مــقابلـه مــع الاعــب مــساعد نــدا

[هَـ م ـَكُ تَـ عُ ـذبًـنُـًىّىً ؟]

السلام عليكم





هـذي المقابله مــع القدساوي مساعد ندا واذا تبون تواصلون معااه ايميله موجود



ومنــقووول مــن مـنــتــديات ديوانيه الازرق دوت كوم





ونشكر منـتـديـات على جهودها على المقابلات





ونتركم مع المــقابله



العضو هولندا
لو صارت المباراة القمة بين مدريد وبرشلونه ..من بتشجع .؟
اكيد .. ريال مدريد

العضو أزرق كويتي
بطاقتك الشخصية
مساعد ندا العنزي
20 سنه
طالب

اصعب مهاجم واجهته
بشار عبدالله

سبب كثرة خشوتنك
بالعكس انا اخالفك الرأي بوجهة نظرك .... لاني احس ان لعبي قوووي بس خشن مااعتقد

العضو الصريح
منتخبك و ناديك العالمي والعربي ؟
ريال مدريد , فرنسا
الهلال , تونس

لاعب يتمنى مساعد الوصول لمستواه ويعتبر مثله الاعلى؟
يوسف دوخي

هل تعترف بضعف واجبك الدفاعي والدليل الهدف الاول مع قطر في قطر؟؟
احب اقولك ان مركزي بالاساس مو دفاع

ماذا يمثل لك نادي القادسيه ولو طلب اي نادي كبير الانتقال له هل ينتقل مساعد ؟
طبعا القادسيه هو بيتي الثاني لاني فيه من 10 سنوات ,,, اما بخصوص النادي فما اعتقد فيه لاعب ما يحب الاحتراف وخاصة بنادي كبير

العضو قدساوي
ابيك تقول رايك في الاعب بدر المطوع وعلي الشمالي؟
طبعا هم من افضل اللاعبين وهم عناصر اساسيه بالنادي والمنتخب

انت قبل لا تلعب مع القادسيه كنت قدساوي ولا عرباوي ولا شنو؟
قدساوي

العضو العرباوي الملك
بدية مشوارك متى وبأي مرحله سنيه بديت؟
بديت موسم 93/94 وكنت تحت 12 سنه

من هو أفضل لاعب محليا /عربيا/عالميا؟
محلي : نهير الشمري , عربي : حازم امام , عالمي : زيدان

منو اللاعبين اللي تتمنى ضمهم للمنتخب في المرحله المقبله؟
اللاعبين الموجودين كلهم فيهم الخير والبركه لكن افتقدنا لفرج ونهير

مستواك غير ثابت بالمنتخب مالسبب في هذا ؟
لكل مباراة ظروفها ولكل جواد كبوه و انشالله بعجبك بالبطولات الجايه

منو الأفضل أحمد موسى أو عبدالله وبران؟
انت قارنت بين اثنين من احسن لاعبينا بالكويت والجواب انهم يكملون بعض

لاعب تحترمه ولاعب قريب لك بالمنتخب والنادي؟
نهير ووبران

العضو عـarabiــربـاوي
شرايك بللاعب احمد موسى؟
لاعب غني عن التعريف

"لو" العربي عرض عليك الإنضمام له توافق؟
ماعتقد

منو يعجبك بنادي العربي من اللاعبين ؟
احمد موسى ومحمد جراغ والخطيب

هل انت مؤيد لضم احمد موسى للمنتخب ؟
طبعا محد مايبي احمد بالمنتخب لكن هذا المدرب وهذي وجهة نظره

العضو CANNAVARO
ودك تقوي شغلة بلعبك ( الشووت او الجمب او اللياقة) شنو اللي ناقصك وودك تقوي؟؟
ودي اقوووي النزعه الدفاعيه عندي

لاعب ترتاح بوجود بالملعب معاك؟؟
وبران

منو صنع مساعد ندا؟؟
كل مدرب مر على مساعد شارك بصناعته

هل تقدر تلعب بمركز غير مركز المدافع الأيسر او المساك؟؟
نص

العضوnas-nd
شنو قصة الهدف اللي سجلته على سنغافوره . ( رقصة فرج لهيب ) ؟
صدفة في هالمباراه اني كنت لابس رقم 19 وفرج كان غايب عن المنتخب بسبب الاصابه فرقصت رقصته الشهيره

العضوMr.Rial Madrid
نادي تتمنى الاحتراف فيه ؟
ريال مدريد

ماهو رأيك بالمدرب كاربجياني بكل صراحة + مستوى المنتخب بالتصفيات الاخيرة ؟
مدرب كبير ..... ومستوى منتخبنا حكم عليه الفيفا

ماذا تتوقع من نادي القادسية ان يفعل بوجود المحترفين غوميز و غلاسيو ؟
انشالله كل خيرر وبوجوود اللاعبين المحليين

العضوالموج_الازرق
لو يختارونك نادي الهلال السعودي تعلب كا محترف عندهم توافق؟؟؟ اوليش توافق ؟
اكيد بوافق ... وبوافق لانه نادي كبير

العضو الكويتاوي
: هل يعترف مساعد انه ضعيف دفاعيا؟ ام انه يرى عكس ذلك؟
سبق ان قلت انا مركزي الاساسي مو دفاع

العضو بوعكه اشكناني
هل صحيح كنت تلعب مهاجم في المراحل السنيه؟
أي نعم

مارأيك بالمنتخب النيجيري والمهاجم كانو ؟
منتخبي الافريقي المفضل ... وكانو بكل بساطه حررريف بس الحظ معانده شووي

هل عرض عليك الانتقال الى احد الانديه؟
أي نعم بعض الانديه الخليجيه

لو كنت مدرب القادسيه ماهي افضل تشكيله تلعب بها في ظل عدد النجوم الموجودين ؟
العين ماتعلى على الحاجب ابو نواف مو مقصر

العضو القدساوية
رايك بالمحترفين غلاوسيو و غوميز و تراوري ؟
من افضل المحترفين بالكوويت ان لم يكونوا الافضل

ماذا ينقص لاعبين القادسية لتحقيق انجاز خليجي عربي؟
الحظ

مستواك الدراسي و وين تدرس ؟
طالب جامعي .... بكلية العلوم

كونا بجو انتخابات الجامعه ما هي ميولك الانتخابية ؟
تصدقين مادريت عنهم

علاقتك بالانترنت ؟
بسيطه جدا

نقدر نتواصل معاك عبر الايميل؟
Msa3ed_13@HoTMaiL.CoM

العضو شليويح
هل كان للأهل دور في وصولك لهالمستوى ؟؟
اكييييييد

لو كان في جائزه لأفضل لاعب بالسنه منو تعطيها ؟ وليش؟
اعطيها للافضل .... لانه الافضل

بودك تغير مركزك من مدافع لي مهاجم كونك تتمتع بنزعه هجوميه عاليه ؟
والله انا كنت مهاجم بالاساس لكن ودي العب نص

العضو Duff
Shrayeek bm7amed 3esa .. oo hal ttwa`33 ena ystahl an yl3b eb mokanek ?
محمد لاعب ممتاز ....... واذا لعب مكاني يستاهل بو عيسى

العضوMilkShake
ممكن تقولنا متى تاريخ ميلادك الكامل ؟؟
8/7/1983

هل صادفتكم سلبيات من الجهاز الفني والادراي مع المنتخب بسفراتكم ؟؟
لا ولله الحمد واكبر دليل النتايج اللي قدمناها

ممكن تقولنا موقف ظريف صار معاك مع المنتخب بالتصفيات الاخيره ؟؟
ماتحضرني بهالوقت مواقف وانشالله الجايات اكثر من الرايحات

شنو الشي الي ضايقاك بمسيرتك الكرويه او شي جراحك او خلاقك تتمنى انك ما كنت لاعب كرة قدم ؟
تغيير مركزي من الهجووم للدفاع

على نخبة النجوم الي مع الاصفر انشالله يعني نقول الاصفر راح يحرز كل البطولات ؟؟
انشاالله ...... تفائلوا بالخير تجدوه

اتمنى قبل كل مباراه بساعه تييب عصير ليمون وتخلطه مع عسل وتشربه واضمنلك 100% بأذن الله راح تلعب مباراه كامله بكامل لياقتك و قوتك ووص ربعك الاعبين على الخلطه
سويتها قبل مباراة العربي وارتفعت حرارتي ل40 .... وسويتها قبل مباراة الاهلي وانت شفت شصار

العضوDiouf
شرايك بضيوف في المنتخب و ليفربول ؟؟؟
ضيووف مشكله مالها حل

ليش كل ما اروح مباراة العربي و القادسية لازم تشيل الكرة و تيي صوبي و تحوشني ( بغيت تفلعني ثلاث مرات )
يقولون من حبك طقك

العضو الامير
شنو احسن هدف سجلته ؟ اغلى هدف سجلته ؟
هدفي عالكوويت بنهائي كأس ولي العهد ..... نفس الهدف

افضل مباراة لعبتها ؟
الكويت وسنغافورة 3/1

انت تجيد الضربات الرأسية .. شلون؟
من كثر ممارستي لها

العضو a7med_inter
شنو اكلتك المفضله ؟
يمدحوون الربيان

العضو hamad911
اي دوري عربي تتمنى انك تلعب فيه ؟؟؟؟؟
القطري

مدرب وطني : محمد ابراهيم
مهاجم كويتي: بشار عبدالله
حارس كويتي: نواف الخالدي
حارس عالمي: بوفون

من هو المدافع الي ترتاح بوجوده معاك في الملعب ؟؟؟؟؟
جمال مبارك

العضو قدساوي^ذهب
ابي اعرف بداايتك الكرويه شلون ؟؟؟
مثل أي لاعب اول شي بالمدارس وبعدها التحقت بنادي القادسيه

ثاني شي منو المدرب اللي تحس انه له فضل كبير علييك ؟؟؟
رادي

ثالث منو الفريق المحلي اللي تحب تلعب ضده في الكويت ؟؟؟
العربي

العضو المدريدي
اول شي ابي اعرف ليش ماتمسك اعصابك بالملعب؟
من حماسي الزايد وحبي للفريق

السؤال الثاني ملاحظ عليك كثره التمثيل على الحكام وكثره ادعاء الاصابه ..ليش؟
اللي تكسبوه العبوه

العضو Q8i_f5r
اللاعب المحلي الذي تتمنى ان يكون معك في القادسية؟
وبران ( بو علي )

العضو كظماوى محترف
تعتقد الاختيار للمنتخب حسب الافضلية او حسب علاقات اللاعب بالاتحاد؟
اكلمك بكل صراحه هالمدرب محد يتدخل بقراراته ولا بتشكيلته بالمنتخب مدرب صارم

هل المدرب الجديد كاربجيانى قدم شيئ كان مفقود للاعبين؟؟
اللياقه

كيف يتعامل اداريو الاتحاد مع اللاعبين سواسية او هناك مجاملات وتفرقة؟؟
كلهم سواسية

من تعتقد من اللاعبين المفروض يتم اختياره للمنتخب حالا؟؟
فرج لهيب ونهير .... بعد عودتهم من الاصابه انشالله

ما رايك بمستوى دفاع المنتخب حاليا؟؟
مستواه جيد واعطيه 8/10

لماذا لم نشاهد الباكات اليمين واليسار يقومون بمجهود هجومى فى التصفيات الاخيرة؟؟
بالعكس خطة الفريق كلها عالباكات

من هو امام اللاعبين فى الصلاة مع المنتخب؟؟
جمال مبارك

المراقب Batigol_9
شنو الفرق اللي حسيته بين رادي و كاربجياني ؟
كلهم كبار لكن كاربيجاني شخصيته اقوى

بما إنك كنت بالمعسكر الأخير .. كاربجياني أستدعى نواف الخالدي و أبعد فلاح دبشة ، هل بسبب شخصية مهمة ( واسطة ) أم كانت هناك بالفعل إصابة لفلاح دبشة ؟
لا فلاح كان مصاااب

الكل يعرف إن صقر خضير يلعب بالمكان اللي إنت تلعب فيه باك يسار ، شنو رايك لو تلعب وسط يسار و صقر بمكانك السابق و بما إنك ضعيف دفاعياً؟
بو نواف مو مقصر

في واسطة بالمنتخب .. بصراحة ؟
بصراحه لا

أخيراً رأيك بالشيخ أحمد اليوسف و هل يستحق كل هذا الهجوم من الصحافة ؟
بو تركي شخصيه قياديه ومايستاهل هالهجووم من الصحافه

العضو المنتخب الكويتي
هل فعلا تنوي الأعتزال ومتى ؟
لا تعليق

العضو dl piero
سمعنا ان القادسيه يفاوض لاعب محلي ممكن تقوولنا منو هل الاعب؟
ماعندي خبر

مارايك بالاعب del piero؟
خليفة باجيو

ما رايك باللاعب صقر خضير؟
ممتاز

سمعنا انا انتهت مشكلت صالح الشيخ مع الجنسيه هل هذا صحيح؟
لا للحين

العضو puyol-27
مارأيك بلمدافع الدولي الاسباني كارليس بيول ؟؟
لاعب قتالي

مارأيك بنادي برشلونه؟؟
فريق كبيررررررر

ماذا لو أتاك عرض حترافي من نادي العين الاماراتي؟؟
لكل حادث حديث

مارأيك بلمنتخب الكويتي بلوقت الحالي؟؟
في تطور مستمر

حظوظ المنتخب في كأس أسيا؟؟
منافس عاللقب انشالله

مارأيك بلاعبين غلوسيو وصقر خضير؟؟
صفقات مربحه للاصفر

العضو Zidane
اشرايك بزيدان ?
لاعبي المفضل

العضو قدساوي ...اصفر
كم مقاس حذائك؟؟ ( اللابجين)؟
43

شتذكرك فيه اغنيه أرجوك اعفيني؟؟
ولا شي

العضو dl piero
لماذا نزعتك الدفاعيه ضعيفه ؟ وصج انت كنت تلعب مهاجم؟
لاني بالاساس مو مدافع .... أي كنت العب مهاجم

العضو قدساوي مان
وبسألك سؤال ما تعبر لك مباراة القادسيه والعربي ؟؟؟؟؟؟؟
دوري خاص

العضو قدساوية
سبب انضمامك لنادي القادسية؟
حبي للقادسيه

لو عرض عليك اللعب بنادي غير القادسية هل تقبل؟
نادي بالكويت غير القادسيه لا .... برا الكويت نفكر

المراقب ManUtd
لو عرض عليك الاحتراف بأوربا هل راح تقبل العرض ؟؟
شي اكيد

من هو برأيك افضل مدافع كويتي حاليا ؟
نهير الشمري

العضو recuelme10
ليش لما تبي تغطي على لاعب عند تسديده الكرة على القول تعطيه ظهرك ؟
قول واحد حكمت على لعبي

هل تشوف في نفسك انك تصلح لاعب ارتكاز ؟
أي

المراقب FIGO
" ما رأيك بـ FIGO ? "؟
لاعب ممتاز والله يعيني عليه بمباراتنا مع البرتغال

السيارة اللي تعجبك ؟
SL500

لو كنت لاعب لغير نادي القادسية وين راح تكون في أي نادي ؟
كاظمه

ترتيبك بين أخوانك ؟
3

العضو a7med_inter
شنو سيارتك؟
Clk

لونك المفضل؟
الاصفر

أفضل قناة تابعتها بالتلفزيون؟
ابو ظبي الرياضيه

أفضل اغنيــة سمعتها؟؟
اعفيني .... لرويشد

مطربك المفضل؟
راشد الماجد

شرايك بالجمهور القدساوي؟
جمهور وفي وعلى راسي

شنو شعورك وأنت تشوف الملعب فووول للأخر؟
يزيد الحماس ويزيد العطاء بالملعب

أفضل شخصية رياضيــــة شفتها بالكويت؟؟؟
طلال الفهد

هل انت تدخل موقع الازرق وتقراء كلام الشباب اللي يمدحك واللي ينتقدك؟
بصراحه هذي اول زياره لي للموقع .... لاني ذكرت بأن علاقتي بالانترنت بسيطه

العضو الازرق
من تختار ليكون رئيس الاتحاد ؟؟
كلهم فيهم الخير والبركه

كثرة الشكوك حول الحارس الاساسي للمنتخب .. برأيك من هو الأصلح حاليا لحراسة المنتخب ؟
شهاب كنكوني

برأيك هل هناك لاعبين مظلومين حاليا لعدم اختيارهم للمنتخب ؟
ما اعتقد فيه احد مظلووم بظل وجود المدرب كاربيجاني ..... والافضل يثبت نفسه







ومــع السلامــه

[أسهر أعد النجوم]

تسلم يا قلبي ع القابله الروعه وعساك ع القوه

[هَـ م ـَكُ تَـ عُ ـذبًـنُـًىّىً ؟]

يســلمووو أخــوووي أســـهر على الــمرور العــطر

[تحدووه البشر]

سلملم

مشكور خيو والله يعطيك لعافية

جوجو

[ط الجنرآل ـفله وضيعتني]

مشكوور خيووووووو على الموضوع

[Z@G®†éY]

مشكور اخوي على الموضوع وعساك ع القوه

وفديت امساعد ندا ايه والله

[هَـ م ـَكُ تَـ عُ ـذبًـنُـًىّىً ؟]

مشكوورين على المروووووور حباايبي

[©خلودي©النشبـة©]

ألــــــف شكرر لك علىى النقــل


يقوول الانتخابات تصدق مادريت عنها لوووول



مشكور




اررق تحيـة

[eL_7n6aWei]

يسلمووو يالغالي على المقابله

ويعطيك العافيه

[هَـ م ـَكُ تَـ عُ ـذبًـنُـًىّىً ؟]

مشكوورين على المرور الكرييم جميعاااا

[AL_MoHaNdS]

ألف شكر على الحوار الروووووووعه

[سارونة 87]

مشكور اخوي

يسلمو وبصراحه مساعد ندا يستاهل والله يوفقه



ويسلمو مره ثانيه

[GZAL]

مشكوور أخوي على المقابله ويعطيك الف عاافيه

[هَـ م ـَكُ تَـ عُ ـذبًـنُـًىّىً ؟]

اشكررك اخووي على المرووور