عزيزي العضو..... من يتحمل برأيك هذه المهزله الكرويه

[العراب]

مرحبا اعزائي الاعضاء

والله اكتب هذه السطووور وانا كلي حرقه وألم من الاداء الباهت لمنخبنا الوطني في دورة الخليج 18 وكلي استغراب من الاداء والنتائج التي قدمها المنتخب صاحب الرقم القياسي بالالقاب .

تعادل منتخبنا مع المنتخب اليمني بهدف لكل منهما وكلنا يعرف انه المنتخب اليمني جديد على البطوله

وخسر المنتخب من الفريق العماني بعد ادء باهت 2-1

من المسؤول عزيزي العضو برأيك؟

1- اللاعبون
2-المدرب
3-الادراه

ارجوا اضافه رأيكم وكلنا عزاء لهذا المنتخب

صحيح اللي اختشوا ماتوا

[ليفربوووولي]

المدرب والاداره

المدرب لانه مخلي المهاجمين بالكويت وجايبلي واحد عمره 18 سنه ويقول هذا راح ياخذ افضل لاعب بالبطوله وهو موقاعد يلعبه من اول المباراه ويدخله اخر 5دقايق شكله كتحسف عليه


والاداره لانها خلت هالاشكال مثل صالح زكريا وفوزي ابراهيم مدربين للمنتخب وسامحوني على الاطاله

ويعطيك العافيه اخووي

[العراب]

يسلمووووووو ريفربوليييي على هذه المشاركه


وفعلا رايك في مكانه

[stone cold]

الاداره فاشله بدرجه امتياز بسسب اسغنائها عن فرج لهيب وخلف السلامه

[عاشقــ تويتي ـة]

كلهم

هالثلاثة اللي ذكرتهم نحط اللوم عليهم

أولاً الاعبين يهال وماعندهم خبرة ذاك الزود
توهم فازو بماراتين ودششوهم خليجي 18
وخلوا خلف سلامة

ثانياً المدرب الله بالخير
ما يدري منو ماخذ ومنو مخلي
غلطــان مجمع هاليهال وماخذهم ومخلي
الاعبين اللي حاولوا انهم يحصلون على خليجي 17
كان مستواهم وايد عالي بخليجي 17

وثالثاً الإدارة لأن المدربين اللي يايبينهم
كانوا قبل يبيعون بنك عالدوار
وبعدين بقدرة قادر صاروا مدربين

:\

مع إحترامي الشديد للمنتخب
انا اقول خل يصفطون فنايلهم ويردون الديرة أبرك
لان كافي خســــاارة


مشكــووؤر أخوي
والسموحة منك على الإطالة

[هَـ م ـَكُ تَـ عُ ـذبًـنُـًىّىً ؟]

استغرب من الاعضاء وضع لوم على الجهاز الفني :|
شي من الجنون ان تحاسب جهاز فني جديد !!
لم يوصل لـ التجانس !!
وانا لا ادافع عنهم بل بالعكس اذمهم على ماوصلوا اليه من انحطاط بالمستوى !
عموما المسوؤل الاول الاداره الفريق شحلوه قاعد يمشي صح مع ميهاي !
ولكن الاتحاد يبي يفرض لاعبين لازم يشيل مدرب !!!!!!!!!! ..
عموما شباب المدرب والاعبون ضحيه للاداره بس هذا الى اقدر اقوله والجهاز الفني جديد ماتتطلب منه يجيب بطوله وهو توه جديد !

[العراب]

يسلموووووووووووو stone على هذه المشاركه


ورايك فعلا صحيح والله يكون بعون الازرق

[العراب]

يسلمووووووووووو عاشقه توتيتي


رايك فيه كثير من الصواب واشكرك على حماسك

[العراب]

يسلمووووووووو عسووووووول على اهتمامك ومشاركتك


رأيك نحترمه

[هَـ م ـَكُ تَـ عُ ـذبًـنُـًىّىً ؟]

كلهم هالثلاثة اللي ذكرتهم نحط اللوم عليهمأولاً الاعبين يهال وماعندهم خبرة ذاك الزود توهم فازو بماراتين ودششوهم خليجي 18وخلوا خلف سلامة ثانياً المدرب الله بالخير ما يدري منو ماخذ ومنو مخلي غلطــان مجمع هاليهال وماخذهم ومخلي الاعبين اللي حاولوا انهم يحصلون على خليجي 18كان مستواهم وايد عالي بخليجي 17وثالثاً الإدارة لأن المدربين اللي يايبينهم كانوا قبل يبيعون بنك عالدوار وبعدين بقدرة قادر صاروا مدربين:\مع إحترامي الشديد للمنتخب
انا اقول خل يصفطون فنايلهم ويردون الديرة أبرك
لان كافي خســــاارةمشكــووؤر أخوي
والسموحة منك على الإطالة
,,
هلا اختي عاشقه تويتي نورتي القسم بمشاركتج ..
بالعكس اختلف وياج حيل حيل حيل بسالفه انه لاعبين شباب بالعكس هذه بطولة لتجريب الشباب ومفروض تجهيز فريق شاب كامل لـ البطولات الجايه ! فـ شباب هم اساس المنتخب ! وبالنسبة لخلف السلامه لاعب ماقدم شي بهذا الموسم مستواه سيء وغير غايب عن تدريبات فوق اسبوعين علشان زواجه وحياته الخاصه ومستواه حيل تعبان وبكل امانه مايستحق التواجد ولكن لو تواجد لصنع الفارق ولكن راي المدرب كان حكيم وعدم استدعاءه كان حول تدهور مستواه ! وثاني شي الجهال الى تقولين عنهم هم اساس المنتخب واعدادهم لبطولات القادمه .. والموسوي خير شاب قادم لـ الملاعب والرشيدي كذلك منتخب من دون شباب مثل الجسد من دون قلب ! :) بحماس لاعبين وبروح القتاليه راح يعبرون الشباب عندهم امكانيات ولياقه عاليه الخبره ماراح يقدر يجاري الشباب والاصغار , لحضه لحضه شنو يبيعون بنق على الدوار ؟ مشكلة كبيره انج توج تتابعين كوره قدم اصلن ! زكريا يا عاشقه يعتبر شيخ المدربين وهو صاحب البطولة بـ 86 فكيف صار يبيع بنق ؟ شلون تحملين المسوؤليه لـ لاعبون وهم شباب ؟ خلي لاعبون على صوب كيف تحملين المسوؤليه على الجهاز الفني وهو توه جديد ؟ مفروض الجهاز الفني مده سنة كاملة لا يتحاسب وله شي يتوفر له جميع الامكانيات لعداد منتخب قوي ومتجانس يعرف كيف يجاري المنتخبات ولنا عبره على مانحن فيه الان ! المنتخب من دون روح وسبب عدم التجانس الصبر فقط الصبر .. ’’ يا شباب اعيد واكرر في نوادي ومنتخبات اوروبيا له تاريخ كبير تضرب بستة والخمسة ومع هذا ماتقيل المدرب تعطيه الفرصة امه نحن بالعكس نسير خلف العالم ! .. ’’
السبب معروووووووووووف الاداره الاداره يا عالم تفرض لاعبين تبي فريق من كيفه من صنع الخيال لا تريد منتخب قوي ينافس على البطولات تريد منتخب مكمل عدد بختصار احمد اليوسف ماعنده شي يضيفه مفروض يقضب الباب * ..
//
سلام

[هَـ م ـَكُ تَـ عُ ـذبًـنُـًىّىً ؟]

شباب شوفوا المنتخب العماني كان ينطق بستة وسبعة ولمه سلم لـ ماتشالا ضبط فيه وعطوا فرصه ليبني فريق حتى لو يخسر بسبعة , قبل يخسر بسبعة والان ينتصر بالاربعة والخمسة والستة ! , الجهاز الفني اذا يستمر بهذه الطريقة تشجيع الشباب مفروض يتوفر له الامكانيات لانه بكل اختصار راح يصنع فريقين احتياطي واساسي مكووون من شباب يصنعون الفارق ويعطون الاضافه وكذلك نظام الاحتراف له الدور الكبير جداً , ولا تنسون بعد انه بعض الشباب يتشتت ذهنيه وسبب وظيفته وله درسته الناس ترجع من المعسكر وله الدوره يلقى نفسه مفصول من الوظيفة وله ساقط بالله عليكم ماتبونهم يتتشون ذهنياً الدراسة مستقبله والوظيفة الدخل الشهري له ! يضيعة علشان المنتخب وله علشان الكرة , وبنهايه مايدخل بجيبه جذي ومع هذا تسبونه ! , وفر له نظام الاحتراف وخله يلعب براحته وتشوف المنتخب القوي الى يعجبكم .. :)

[العراب]

يسلموووووووو عسوووووووول على هذا التحليل الرائع وهذه المشاركه ورأيك وتفنيدك للموضوع كان جدا جميل


والله يكووووووووون في عونا جميع

[عيميه^بدويه]

صراحه منتخب الجل وال dirty

انا الوم الكل

بالدرجه الاولى الاداره الفاشله ...

مافي تشجيع لا معنوي سنع ولا مادي حق اللاعبين فشلون تبونهم يعطون من قلبهم ؟؟

ثاني شي هذا سابع يمكن مدرب ماكو فايده مع هالمنتخب صار كل ماله وينزل للارض

وثالث شي اللاعبين نفسهم

احسن ناس يتمشون بالشوارع وكل واحد راكبله سياره كشخه وداش المكان الفلاني

حارسنا ماشالله عليه ياي المباراه اخر كشخه الجل تارس راسه والله من كثر الجل ماقدر يصد ولا كره


صراحه لاعبينا بادارتهم ((( ملـــــــــــطو ))) المنتخب

من كل انجازاته وطموح مشجعينه ... للاسف يالازرق انداس عليك :(

[بوقلبين]

:) والله انا شايف ماله داعي الانفعال لان اصلا احنا دارين ان المنتخب رايح وبيرد بسواد ويهه

بس كنا نقول الله يستر لاتكون النتائج قاسيه على الجماهير
يعني خفنا من الـ6و7

وستانسنا لما تعادلنا مع اليمن هههههههههه صار هذا طموحنا انتعادل مع اليمن

وبعدين اللي ذكرتهم الـإداره والجهاز الفني اهما المسؤلين

صالح زكريا ريال كبير مسكين وآخر مره لبس فيها شورت سنة 78 :)
وفوزي براهيم من وين له الابداع ريال يقط كوره ويقولهم شوتوا على بعض


والاعبين يهال واي واحد بيقولون له تعال اللعب مع المنتخب بيروح اهو ماله ذنب ريال قام بواجبه الوطني اتجاه ديرته
بس العيب على الي خشو روسهم مثل بشار وغيره

مشكور العراب

[هَـ م ـَكُ تَـ عُ ـذبًـنُـًىّىً ؟]

^
يالغالي فوزي ابراهيم متاثر بالدوري الانجليزي !
ومافهم عقليه لاعب الكويتي تماما لاعب الكويتي هاوي فرق عن الدوري الانجليزي لاعب محترف تعطيه اي خطه يفهمه ويطبقة على اكمل وجهه امه لاعب الكويتي هاوي من صعب يفهم الخطه بشكل سليم ! ولاتنسى انه نص لاعبين المنتخب يفقتددون للاساسيات الكورة والى هي تسكين وماالى ذلك , وكذلك مانحاسب الجهاز الفني لانه بكل اختصار جهاز فني جديد ماتطلب منه المستحيل وهو توه ماسك المنتخب , والعتب على الاداره الى ضحت بمدرب صنع للفريق قوى وقاعده اساسيه وتشكيلة متجانسة والكل يعوض الثاني ولكن الاداره تبي تبوق ! او تبي تفرض لاعب لازم الضحية المدرب .. :)
يعطيكم العافيـة شباب * والمنتخب يملك خامات رائعة وشابه وله مستقبل واعد كالموسوى والمطوع والرشيدي بس محتاجه لقاعده اساسيه تدعمهم للابداع ..