●【ツ】 البحـــر الهــادي عـــلى كـــرسي الاعتـــراف 【ツ】●

[البحر الهادي]

مشتاقه هلا وغلا

البحر الهادي


مرحبا

هلا وغلا بخيتي مشتاقه

نبدأ بالاسئله

يااااوييييييييييلك :)

نبدا بسم الله

1 ماذا يعني لك الظلم؟ خاصه وان كان من قريب منك؟

الظلم ظلمات من منا يحب الظلم
اخيتي لابد من التحمل والصبر وخاصه اذا كان من قريب ولابد من اظهار الحقيقه

ماذا تعني لك النقود؟ هههههههههههههههههه نقطة ضعفك ادري؟

النقود هي الوسيله الحلوه والتي يتمناها كل شخص
ممكن سلف صج محتاج
ههههههههههههههههههههههه

بس 10002
واهم شيء دينارين

3 من انت؟

شخص عادي جدا
بدون اللوان
لووووووووووووووووووووووووول

منو اكثر وحده تحبها من بناتك ديمه والا خواتها؟ عااااد قول الصج ادري كلهم تحبهم بس في وحده غير؟

اكيد اصغر بناتي والكبيره تبين الصج اكسرت خاطري المتوسطه بعد احبها
ههههههههههههههههه

5 موقف طرييف اقوى موقف طريف حصل لك شنو؟

هههههههههه ذكرتيني في موقف محرج جدا حصلي

كنت قاعد بالقهوه ودخل علينا واحد من الربع وعماله معاه هنود
علقت عليه بضحك
بعد دقايق قليله
دخل علينا واحد ثاني وياه صاحبه دخل وراه بس الله يعينه امبهذل حيل
قلت شنو السالفه كل واحد يدخل وهنديه وراه
ضحك عليه وقالي يبه هذا كويتي صاحبي وكان الولد يسمع شنو قلتله
صرت في موقف بايخ جدا وتأسفتله من الكلام الي طلع مني والحمدلله قبل اسفي وتوبت الاستعجال بالكلام
طبعا اخذي ضحك من الموجودين علي
هههههههههههههه

6 اخر سؤال رأيك بصراحه بالعضوه mshtaga يعني انا :) ؟

منو مشتاقه ما اعرفها منو هذي معانا بالمنتدي
لوووووووووووووووووووووول




اخت عزيزه وغاليه علينا بالمنتدي هادئه بحضورها
وردودها
بس كسوله بالمنتدي
والله يوفقها في حياتها ودراستها

كل الشكر اخيتي الصغيره علي هذه الاسئله الجميله
بس لو ما ذكرتي الفلوس كان احسن

خخخخخخخخخخخخخ

[البحر الهادي]

هلاا فييكـ ..,
ابد والله مامن قصوور :p



لوووووووووووووووووووووووووووووولـ ..,
لا لا مابي ابي سلامتكـ يباا :p


باباتوو << مو غلط مافي احلىى من الابوهـ << براا
:p

تسلمين اخيتي هذا العشم فيكم


لا اخاف تبين بعد هههههههههههههههههههههههههههههههههههههههههههههههه

اي ما فيه احلا من كلمة يبه يبه يبه
خخخخخخخخخخخخخخخخخخخخخخخخخخخخخخخخخخخخ

[mshtaga]

البحر


يقووووولووون


ان الفلوس وصخ دنياااا!!!


عاد انا ما ادري صج ؟

:)


متابعه الاسئله

[البحر الهادي]

سكريم هلا وغلا

البحــر الهادي .. اخوي الكبير .. منور الكــرسي ..

بحضورك الجميل الذي اسعدني جدا

اسمحلــي متأخرهـ ادري > انتي اصلاً دايم متأخرهـ :icon_mrgreen: .. (( السموحـه )) ..

ونتي فيه يوم مت تتاخرين الله يعينج علي نفسج بس
ههههههههههههههههههههههههه

اولا ً شلون الكرسي معــاك ؟؟.. ؟؟ انشاءلله مرتـــاح

تبين الصج كنت منقهر ليش مطنشيني وخاصه الدلع كنت حاقد عليها
اثرها المسكينه تبي مصلحتي وانا ما ادري لوووووووووووووووووووووووووول

< احسـك اتعـد الايام عشان تخــلص :d ..

لا والله بالعكس فعلا حسيت ان فيه اخوان وخوات يحبوني لشخصيتي
ومن هنا اقول لهم الله يجزاهم الف خير وكل الشكر والتقدير لهم من قلبي

اتفضل الأسألــه ؟؟ !!

تفضلي حياج الرحمن

** امنيه تتمنــاهــا .. ؟؟

يوووووووووه يا كثر الامنيات اعددهم كلهم يصير خخخخخخخخخخخخخ
حاليا وفي هذا الوقت
ابي اخلص من ترميم بيتي تعبت ومليت من العمال ههههههههههههه

** أصعــب المواقف الي مريت فيهاا .. ؟؟

اخذي وعددي من المواقف وذكرت بالسابق موقف مع اسئلت الاخت مشتاقه
بس اخذي موقف ثاني

كنت معزوم علي عشاء عند جارنا وطبعا كانو فيه كبار سن
ومن احترام جاري لي قلطني مع الشيبان مع الاولين

عاد تعرفين المفطح علي الصحن وحار مد شايب يده يبي يقطع لحم اكله حار ووخر يده
طلعت فيني النخوه والرجوله وابي اقطع الحمه لشايب انا مسكت نفس الحمه الي يبيها الشايب عشان اقطعها له اكلت اصابعي من حرارتها وما طلع معاي الا القليل القليل جدا منها
قلت ما تسوي اعطيه ايها وكلتها ههههههههههههههههههههههههههههه
خزني الشايب خزه مت من الضحك علي حالي وهو ما يدري شنو نيتي له
لووووووووووووووووووووووووووووووووووووووووووووووووو ووووووول

** شنو موقفك من الحــب .. ؟؟ تؤمن في وجودهـ .. ؟؟

الحب شيء جميل جدا وامن به ولكن بعد الزواج ادري تبون تقولون متخلف ورجعي وقديم بس هذا انا
ياما سمعنا عن العشق والحب بين اثنين شنو صار من المواقف بعد حبهم
كلنا سمعنا قصص وحكايات تبدلت من الحب الي الضياع والكره والابتعاد
باختصار بعد الزواج افضله

** عند اي قرار تتخذهـ تحكم عقلك ام قلبك فيه.. ؟؟ ومن الاسبق في التحكيم..؟؟

يختلف من الموقف الذي انا فيه ببعض الاحيان يكون قلبي
والاكثر عقلي

** هل ندمت في حياتك على شي معين .. ؟؟

نعم
عدم تكميل دراستي والسبب ظروف صعبه في حياتي

**ما الفرق بين الحب وصداقه بنظرك ..؟؟ وهــل ممكن ان يسلكــا طريق الغيرهـ ..؟؟

اقول لا يوجد صداقه بين الجنسين
يمكن يوجد اخوه بالدوام فقط او زمالت دوام
اما عن الصداقه والله ما سمعنا صداقه بين رجل وانثي الا في هذا الوقت
الحب الذي يتبعه وبسرعه الزواج يسمي حب اما ما نسمع به الان هذا مو حب هذا لعب اعيال وبنات
نظريتي


** رأيــك :-

بالخيانـه ..

مؤلمه وحقيره
المرأهـ ..
جمال هذا الكون واستقراره
البحــر ..
قصدج انا ههههههههههههههههههههههههه
البحر هو المنظر الجميل و من عجائب الدنيا

صدقات النــت .. (( وصداقه بين المرأهـ ورجـل )) ..
لا اعترف بها صداقت النت واكيد انها حاصله ومنتشره بس لها اضرار كثيره

بين الرجل والمراه - جاوبنا عليه بالسابق

** هل انت راضي عن نفسك ..؟؟

الحمدلله نعم راضي وسعيد جدا جدا

** ليش غيرت نك نيمك ..؟؟

هههههههههههههههههههههههههههههههه
توقعت هذا السؤال
نكي القديم كان مجرد نك فقط للدخول للمنتدي لاني ما توقعت اني اطول او اشارك بالمنتدي
كنت متوقع بس يومين لا اكثر
وكان له قصه حلوه معي نكي القديم
كانت قبل لا ادخل المنتدي كانت بنتي تالعب وتتحرك حركات غريبه سألتها شنو تسوين قالت تعال العب معي قلت شنو نالعب قالت
انا بهلوان وانت ابوي نبي نسوي مثل التلفزيون كانت تتابع السرك
وهذا سر نكي القديم خخخخخخخخخخخخخخخخخخخخخخخ

** وردهـ حمراء وبيضاء وصفراء .. ؟؟

حمراء - للمنتدي
بيضاء - لزوجتي وابناءي
صفراء - للي يحبوني

** مرايــك (( بسكريم كوين )) ..؟؟ سلبياتهااا واجابياتهااا (( صراحــه )) .. .. :icon_mrgreen:

اخت عزيزه علي القلب
اخت صاري موقف معاها علي نكها والمترجم الوافي
هههههههههههههههههههههههه
مختفيه قليلا عن المنتدي وقليله حضورها
الله يوفقها بحياتها ومستقبلها
وكل الشكر والتقدير لكي اخيتي

سلملم ..

وعليك السلاااام والرحمه

[البحر الهادي]

<- مادري شطبخه :p
حياك الرحمن سلااامات

بس حبيت اسلم واصبح وامسي عليكم :p
يا هلا وغلا فيك نور صفحتي وكل الشكر


شسمه ابي شنو طموحك ..؟ وشنو الشي الي تمني تسويه بس مو قادر ..؟

شسمه طموحي ان اكون شخص محبوب من الكل فقط
ان اربح مليووووووووون دك




وعساك ع القوه حبيب قلبي

حياك الرحمن تشرفت بحضورك

[البحر الهادي]

البحر

يقووووولووون


ان الفلوس وصخ دنياااا!!!


عاد انا ما ادري صج ؟

:)


متابعه الاسئله

من يقول شوفي الي يقول يحول افلوسه علي احسابي الخاص
ورقم احسابي عند بوخلي

اما انتي عطيني الخيشه الي داستها عندج الي فيها افلوسج
صج تري الفلوس وسخ دنيا بس عطينياهم انا انظفهم

هههههههههههههههههههههههههههههههههههههههههههه
ههههههههههههههههههههههههههههههههههههههههههههه

صج
اي واحد ما يبي الفلوس عاد اخيتي علميني
خخخخخخخخخخخخخخخخخخخخخ

[البحر الهادي]

هذا ردي علي مشتاقه

اما انتي عطيني الخيشه الي داستها عندج الي فيها افلوسج
صج تري الفلوس وسخ دنيا بس عطينياهم انا انظفهم

الظاهر اعدتني اخيتي الدلع مبتليني بحرف س
هههههههههههههههه
مابي اعدلها حلوه بحرف السين
مع اخيتي الدلع لوووووووووووووووووول

[فيرووووس بنـ؟ـات]

بــ صراحه قوية ... وأنا احتج وأطالب الدلع مبتليني بـ إعاده الموضوع من جديد

عشان أكون من البدايه مع اخوي البحر الهادي وأستجوبه ...

وعلى فكره .. يابحر ياهادي انت بس أسم بحرك هادي ..

بس بصراحه بحرك موهادي بالمره فــ حروف بحرك تهيج مشاعرنا الساكنه وتقلبها لعواصف

حسيه ممزوجه بجمال ورقه تعابيرك ومواضيعك ... طبعا هالمقدمه وراها عاصفه ..

وإسمح لي ... ابتدأ...

يابحر ... او يابدر ..

بما إنك متزوج ... وانت تجلس على شاشه الكمبيوتر لساعات تقضيها بالمنتدى اكيد..

س1 _ هل زوجتك وابناءك يرون ماتكتب في المنتدى؟؟؟؟

ياخوي يابدر او يابحر ...

س2 _ لو كانت تعلم زوجتك بوجودك في المنتدى وتقرا مشاركاتك .. ماهي رده فعلها تجاه المعجبين بك والمعجبات ؟

ياخوي يابدر ... او يابحر ...

أنت مبدع في مواضيعك وبنثر حروفك في مواضيعك ... لماذا لم تتجه الى الادب يعني تسوي لك كتيبات ولو صغيره ؟

ياخوي يابدر او يابحر ..

<<== سؤال عزوبي ...

اوصف لنا الزواج ... هل متاعبه كثيره ولا حسناته اكثر ؟

وقد تكون لي عوده لو لحقت عليك قبل لاتقوم من الكرسي

وسامحنا على هالاسئله

[Demon of Dark]

السلام عليكم

عدنا ...

بعض الاسئلة الخفيفه ع القلب ..

1- متى يكون البحر ملاذك الوحيد ؟
2- رايك بالريال اللي يدخل المطبخ ويطبخ وبكل صراحه ؟
3- بدون سابق انذار او درايه اكتشفت وحده تحبك وانت تحترمها شنو ممكن تقولها وتنصحها فيه ؟
4- عندك اجازه قصيره وين تفكر تقضيها وليش ؟
5- متى تحس بان البيت مزعج وودك تطلع منه مع ان الكل ساكتين ؟
6- طلب منك تسوي احتفال وتعزم بعض الشخصيات منو تختار ؟
7- ليش تواجدك منحصر باقسام معينه ؟
8- اكثر موقف اثر بحياتك وللحين تتذكره ؟ و شنو اهو ؟
9- مرتك خيرتك بينها وبين النت شنو تختار ؟ او شنو ممكن تسوي عشان تعدل الوضع ؟
10- ديمون شخصيه بهذا المنتدى شنو ممكن تقول لها ؟

اسفه ع الاطاله

لك مني كل الاحترام

دمتم بحفظ الله

[ScReAmQwEeN]

> هالمرهـ متأخرت يت بدري لووولز


:dance:


اولاً مبرووووووووك التميز هالشهررر



ثانياً تشكرااات على الأجوبه ..،،
(( والله يخلي لك عيالك يارب )) ..



و عندي نقطـه @@ صدمتني

(( مختفيه عن المنتدى :eek: حراام عليك انا يحسدوني اني فريرهـ بالمنتدى )) لوووولز ..

> كسرت مجاديفهاااا :bawling:


وتسلم على كلام الطيب الي قلته لي ..


وبعدين تراااك بموضوعك ..

(( صوره من دون برواز ماقلت لي شكراً على المرور " عطيتني كوع " ))

،، (( مادري لهدرجــه مـابين )) ،، :p


> ثاني موقف معاي ويحسب لي لووولز ياكثر مواقفك لووولز :icon_mrgreen:


تفكر بأسألــه وترجع تنزلهم .. سلملم ..

:clock:

[البحر الهادي]

يا هلا وغلا بخوي
فيروووووس بنات

بــ صراحه قوية ... وأنا احتج وأطالب الدلع مبتليني بـ إعاده الموضوع من جديد

الله يجزاك خير المحبه بالقلب والله يشهد اني احبك بالله

عشان أكون من البدايه مع اخوي البحر الهادي وأستجوبه ...

وعلى فكره .. يابحر ياهادي انت بس أسم بحرك هادي ..

بس بصراحه بحرك موهادي بالمره فــ حروف بحرك تهيج مشاعرنا الساكنه وتقلبها لعواصف

حسيه ممزوجه بجمال ورقه تعابيرك ومواضيعك ... طبعا هالمقدمه وراها عاصفه ..

تسلم يا فيرووووس علي المقدمه اللذيذه والجميله منك وهذا وسام لي اتشرف به منك شخصيا

وإسمح لي ... ابتدأ...

يابحر ... او يابدر ..


تفضل وكلي لك

بما إنك متزوج ... وانت تجلس على شاشه الكمبيوتر لساعات تقضيها بالمنتدى اكيد..

اكيد

س1 _ هل زوجتك وابناءك يرون ماتكتب في المنتدى؟؟؟؟

ياخوي يابدر او يابحر ...

سوف اقول الحقيقه وليس بها اي عيب بما اني جالس علي الكرسي الاعتراف

نعم زوجتي تعلم وتقرأ جميع مواضيعي

س2 _ لو كانت تعلم زوجتك بوجودك في المنتدى وتقرا مشاركاتك .. ماهي رده فعلها تجاه المعجبين بك والمعجبات ؟

ياخوي يابدر ... او يابحر ...

لا هذي كبيره معجبين ومعجبات
ههههههههههه

اخي العزيز

بدل كلمت معجبين ومعجبات اوبدلها بكلمت

اخواني
وخواتي

فقط

ولا يربطني فيهم الا كلمت الاخوه فقط وليست كلمت المعجبات
لابد ان يكون فيه ترابط بين الاعضاء من الجنسين

والنقاش الجميل وتفاهم الافكار والاعجاب بالموضوع فقط لاغير

واعلم واليعلم كل من في المنتدي بان اخواني وخواتي كلهم قريبين لقلبي كأخوتي وخواتي

أنت مبدع في مواضيعك وبنثر حروفك في مواضيعك ... لماذا لم تتجه الى الادب يعني تسوي لك كتيبات ولو صغيره ؟

ياخوي يابدر او يابحر ..

يكفيني اني اكتب ما يجول بخاطري بهذا المنتدي الذي احسست بانه هو ملاذي وسعادتي بقلمي البسيط جدا بينكم
واستمتع بردودكم التي تسعدني وتشرفني



<<== سؤال عزوبي ...

اوصف لنا الزواج ... هل متاعبه كثيره ولا حسناته اكثر ؟

اخي العزيز
الزواج سنه من سنن الحياة التي لابد منها

اما عن متاعبه نعم يوجد متاعب ويسمونها ملح الزواج
ولابد من العوائق التي تحدث بالزواج وهذا معروف ومفروق منه

اما عن حسناته
وهي الاجمل يكفي انك تعلم بان يكون شخص حبيب علي قلبك بانتظارك
يحس بك وتحس بها
يشتاقلك وتشتاقله
يحبك ويحب شخصيتك وانت كذلك
يخاف عليك كما خوفه علي نفسه
يحرص عليك ويهتم لك و يبحث عن سعادتك حتي ولو علي نفسه

اخي العزيز

الزواج شيء جميل للذي يفهمه ويفهم الحياة الزوجيه

اما عن الافضل اقول

الزواج افضل وحسناته اجمل وارق واكثر من متاعبه



وقد تكون لي عوده لو لحقت عليك قبل لاتقوم من الكرسي

وسامحنا على هالاسئله


يا هلا وغلا فيك نورت بحضورك الذي اسعدني

كل الشكر والتقدير لك اخي العزيز

فيرووووووس بنات

[kaka 22]

السلام عليكم ورحمة الله وبركاته




البحر الهادي ...

وصول متأخر جدا .. ولكن أحببت ان تتقلد حروفي بالشرف لتواجدها في متصفحك


لم اجد الكم الكافي من الاسأله ولكن


سـ // لماذا ينحصر تواجد ( البحر الهادي ) في القسم العام .. والقسم المميز ؟ أين هو عن بقية الاقسام ؟



سـ // بما انك من مواليد السبعينات .. ونحن الان في زمن ( صرعات الموضه ) ... فـ أي مرحله تفضل ؟ وحدثنا عن مرحله الثمانينات :icon_biggrin:




وشرايك بهالقول //

ياليتني عايش بجيل الثمانين
جيل المحبه والطهر ,, والعفافه


جيل التسامح والتفاف المحبين
جيل الامان .. ومابه أيّة مخافه




:cwm15:



واسمح لنا على الاطاله ..

[البحر الهادي]

ديمون

هلا وغلا بتنويرك صفحتي للمره الثانيه



السلام عليكم

عدنا ...


وعليك السلام والرحمه



بعض الاسئلة الخفيفه ع القلب ..


حياج الرحمن



1- متى يكون البحر ملاذك الوحيد ؟

عندما اكون حزينا



2- رايك بالريال اللي يدخل المطبخ ويطبخ وبكل صراحه ؟

انا اقول شيء عادي جدا جدا

وانا انسان احب الطبخ واتلذذ به اذا طبخت
هههههههههههه

وللعلم اذا طلعنا بالبر ونحن الشباب يعني منو يبي يطبخ لنا انأجر طباخ
يعني
خخخخخخخخخخخخخخخخخخخ




3- بدون سابق انذار او درايه اكتشفت وحده تحبك وانت تحترمها شنو ممكن تقولها وتنصحها فيه ؟


بل تحبني مره وحده مو بدر

توم اكروز هههههههههههههههههههههه

اقول لها اخيتي انا انسان متزوج وعندي اولاد فكيني من شرج لا تخربين علي

ويصير لي ما يحمد عقباه لوووووووووووووووول

اخيتي الاعجاب لا يمت بالحب اي صله
هذا الي اقوله لها



4- عندك اجازه قصيره وين تفكر تقضيها وليش ؟

ممممممممم

في مكه عمره تكون سريعه ولذيذه باذن الله





5- متى تحس بان البيت مزعج وودك تطلع منه مع ان الكل ساكتين ؟


عندما يطلبون الاولاد فلوس احس بتعب وضيقه

واسوي اعصار بالبيت وانحاش

- عندما لا تجد الراحه في بيتك -




6- طلب منك تسوي احتفال وتعزم بعض الشخصيات منو تختار ؟

قصدج اشخاص من المنتدي ولا بري المنتدي

بري المنتدي - ولله الحمد ليس لدي شخصيات مميزه الي احبه واحترمه واسعد في وجوده ويسعد الشخص لحضوره لمأدبتي اعزمه
وللقلوب شواهد

اما داخل المنتدي - فقط الرجال فقط
اما البنات حياهم الله عند ام مشاري




7- ليش تواجدك منحصر باقسام معينه ؟


بكل صراحه وجدت نفسي وراحتي بقسم العام وبعض الاقسام التي احبها

وتكون لي خلفيه عنها

وبس




8- اكثر موقف اثر بحياتك وللحين تتذكره ؟ و شنو اهو ؟

امتنع عن السؤال لو سمحتي




9- مرتك خيرتك بينها وبين النت شنو تختار ؟ او شنو ممكن تسوي عشان تعدل الوضع ؟



للعلم زوجتي متعلمه ومثقفه ولها فضل علي وعلي تربية اولادي

كلي لها

مو زوجتي هههههههههههه




10- ديمون شخصيه بهذا المنتدى شنو ممكن تقول لها ؟


اقول لها كل الشكر والتقدير لكي اختي العزيزه
وانتي اول من ساعدني وشجعني بالمنتدي

واول من يرد علي مواضيعي ويرفع معنويتي

يسر الله مسيرت حياتك بما تحبين وترضين

ونورتي بحضورك الجميل




اسفه ع الاطاله

بالعكس استمتعت بحضورك

[لؤلؤة البحار]

مساااااااااااااااء الانواااااااااااااااااااااااار

شخباااااااااركـ البحر الهاادي

<<< شكلكـ مبسووووووط وانت بكرسي الأعتراااااااااف

<< اختصررري بلا كثر هررج

تيب تيب

عندي كم سؤال صغنوووووووووونين


من الشخص الذي يفهمكـ؟؟؟

ماهو مفهومكـ للخياانه؟؟

ماهوو مفهومكـ للتضحيه؟؟؟

ماهو مفهومكـ للسعاادهـ؟؟؟

ماهو رأيكـ بمشاركة الفتاهـ بالمنتديات؟؟؟

ماهو مقيااااس الصدااقه من وجهة نظركـ؟؟؟


سؤااااااااااااااال اخيييييييييييييير

انطباااعكـ عن لؤلؤة البحاااااااااااااار؟؟؟

[البحر الهادي]

يا هلا وغلا بسكريم

> هالمرهـ متأخرت يت بدري لووولز
:dance:

ليش تعبتي نفسج بس الله يهديج بس كان قعدتي مرتاحه
هههههههههههههههه

اولاً مبرووووووووك التميز هالشهررر

الله يبارك فيج يا رب وكل الشكر

ثانياً تشكرااات على الأجوبه ..،،

لا شكر علي واجب

(( والله يخلي لك عيالك يارب )) ..
تسلمين علي الدعاء الجميل



و عندي نقطـه @@ صدمتني

(( مختفيه عن المنتدى :eek: حراام عليك انا يحسدوني اني فريرهـ بالمنتدى )) لوووولز ..
صج ما دريت محد علمني خخخخخخخخخخخخخخخخخ

> كسرت مجاديفهاااا :bawling:
لا يا بنيتي تكبرين وتنسين



وتسلم على كلام الطيب الي قلته لي ..
لا شكر علي واجب اخ لاخته والله ما قلته الي منقلب محب لاخته


وبعدين تراااك بموضوعك ..

(( صوره من دون برواز ماقلت لي شكراً على المرور " عطيتني كوع " ))

كوع ولا فراسن خخخخخخخخخخخخخخخ


،، (( مادري لهدرجــه مـابين )) ،، :p

لا واضحه مثل القمر بس انتي تدرين كبرنا وتعلمنا بالمنتدي اذا جاوبت علي الردود بيوم واحد يندثر الموضوع ويروح للصفحه الثانيه ويكون منسي
صرنا خبره
هههههههههههههههههههههههههههههههههههههههههه



> ثاني موقف معاي ويحسب لي لووولز ياكثر مواقفك لووولز :icon_mrgreen:
بسج بعد لا ناخذ موقف معاج ومع الاسئله لووووووووووول


تفكر بأسألــه وترجع تنزلهم .. سلملم

هلا وغلا نورتي ولا تعبين نفسج ههههههههههههههههههههههههههههههههههههههههه
يشرفني تواجدك