الهبه في الكويت

[صــوتك وصل]

السلام على من اتبع الهدا
السلام عليكم و رحمة الله و بركاته
ما ادري طق الكولون و حاب افرفشكم اشوي بالمواضيع الزقرتيه ..
بس ما اشوف تفاعل منكم ...
بما انه الكل يبي مواضيع اشوي نغير جو المنتدى ..
بما انه احنا كويتيين و نعرف بعض ليش الكويت شعب هبه بس يهب بالشي ...
يعني هذا إللي ملاحظينه صح ولا لأ
One :
التلفونات تذكرون لما نزلوا هالتلفونين اعتقد محد بالكويت ما شراهم
نوكيا 3210 و نوكيا 6600

اتذكر واحد كان اسمه بشار و واحد بانده صح ولا غلط
و لا بشار تطور بعدين صار بشار اليديد و هالسوالف يعني صج و كان سعره طاق بالسوق
إلحين 2 محد ياخذه .....
Two :

الغتره إللي مافي صبي بنت ولد صبيه ام مو لابستهم
والله اشوفهم بالمجمعات عبالي رايحين يحررون فلسطين ما صارت موضه
انا بشوف منو ا لطوط ابن الطوط إللي طلعلهم هالموضه الخايسه ....
Three :

اخييييييه فنايل بولو إللي لوعوا جبودنه فيهم اشوه ما لبستهم ولا فكرت اني اشتريهم
يعني صج شي يقهر و لا إللي يبط الجبد ياريت يشترونهم اصليه او طلبية من بره
لا تقليد و من الوطنية بعد ....
Four :

الشوارفسكي اوووه ده حقه تانية يامصبتي ....
كل ما تمشين بالشارع مافي بنت مو حاطتها او صبي رفيجته يايبتله وحده ...
يعني صج شنو هذا يا حلاة السياره بدون ولا شي
يعني الشوارفسكي راح يعطيها شكل حلو ...
و طبعا اشياء وايد هابين فيها الكويتيين
حجاب (حجاب بوتفخه ) ,, و جواتي الفلات ,, و الإيمو ,,, و هالشباب إللي كل واحد ما ادري شمسوي بنفسه ,, يعني جد جد قمت السلبية ...
ولا ولا إللي يبط الجبد اكبر هبه للحين البوم نوال ....اخيييييييه
إلي ما يهب بالشي إلي هابين فيه الكويتيين خل يشوفله ديره ثانيه ....
إذا ما تهب بالشي وتضغط إلي يهب فيه ما تصير كويتي ....
يعني مثلا واحد لابس بولو ...
وفجأه ينط , اوووف كل الكويتيين بولو !!!
ولا واحد متابع مسلسل نور ..
ولما يقعد مكان , أذونا بمهند ونور ! مو حاله هذي ...
ولا تلقين واحد يشوف واحد لابس Gucci , ينط ويع ويع كرهوني بـ Gucci !
وأهو بوكه ومداليته Gucci ..
كلنا هبينا وكلنا نقدنا ..
وهذي الكويت صل على النبي ,
و نختم موضوعنه بكلمات من اغنية خالد الملا ( قلهم يا طير )
كذابين ترى بعض الناس كذابين لي قالو الحب جنه
كذابين و ليش يكذبون على المسيجين ترى هم كذابين
انا خضت بحر الهوا و عرفت بره ..
و كتبت تجرحت ياناس من حلوه و مره ..
و شيبت منه و انا عمري ثلاثين ..
ولا شفت يا ناس بالحب راحه ..
و حبي تعذب و زاد جراحه ..
يوم طلبت الدوا ما لقيت المداوين ..
انا قاتل كل جبار عنيد و يقتلني الفراق بلا قتاله
قلهم يا طير احوال البشر يرحموا عاشق حاله في خطر
انقضى لحمه و باقيلنه العظم
اسألوا عني الكواكب و القمر انا من طول الليل ذابحني السهر
نامت العالم و عيني ما تنام
انا لا سمعت العود و انغام الوتر هل دمعي فوق خدي كالمطر
في الختام اتمنى لكم حسن زياره ممتعه
و اهلا و سهلا
صوتك وصل مرشح الدائره السادسه ...

[صــوتك وصل]

اشدعوه لي هالدرجة محد عاجبة الموضوع

:(

[Demon of Dark]

السلام عليكم ورحمة الله وبركاته

بصراحه اللي ذكرتهم بكل مكان صارو

لدرجه الناس جنهم ميانين مادري شفيهم

خو ماصارت قلنا موضه بس مو تلوعون جبدونا

وي ياليت بس هذا وهذا الا في بلاوي اكثر واكثر

الله يستر علينا منهم

الا صج انت اي موضه هبيت وراها

<==== بالنسبه لي ولا وحده منهم سويتها اللي يتعجبني اسويه والا لا خلاااص
الا اصير نفس الكل

التميز لازم يكون وبكل شي

.....

يعطيك الف عافيه ع الموضوع الروعه

ماننحرم

تقبل تواجدي

[دواس الظلمة]

والله كلامك عين العقل مو بس هبة الا الناس تمشي وهي مغمضة عيونها يعني نيولوك او ستايل مايدرون انهم اخر ناس يسوون هالستايل وكل من حاط شماغه برقبته لا ولو شافوا شخص مغتر قامو ا يقولون هذا وهذا ما علينا منهم حبيب قلبي موضوعك مميز وماقصرت فيه ويعطيك الف عافية
تقبل مروري :
تحياتي لك

[mshtaga]

حكم حكم صوتك وصل

والله كل اللي قلته عددددل بس تعرف هذا التطور

شنسوي

يعطيك العافيه

[ScReAmQwEeN]

حركات صوتك وصل .. :) موضوع عجيب .. ..


عادي عادي .. النــاس اذواق .. إلي ماتحبه أنت غيرك عشره يحبه .. والموضه جذي .. تيي وحده وتروح ويي غيرهــا ..
ويهبون فيها النــاس .. وبعدين تعال موبس الكويت إلي تهب بالموضــه حتى الدول الثانيــه .. :)

عاد تصدق ترى سالفة لغتره من زمان موجوده بس مادري ليش هبو فيها الحين .. اتذكر المغنيه الأمريكيه كرستينــا غوليرااا
كانت مسويتها يايــه بغتره على رقبتها بحفله انصدمت منها من قبل خمس انسنين تقريباً .. .. غريبه ماهبو فيها حزتها أجلوها للحين .. لوولز :) .. وبعدين اذا إلي يلبس الغتره ريال عادي بس بنت حرااام يقلون تشبه برجال .. مادري !! !!


يعطيك العافيه ..

[تمنيتك]

لووول


اي ع خام الشماغ من زمان .. اذكر قبل 3 سنين كنت مشتريه قميص علي جماغ اسود بأبيض :p ستايل الشماغ


انا البس عالحسب اللي يعجبني يعني مثلا .. الشماغ شتريته بس مالبسته لوول .. يعني عالمزاج



وهذي هبه معروفه وخاصه بالكويت .. مثل الهمر او جيب تيوتا هبو فيهم فتره لوووول

[راقية بأخلاقي]

إيمو : معناته عبدة الشيطان للي ما يعرف
لا حول و لا قوة الا بالله
الف شكر لك اخوي صوتك وصل
يعطيك الف عافية
و اللي اعرفه ان لبس الشماغ المفروض بس للاولاد لكن للاسف
صار تشبه البنات بالرجال
تلاقي البنت كاشخة حددددددددها و ميكب و حالتها حالة و حاطة شماغ
و الله عيب عليكم يا بنات الديرة
كل من هب و دب سويتو قلدتو
خلي لج كيانج و احترامج و تميزج
لا تكونين امعة
تسلم اخوي و آسفة على الاطالة

[صــوتك وصل]

يعطيكم العافيه على المرور الحلو و ربي لا يحرمني

من ردودكم الحلوه قولو امين