* في ضيآفتهم * مع / ع ــناديه )

[عزتي في شموخي]

.
.
*

--(

و تتوآصـــل .. هذه الرحله ..
ولآ زآل قطآرنــــآ .. التعآرفي .. يسير لــ يُضيف لنآ ..

شرفـ معرفه في كُل محطّه ..
ولــ ننعم بــ / وقت جميل يجمعنآ سوياً ..
كي نتأمل بعضنآ البعض ..

ونُتيح الفُرصه ..
لـ توطيد / العلآقــــآت الإنسآنيه سآمية الذآت .. طآهرة الصفآت ..

)--

* دعونآ نتوقّف عند هذه المحطه الأنثويه ..
لـــ ننغرس في دوآخلهآ أكثر و أكثر و لـــ تنغرس بنـــآ ..

في فتره .. زمنيه
تُشآبه الطيور البيضآء .. جمآلاً و عِفّه ..

*( ع ـــنآديه )*

مُنيره .. فـــ أنيرينــــآ بِك ..

ولــ قلبك هذه الورده والأخرى فـ لتكُن لــمن تُريدي ..

*
لكِ الدآر يآ رفيعه

*
.
.

[راحل بعيد]

السلام عليكم ...


يا مرحبا باللي عازمنا ...



ما يغينا نشوف ديوانيتكم


يقولون كانت تححت الترميم ... . عساها مباركة ... ان شاء الله




المهم انا ضيف دفاشة



ابي شاي بسرعه و قهوة ..


واذا العشا جاهز ليش ما نتعشى جيبوه ...




ولي عودة

[ع ـناديهـ]

تسلم هالانامل لذهبيه ع هالكلمات الجمييله ...

وحياكم الله نورتوني ...

واتشرف بضيافكم يالغلا : )


يا هلا ومرحبا ..

ارحبوووو ..

[ع ـناديهـ]

يا وهلا ومرحبا بالوهبي والله ...

والله طال عمرك لا زالت تحت الصيانه وانا اتمنى البلوتوث العله يشتغل علشان اصورها لكم

علشان جذي السموحه يا الشباب مضطره نقعد بالصاله ههههههههههههه

يالوهبي هذا طلبك ...

هذا القهوه مع التمر ...؟



وهذا الحلو ..؟



وهذا شاي بالنعناع ..؟



وهذا عادي للي مايحبون النعناع ..؟



وهذي الفطاير ..؟



وهذا للي مايحبون لا شاي ولا قهوه ...؟




والعشا طال عمرك بالطريج بس احنا لازم نرضي الطرفين انت توقيتك غير عنا علشان جذي انطر لي الساعه 12 الظهر عندنا وعندكم مدري جم ان شاء الله بنحط الغدا ..؟


ويا جماعه الي مشتهي شي يبي شي لا تستحون وانا اختكم ترى البيت بيتكم


ارحبي نورتوني : )

[ع ـناديهـ]

وطبعا نسيت لا اقولكم انا هني في خدمتكم ..

يعني شنو بخاطركم اساله وسوالف اخذو راحتكم

مو بس انا اسولف لان يا الربع ترى انا قرقه وانا بديت والله مااسكت يعني اسال مجرب ههههههههههه

فعلشان مادوخون مني انتو سولفو معاي : ))

لاهنتو فديتكم : )

[محولا بس انطروا]

السلاااااااااااااااااام عليهم تو مانور المكااااااان
انا بس بغيت اسلم لأني بأطلع عندي شغل
ابي صوره لشغل تذكرج فيني

وابي صوره لصبغج الجديد<<مو تدرين سيارتي خربانه ومااقدر اسير

وابي ببيسي دايت يا الغلا

ولج وحشه

[ع ـناديهـ]

اهليييييين ومرحبتين وبوستين ع الخدين يالغلا كله انتي ..

المكان منور بوجودكم يالغلا ..

يالغلا البلوتوث مدري شبلاه :/

بس لعيونج بطلع اي جهاز وانزل لج الصوره ..

الصبغه الجديده قصدج القصر الاحمر هههههههههههههههههههه


من عيوني ...

[ع ـناديهـ]

وباجر ان شاء الله يالغلا اجيب لج كل الي تبينه ..

لان ياانا يا البلوتوث بهالجهاز

بالعربي يا قاتل يا مقتول ههههههههه

وانتي اكثر يالغلا بس هانت قرب تاريخ 23 واشوفج :$

[احساس طفله]

هالله هالله


ع ــــنـــاديـــه هــنـي وانـــا مـــادري


خــيـــــــــانــه والله



المهم شسمه


احم احم ابـي اشــوووف ضيــافتـــج لــ بــنـــت الــمطـــران :icon_wink:

[ع ـناديهـ]

شفت شلون صدمه صح هههههههههههه

حيالله بنت المطيري نورتي يالغلا ..

ارحبي يالغاليه ..

واذا البيت ما كفاج نحطج بعيونا ...

وبما انه الحين الصبح وانا توه قاعده معاج بنرش ب لنا قهوه ع ما يجهز الريوق ..



وهذا الريوق جهز .. تفضلي مدي ايدج ولا تستحين يا بنت مطير : )



بالعافيه ..

<<< شرايج بالاتيكيت ادري تحبين هالسوالف ههههههههههههههههه


نورتيني يالغاليه ...

[ع ـناديهـ]

وهذا الدايت لج محولا يا قلبي ... <<< وانتفخي ما وصيج :p

[ع ـناديهـ]

بما اني ضايق خلقي وماعندي شي اسويه ...

بقول لكم عن شخصيه عناديه ...

7
7

7
7

7
7

[ع ـناديهـ]

طبعا بما انكم في ضيافتي بالبدايه احب اعرف عن نفسي ..

علشان الي ما يعرفني يعرفني والي يعرفني تزيد معرفته فيني ..

طبعا نبدي بالبطاقه الشخصيه ..

اللقب : عناديه .
العمر : 19 وقاعده اترك للـ 20 << الكبر شين
من مواليد برج : الثور << احم احم ههههههههه
هواياتي : السباحه .. قراية الشعر .. الضحك

طبعا انا طالبه في جامعه الكويت التخصص لي لحين ماحددت ولكن ان شاء الله بنحول للتربيه
اما حاليه انا بكليه العلوم ..

من مطوحات من ايام الصغر كان حلم حياتي اصير دكتوره وكنت ادرس لجل اصير دكتوره وكنت كله خايفه انه ما يصير هالطموح وتنهدم احلامي لكن ابوي الله يطولي بعمره كان يشجعني
ويقول لي شدي حيلج ولا تخافين حتى لو ما قبلتج الكويت نسافر بره ندرس التخصص الي تبينه

طبعا يوم دخلت الثانويه اغرمت في شي اسمه جينات وقلت خلاص حددت طموحي الطب تخصص جينات

ولكن ليس كل ما يتمناه المرء يدركه .. تخرجنا والاخوان والعايله اعترضت ع سفري وقالوا :( ماعندنا بنات تسافر بروحها ومانسى جمله اخوي الي ضحكتني يوم قال لي انتي جمعيه ما دبرين روحج شلون تساافرين

ومن بعدها تحطمت احلامي :( وقلت لهم اي شي عادي قالوا هندسه قلت عادي طبعا انا ماحب الهندسه والسبب يعود صارت فيني عقده من البراهين فكرهت الهندسه والي زاد كرهي لها اهوا الفيزيا ..

ولي لحين ماندري شنو ندرس ههههههههههههه

هذي قصه طموحي <<< يصلح فلم هندي ههههههههه

اما بالنسبه لشخصيتي ..

انا انسانه مرحه احب اضحك بالعربي حلجي 24 ساعه مبتسم ماقدر اسكره حتى يوم انزف اضحك ولكن دايم اقول لا تغرك ضحكتي لان ياما يمرون علينا ناس مبتسمين ولكن هم بالواقع حزينين : )

طبعا مثل ماعرفتوا وتبين لكم ان انا انسانه قرقه يعني ماتعب هههههههههههههههه
ومستحيل تشوفوني ماسولف هذي تصير معجزه عناديه اذا سكت ههههههههههه .

اي وبعد نسيت لا اقول غرامي اللون الاحمر .. هاللون الوحيد الي يلفت انتباهي ويجذبني والدليل ع عشقي لي هاللون ان غرفتي كلها حمرا ههههههههه

يعني مثل مافي قصر احمر بالجهرا ترى في قصر احمر بالمنطقه العاشره وطبعا الكل شايف القصر الاحمر الي بالجهرا لكن ما مر عليكم القصر الاحمر الي بالمنطقه العاشره وان شاء الله بحاول اليوم انزل لكم صوره القصر الاحمر مع قصته هههههههههههههه

وبجذي انا تعبت والله ..

يالله عاد دوركم انتو سولفوا :icon_wink:

[Demon of Dark]

الله الله عناديه اهني وانا ماادري

اول شي قووووووووووه اخباركم كلكم
ثانكس ع الاختيار

ثاني شي ترا مايصير ع الاقل اعطوني خبر
مو تخلوني جذي <=== زعليت انا :(

....

متابعه ...

[ع ـناديهـ]

شفتي شلون : ))

يا هلا ومرحبا ...

نورتيني يالغاليه ...

ماعاش من يزعلج والله فديتج ..

هذا لج يالغاليه علشان ما تزعلين علينا ... :$



واليوم يا جماعه الغدا بمناسبه حضور احساس ..
والعشا رضوه لديمون :$

حياكم ترى الدعوه عامه والكل معزوم هههههههههههه