عاشقــ تويتي ـة ... على كرسي الاعتراف !!

[* مغـ،،ــرورة *]

@@




شـوي شـوي على صـديقتي الصـدوقة


حـرام عليـــكم



عشـوق اللهـ يعيـنج تبيـني اجاوب عنـج :p



حيـلكم فيهـا :p


قصـدي شـوي شـوي عليـها :p



كـلش ولا مـرت تويتي :D

[عاشقــ تويتي ـة]

لنا عمر ٍ بلياك

السلام عليكم

وعليكم السلام

اهليين تويتي

هلا فيك

بصراحه استانست وانا اقرا اجوبتج واسألة الاعضاء بعد

عسى دوم الوناااسة ان شاءلله

انا سؤالي واحد فقط ولا اقول نخليهم اثنين

شرااايك ثلاثة بعد بالمرة :drunk:

الاول : كل انسان عايش عشان هدف ؟ شنو هدفج انتي بالحياة ؟ شنو الشي الي اذا سويتيه ؟ خلاص تكتفين من هل حياة ..

واللهـ الإنسان بطبيعته طمااع
فأنا وحدهـ طمااعة بشكل
فمالي هدف معين .. يعني كل ما أقوول أبي أوصل لهالهدف وأكتفي
لما أووصلهـ أقوول أبي بعد هذا الشي وأبي هذا

يعني هدفي .. إني أووصل لكل اللي أبيه ^_~

ثانيا ً ليش توقيعج جذي طوييل نجرجر بالصفحة لي تحت عشان نفتك منه :p

ههههههااااي ... ولا تزعل راااح اشيل توقيعي من الردود

اشكرج ..

العفــوو

وشاكرتلك على اسئلتك الخفيفة

[ميلاني]

يقحــص ويغبـر بقـآري اخته الصغيره عن عن ديد ديد
يالله حيها
حي الله من زار وخفف هلا بالقرقه
ادري حدي قديم لووول شسوي كنت اطالع سي ان ان اشوف برنامج اسـمه اغبياء ولكن اذكياء جان اتذكرج وقريت خبر عاجل مكتوب تحت عاشقه تويتي بكرسي الاعتراف قطيت كتاب الفلسفه وقلت اجي اتفلسف عليج طبعا اذا ماعندج مانع واذا ماعندج مانع اقرب طوفه لو سمحتي
المهم سؤالي يقول شخبار مناقصاتكم انتي وامراه الحديد غيرت نكها هوني روز يعني خبيرات معلمات الشورما شخبار الشورما هههههههههه << يذكر هالعياره من دشتهم للمنتدى اثنينهم
والمهم حبيت اقولج رايي فيج ان انتي بصراحه والله مو مجامله رقله وكمخه اقصد وربي حبوبه ويوم آقرا ردودج ولا مواضيعج ارتاح احسج نفس سولافي تقلبين الجد ملاقه لووول وبما انج اكبر مني طبعا اعتبرج حسبة اخت اكبر مني << والله مؤدب والله يا بخت اللي بتاخذني بسم الله علي تف تف من الحسد
ولي الشرف طبعا < ياقردك
المهم بس حبيت اسآلج جم سؤال واوهقج فيه
شرايج بالمنتدى وليش بطي ؟؟ < ما اتوقع معاج يلعن يومج بس اول وحده بالردود والمشاركات وين يكون بطيء عندج خخخخخخ
ثاني شي اكيد لج الفخر بما اني ولد جيرانكم ها لووولز
شرايج بشبـآب المنتدى من ناحيه سوالفهم وجذي ؟؟وننفع نكون منتخب اسمه كويت 777 ؟؟ < بصراحه اقتراح عجيب تكريه بآسمي ها
وانا الكابتن طبعا احم احم
شرايج فبنات المنتدى ؟؟
شرايج بمشرفات المنتدى ؟؟
شرايج بميلاني المنتدى هههههههههههههههههههه ؟
اذا رحتي الجمعيه ولا بقاله الهندي ولا شاحنه البنغالي شنو اول شي تروحين له ؟؟
وبعدين سامحيني عالقرقه واذا في عندي سؤال بعدين احطه لج

ثالث شي نصايحج لي بما اني اخر سنه وثنويه عامه ادبي ملعون خيري لووول واتمنى محد ينساني احم احم يعني تكنسلون عضويتي وين اولي بعدها لووول حاطيني كل المنتديات بلاك ليست مادري شمسوي

وابي اقول حافظج الله حجيـه ودربالج على لسانج لا يودينا بداهيه من طوله ضمـوه يم برج ايفل وبرج بيزا مادري روبيه
يالله تشو تشو

[عاشقــ تويتي ـة]

MiSs-GuCci

أشــرقتـ شمـس المنتــدى بإستضافتكـ غاليتــي

شرفــنـا تواجدكـ هُــنــآ . . .

قصي علي بهالحجي :flaming:
أنا شنو موصيتج :icon_confused:

ماشالله عليهـم زملائنــا ماخلوا لنـآ شي !

:icon2:

بس عصرت مخـي ولقيت جم سؤال إنشالله خفاف على قلـبج . .

:hanged: يعني لازم

مواصفــآت فارس أحلامـ عاشقة تويتي ؟ ؟

الصراحة ... مالي موااصفاات معينة
بس أبيه ريال بمعنى الكلمة .. أبيه غيـوور .. عصبي .. طويل شوي .. ضعيف .. رجل أخلاق ودين
يخاف الله فيني ... يكون قد المسئولية .. أبيه يمشيني عالصراط المستقيم باختصاار :p

أكثر شي يغضــب عاشقة تويت ؟

الجذب .. يالله أمــــــــــــــــووووت إذا واحد يجذب علي :kaioken:

أكثر شي يفرحهــا ؟

كل شي واللهـ
والأكثر لما أصير عمة وإلا خالة :$
أنا ناذرة نذر اوزع عليكم فلوس اذا صرت عمة أو خالة :icon2: أتغشمر :p

أكثر شي يجذبكـ بالرجــل ؟

خشــوونته .. نفسيته الجااافة

في زمن البحث عن المادهـ . . عما تبحث عاشقة تويتي ؟

عن المادة أيضاً :$

برأيكـ ماهي عيوبكـ !!

إحم إحم .. شخبارج إنتي :p
اممم .. أزعل وأتضايق بسرعه
ما أتحمل أحد يحط رااسه براااسي
تلقيني أسوي أي شي عشان بس اقنعه إن أنا وين وإنت وين

وبرايــج شنو إهي عيوبي ؟

اممم ... وااايد شفافة
يعني الكل بيفهم عليج وبيفهم شاللي فيج

ســـــؤال ودج تسأليني ياهـ :p

ليش دشيتي وسألتيني :kaioken: ...؟!

إنتهيـنـآ ~_^

بكل سهولة إنتهينا كلمة قالتها وراحت :p

[عاشقــ تويتي ـة]

7zN

صبـاح الخيـر

صباح الورد

][ عـاشقـ تويتي ـــه ][

لبيـــه :p

هلا فيج خيتـو

هلا فيك خيو

منـوره الكـرسي :)

تسلم ما تقصر

عندي سؤالين وإن شاء الله يكون خفـااف عليــج :p

خل اشوفهم بالأول :p

1. شـرايج بالاوضـاع اللي قـاعد تمـر فيهـا دولـتنـا الكـويـت ..؟؟!!

حالياً وااايد أحسن من اللي فترة اللي طااافت
الفترة اللي طااافت واحد يحذف بالثاني
فالحمدالله بالنسبة لي الحين نعيش بجنة احنا
عن اللي قبل

2. شلون الجآمعـه ؟ :p

تسلم عليك :p
لا جد جد متعبة

وبس وأتمنـالج كل الخير خيتـوؤوؤ ..

تسلم ماا تقصر

بس ممكن سؤال
منو انت ...؟!

[عاشقــ تويتي ـة]

العميل السري07

احم احم <<عشوقه فطينه فاكيد تفهم احم احم يعني شنوووووو هههههههههه

يعني عيش ولحم :p

جهزي حالك

جاااهزة :brody:

اسفرت وانورت واستهلت وامرطت خلاص طول الاسبوع بنام هني
ماراح اروح للاقسام الثانيه ههههههههههه <<ناويله على نيه :p

لووووولز لا يا ولد الناس ما اتفقنا على جذي عاد :icon_cry:

عاشقه تويتي <<اسم كم تمنيت اني اشوفه في هذا المكان منذ مبطي :P

شدعوة لوووولز لو كوناليزا رايس جان ما اهتميت جذي :chinese:

ملاحظه: يا حبايبي تصدقون اغلب الاسئله اللي سئلتوها تويتيه انا كان اقدر اجاوب عليها
<<من كثر ما جرجرناها بلعبه الصراحه :P

شرايك عيل نسكر الموضوع وتخلونا على لعبة الصرااحة عيل :icon_razz:

ممكن تفسرين لنا هذي الاجابه لاني قاصهم من نفس الموضعواللي هو وصف الشخصيه؟

امممم اوووقي

هههههههه اذا تبين تشوفينه تعالي شوفيني انا شبيهه لوووووولز :P

ماااضنتي والله :p
نجوم السما أقرب لك :p

هذا اهم شي افكورس لأ :p <<يازين الصراحه لووووووووولز

لأن اذا انتوا مو موجودين نتناااجر مع منو :rolleyes:

انا واحد منهم صح ؟؟اعترفي :)

نهي

كم سوال تبيني في المره الجايه اسئلك اياهم؟؟ :p

ولا سؤال :frosty:

[عاشقــ تويتي ـة]

kiwi

باكــ:d

welcome

اليووم الصبح كنت فايئة ورايئة:على قولت اخوانا المصرين"

عسىى دوم

فكرة لج بخووش أسئله بمساعدة أختي ....طبعا .....

سلميلي عليها لا تنسين :awink:

سمي بإسم الله يلا نبدي .....:d

بسم الله الرحمن الرحيم

1امن تقولين : أحبك في الله ؟

وين يعني بالمنتدى ...؟!
وإلا بحيااتي العامة ..؟!
إذا بالمنتدى أقولها لكم
إذا بحياتي أقولها لرفيجاتي

-2نصيحه توجهينها لعضو في بالك وشفريها اذا تبي وانا افج الشفره؟:p

اللي في بالي الحين عضوة :p
أقولها .. إبعد عن الشر وغنيلوا ..

وفي عضو بعد
أقوله .. كان غيركـ اشطر .. :icon12:

3- من هو العضو اللي تعتبرينه منافس خطير لج في المنتدى؟ لا تقولين كلهم اخواني وكلنا اصحاب وهالحركات:d?

واللهـ مادري
بس بقول قوتشية .. كون إن المنتدى العام
مارضى أحد يشيل ويحط ويغير ويسوي فيه إلا أنا
لأني شوي أنانية :$
بس طبعاً لو ما اني شفت قوتشية الأنسب له .. ما اخترتها
بس شوي أقولها .. صلي عالنبي ترى حلالي هذا
:p

4- لونج المفضل؟

قلت من قبل مالي لون معين
بس حالياً أنا حابة الاحمر والاسود والاصفر والوردي

5- جملة شهيرة ترددها عشووقه ؟

أوك أوك خلاص <=== هذي دليل على اني زعلانة

أو

ياويلي :s

6-المادة الدراسية التي عانيتي منها!؟

أووووف الفيزيا :icon9:

7-عطرك الذي تستخدمينة؟

نارسيسو رودريقز
gucci envy me

8-طولج؟؟

أقولج اياه بالمسنجر :p

9- وزنج؟

أطرشه لج مسج :p

10- شنو الشي الي مو يعجبج بـkiwi?

أسئلتج :mad:
امم كيوي انتي تدرين شكثر انتي عزيزة على قلبي
ووايد حبيتج وعزيتج
الشي اللي مايعجبني فيج .. اممم خليني افكر شوي
يمكن يكون ... اي اي عرفت

صفة مو حلوة فيج انج تخلين الحياة تاخذ مجراها
ماتسعين عشان تغيرين اللي مايعجبج
يعني شي مو عاجبج قولي stop هذا مو عااجبني
حسيتي انج بمكان انظلمتي .. قولي wait ترى انتوا ظلمتوني
لا تجتفين ايدج وتسكتين

:$

ورايج بالاسئله ؟

حلوة خفيفة :$

[عاشقــ تويتي ـة]

العميل السري07

ريّحي ريّحي وراج اسئله كثير
لوووووووووولز
:p

ارحموا من في الأرض يرحمكم من في السماء :icon_cry:

نبلش يالله

أوكي :chono:

1- وين تدرسين باي منطقه وممكن توصفين مكان اللي تدرسين فيه من المنطقه اللي اهو فيها( ابي وصف) <<للي مايدل :p

لوووولز روح زين يالله
أدرس بالخالدية شوف الله يسلمك أنا أدش من بوابة 6
يكون يم البوابة دوار صغير مو وايد كبير

يعني لو تخلي جمعية الخالدية على يسارك وتاااخذ الخط كله سيدا
يطلع بويهك دوار كمله سيده تلقى الكلية أو البوابة بالاخص على يمينك
اصفط سيارتك وانزل :p

2- باي كليه (اسم الكليه)

كلية العلوم

3- الدكتور اللي ما تواطنينه والدكتور الحبوب (اسماء لو سمحتي)

لوووولز ليش الفضااايح
الدكتورة اللي ما اواطنها <== غادة القناعي
الدكتور اللي احبه <== اشرف حافظ + شروق بس مادري شسم ابوها :icon_razz:

4- اصعب ماده واجهتج بالكليه واسهل ماده ؟

بسم الله امس مداومة مادري شنو الصعب
كله سهل وخصوصا الكالكوولس

5- شنو العيب في كليتكم وشنو الميزه اللي فيها ؟؟<<لا تجذبين ترا خبير لووووووولز

امممم مادري والله :p
بس الميزة اذا زعلان أو متضاايق روح مبنى 3خ وتطمش عليهم

6-متى يبدا دوامج ومتا نتنهين؟؟

عندي ايام يبدا من الـ 10 ويخلص 12 الا عشر

وعندي ايام يبدا 11 ويخلص 3 وربع

7- هل تاقلمتي مع دوام يوم الخميس ولا تداومين وانتي كسلانه؟ وهل حصل يوم انج طوفتي ماداومتي علبالج عطله؟ لووووول

لا الوضع عاادي جدا :p

8-تسوقين ولا لا؟؟ وان كاي يس فشنو سيارتج وشنو اخيس موقف صار معاج بالسواقه؟؟

اي اسوق ... ما عندي سيارة ... ثاني يوم لي دوام كنت بروح شويخ .. جان ادش منطقة اسمها اشبيليه
بس ماقصروا عيال الحلال هدئووني واتصلت على اخوي ويااالي :p

9- هل قد واجهتي مضايقات في الكليه سواء من طلاب او طالبات او (( العتوي ((قطو كبير))مال كليتكم )) هههههههههههههه

نوعاً ما .. لا القطو ليلحين ما صادفته
بس قوولي وين يتمشى اكثر شي لاني اخاف من القطاوة :icon_cry:

10- تحبين اكل الكليه ولا تاكلين برا الكليه ولا لا هذا ولا هذا؟

آكل برا الكلية

11- عمرج جيتي متاخره على دكتور المحاضره وقالج ناسف حاول مره اخرى ما نستقبل ؟؟ ههههههههههه

اي ادش متأخرة .. بس ليلحين ما انطردت :p

12-شنو انطباعج عن كليات الجامعه؟؟

مادري عن الباجي بس كليتنا بالذات تسيب مو طبيعي

13- يوم الانتخابات لاي قائمه صوتي وليش ؟؟

الاتحاد <== صوت للائتلافية <== لان رفيجتي بالائئتلافية وفشلة يعني موصيتني من قبل
لادش الجامعة واهي توصي فيني

الجمعية <== للمستقلة .. لأن طلعوا الائتلافية مو شي ماعجبوني
ندوتهم اللي سووها يت عكسية عليهم .. قعدوا يسبوون بباجي القوائم ونسوا يقولون اهما شنو سوو للكلية

14-شنو انطباعج عن شباب كليتكم؟؟ وشنو انطباعج عن البنات؟؟

شباب الكلية القدم <== احسم وااايد شطار
أما المستجدين <== مصخرة حدهم

بنات الكلية القدم <== فااهمين يعني .. وياخذون بيدك ويفهمونك
المستجدات <== نصهم مو كلهم تعاابى :p

15- هل عندكم شارع حب نفس ماهو عندنا في كليات كيفان؟؟ لووووووول

انتوا ارحم شااارع على الاقل
احنا الله يسلمك مبنى كاامل حب :p

تبين نكمل ولا ناجلهم للمره الجايه :p

انا اقول بس عاااد وقف
مليت ترى

ملاحظه: (( الاسئله تبينهم كاش كلهم ولا نخليهم اقساط))لوووووووووولز

يصير ماتسال :rolleyes:

[عاشقــ تويتي ـة]

الذوووق

هلا هلا هلا وغــلا بعشـــووق .. حلا المنتــدى وربي ..
عن جد استانست يوم شفت انج بكرسـي الإعتـراف ..

هلا فيج حبيبتي
تسلمين ياااقلبي
عسة دوم الوناسة :icon_neutral:

نبـدا بسم الله :p

الله يستر

1- تويتيـّه وكـتـابة القصـائد .. هل في بينـكم رابـط .. ولا مجـرد متـذوقه ..؟

متذووقة .. بس لي كتاااباات بس لا قاافية صحيحة ولا وزن ولا هم يحزنون :p

2- بحط لج كلمات وعبري عنهم ..!

ان شاءلله يمااا

البحــر :

متعه رائعه تأخذك لعالم ليس له نهاية كله هدوء واسترخاء وصديق وقت الضيق

الأم :

ماراح ألاقي قلب يحبني مثل قلبها لو ألف الدنيا كلها فهي عطاء بلا حدود، حنان يملأ الارض، حضن دافئ، أخاف عليها من نسمة الهواء و ادعو الله لها بالصحة و العافية وطول العمر

الدنيا :

دار الفناء , فلا تستحق كل هذا العطاء , فدايماً سوي عكس اللي اهي تبيه :$

3- شـرايـج في كـ الذووق ـل :p

بنت ذووق وربي
وحبوبة وخوش وحدة
ومثقة

4- شنـو أصعب مـوقف مـر بحيـاتج ..؟

وفااة يدتي الله يرحمها

5- صـدمـه جـات مـن أعز إنسـانه \ إنسـان ..؟

اممم تبيني اذكر الصدمة يعني

صعبة شوي :)

6- أفضــل مطعــم تحبين تـروحين لـه ..؟

كباب الغدير :p
لا اتغشمر ... ابل بيز

7 - أفضـل كـافيـه تحبين تروحين لـه ..؟

هارد روك

8- أمنيتـج بالحيــاة ..؟

وااايد وااايد

وسلامتج يا غلاتي .. اتمنى اني ماطولت عليج بالأسئـله ..

الله يسلمج حبيبتي
لا عسل وربي

وهذي قهـوه وكيـكه .. عشان تجـآوبين على أسئتلي وانتي رايقه على الآخـر ..

ذوق وربي ... تسلمين ما قصرتي

[عاشقــ تويتي ـة]

* مغـ،،ــرورة*

@@

عيب لا تخزين :p

شـوي شـوي على صـديقتي الصـدوقة

شفتي شلون :icon_neutral:

حـرام عليـــكم

اكسر الخاتر :hanged:

عشـوق اللهـ يعيـنج تبيـني اجاوب عنـج :p

اخاف تخرينها :p

حيـلكم فيهـا :p

:flaming:

قصـدي شـوي شـوي عليـها :p

:dakko: على بالي بعد

كـلش ولا مـرت تويتي :D

والله لو يدري فيكم ما يخليكم :flame:

[كـلـي غـلا]

قواج الله غلاتي ..

ولاهنتي على الأجـــوبه ..!!

[عاشقــ تويتي ـة]

ميمي

يقحــص ويغبـر بقـآري اخته الصغيره عن عن ديد ديد

شوي شوي يا ولد تنقنا

يالله حيها

يالله عقرب

حي الله من زار وخفف هلا بالقرقه

هذي المقولة لك :p

ادري حدي قديم لووول شسوي كنت اطالع سي ان ان اشوف برنامج اسـمه اغبياء ولكن اذكياء جان اتذكرج وقريت خبر عاجل مكتوب تحت عاشقه تويتي بكرسي الاعتراف قطيت كتاب الفلسفه وقلت اجي اتفلسف عليج طبعا اذا ماعندج مانع واذا ماعندج مانع اقرب طوفه لو سمحتي

انا اقول قوم رد امسك كتااابك وطالعك برنامجك واايد احسن :bubble:

المهم سؤالي يقول شخبار مناقصاتكم انتي وامراه الحديد غيرت نكها هوني روز يعني خبيرات معلمات الشورما شخبار الشورما هههههههههه << يذكر هالعياره من دشتهم للمنتدى اثنينهم

لا تفضحنا ياااصبي لووووولز

والمهم حبيت اقولج رايي فيج ان انتي بصراحه والله مو مجامله رقله وكمخه اقصد وربي حبوبه ويوم آقرا ردودج ولا مواضيعج ارتاح احسج نفس سولافي تقلبين الجد ملاقه لووول وبما انج اكبر مني طبعا اعتبرج حسبة اخت اكبر مني << والله مؤدب والله يا بخت اللي بتاخذني بسم الله علي تف تف من الحسد

يمااا فديته والله :$
اثريك تملك الكثير من الشماعر من نااحيتي :$

ولي الشرف طبعا < ياقردك

أكيد لكـ الشرف :p

المهم بس حبيت اسآلج جم سؤال واوهقج فيه

خذ رااحتك افا عليك .. صار عندي منااعة من اللي قبلك :p

شرايج بالمنتدى وليش بطي ؟؟ < ما اتوقع معاج يلعن يومج بس اول وحده بالردود والمشاركات وين يكون بطيء عندج خخخخخخ

صل عالنبي ويهد ... من سنتين هالمشاركات مو من امس :mad:
المنتدى بطيء لأن السيرفر تعبان :p
وان شاءلله تنحل

ثاني شي اكيد لج الفخر بما اني ولد جيرانكم ها لووولز

يااقردي قصدك :p

شرايج بشبـآب المنتدى من ناحيه سوالفهم وجذي ؟؟وننفع نكون منتخب اسمه كويت 777 ؟؟ < بصراحه اقتراح عجيب تكريه بآسمي ها

أنا الأقرب لي الشباب أكثر من البنات
البنات مليقين شوي .. عكس الشباب عسل سوالفهم

<== ياويلي من البنات :icon6:

شرايج فبنات المنتدى ؟؟

الأغلبية رفيجااتي صااروا
خوش بنات وعسولات والله
والله يوفقهم ان شاءلله ويرزقهم النصيب الصالح

شرايج بمشرفات المنتدى ؟؟

ماعليهم حجي :clown:

شرايج بميلاني المنتدى هههههههههههههههههههه ؟

ولد ييرانه اللي يرووحلي فدوة لووولز

خوش ولد وحبوب وقرقة واايد
بس رااعي وقفات وفزعات :$
ويذكرني بشباب المنتدى ايام قبل

اذا رحتي الجمعيه ولا بقاله الهندي ولا شاحنه البنغالي شنو اول شي تروحين له ؟؟

طبعاً مافهمت سؤالك :confused:
بس بقول اروح على طول وأنا مغمضة حق ركن الجليات وحق ثلاجة الـ Red Bull

وبعدين سامحيني عالقرقه واذا في عندي سؤال بعدين احطه لج

حياااك الله ... ولا تكثر أووكي

ثالث شي نصايحج لي بما اني اخر سنه وثنويه عامه ادبي ملعون خيري لووول واتمنى محد ينساني احم احم يعني تكنسلون عضويتي وين اولي بعدها لووول حاطيني كل المنتديات بلاك ليست مادري شمسوي

شد حيلك .. وجاابل دراستك
خصوصا انك عامة كل دقيقة محسوبة عليك
واهم شي انك تنظم وقتك
ولا تنسى الريج الحلو للمدرسين .. ترى ينقص عليهم بجم كلمة
وخل سوالف المنتديات عنك وجابل دروسك

وابي اقول حافظج الله حجيـه ودربالج على لسانج لا يودينا بداهيه من طوله ضمـوه يم برج ايفل وبرج بيزا مادري روبيه

ههههههههههااي لا تخاف مسويتله control

:p

يالله تشو تشو

جااواات

[عاشقــ تويتي ـة]

الذووق

قواج الله غلاتي ..

الله يقويج حبووبة

ولاهنتي على الأجـــوبه ..!!

ولا انتي حبيبتي

نورتي

[Na3ooma]

أنــــا قلت لي باك !!

بس ما توقعت الأسئلة الصاروخية كلها يت وراي !!

ماشاءالله صج ماخلو شي

لوووووووووووول وعليه عليج انشقيتي شق بالأسئلة !!

مممم بس خل أسألج جم سؤال خفاف شوي

* شنو حكمتج بالحياة ؟
*شنو امنياتج ؟
*شنو طموحج المستقبلية ؟


وبــــس ما اطول :)

واايد سألوج ياختي عليـــج :awink: :awink:

[عاشقــ تويتي ـة]

Na3ooma

أنــــا قلت لي باك !!

بس ما توقعت الأسئلة الصاروخية كلها يت وراي !!

الحبايب شغلهم حاار بحار :p

لوووووووووووول وعليه عليج انشقيتي شق بالأسئلة !!

:bawling:

مممم بس خل أسألج جم سؤال خفاف شوي

:rolleyes:

* شنو حكمتج بالحياة ؟

إن لم تكن ذئباً أكلتك الذئاب

*شنو امنياتج ؟

رضا الله ورضا الوالدين علي
وإني أكون باااره بأهلي
وإني أصير عمة أو خالة :icon_cry:

*شنو طموحج المستقبلية ؟

طبعاً لي طموح لا تعد ولا تحصى
ولكن حالياً طموحي إني أتوفق بدراااستي

وبــــس ما اطول :)

فديتها الخفيفة والله
شحلاتها خفيفة واايد بمرورها

واايد سألوج ياختي عليـــج :awink: :awink:[

:icon_cry: اكسر الخاطر مو