||FaHoDo في كرسي الاعتراف ||

[nawal]

هلا وغلا فيكم جميعااا

بصراحه أسئله كثيره

والله يعينه FaHoDo بيلبس نظاره الحين :)

بس ماعليه قدها ان شاء الله

وانا يا على بالي سؤال خفيف الظل


السؤال ::: من أكبر واحد بالمنتدى ومن أصغرهم من وجهة نظرك ؟؟

احم احم

انا بره الحسبه ترى لووووول

[FaHoDo]

نواصل معاك بس عقب ما تأخذ هالعصير واترق اعصابك


تسـلمـييين والله على هالعصـير .. امس قبل لا اغصب نفسي وانام شربت واحد :p


من هو الشخص الي أعطاك كلمه او نصيحة استفدت منها ولن تنساها في حياتك؟ وماسبب قولها لك ؟؟

اهي مو كلمـه او كلمتين ... تقريبا كل كلام الوالد اذا طلعنا مع بعض " يعني بعيد عن الأهل والارتباطات " يعني انا وياه رايحين مكان بالطريج كله نصايح ..
وماكو سبب معين اذا شاف مني خطأ يقولي نصيحـه :)


شنو نقطة ضعفك؟

ما ادري .. انتو تحكمـووون


من هم الاعبين المفضلين ؟ سبب محبتك لهم ؟

انطر هالسـؤال من زمان :p

Michael Ballak بالمرتبه الأولى ..
Reneh Adler بالمرتبه الثانيه ..
ما أبي أثكر بس ابحثوا عنهم بالصور وعطوني رايكم لوووولز

وش رايك في عتمات المتزوجين والسفر من دون الزوجات؟؟

السفـر وين ؟؟ اذا كان بالاجازه فها غلط كبييير .. :)
اما اذا كان اسبوع وراد .. يروح يقدم امتحانات ويرد .. او يروح للشغل مؤتمر ثلاث ايام وراد .. ليش ياخذ زوجته معاه :) واذا نفسها تسافر خل ياخذها بالصيف او عطله راس السنه :)

ويه ربعك وين اتحبون اتروحون ؟

البحـر .. مجمعات الخليج .. بعض المرات مطاعم الخليج ... و اذا ما لنا خلق نطلع اندق على كل الربع ونحجز ملعب النادي ونلعب فيه مباراه ...

ما هي الكتب التي تميل إليها (ادبية ، علميه، فنية....)؟؟؟

كتـب الاسئله والاجوبه .. و القواميس .. و موسوعه غينيس للارقام القياسيه

موقف جميل من الصغر تتذكره إلى الحين ؟

أيـام الروضه .. :) اذا ما عندكم شغل اقولكم ليش .. بس ما ابي اكثر عليكم ..
ولا أقول .. خل اقولكم :D
انا اول يوم بالروضه دخلوني بالغصب ويتني الوكيله يعني بتهديني .. انا ما رضيت ادخل الصف .. وعلى باب الصف يتني الوكيله و قربت مني تقول شفيك حبيبي < ما اذكر بالضبط بس مثل هالحجي .. وانا كنت ابجي قربت مني حيل بتشيلني .. ولا اسحب حجابها و طحت على ظهري.. ولا يتجمعون علي الابلات يبون يمسكوني .. ارفس واطق بكسات ما ابي احد لووول .. واخذوا مني موقف كل الابلات .. وما رضت اي وحده اني اكون بصفها .. وودوني عند ابله مسكينه توها متوظفه صغيره .. اول اسبوع واقف عند باب الروضه انطر لمن اتيي امي او ابوي .. ثاني اسبوع بديت ادخل الصف بس كله ساكت .. بعدين لمن صارلي شهر بالروضه دخلت الأجواء .. وهالابله تاخذ امتيازات والسبه انا .. يعني كنت شي خيال < ماشاءالله .. وابلات الصفوف الثانيه اذا يبون يسوون مسرحيه بطابور الصباح ياخذوني من الابله مع اني مالي شغل فيها :) وحتى بثانيه .. انا شلت حفل التفوق كلمه الطلاب انا كلمه العام انا كلمه اولياء الامور انا .. المسرحيه انا .. تحيه العلم انا .. المهم رحت الابتدائي وولد عمي دش الروضه .. طبعا كل الابلات تهاوشوا عليه عبالهم بيطلع مثلي .. وأول شهرين ولا كل الابلات يتحاذفونه محد يبيه لوووول ..

ماذا تعني لك أبتسامة الطفل ؟؟ وهل تحب الاطفال ؟؟ وماذا تريد ان تسمي اطفالك في المستقبل ؟؟

ابتسامه الطفل تعطيني دفعه معنويه ليومين جدام ... اي احب الاطفال بس لمن يكملون سنه :) .. اطفالي بالمستقبل .. شيخـه .. و مبارك .. والاكبير سلطان .. اوراد ..

لديك وردة وشوكة لمن ستقدم الوردة ولمن الشوكة ؟

الورده اقدمها لكل من يحبني .. اما الورده فلا اهديها لأي احد حتى لو كان اللي ببـالي :p

شنو رايك بأسئلة الأعضاء بشكل عام ؟؟ هل أزعجتك !! أم عادي؟؟

الاسئله نايس .. ما ازعجتني .. وبنفس الوقت مو عاديه .. يعني على مستوى ..

على اي اساس تختار صديقك؟؟؟

اللي اجوفه مثلي واقرب الاشخاص لشخصيتي واخلاقي :) لأن الصديق مرآآه ..

ماذا تحب اكثر ((( الغروب او شروق ))

الشروق .. لأنه ببدايته يكون الجو رومانسي ولمن ايي يروح الظلم ويبقى الجو واضح ...

شخصيتك في المنتدى تختلف عن الخارج ؟؟

مو وايد .. انا عندي شخصيتين .. يعني وقت الجد جد .. ووقت الوناسه والضحك فلـه ...
فبالمنتدى اكون بين البينين لووولز ..

لو ان احد شخص طلب منك امنية واحد ان تتطلب لكي يحققها لك فماذا تطلب ؟؟؟؟؟؟؟

اممممممم .. ما أدري امنيات وايد .. بس اتمنى اني اشوف داخل قلب كل واحد انا شنو بالنسبه له .. يعني في أكثر من شخص ما ادري شنو واخاف يطلع مثل اللي كانت اتحبني وما ادري فيها .. :icon_neutral:

الله يعطيك العافية فهودي

يعافيج بنوتـه ..

وشكرا على اجابتك على اسئلتي

ولـو ما سويت شـي .. العـفو :)

واكتفي بالاسئلة الي سألتك اياها
وسوري على الازعاج بأسئلتي الكثيرة

لا بالعـكـس عـسـل اسئلتـج ..


تقبل تحياتي

تقبــلي تــحــياتــي .. :)
بنت فضل ؛؛؛

[FaHoDo]

يعطيك العافيه FaHoDo

بصراحه عيني عليك بارده

اجاباتك صريحه ولو ان فيها نوع من الخجل

بس ماعليه

هذا كرسي اعتراف وانت قده


وطبعا احب اشكر كل من شارك معاك سواء

بطرح الأسئله أو بإلقاء التحيه والمتابعه

وحتى من لم يشارك معك وانما فضل ان يكون مجرد مشاهد


يعطيهم العافيه جميعااا ماقصروو نكا نكاا دون تحديد


طبعا انا بكون متابعه

لان ماشاء الله بنت الفضل والبقيه ماقصرو

<< متابعه :)

وانتو كله جذي تمدحون بنت فضل وانا طاف :(
ترى اتعب على ما اعصر مخي واطلع لكم اجابه كامله :(

<<< لوووول مع ويهه يغار :p

يعطيها العافيه بنوتـه .. :)

[FaHoDo]

الدلـع مبتلـيني

ولا اقولـــــك"قولي" فهوود "عيونه:p" غيرت رايي"شـلون" ابيــكـ تجاوب على الاسئله بكل سراحــــه "أوكي سألي :wink:"



اخاف تحتاج للجوبــــه بنت الخاله

ما فهمت .. بس خليها اتيي تسأل وانا اجاوب

وراح اقول لها انــكـ على كرسي الاعتراف باجر ادق عليهاااا لووووووووووووووووولز

لووووووووووولـز ما أتـوقع راح اتـيي :p لأن يمكن هالكرسي قبل جم شهر راح اتيي تسأل :)

يلا جاوب


وين السـؤال :p

ونبـــــــــــدأ :



س1/ كتابة نبذه سغيرة عن منتدى الكل ومنتدى المحبة منتدى كــــ777ـــــويت ..
ومدى حبــــكـ له واهتمامـــكـ فيه ؟؟

منتـدى يمثل البوابه لدوله الكويت للعالم الخارجي .. حبي واهتمامي لـه من شهر مارس 2007 بـس توني بديت اكتـب ..

س2 / من هو الشخس الذي يعجبــــكــ بالمنتدى وسبب اعجابـــكــ به ؟؟


وايد يعجبوني واكيد السبب انهم فاهمين ويعرفون شلون يكتبون وشلون يردون .. :)

س3 / أمنية تتمناهـــا لنفسـكـ في هذا المنتدى ..
وأمنية أخرى لاعضاء ومشرفين المنتدى ؟؟

امنيه اتمناها لنفسي .. اني احقق اللي براسي و أوصل لهدفي بالمنتدى
امنيه اتمناها للاعضاء والمشرفين .. ان الله يديم المحبه بينـنا ..

س4 / نود أن نعرف معنى الكلمات التالية بقاموســــــــكـ ،،،

الصداقـة /كـنز واحرص دائما على ان الصداقه تدوم وافعل اللي تقدر عليه عشان تديم هالصداقات ..
الحــب /عالــم ثـاني .. بس ما يصير عالم ثاني إلا الطرف الثاني يحبك كثر ما انت تحبـه
الشعـــر / اللي فيه تقدر تكتب 10 أبيات تعـبر عن كل اللي فيك ويكون أوضح من ما تكتب 10 صفحات من الكلام العادي ..
العطـــاء /ما يخلـص بالنسبه لي
الغيـــرة /حـق وواجـب ولازم تصير ;) بس بحدود المعقول ..



س5 / سأفتح لــــكـ المجال لتوجه 5 رسائل عبر هذا الكرسي لأعضاء أو مشرفين في المنتدى
فلمن ستوجههـــــا ؟؟ وماهي؟

الرساله الأولى : أنـا هـنا ..
الرساله الثانيه : انتظروني ..
الرساله الثالثه : الى الاداره .. إلى الامام دومـا ..
الرساله الرابعه : إلى عضوتين جميلات رائعـات نشيطات ولكن يوجد خلاف بينهـم .. اتمنى انه يزول هالخلاف
الرساله الخامسه : اللي يكرهني لسبب انا ما اعرفه .. و خرب علي كل شي الى ان وصل للي يبي وخرب علي علاقتـي باعز الناس .. طبعا راح كلمه بالخش والدس وبعد محاولات واشهر نجح .. بس اقوله الله يعطيك نعمه العقل وتشغلها
س6 شــنو مــواسفــات شريكــــه العمر

جاوبت قـبل .. واهيا متوافره بـ .... :p

س7 شــنو أكــثر شــي يضــايقــــــــــكـ

جاوبت .. كان السؤال متى يغضب FaHoDo

س8 شــغله سوتيهــــــــا وتحسفت علــيهــا

لمن حكمت على انسان بدري وبعدين عرفت ان حكمي غلط وتحسفت لأنه زعل ..

س9 اغنــيه تحبهـــــــا .؟ وحــق مــنو تهديهــــــــــــــا

راشـد .. قهـر / لـ..... :p
راشـد .. ساعات / للدنـيا
أصـاله .. سـواهـا / لكـم ..
عبدالمجيد .. لا تفارق / للمنتدى

س10 شــنو رقـم حــظـــــكـ

5

س11 امنـــيه تتمنـــــى تحقيقهــــــا

انـي ألقى قـلب صـادق يبادلنـي الشعـور .. :greedy:


س12 رتب الكلمات التالية على حسب قوة تأثيرها السلبي عليـــــــــكـ .؟
الخيانة - الفراق - خسارة المال - خسارة الأصدقاء

الخيانه
خساره الاصدقاء
الفراف
خساره المال ..

س13 لا تجعل قلبك كالبئر يشرب منه كل انسان بل اجعله كالقبر لايدخله الا انسان " مارأيـــــكـ بهذه المقــوله " .؟

مقـوله انا مقتنع فيـها .. بس القصد هنـي الـحب " حبيب&حبيبته "

س14 الذكرى أمانه و النسيان خيانه " ماذا تعني لـــــــــكـ هذه العبارة .؟

تعني لي الكثير .. ان النسيان خيانه .. يعني اتحب شخص واهوا نساك .. انا ما احس انه خاننـي .. بس احس انه ماكان يحبني بالأصـل ..

س15 عضو/ عضوة تحرس على قراءة مواضيعه.؟

للـحين تونـي يديد

س16 منو الاعضــاء اللي تحس انه فاهمــــــكـ اهني .؟

مـا ادري يمكن انتي و بدرجه أقل عاشقه ..

س17 سفاتــــــــكـ بشكل عام من خلال شخسيتـــــــــكـ .؟

جاوبــته قـبل ..

س18 ماذا تعني لــــــكـ الكلمــــــــات التاليــــــــــــــه :
الحيــاء/لازم يكون بالكل بس مو لدرجه ان الناس ياكلون حقك وانت تطالع ..
القلم/اداه تعبر عنك أكثر من انك تعبر عن نفسك باللسان
الابتسامه/حلـم
الورق/مستند لك
الورد/نقاء&صفاء
الغرور/دمار
الثقه/حلـوه
الابداع/رائع
الكبر/ضياع
الحقد/هلاك
الحسد/ما يكون إلا باللي قلبه اسود ..

س19 من هــــــو FaHoDo . بالحيـآة العاديـه .؟

انسان عادي عنده ربع وعنده مدرسه وعنده لابتوب وفـون يروح النادي بعض المرات .. يحب التمشي .. يحب السينما يحب الاجتماعات العائليه .. مممم مودري شقول بعد ..

20 - عضــو / عضــوهـ يعجبــكـ تحبين اسلوبــه في الحوار .؟

شـوفو

21- عضــو / عضــوهـ انيــــــق في تواقيعــــــــــه .؟

وايد .. عنوس انتي عاشقه شوفو بيق بوس الزعل دستور ,,

22- عضــو / عضــوهـ راعي مشاكـــــــــل .؟

لووووووووووول ماكـو

23- عضــو / عضــوهـ له بسمــه بمنتدى كويت 777 .؟

عنوس

24- عضــو / عضــوهـ لــه طلــه مميــــــزهـ بحضورهــ .؟

عنوس

25- عضــو / عضــوهـ له رح مرحـــــه بالتعامل .؟

وايد منهم انتي وخفه دم عاشقه و نوال وبنت فضل كيوي ودلوعه فريجنا وعنوس وفيرووس

26 - مــا رايــــكـ بالدلــع مبتليني بــــــــــــ......

1- اسلوبهـــــا / 2- بتسرفاتها / 3- بالتعامل مــع الاعضاء / 4- تواقيعهــــــــا / 5- بادارتهـــا لقسمهـــــا

اسلوبها : مثـالي
تصرفاتها: ما اتسوي تصرف الا واهي واثقه منه ولو بعض المرات العصبيه تكون اrوى منها مثل ما سوت معاي قبل :p
التعامل : جميل جدا .. ولكن بعض المرات العصبيه تاخذها شوي ..
تواقيعها: تعبر عنها ..
ادارتها : أجمل ما يكون والقسم شاهد ..

28- إذا كنت مجــــروح لمن تشتكي؟

لنفسي ،، لقلمي ،، لأخوي اللي ما ولدته امي محمد ..

29- .رضى الناس غايه لا تدرك>>> شو تعليقــــكــ على هالجملة

اي والله لأن وايد ما يبين بعينهم .. ولو سويتلهم اشياء وااايد حلوه ورفضت تسوي شي مسحوا كل اللي سويته لهم ..

30- ماذا يكون ردود فعلـــــكـ عندما يتجاهلــكـ شخس معين وجودكـ ..؟
خسوسا اذا كان هذا الشخس يمثل شي بالنسبة لكـ

لوووووووووووووووووووووووووووووولـز ويعـه منـاير :icon_twisted:
تنعرفين الجواب ليش تسألين :icon_mad:

ماكو انا هم اتجاهل وجوده .. لأني لو ابي افكر فيه ليش وليش وليش ماراح اخلص ..

31- عضو دائما تتابع ملفه الشخصي (( اخر تواجد له وماذا يفعل ))؟ ولمـــــاذا .؟

لوووووووووووووووووووووووووووووووولـ .......

ولماذا / ابـي اشوف شنو يـسوي .. فضول بس قبل كان لاسباب اخرى :wink:

32- شنـو يكون شعوركــ في الآتي



فراق حبيب

في حالتين ..
اذا كان الفراق اجباري يعني زواج احد الطرفين او سفر او او .. صعب صعب جدا و شعور بالفشل ,,

ولا اذا كان اهوا ما يبي ويقول " وييع اي شي .. انا ما احب جذي .. موبي أكمل معاك .. " بهالحاله اتمنى انه ما يفكر فيني .. :) ويكون شعور حلو لأنك ما تعيش بوهم وأحلام ..

لقاء حبيب غائب

يتدفق الدم في عروقي وشراييني ..

يوم ممطر

اذا كان المطر شديد .. ما اتفائل لأنه يكون غضب اما اذا كان رذاذ .. أروع ما يكون

لقاء سديق بعد غيــــــااب طويـــــــل

اعتب عليه .. لأنه تركني واهوا صديقي وكله احاتيـه ..

سامحني طولت عليــــــــكـ بس عادي امووووووون لوووووووووولز

لـوووول .. لا عادي بس انا بالانتظار :wink:

[FaHoDo]

عــاشــقه تـويتـي ..

FaHoDo

أول شي قوم بوسلي راس الوالد والوالدة
اللي عرفوا يربون ^_^
ربي يخليك ويخلي اختك الصغنونة لهم ان شاءلله
وربي يحفظهم لك انت واختك

ربي يسلمـج .. ويخلي صندوح الصندحي لج :p
..
استمعت كثيراً بالأجوبة
وثق تماماً إني كنت من أوائل المتابعين للأجوبة

وأدري انكرفت من بنت فضل :icon_neutral:
بس ماعليه ..

شنو ما عليه اي انتي مو حاسه بشي بس تقريين :icon_mad: :p

بقول جم سؤال وأطلع :icon2: :icon2: يعني أكسر الخاطر وأنا أستأذن :p

:p حدج

السؤال الأول يا طويل العمر :للي عرفته انك تحب الكيميا .. فولا عليك أمر .. أبي توزيع ذرات الأكسجين بالمداارات ..؟!

اي مدارات اكو 2 الرئيسيه وتحت المستويات لووول
لا لا اتغشمر :p

س1\ هل في يوم من الأيام استوليت على شي مو لك ..؟!" سرقة مال .. نوت .. واجب .. كشكول دفتر اي شي :p "

كنت ناسي دفتري .. والمدرس يبي يحط الدرجات اليوم .. فأخذت دفتر رفيجي بالصف الثاني وغيرت اسمه حطيت اسمي وحطي فل مارك " انا دفتري كامل بس ناسيه :( "

س2 \ هل في يوم من الايام طقيت البنوتة الصغيرة اللي في بيتكم ..؟!

لا بس مره عصبت عليها وتحسفت ..

س3 \ واذا كنت طقيتها .. هل حسيت بتأنيب الضمير ؟ وهل أخذت زفة من الوالد أو الوالدة ..؟!

أنا اي شي اسويه مو زين احس بتأنيب الضمي .. لا ما اخذ زفه لا من الوالد ولا من الوالده

س4 \ اللي عرفته انك سويت حادث بصغرك وان السايق اللي معاك مات ... تتذكر الحادث لي الحين بتفااصيله ..؟! صابتك حاله نفسية من ورى الحادث ..؟! واذا ايي جم من الفترة استمريت على هالحالة ..؟!

لا شنو بصغري .. بـ 2006 سويت الحادث .. اي اتذكره بتفاصيل حذافيره .. الحاله استمرت شهرين .. :)

س5\ تحب تكون كلمتك مسموعه في بيتكم وبين أهلك ...؟! وإلا حاطينك على هالهامش ..؟!

لا .. أحب تكون مسموعه .. وانا الكل بالكل بعد ابوي شلون يحطوني عالهامش ..

س6\ تتمنى اييلك أخو سند لك بدنياك ^_^ ...!؟


عبودي بالطريج :p ان شاءالله


تمنيت أوصلهم 10 .. بس ماكنت حابة اسئل اسئلة أي شي
فأعتقد لي هني كفاية

والسموحة على هالأسئلة ^_^

لا شدعوه .. بس اشوه ما سألتيني عن شنو كان موقفي لمن وريتيني المحادثات :p

بس هذا كرسي الاعتراف .. يعني مايهمني لونك المفضل ولا اكلتك المفضلة
لأن مايسمى اعتراف هذا ^_^

بلى يسمى اعتراف وانا وجبتي المفضله اني اعاندج :p

[/SIZE][/FONT][/QUOTE]

[FaHoDo]

BIG^BOSS

السلام عليكم ورحمه الله وبركاته

وعليكم السلام والرحمه ..

ياهلا والله اخوي فهود منور كرسي الاعتراف

منور باسلتكـم .. :) تســلم

ان شاء الله اسألتي تكون خفيفه عليك

اتمنـى :p

1- سياره احلامك ؟

ماكو سياره احلام .. بس احب طوارق واكس فايف


2- شنو سيارتك بلمستقبل ؟

الحاليه سي إل كي والمستقبل ان شاءالله طوارق :)

3- قناه تلفزيونيه تحبها ؟

شوتايم كوميدي & الوطن & تــو

4 فنانك المفضل ؟

ماكو مفضل ,،، ما ادري نشو تقصد فنان .. ممثل ولا مطرب ولا شنو ..

5 - اكلتك المفضله ؟

ممممممم يمكن لو كارب من هارديز

وتقبل مروري


يعطيج العافيه اختي كي على الاستضافه على كرسي الاعتراف قواج الله[/QUOTE]

[FaHoDo]

هلا وغلا فيكم جميعااا

وانا مالي هلا وغلا :p

بصراحه أسئله كثيره

إي والله ..

والله يعينه FaHoDo بيلبس نظاره الحين :)

لووؤؤوول انحرقت عيوني من ضوء اللابتوب .. لبسن نضارات شمسيه :cool:

بس ماعليه قدها ان شاء الله

ان شاءالله :)

وانا يا على بالي سؤال خفيف الظل

ذكرتيني بصاحب الظل الطويل << شكو مودري :D

السؤال ::: من أكبر واحد بالمنتدى ومن أصغرهم من وجهة نظرك ؟؟

مووودري .. أحس أحس بين شوفو و عنو،،،ـه و q8
والأصغر يمكن انا لووول:)

احم احم

انا بره الحسبه ترى لووووول

لوووول .. لو داخل الحسبه انتي العيوزه ..

[nawal]

FaHoDo

نظارتك الشمسيه شنو ماركتها؟؟

ولابتوبك شنو ماركته ؟؟

وشمعنى اخترت ^ شوفي شموخي و عنوسه هما الأكبر سناا؟؟

وشمعنى أنت الأصغر سنااا؟؟


لووووووووووووول


موتقول لو انا بالحسبه جان صرت العيوزه

يالله عيل تحمل أسئلة العيايز ههههههههههه

فديتك ابقولك هلا وغلا

علشان تعرف ان العيايز هم ماينسون احفادهم

[LoVeLiYa]

هاي حجي ومبروووك على الاكرسي ادري متأخرة حيل بس ما عليه امتحانات >_<"

<<<داشة بقوة لوووووول

عندي جم سؤال واذا مكررين ما عليه لأن ما قريت اسئلة الاعضاء لك اوكي :p

انت علمي ولا ادبي؟

مقررات ولا عامة ؟

ودام انك اخر سنة نفسي شنوو شعورك واحنا على ابواب التخرج مو لايق صح لول

ووين ناوي تدش ان شالله

<<<لوعتي جبد الولد كله عن الدراسة هههههههه

وهذا اللي طلع معاي عشان عندي امتحان باجر وسوري على الازعاج :p

[الـدلـع مبـتليـنـي]

تســــــــــــــــــــــــلم فـــــــهووود على الاجوبــــــــه



ترى علمت بنت الخالـــه خليك جاهــز حق اي سؤال منهـــا لووووووووووولز

[FaHoDo]

لوووووووووووول

الحين اجاوب على الاسئله اللي فـووق ..

________

لووووووووول منوره ما أظـن :p

بس اذا تبي تسأل انا جاهز لها :)

[FaHoDo]

FaHoDo

عنونـه :)


نظارتك الشمسيه شنو ماركتها؟؟


اممممممم عندي اثنين ...

وحده مثل هذي ..

الاولى
والثانيه مثل هذي بس الاطارات أسـود :) الثانيه


لأني وايد أحب النظارات الكلاسيكيه واللي يايه نفس هالقصه :)
عندي صوره وانا لابسهم بس عيب ما اوريكم :p


ولابتوبك شنو ماركته ؟؟


ذبحنـا هالتـوشيـبا .. بالمناسبه .. اخترب وماله تصليح :dance:
عان اشتري واحد ثاني أنـا ادور الشاره عليه لوووول ..

وشمعنى اخترت ^ شوفي شموخي و عنوسه هما الأكبر سناا؟؟

مودري انا على بـو فـاهـم الحركـه و شـفت الأعمار .. بس احساس يا انهم راكدين وفاهمين الدنـيا .. :)

وشمعنى أنت الأصغر سنااا؟؟


انا الاصغر سن ... اممممممم انا واقعيا في ناس اعرفهم اصغر مني بالمنتدى .. في أعمارهم 15 و 14 .. بس انا قصدي ان في اللي بالواجهه " اللي يشاركون حاليـا :) "

لووووووووووووول


موتقول لو انا بالحسبه جان صرت العيوزه

يالله عيل تحمل أسئلة العيايز ههههههههههه

لووووووووووول واهما جم عندنا عيوزه
" ماما عوده " :p


فديتك ابقولك هلا وغلا


بس سكتي لا تشمع أبـرار :p تفداج العافيـه ..


علشان تعرف ان العيايز هم ماينسون احفادهم

حدج صغرتيني :(

[FaHoDo]

هاي حجي ومبروووك على الاكرسي ادري متأخرة حيل بس ما عليه امتحانات >_<"

الله يعيـن على الامتحانات ..

<<<داشة بقوة لوووووول

عندي جم سؤال واذا مكررين ما عليه لأن ما قريت اسئلة الاعضاء لك اوكي :p

نـو بروبـليم .. عنوني لـج .. قـولي ..

انت علمي ولا ادبي؟

علـمي طبعا ..

مقررات ولا عامة ؟

عامـه .. :)

ودام انك اخر سنة نفسي شنوو شعورك واحنا على ابواب التخرج مو لايق صح لول

أممممممممم الشعور عندي .. بس شوفي ردي على سؤال من الاسئله ..

1 . ماتتخربط بين الدرا،،،ـه والوظيفه ؟
"مع انك مبين على اخر ،،،ـنه درا،،،ـيه "

مـدام هـذا كرسي اعتـراف .. انا حبيت اقول الصراحه عشان ما أخربطكم معاي :p

انا لو قاعد ببطـن امي جم شهر كنت بـ 12 .. بس انا الحين اعيش الجو اني بـ12 ...
ولكني من كثر ما ابي أعيش مرحله 12 مع عيال عمي بعض المرات ايي ادرس معاهم وجذي .. ارجوا ان المسأله وضحت ..


}

ووين ناوي تدش ان شالله

تخصصي هندسـه كمبيوتر << عشان الشكرات تتهاوش علي لـوووول..

<<<لوعتي جبد الولد كله عن الدراسة هههههههه

اي والله لاعت جبدي .. بس مو منـج بالعكس .. بس الدراسه :S


وهذا اللي طلع معاي عشان عندي امتحان باجر وسوري على الازعاج

زين ان هذا اللي طلع معاج ما سألتيني عن امتحانج باجر < المعلومات متشابكه لوول :p

:p

[فيرووووس بنـ؟ـات]

فهود..............

صبح يافهود صبح.... صباح الخير...

ابي اسئل سؤال .... خفيف... كالعاده ...

لو تمت خطبتك من عضوه بالمنتدى .... وحبت تتعرف عليك اكثر .... وعاجبها انت .... شنو بيكون موقفك؟!!

.............

هم سؤال خفيف.....

يقولون المرأة نص المجتمع تتوقع هي نص المجتمع بالفعل ولا خذت اكثر ولا اقل ؟

............. هم سؤال اخف واخف .....

متى تحس ان المرأة صعبه ...؟

سؤال خفيف ولا اقول لك نخليها بعدين

[FaHoDo]

فهود..............

هلا

صبح يافهود صبح.... صباح الخير...


صباح النور ..

ابي اسئل سؤال .... خفيف... كالعاده ...

لو تمت خطبتك من عضوه بالمنتدى .... وحبت تتعرف عليك اكثر .... وعاجبها انت .... شنو بيكون موقفك؟!!

احس ان السؤال صياغته غلط او انا ما فهمته عدل .. اشلون بعد ما اخطب تبي تتعرف علي .. لازم تتعرف علي بعدين تصير خطبه ..

.............

هم سؤال خفيف.....

يقولون المرأة نص المجتمع تتوقع هي نص المجتمع بالفعل ولا خذت اكثر ولا اقل ؟

اهيا نص المجتمع .. بس بالوقت الماضي فبالبعض تعدت حقوقها مثل المرشحه طيبـه .. ولكن في البعض اخذوا حقوقهم وللحين على العين وعلى الراس ..

............. هم سؤال اخف واخف .....

متى تحس ان المرأة صعبه ...؟

لمـن تكون ماخذه فكره عنك واهي غلط وانت راضي تفهمها نيتـك بس مو راضيه تسمع .. وفي موقف ثاني لمن تكون ما تبي هالشخص وتدور عليه الشـاره .. واذا لقت الشـاره ولقت العـذر اتكون صعـبه ..

سؤال خفيف ولا اقول لك نخليها بعدين

وين السؤال الخفيف :p

اتمنى اني جاوبت على اللي سألته لأني ما فهمت الاسئله عـدل

..:)