قصص عشق الكرة المجنونة ~ شاركونا

[Ra7_al2aml]

مسائكم رياضي

عساكم طيبين
..




احم //
منو فيكم يذكر كيف بدا يحب فريقه ؟
كيف شجع فريقه الحالي .. وكيف بدت قصة العشق المجنونة ؟
أنا شخصياً أذكر كل شي صار يومها.. وبذكرها لكم عقب..
.. بس إنتوا.. كيف حبيتوا الكورة؟
..


انزين ~ حد فيكم يلعب كورة في الفريج؟ المدرسة؟ المنتخب؟
ولا لاعب سابق في الصفوف الرديف ولا الشباب ؟








أنا شخصياً.. ماحب ألعب كورة.. دومي أتعور
أحب اتابعها..
وأشجع المواهب الدفينة..
يعني اشجع لعب الفرجان وأقدره ..
..



منو لاعبكم المفضل اللي حببكم في الكورة؟
كاكا مثلا رونالدينهو
إنتوا منو ؟
...




سولفولنا عن حبكم لـ فرقكم
مانشستر //برشلونه// ريال مدريد أو أي فريق ثاني
شو صار؟ وكيف صار؟ والسبب وكل التفاصيل

[jara7ooo]

يعطيك العافيه رحال عالموضوع الرائع والله يستاهل التثبيت بس ما اقدر اثبته :p


شوف با طويل العمر:p

انا حبيت الكره وعشقتها من اول ما طلعت من بطن امي ابوي كان لاعب بس لعب بالمراحل السنيه ولعب بالفريج
المهم عاد انا كبرت اشويه صار عمري 5 سنين تقريبا قمت اقول حق ابوي يشتريلي كره وحبيتها من وانا صغير
اما عالافرقه اللي احبها اهما القادسيه وبرشلونه
حبيت القادسيه لانه اول فريق شفته يلعب كره ويفوز وكنت مستانس واشوف ابوي استانس لما فازوا القادسيه وكانت عالعربي بعد
اما برشلونه حبيتها لاني احب سافيولا لاعب الارجنتين كنت اشوف حقه اقاول بالاخبار وكنت اقول هذا خوش لاعب وحبيت الفريق والاعب بعد

انا لعبت بالنادي بس ما طولت وطلعت وتميت عالمدرسه والفريج او موفريج الحين صار في هيئات الشباب والرياضه او في ملاعب تراب او ترتان او عشقت الكره الحين صارت بالمادرس بعد صالات
وبصراحه انا واحد كل يوم العب لي درجة امس تعورت ولفوا ريلي :(

اتوقع كافي واذا تبي بعد او في شي ناقص قولي

تحياتي ك لىى موضوعك الاروع من الرائع

[ميلاني]

مسائكم رياضي
عساكم طيبين
..


احم //
منو فيكم يذكر كيف بدا يحب فريقه ؟
كيف شجع فريقه الحالي .. وكيف بدت قصة العشق المجنونة ؟

أنا اول فريق تابعته القادسيه طبعا والمنتخب وقدساااوي متعصب حدي واول نادي اوروبي كنت اتابع مانشستر يونايتد بس شسوي الميلان عشقي :$
وبدت قصتي ان انا احب الكرة واكيد اللي يحب شي لازم ينمي مواهبه فيه سواء بالتلفزيون او بالجرايد او اي شي ثاني


انزين ~ حد فيكم يلعب كورة في الفريج؟ المدرسة؟ المنتخب؟
ولا لاعب سابق في الصفوف الرديف ولا الشباب ؟

انا طبعا محترف فريجاوي ههههه يعني طلعت من الفريج
انا ياطويل العمر العب كل شي قدم + يد + سلة + طائرة
بس اتقن القدم والــيد
وكنت داش نادي الساحل لكرة القدم ونادي الشباب لكرة اليد << ولد المنطقه العاشره شتتوقع العب يعني ههههههه
وكنت اتمنى اكمل بس شسوي دراستي أهم
********


منو لاعبكم المفضل اللي حببكم في الكورة؟
كاكا مثلا رونالدينهو
إنتوا منو ؟
طبعا مستحيل اقول لاعب جديد لوول لأن انا من زمان احب الكرة
انا اللاعب اللي حببني بالكرة كلويفرت الهولندي وروبرتو باجيو الايطالي وباتيستوتا الارجنتيني
ومحليا حمد الصالح وعبيد الشمري لاعبين القادسية

...


سولفولنا عن حبكم لـ فرقكم
مانشستر //برشلونه// ريال مدريد أو أي فريق ثاني
شو صار؟ وكيف صار؟ والسبب وكل التفاصيل

طبعا اول فريق حبيته القادسيه
من كثر ما اطالع له مباريات
ولأنه اكثر الفرق جماهيرية بالكويت
اما اوروبيا فـ عشقي كان لمانشستر يونايند وبسنة 2001 حبيت اي سي ميلان وللحين احبه وطول العمر هم لو طاح درجه ثانيه


وشاكرلك عالموضوع حجي ومنور القسم ... يتم التثبيت يستاهل

[guti.haz 14]

والله شقولك ..

انا من ولدت وطبع كنت كلنا بشارع واحد عمامي وبيت جدي بشارع وحاد

ورى بيتنا ساحه

ومن هنا كان جنون الكره

الكل كان يلعب عندي

19 عم

لحقت على 13 يلعبون كوره وكنت العب وياهم

وانا امووت بدمريد من جاهم بيكام

والحب متواصل لين صرت لاعب بنادي الجهرا

[راموس]

يعطيك العافيه وماقصرت على الموضوع
بدايتي كانت اني اسمع بريال مدريد وعن انجازاته وبعدين قمت اتابعهم ليما قمت اشجعهم
ولاعبيني المفضلييين زيدان وراموس

[اهات الفراق]

اول شي مشكور اخوي عالموضوع
ثاني شي ادري بتستغرب دخلتي للموضوع
بس انا رياضيه بحته
بس ما العب كرة طبعا بحكم انت بنت
بس اقولك اني اعشق ليفربول وانجلترا
وسبب عشقي كان مايكل اوين بسنة 98
وللحين احب ليفربول
ولباجر

قواك الله

[ارسنالية]

بدايتي مع الكره وتحديدا اول مباراه شفتها كامله بحياتي كانت مباراة المنتخب الكويتي مع السعودية في خليجي 14 كانت ابداع وبدا الحب والعشق والغرام
من المنتخب على طووووووووووووول إلى الدوري وحبييييييييييييييييييييييييييييييت العربي
افضل فريق طبعا اولا لان الشيخ احمد الفهد يشجعه وانا حبيت الفريق اللا عبين كانو يهبلون ايام احمد جاسم و احمد موسى وبدايات جراغ
ومن عقب الدوري الماصخ شفت مباريات قناة الكويت الارضية هههههههههههههه
يعني الدوري الانجليزي اغرمت بهنر في الارسنال بالرغم من اني كنت اميل للريال حبا في زيدان بس بالاخير ضليت عاى المدفعجية الارسنالية افضل فريق والارسنال ماي الذهب على قولتهم


وتشكرات اخوي على الموضوع
حسيت اني كبيره وعجوز والشيب براسي

وشكرا


وييييييييييييييي نسيت
افضل لواعيب هم

ترى بطول بس اسمحولي
اديبارو على القول اللي حطاه في فياريال
و فاااااااااااااااااااااابرييييييييييييييييغاس
وليمان الالماني
و فان بيرسي والارسنالية كلهم
وزيدان لاخر يوم في عمري
تيري هنري
وايالا الارجنتيني وسافيولا وميييييسييييييي وزانتي


والقلب ريكيملي
وكاكا
ومحليا علي مقصيد وبشار
والعرباوية كلهم
وسوري على طوالة الموضوع

وتشكرات:brokenheart:

[رعود الليل]

السلام عليكم و رحمه الله و بركاته




بدايتي طبعا مع المنتخب و مباريات المنتخب مثل اي بيت كويتي

و القادسيه بعد ما اطوف مبارياتهم . . ايه نقطه هذا حدي



في الكوره و وايد بعد و صح مراااااات اطقطق و اشوف مباريات كاس العالم


و الاعبين طبعا" كله محلي و المحلي انفع ههههههههه



طبعا" كل لاعبين الاصفر الملكي دون استثناء


و عجبوني من العربي خالد احمد خلف و اخوه خلف

و فهد الفهد و بشارنو عبد الله و وليد علي

و بعد من السعوديه يعجبني سامي الجابر و نواف التمياط قديمه صح هههههههه




و شكرا"

[مـــحـــامـــي]

الله يعطيك العافيه على هالموضوع

انا من وعيت على الدنيا وانا عايش في عائلة رياضية بحته :)
كنت مغرم ولازلت مغرم بالنادي الملكي نادي القادسية
كان الشايب عسى الله يطول في عمره ياخذني لأي مباراة للقادسية وللمنتخب الكويت.

انا كنت لاعب في نادي النصر الرياضي وتدرجت في المراحل السنية بس تركت النادي لسبب واحد وهو ان كان مدربنا لاعب المنتخب الكويتي السابق خالد الشليمي صار بينا نقاش حاد في احدى المبارايات الودية ومن عقبها طفرني من النادي وبعدها تركتهم :)

ولاعبي المفضل مارادونا وباتستوتا وكلاوديو لوبيز وميسي :)

انا عشقي وقلبي برشلوني حبيت هالفريق وانا عمري تقريبا 10 سنوات .
كنت من اشد المعجبين بهذا الفريق . فريق كان متكامل الصفوف فريق يعلب ليمتع فريق يمتلك طاقات فذه

[sence]

موضوع قمة الرووعه !!

طبعا انا اول مره لعبة فيها كره مع اعيال خالي
بديت العب كره معاهم تقريبا من كان عمري 10
بس كان ايام حلوه ..
كنت احسن وحده العب هجووم هع هع << مو هينه :p

كرة القدم من احلى الالعاب الي احب امارسها
امووت على شي اسمه كره :$

كنت العب كره قدم بس في بيت يدتي و المزرعه والمدرسه واحيانا بالحووش :p

لاعبي المفضل : ( ميسي ) << فديته :$.. ورونالدنيو

والفريق المفضل لي : مافي فريق محدد بس اكيد البرشلونه عشان ميسي :$


(( بس انا احب امارس كره القدم اكثر من ما اشوفها او اشوف المبارات ))

********

يعطيك العافيه
راح الامل كلمة مبدع لا توفي بحقك =)
يسلموو الايادي

[Ra7_al2aml]

مشكوورين على المشاركاات نورتواا الموضوع ^_^



ومشكوور ميلاني على التثبيت :d