][ صاحي لهم .. على كرسي الأعتراف ][

[ŋαŋ]

بسم الله الرحمن الرحيم

السلام عليكم ورحمة الله وبركاته

في إطلاله جديدة في كرسي الأعتراف



".. اليوم معنا ضيف جديد على الكرسي .. "

شخصية في غنى عن التعريف عضو محترم .. مثقف صأحب أطلالة مميزة
وصاحب قلم ذهبي .. أمتاز بأشعاره الجميله وأبداعه الرائع
عضو صاحب مرور مميز و مواضيع مميزة أيضا
له أحساسه الخاص المرهف .. مميز برقة حروفه و تعابيره
وأمتاز بأسلوبة الطيب مع الأعضاء
ومن ناحية الأشراف مشرف مميز و لامع
له بصمته و هيبته

ضيفنا اليوم
المشرف القدير
مشرف همس القوافي


" .. صـاحي لهـم .."

يا هلا وغلا فيك أخوي
وأن شاءالله تقضي وقت ممتع على الكرسي
منور .. حياك الله :)

وقبل مـآ أتركك لـأسئلة الأعضاء
يا ليت تذكر لنـآ

(( البطـآقة الشخصيه ))

أتمنى لك وقت ممتع
معنا وأسعد الأوقات على كرسي الأعتراف

/
|

والحين
أتركك لأسئلة الأعضاء

مــوـوفق( F )

/
|

Have a Nice DaY

مشـرفة كـرسي الأعتراف
ريم الشوق

[عاشقــ تويتي ـة]

.+. صــآحي لهم .+.


حيـــــاااك أخــووي منــور الكرسي

بــخاااطري جـم ســؤال بس بخليهم بالآخر

وأتمنى لك إقــااامة سعيدة

وبـكون متاابعة


:)


.+. ريــــوومة .+.

أصبتِ بالاختيــــــــاااااار

[صاحي لهم]

شكرا ريووم ..

ريم الشوق

الله يعطيج العافية على هذا التقديم الرائع ..

أخجلتيني والله .. :)

في البداية أتمنى من الله التوفيق لي ولكم ..

وأنا جاهز للرد على جميع اسئلتكم ..

وإنشالله اكون متواجد بكثرة خصوصا هالاسبوع .. من أجل أن اجاوب على اسئلة الجميع ..

أتمنى أن اكون ضيفا خفيفا على قلوبكم الرحبه .. :)


بطاقتي الشخصية :

الاسم: فهد

العمر: 21

المهنه: طالب في جامعة الكويت

الهوايات: الشعر والقراءة وركوب الخيل وكرة القدم

.

.

عاشقة تويتي

حيّاج الله بأي وقت ..

:)

[Na3ooma]

يـــا هلا يـــاهلا اخووي العزيز صاحي لهم =))


والله منور الكرسي ..


يلا استعد عاد انا ما اسأل واااايد بس مشكلة اني صرت جدام عاد يبيلك اسئلة اسئلة !!

نبدي


بسم الله =))



* شنو تدرس .. بأي كلية ؟
*شنو سيارتك ؟
*لونك المفضل ؟
*أكلتك المفضلة ؟
* أعضاء قريبين منك ؟
* قلم تحب تقرا له بالمنتدى ؟
*عضو عزيز على قلبك ؟
* عضو تعجبك ردووده ؟
*عضو ما تحبه ولا تحب أسلوووبه <<< هاا اعترف ؟
*شنوو طموحك بالحياة ؟
*شنو امنيتك ؟
* حكمة تؤمن بها ؟
*متى يبكي صاحي لهم ؟
*متى يفرح ؟
*متى يغضب ؟
*كم عدد اخوانك خواتك ؟




و بـــــس =))


ادري ثقلت عليك بالأسئلة لووول =)


تحياتي لك وموفق اخوووي .. :)

[صاحي لهم]

يـــا هلا يـــاهلا اخووي العزيز صاحي لهم =))


والله منور الكرسي ..


يلا استعد عاد انا ما اسأل واااايد بس مشكلة اني صرت جدام عاد يبيلك اسئلة اسئلة !!

نبدي


بسم الله =))

نعومه

هلا وغلا ..

منور فيج وفي اخواني الاعضاء ..

يلا مستعد .. :)

* شنو تدرس .. بأي كلية ؟

علوم إدارية ..

*أكلتك المفضلة ؟

الاكل ما له اي اهتمام عندي .. فأنا آكل لأعيش وليس العكس

*لونك المفضل ؟

بالنسبة للملابس فأنا أفضل اللون البني كثيرا ..

أما بالنسبة للسيارات فـ الأسود هو ملك الألوان ..

* أعضاء قريبين منك ؟

كان فيه عضو .. لكن للأسف الحين هو غير موجود ..

* قلم تحب تقرا له بالمنتدى ؟

عبث ، صايعه محترمه ، كاي

*عضو عزيز على قلبك ؟

كل أعضاء المنتدى أعزاء على قلبي .. :)

* عضو تعجبك ردووده ؟

كثير والله .. اخاف اذكر احد وانسى احد .. :)

*عضو ما تحبه ولا تحب أسلوووبه <<< هاا اعترف ؟

تقريبا 6 اشخاص .. بدون ذكر اسماء حتى لا يطالها مقص الرقابة .. :)

*شنوو طموحك بالحياة ؟

أن اجد فتاة أحلامي أولا ..

وأن اكمل دراستي الى الدكتوراه ثانيا ..

*شنو امنيتك ؟

أن يرزقني ربي الجنة .. هذا أقصى ما أتمنى ..

* حكمة تؤمن بها ؟

إذا المرء لم يدنس من اللؤم عرضه ،، فكل رداء يرتديه جميل

*متى يبكي صاحي لهم ؟

علميا : عندما تتنشط الغدد الدمعية في العيون .. :)

*متى يفرح ؟

عندما أجد الرضا في عيون والداي حفظهما الله ..

*متى يغضب ؟

انا سريع الغضب .. لذلك ستكون إجابة السؤال (كل يوم) .. خاصة لما اكون بالسياره :\

و بـــــس =))


ادري ثقلت عليك بالأسئلة لووول =)


تحياتي لك وموفق اخوووي ..

بالعكس أسئلتج خفيفة جدا وناعمه مثلك تماما ..

حياج الله .. :)

[إقلاع حتى الضيآع]

مساك الله بالخير اخوي شلونك شخبارك ..
منور الكرس طآل عــمرك..
واسئلتي بسيطـ9 وإنشاللـ9 مآ أزعجك فيهآ ...
ولا تستغرب مني اسئلة غريبـ9 ..
1_ شنو موترك ... وشنو احلى موتر عندك..؟
2_ شنو تفضل تلبـس .. ][دشدآشـ9 ][ ولا بدلآت ...؟
3_شن اللي ودك تقولـ9 لي .. ؟ ][ إذآ كآ في شي ][
4_شعرك تحبـ9 طويـل ولا قصيـر ...؟


وبس طآل عمرك .. واتمنى اني ما تعبتـك ....

[الـدلـع مبـتليـنـي]

هلا وغلا فيـــــــــــكـ ساحي لهم



بس حبيت اسلم عليـــــــــــكـ منور كرسي الاعتراف

[دنووش]

اهلييين وسهلين صاحي لهم

عن جد عن جد منوووور الكرسي ,,

اول شي مساء الخير عليك ..شلوونك ؟

انا عندي كم سؤال .
اول شي كلمنا عن شخصيتك بصفه عامه..
الاصدقاء شنو دورهم بحياتك..
اذا عندك صداقات تفضل انهم يكونون مجموعه او تقتصر ع 3 واقل..


بالنسبه للمنتدى..
هل ترى ان المنتدى تغير بعد خروج كويتي قديم؟
واذا كان يسمعك اللحين وش تقوله..

شرايك بمنتدى القصص وودي تقولي شنو ينقصه عشان يتطور؟؟

عندك 3 وردات حق منو تهديها ..

من ملهمك في اشعارك ..هل و حب حقيقي او مجرد خيال ..

اكثر سؤال ماتتمنى احد يسألك اياه ..وليش..

موقف مؤثر مر عليك...

نصيحه تنصحها لثلاث اعضاء ..ووش النصائح..

وبس .

يمكن او اكيييد لي عووده ..

تحيااتي لك يالشاعر الاول ,,

دنووش (:

[Demon of Dark]

منور الكرسي بوجودك اخوي
حبيت اسلم وارحب فيك
دمت بود

[صاحي لهم]

اقلاع 911

مساك الله بالخير اخوي شلونك شخبارك ..
منور الكرس طآل عــمرك..
واسئلتي بسيطـ9 وإنشاللـ9 مآ أزعجك فيهآ ...
ولا تستغرب مني اسئلة غريبـ9 ..
1_ شنو موترك ... وشنو احلى موتر عندك..؟
2_ شنو تفضل تلبـس .. ][دشدآشـ9 ][ ولا بدلآت ...؟
3_شن اللي ودك تقولـ9 لي .. ؟ ][ إذآ كآ في شي ][
4_شعرك تحبـ9 طويـل ولا قصيـر ...؟


وبس طآل عمرك .. واتمنى اني ما تعبتـك ....

هلا ومرحبا أخوي ..

بخير الله يسلمك .. انت شلونك ؟؟

1-والله مافي موتر معيّن ببالي .. وانا ماأهتم للسيارات حيل ..

2-أفضل البس دشداشه ..

مافهمت السؤال 3 ؟؟

4-اكيد قصير :)

حيّاك الله أخوي ..

شرفني مرورك :)

[صاحي لهم]

الدلـع مبتليـني

هلا فيج أختي ..

الكرسي منوّر بمرورج الكريم .. :)

[صاحي لهم]

دنووش

اهلييين وسهلين صاحي لهم

عن جد عن جد منوووور الكرسي ,,

اول شي مساء الخير عليك ..شلوونك ؟

هلا بأختي الغالية ..

منوّر الكرسي بوجودج ..

الحمدلله بخير .. :)

انا عندي كم سؤال .
اول شي كلمنا عن شخصيتك بصفه عامه..
الاصدقاء شنو دورهم بحياتك..
اذا عندك صداقات تفضل انهم يكونون مجموعه او تقتصر ع 3 واقل..

لا أدري ماذا أقول عن شخصيتي .. سؤال محير فعلا .. :)

اما عن الاصدقاء فإن دورهم في حياتي رئيسي وأساسي ولا يمكن التخلي عنهم ..

هُنا أهتم لشخصية الصديق ومعدنه .. وليس العدد والكثرة .. فـ ليس عندي مانع ان يكون لي 1000 صديق وكلهم (نشامى) .. وأيضا مستعد ان أتخلى عن 1000 شخص عادي .. من أجل صديق (نشمي) ..

أرجو أن اكون وفقت في إيصال ما أقصد .. :)

بالنسبه للمنتدى..
هل ترى ان المنتدى تغير بعد خروج كويتي قديم؟
واذا كان يسمعك اللحين وش تقوله..

شيء طبيعي أنه تغير .. فـ كويتي قديم صاحب بصمة واضحة في هذا المنتدى وخروجه أكيد سيؤثر عليه ..

أقوله : الله يوفقك في حلّك وترحالك .. :)

شرايك بمنتدى القصص وودي تقولي شنو ينقصه عشان يتطور؟؟

انا عن نفسي لا أحب قراءة القصص من الكمبيوتر لأنها تسبب وجع في عيني ودوار في رأسي حتى اكاد لا أعلم في أي سطر أقرأ .. لذلك انا لست من متابعي هذا القسم .. ورأيي فيه بأنه قسم جميل ما دمتي أنتي مشرفته .. :)

عندك 3 وردات حق منو تهديها ..

الأولى .. لكل من مر من هنا ..

الثانية .. لك انتي دنووش ..

الثالثة .. سأضعها في دفتر أشعاري وأطبق عليها .. :)

من ملهمك في اشعارك ..هل و حب حقيقي او مجرد خيال ..

ملهم اشعاري هو خيالي .. :)

اكثر سؤال ماتتمنى احد يسألك اياه ..وليش..

ههههههههههههههه .. هذا مايسمونه بالسؤال التكتيكي ..

لا إجابة عندي لهذا السؤال سيدتي .. :)

موقف مؤثر مر عليك...

وفاة جدي ..

نصيحه تنصحها لثلاث اعضاء ..ووش النصائح..

لن أحدد اسماء معينه .. ولكن سأنصح جميع رواد قسم قصائد الاعضاء بالمثابره في كتابة الشعر حتى لو لم يكن غير موزون أو غير مقفى بطريقة صحيحه .. فكل شيء يبدأ من الصفر ..

ومن هنا أقدم لهم اعتذاري في حالة إن جرحتهم دون ان اقصد بنقد لاذع بعيد عن المجاملة .. فأنا والله لا أقصد الاساءة بل أتمنى الفائدة لهم جميعا .. وأن أرى منهم شعراء لا يشق لهم غبار .. :)

وبس .

يمكن او اكيييد لي عووده ..

تحيااتي لك يالشاعر الاول ,,

دنووش (:

حياج الله يا أختي ..

شرفني مرورج ..

:)

[صاحي لهم]

Demon of Dark

الكرسي منوّر بوجودج ..

حياج الله ..

أسعدني مرورج وزادني شرف ..

:)

[العميل السري07]

سلام عليكم ورحمه الله وبركاته
.
.
.
يا مرحبا يا ذيب يا نسل اذيابه ** يا مرحبا ترحيبه اعداد همال المزون
.
.
اهلا وسهلا
يا مرحبا يا صاحي لهم
انور كرسي الاعتراف بتشريفك له
.
.
.

بالنسبة للملابس فأنا أفضل اللون البني كثيرا ..
أما بالنسبة للسيارات فـ الأسود هو ملك الألوان ..
انا سريع الغضب .. لذلك ستكون إجابة السؤال (كل يوم) .. خاصة لما اكون بالسياره :\

ههههههههههههههههههه خويي انت
وتراك ما تنلام لا عصبت وانت في السياره <<< والله مجرب وحاس فيك واخرها تو قبل شوي لووووووووول
.
.
.
نستفتح بسم الله
استعد يا فهد طول الله عمرك
1- هل انت من دفعه 2005 ؟؟
2- كم باقيلك وتفتك من كليتك ؟؟
3- ليه يسمون كليتك (( العلوم الاداريه )) بكليه الهوامير ؟؟
4- وش انطباعك عن بنات كليتك ؟؟ ههههههههههههههههههههههههههههههههههههههههههههههه
5- كم واحد يلبس دشداشه ((ثوب )) مع الغتره والعقالفي كليتك ؟؟ لووووووول
6-شنو افضل كليه في جامعه الكويت دخلتها لو مرور وارتحت لها ؟؟


7- كلمه توجهها للامه الكويتيه ؟؟ :)
8- نصيحه توجها لاخوك في الله >>> اللي هو انا :)
9- اجمل بيت شعر مر عليك ؟؟
10 - اجمل بيت شعر قلته انت ؟؟



وشكرا
ادري كثرنا عليك الاسئله بس ما عليه نموون :p
.
.
هاااااااه انتبه لا تقول لا اخذ راحتك << تراني خبل ان عطيتني وجه طولتها لووووووول
فمان الله يا الغالي
وان واجهت كويتي قديم ( سلملي عليه ) وقله مفتقدينه والله<< وقله علامه هذا المستخدم طفش من وجيهنا ههههههه

[صاحي لهم]

العميل السري07

سلام عليكم ورحمه الله وبركاته
.
.
.
يا مرحبا يا ذيب يا نسل اذيابه ** يا مرحبا ترحيبه اعداد همال المزون
.
.
اهلا وسهلا
يا مرحبا يا صاحي لهم
انور كرسي الاعتراف بتشريفك له

وعليكم السلام ورحمة الله وبركاته ..

هلا بك أكثر وأكثر ..

هلا بالغايب اللي طالت غيبته .. ولا نقصت محبته ..

الكرسي منور بوجودك ..

نستفتح بسم الله
استعد يا فهد طول الله عمرك
1- هل انت من دفعه 2005 ؟؟

لا .. 2004

2- كم باقيلك وتفتك من كليتك ؟؟

إنشالله الكورس الثاني الجاي أتخرج ..

3- ليه يسمون كليتك (( العلوم الاداريه )) بكليه الهوامير ؟؟

أعتقد المسمى يوضح سبب تسميته ..

4- وش انطباعك عن بنات كليتك ؟؟ ههههههههههههههههههههههههههههههههههههههههههههههه

الله يستر على بنات الاجواد .. :)

5- كم واحد يلبس دشداشه ((ثوب )) مع الغتره والعقالفي كليتك ؟؟ لووووووول

صحيح أن البدو أقلية في كليتنا .. لكن فيه كثير يلبسن الغتره والعقال بالكلية .. لا تنسى أن هذا الزي الرسمي في الكويت وليس حكر على أبناء البدو فقط ..

6-شنو افضل كليه في جامعه الكويت دخلتها لو مرور وارتحت لها ؟؟

كليتي هي الأفضل .. ولو سألتني ماهي ثاني افضل كلية لقلت لك .. كلية الحقوق ..

7- كلمه توجهها للامه الكويتيه ؟؟

كونوا أمة وسطا ..

8- نصيحه توجها لاخوك في الله >>> اللي هو انا

كونك مبتدئ بالشعر .. أنصحك في صقل هذه الموهبة .. فأنا أرى فيك مستقبل شاعر جزل ومتمكن .. :)

9- اجمل بيت شعر مر عليك ؟؟

رافق أصيلٍ في زمانك يصافيك
لا شاف زلاتك عن الناس غطاك

لـ بركات الشريف ..

10 - اجمل بيت شعر قلته انت ؟؟

لا أستطيع أن اقيم انا اجمل بيت .. لكن حسب راي اغلب من سمع شعري ..

يقول البيت .:

من كثر ما أغليك ودي أحطّك بعيني
ومن كثر ماأغلي عيوني ودي تشيلك

وشكرا
ادري كثرنا عليك الاسئله بس ما عليه نموون
.
.
هاااااااه انتبه لا تقول لا اخذ راحتك << تراني خبل ان عطيتني وجه طولتها لووووووول
فمان الله يا الغالي
وان واجهت كويتي قديم ( سلملي عليه ) وقله مفتقدينه والله<< وقله علامه هذا المستخدم طفش من وجيهنا ههههههه

العفو ..

عزالله تمون على الرقبه يا علي ..

أبشر يبلغ السلام ..

فمان الكريم .. :)