تويت
عندي دروس خطيره لا تفوتكم يا بنات .. شوفوا اللي مقهوره, واللي تبي تنتقم
واللي تبي ترفع ضغط التمساح تتبع
هالخطوات الاتيه والله يقويكم...........
*** عند التلفزيون ***
لا صارت فيه مباراه , والاخ متحمس اقطعي هالحماس وشلون؟! انا اقولك .. شوفي اذا صار مبقق عيونه وماهو داري عن احد يعني لو تجيبين صاروخ تفجرينه قدامه مالتفت لك اعرفي انه منسجم , هنا بس تقومين بشغلك.. وتسوين نفسك بنت سنعه وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,
لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد.. واذا قال: ابعدي لاصكك على نقرتك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق انقزي لين توصلين للفيش وامصعيه برجولك ولا تلتفتين وراك ..
*** عند النوم ***
لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نروح للسوق
<======= يمديكم على هالبرود؟ خخخخخخ
***مع الشله ***
ذي ما يبيلها جهد ولا تعب, اذا شفتيه جالس هو وأخوياه طلعي راسك من باب الشارع وقوليله فلااان أمي تبيك لو يصلون عليك بنفس اليوم ترى مالي دخل :hanged:
*** اذا المزاج صفر ***
اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ
المهم.. اضحكي على شكله والا على جلسته والا على لبسه .. هو بيقول ترى مانيب رايق وضفي وجهك, انتي لا تسكتين قوليله واذا ماضفيت وجهي وش بيصير عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعة ضغطك وقومتك من جلستك
<===== يلعن ام المبزره
عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) خخخخخخخخخ
*** وقت المضاربه ***
لا جاء يوم وبراسك طفش وتبين تضاربين انتي والتمساح لازم تجهزين نفسك من كل ناحيه:
1/ اللبس: لازم تلبسين ترنق خخخخخخخخخ علشان يسهل الركض والمطامر وتفركين من يده بسهوله :bigmouth:
2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك, وياليت يكون ذاك اليوم حاطه براسك حناء علشان مايتجرأ ويلمس شعرك==== <= ابن أمه يجيب مثل هالتفكير
3/ مفتاح الغرفه جهزيه الاحتياط واجب
4/ جمعي لك كم ماصوووره وخليها على جنب
واذا فيه كم حجره مايضر يكون احسن
اذا بدت المعركه حطي راسك براسه ولا تبينين له انك خايفه وبققي عيونك فيه وقوليله وش براسك عاد هو
هنا بيقولك هذا اللي براسي طراااااااااااخ الا ومخمس مصفي طبلونه , لا تستسلمين عطيه بوقس على
عيونه الثنتين علشان مايشوف الدرب وحطي رجلك ومن عند الدرابزين طلي عليه وقوليله ان كان فيك خير
قابلني هو بيستشيط وبيجي التمساح يقابلك مايدري انك اذكى منه , هالحين جاء دور المواصييراللي
جمعتيها وبدووون رحمه .. واضربي فيه ليييين تضربين
الارض من تحته . وعلى طووووووووول لغرفتك اللي مجهزه مفتاحها من قبل واقفلي عليك ..
ويادار مادخلك شر بس نصيحه اقعدي يومين لايشوفك لا تشوفينه لانه يبي ينتقم لكرامته وبيوريك حق الله
فيك بسسسس..
هذا اللي اتذكره و اذا كان فيه اساليب جديده ماراح ابخل عليكم
بها يا حلووووات...
خــآلص الــود
ســـرووو
[/align]
تعليق