفيكم يقولون البارحه ليش هربتي من اخر حصتين كان علينا فيزياء وكيمياء بلحصه الخامسه والسدسه المعلم طلع الشارع يدورج
قلت لهم شلون مو انتو اخذتو شنطكم ورحتو البيت مثلي قاالو لا احنا رحنا على قاعة الفيزياء



بوقتها متت خجل

[دنيا غير]

لوووووووووووووووووووووووول

:) :) :)

آنا ما أقدر أحكم
لأني مشاركة بموقف
واحد غيري يختار أحلى وأظرف موقف من ال 3 اللي طافوا

موقفي
أو موقف سعودي رايق
أو موقف اليمامة