ScReAmQWEeN :*: ضيفة كرسي الاعتراف

[ScReAmQwEeN]

شوفو شموخي

هلا وغلا بالعصفوره

* هلا فيج :)
ايش الهدف اللي قريب وحققتيه؟؟

*أمس سجلت قووول بالسوني لوووولز .. :) والله مادري مافهمت السؤال ؟؟ ===>> البنت غبيه .. :)

هل انتي قادره على الاستماع لمشاكل الناس وحلها؟؟؟

*واااايد وووايد .. أطرح حلول .. وصاحب المشكلــه له الأختيار ..
<<تحل مشاكل الناس وهي مع نفسها تتوهق

* لوووووووووووولز :)
مالفرق بين الحب والصداقه؟؟

* الحب احساس مابين الشوق والغيره والصداقــه وفاء وأجمل من الحب ألف مره ..
===>> فاشلــه في التعبير :)
شرايك بالغيره وانتي تحبينها؟؟

*لا والله ماأحب الغيره .. وماأعرف اغار ===>> احساسها منعدم :)والغيره شي موحلـــو الأنــه بالحظــه يأدي إلي الشك ..

عندك بست فريند او تؤمنين بالجروب؟؟؟

* اي عندي بست فريند .. وأحب القروبات ولكن هذا مايمنع أن تكون عندي رفيجــه كلوز

كيف تحبين أن ترى الحياة ؟

* بسيطــه ومافيها مشاكل .. والناس تحب بعض .. ولكل قريب لبعض
انتي الحين قدامك مشكله صعبة .. فكيف يكون أحساسك .. مرتبك .. هادي .. عادي ..الخ

* متوتره وبطني ويعورني ..لمن تنحل المشكلــه :)==>> مجربــه واايد

كما تدين تدان (( وش تعني لك )) وهل لها تأثير في حياتك ؟

* تعني لي الكثير واؤومن بهــا الأن شفت هالشي بعيني .. وااايد
ولك سطرين بس تقولين لي اللي ودك فيه

وبس

* اممممم ودي أكمل دراستي واصير مهندســة كمبيوتر وأخذ فيــه الدكتوراه واصير دكتوره بالجامعــه وأرفع راس أبوي وأتزوج بعدهــا وايب 10 صبايان ماأبي ولا بنت .. لووووولز ..
يعيطج العافيــه

[nawal]

ماشاء الله

حضور متميز وأسئله كثيره متنوعه

يعطيكم العافيه جميعا

من شارك فراشتنا
بطرح الأسئله
ومن فضل المتابعه

والمشاهده من بعيد

وشكر خاص لفراشتنا ضيفة الكرسي
سعيده جدا بتحلقها وردودها على الاعضاء

<< متابعه بهدوء

[ScReAmQwEeN]

نورتي مكانج .. نوال ..

يسلمووووو ..

واستمتعي :)

[شوفو شموخي]

سلملم:)

رجعت:)

بما انك من عشاق الرعب شرايج تكملينقصة المنفي<<<تسوي اعلانات:)

شفتي فيلم ون ميسد كول؟؟؟ شرايج فيه؟؟


انا ودي تنورين قسمي بقصه عن حفله تنكريه للاعضاء؟؟<<<عطيتك الفكره ياويلك ماتذكرين حقوقي الادبيه<<احم


كيف تحكمين على عقل البنت من خلال تصرفاتها او كلامها؟؟؟


شرايك في اللي يقول انه النساء مثل الحيه ناعمة الملس .......؟؟؟؟؟



وبس يمكن لي عوده بس تأكدي متااااابعه وبشغف:)

[فيرووووس بنـ؟ـات]

خليني ابتدي معاج من وين ما انهت اسئلتها الاخت شوفو .... يقولون هم مو انا من يقول ..

الشيطان يحتاج عشر ساعات ليخدع رجلا ... والمراه يكفيها ساعه واحده لتخدع عشر شياطين

شرايج في هالمقوله ... تتوقعين فيها ظلم للمرأة ولا لا ؟؟

..................

فى الحب تنسى المرأه كرامتها .. وفى الغيره تنسى حبها

هالمقولة الى أي مدى صحتها ... وهل لج وجه نظر اخرى !!

.................

يقولون البنات سكر نبات ..... شنو الحلو للي تشوفينه في بنات اليوم ؟ وشنو الشين ؟؟


لي عوده

[البحر الهادي]

سكريم كوين

هلا وغلا فيج اختي

والله يعطيهم العافيه الاعضاء علي الاسئله

متابع بعد الغيبه
وتقبلي مروري

[ScReAmQwEeN]

شوفو شموخي

سلملم

* سلملم 2

رجعت

*ولكم باك

بما انك من عشاق الرعب شرايج تكملين قصة المنفي<<<تسوي اعلانات

*أممممممم أتمنى .. بس الحين وقتي مزحوم الوالده ولدت ويابت بيبي ولــد وبعد انتي مرأه وتعرفين شقصــد :)

شفتي فيلم ون ميسد كول؟؟؟ شرايج فيه؟؟

*يمكن أكون شايفــته بس أنــا ماأحفظ اسماء الأفلام :) قولي لي منو البطل وتناتيف من القصــه وراح أعرفـــه لووووولز :)

انا ودي تنورين قسمي بقصه عن حفله تنكريه للاعضاء؟؟<<<عطيتك الفكره ياويلك ماتذكرين حقوقي الادبيه<<احم

*انشاءالله قلبوووو .. أتشرف .. عطيني وقت بــس افضي وابشري بعزج :) .. ====>> أحم لاتحاتين الحقوق محفوظــه عندح واسطــه :)

كيف تحكمين على عقل البنت من خلال تصرفاتها او كلامها؟؟؟

*تصرفاتــها .. لكل يقدر يصفف كلام بس محد يقدر يتصنع الشخصيــه والتصرفات الأن مردنــا بنكشف الحقيقه ..

شرايك في اللي يقول انه النساء مثل الحيه ناعمة الملس .......؟؟؟؟؟

*اممم ماأقدر أنكر أن في نساء مثل الحيــة تقرصج من تحت لتحت الأن هالشي شفتــه بحياتي وعشت ومعاه .. بس همن في نساء طيبات وينحطون على الجرح يبراا ==>> احم احم مثلي :) ...يعني هالمقولــه نسبيــه ..

وبس يمكن لي عوده بس تأكدي متااااابعه وبشغف

* حياج الله .. ويعطيج العافيــه قلبوووو ..

[ScReAmQwEeN]

فيروووس بنات

خليني ابتدي معاج من وين ما انهت اسئلتها الاخت شوفو .... يقولون هم مو انا من يقول ..

*لوووولز .. اوكي .. شنووو يقولون ؟؟ :)

الشيطان يحتاج عشر ساعات ليخدع رجلا ... والمراه يكفيها ساعه واحده لتخدع عشر شياطين
شرايج في هالمقوله ... تتوقعين فيها ظلم للمرأة ولا لا ؟؟

* حراااام .. عاد مولهدرجـــه .. اي اشوفها ظلم للمرأه
..................

فى الحب تنسى المرأه كرامتها .. وفى الغيره تنسى حبها

هالمقولة الى أي مدى صحتها ... وهل لج وجه نظر اخرى !!

*المقولــه فاشلــه :)
أهم مافي المرأه كرامتها ودوس حتى قلبها من أجل الكرامـــه ولا كان ليش ماترضى المرأه بشريجــه في حياتــها الأن هالشي يقلل من كرامتها ونظرتها لنفسها .. أمــ بالنسبــه الغيره تنسى المرأه حبها .. شلون تنسى حبها وأهيا تغار بسبب الحب ..ثق تماماً أن المرأه إلي ماتحب ماتغار ..
.................

يقولون البنات سكر نبات ..... شنو الحلو للي تشوفينه في بنات اليوم ؟ وشنو الشين ؟؟


*والصبيان بنظري حلااا الدنيـــا فديتهم :)


الحلووو إلي بالبنات ==>>كشختهم ولبسهم ==>>لووولز وحده ماعندها وجهــة نظر :) لا عااد صج .. بنات هاليوم فيهم نضوج حتى لوكان سنهم صغير ويسعون للعلم وأخوات الرجال وماينخاف عليهم ..
الشين إلي فيهم : والله مادري ..بس يضايقني فيهم ركضهم ورى العمليات والاشياء التافه وكأن مايمز المرأه بس جمالها .. والله صاروا كلهم مثل مثل تواااأم لا إله إلا الله .. هذا إلي اشوفه شين في بنات اليوم ..
لي عوده

* حياك الله .. يعطيك العافيه

[ScReAmQwEeN]

البهلوان

سكريم كوين

هلا وغلا فيج اختي

* هلا فيك .. نورتني ..

والله يعطيهم العافيه الاعضاء علي الاسئله

* إي والله .. الله يعطيهم العافيـــه متابع

بعد الغيبه

* لا تعودها وتغيب .. :)
وتقبلي مروري

* على عيني وراسي .. شرفتني

[فيرووووس بنـ؟ـات]

تهقين <<-------- ركزي على تهقين

تهقين المرأة تجلس في بيتها وتلم عيالها وتربيهم ولا تراكض ورا حقوقها السياسيه وغيرها ؟؟

تتوقعين متى بتجلس المرأة في مجلس الامه كنايه منتخبه من الشعب ؟؟

شنو اللي يعطل مسيره نجاح المرأة السياسيه ؟؟

[بوقلبين]

ScReAmQwEeN

ادري داش بالوقت الضايع بس ادري بتعذريني
شلونج وشخبارج

عندي جم تساؤل احتاج الى تعليقات عليهم وانتي حرة اذا بتجاوبين او تمتنعين تأكدي ان هالشي ماراح يضايقني

اولا من خلال ردودج على الاعضاء استشفيت امور كثيره
اولا تدرسين بالمرحلة الثانوية بس اي سنة مادري وموقفه قيدج وعمرج 22 سنه وامنيتج اتصيرين دكتورة وهوايتج الرقص !!
وضحي لي هالنقطه

ScReAmQwEeN
اعتقد انتي انسانه حساسه حيل وكنتي محرومه من اشياء وايد حصلتي عليها على كبر بس بعد مافات الفوت ..صح والا انا غلطان

ScReAmQwEeN
انتي كتلة حزن وتحاولين تبيينين العكس بدليل انج اول مره لقيتي امج بعد غياب 14 سنه وفاة اخوج الله يرحمه ويغمد روحه الجنه مرض ابوج الله يخليه والموقف المضحك المبكي طيحتج بالموول من فوق لي تحت ...صح والا انا غلطان

ScReAmQwEeNكل البنات يحبون الرقص ويمارسون هالهوايه بالمناسبات والافراح ويمكن بينهم وبين نفسهم بس اول مره اسمع بنت تذكر هالشي بكل جرئه ..وخاصه ان المباهات بالرقص علنا عيب ..الا اذا كنتي تمارسينه من اجل الرياضه هذا موضوع اخر ..المطلوب تفسير او تعليق

ScReAmQwEeNكلمة اخيرة ..تدرين اني اكن لج كل احترام وتقدير وافتخر بتواجدج ومشاركاتج وكبر دليل مشاركتي بموضوعج
ولاتاخذين مشاركتي بحساسية

[nawal]

< < مازلت متابعه ... :)

[ScReAmQwEeN]

فيروووس بنات

تهقين <<-------- ركزي على تهقين

* ركزت :)


تهقين المرأة تجلس في بيتها وتلم عيالها وتربيهم ولا تراكض ورا حقوقها السياسيه وغيرها ؟؟

*المرأه حتى لو وصلــت للقمــر عمرهــــا ماتهمل بيتها وعيالها الأن هالشي غريزه فيــها ..أمـ بخصوص حقوقهــا السياسيــه أنــا اشوف حق كان ضايع ووصل لصاحبــه ..حتى لو كانت توهــا مامارست حقوقهــا بشكــل صحيح وواقعي المهم أنها خذت حقوقهــاو الأيام والسنين القادمــه راح تثبت المرأه أن مكانها بالمجلس كان قرار صائب وبمكانــه وبتكفي وتوفي عن 10 اعضاء رجال :)


تتوقعين متى بتجلس المرأة في مجلس الامه كنايه منتخبه من الشعب ؟؟

*قريب انشاءالله .. والأهم أن يثق فيها الشعب وبالأخص الرجال ووصلونها للمجلس ..


شنو اللي يعطل مسيره نجاح المرأة السياسيه ؟؟

* الشك في قدوراتها السياسيه ..والنظر للمراه بأنها جنس لطيف لايستطيع تحمل المشاق وأول من يعطل مسيرتها السياسيه هو الرجل نفســه ..

يعطيك العافيه ..

[ScReAmQwEeN]

ابوقلبين

ScReAmQwEeN

ادري داش بالوقت الضايع بس ادري بتعذريني
شلونج وشخبارج

* معذور ياخوي .. بخير دامك بخير ..


عندي جم تساؤل احتاج الى تعليقات عليهم وانتي حرة اذا بتجاوبين او تمتنعين تأكدي ان هالشي ماراح يضايقني

*لا شدعــوه بتلقى الأجابات انشاءالله :)

اولا من خلال ردودج على الاعضاء استشفيت امور كثيره
اولا تدرسين بالمرحلة الثانوية بس اي سنة مادري وموقفه قيدج وعمرج 22 سنه وامنيتج اتصيرين دكتورة وهوايتج الرقص !!
وضحي لي هالنقطه


* اي نعم ادرس بالثانويــه وقفت قيدي لمدة سنتين سنــة وفاة اخوي الله يرحمــه وهالسنــه إلي طافت لضروف امــا بأي سنــه ادرس وقفت عند ثالثــه ثانوي ..امــا بخصوص هدفي وامنيتي .. اكون مهندســه كمبيوتر واخذ فيها الدكتوراه الأن هذا حلمي من يوم كنت طفلــه وبحققــه انشاءالله لو حتى صكيت 40 :)والرقص من هوايتي لا أكثر ولاأقل ..



ScReAmQwEeN
اعتقد انتي انسانه حساسه حيل وكنتي محرومه من اشياء وايد حصلتي عليها على كبر بس بعد مافات الفوت ..صح والا انا غلطان

* لا صحيح انت موغلطان ..بخصوص حساســه .. انا حساسه .. وكنت محرومــه اي نعم كنت محرومــه ولوقتك هذا ماوصلني تعويضي وماحصلت على شي ..



ScReAmQwEeN
انتي كتلة حزن وتحاولين تبيينين العكس بدليل انج اول مره لقيتي امج بعد غياب 14 سنه وفاة اخوج الله يرحمه ويغمد روحه الجنه مرض ابوج الله يخليه والموقف المضحك المبكي طيحتج بالموول من فوق لي تحت ...صح والا انا غلطان

* مادري .. بس كانت أسأله وجاوبت عليها حسب إلي أنــا احســه وأشعر فيــه ..



ScReAmQwEeNكل البنات يحبون الرقص ويمارسون هالهوايه بالمناسبات والافراح ويمكن بينهم وبين نفسهم بس اول مره اسمع بنت تذكر هالشي بكل جرئه ..وخاصه ان المباهات بالرقص علنا عيب ..الا اذا كنتي تمارسينه من اجل الرياضه هذا موضوع اخر ..المطلوب تفسير او تعليق

*أول مره اسمع ان الرقص عيب :) اهو هوايــه لاأكثر ولاأقل وماأمارســه من أجل الرياضــه ..أنــا أحب أرقص بأنواعــه واتعلم عليــه بيني وبين نفسي الأن أحب هالشي ..


ScReAmQwEeNكلمة اخيرة ..تدرين اني اكن لج كل احترام وتقدير وافتخر بتواجدج ومشاركاتج وكبر دليل مشاركتي بموضوعج
ولاتاخذين مشاركتي بحساسية


*لابلعكس . ايزي .. انا همن احترمك واايد . وشرف لي وسام على صدري مرورك ومشاركتك لي ..



ملاحظـه للكل : يمكن أكون صريحـــه وااايد بأجاباتي على الأسألــه ويمكن يكون في ناس مايحبون هالشي ..بس أنــا لتوضيح ماأعرف أجمل كلامي ولاحياتي وماأخاف أني اذكر اي شي ..الأن نظرتي لحياتي اجابيــه الأبعد حــد
هالكلام يابوقلبين موعشان اسألتك بس أنت فتحت عيني لشي يمكن أكون غافله عنــه .. وثانكس ..

[ScReAmQwEeN]

نوال ..

********مازلت اقولج حياج الله بمكانج ..

شرفتيني بحضورج الخفيف .. :)