رومنسيات الصبـــاح ...حلوه وايد

[بقايا عاشق1]

السلام عليكم ورحمة الله وبركاته
.
.
مراحب حبايبي
.
.



رومانسيات الصباح جربتوها ؟
كيف وضعكم لما تصحون من النوم ؟
الزوج يصارخ
.
.
وين غترتي وين عقالي وهو معصب ويرفس زوجته
قومي ياالعله دوريهن تأخرت اوووف يالله دبه
والزوجه تفرك عيونها وهي تتقلب وتتثاوب
.
.
وش تبي ازعجتني توني ناايمه
رح دورهن مناولا منا اندري عنك وين حطيتهن
يطلع من الغرفه وهو يزاعق
.
.
انتي ماهمك الا النوم سهر طول الليل على النت
واذا طلعت الشمس نمتي للعصر اوووف مهيب حاله ذي
ويطلع لدوامه طفشان ومعصب بعد مالقى غترته وعقاله
.
.
طيب هذي حالة متزوجين ؟
الى متى على هالحاله الصعبه ؟


طيب ليش مايغيرون حياتهم عشان يفتكون من الضغط والسكر والجلطات ؟
ليش ماتكسرون الروتين وتحبون بعض لانكم انتم لبعض وهذا اهم شي ؟
.
.
ليش الزوج لما يقوم من نومه وزوجته نايمه يقوم بشويش عشان ماتحس خاصة اذا كانو سهرانين البارحه
سهره روعه وهاد حيلها ومتعبها


يسوي له اي فطور خفيف على الطاير ويطلع لدوامه ويرسل لها مسج
.
صباحك ورد حبيبتي
احبك
لما تصحى زوجته على المسج شرايكم بتقوم معصبه ولا تبتسم وتبوس الجوال ؟
او لما يقوم الزوج من نومه وتنتبه زوجته وتفتح عيونها يبوس راسها ويقول

صباحك ورد حبيبتي
نامي ماابي شي بدبر نفسي بالفطور

والزوجه ليش ماتكون سنعه وتقوم قبله وتجهز فطوره وتستقبله بابتسامة رضا
مو تنام للظهر ويمكن ترسل له مسج
جب معك غدا ترى ماسويت تعبانه

لاتخربين بيتك بيدك وخلي زوجك اهم من النت وغيره
والله مافي احلى من قومة الصبح وتتصبح بوجه زوجتك حبيبة قلبك وتودعك وانت رايح عملك
كثير للاسف يفتقدون هالرومانسيات مع انها جدا ظروريه لسعادتنا ولحياتنا



جربو تعيشون الشي هذا وسنعرف ان الحياه الزوجيه جميله,,



وربي يوفق كل زوجين ويرجع معشوقتي لي

[zytoooona]

رد: رومنسيات الصبـــاح ...حلوه وايد

ترى سوالف الهواش من صباح الله خير مو صحيحه
يعني هالشي نشووفه بالمسلسلات

ولكن بالحياه الواقعيه غير

احس ان في تفااهم وكل شخص يقدر وضع الثاني

انا صج مو متزوجه بس من الناس الي حواليني اشوف هالشي

يسلمووو

[بقايا عاشق1]

رد: رومنسيات الصبـــاح ...حلوه وايد

مرحبـــــا اخــــت زيتونـــــــــــه وشكرا علي الرد الجميل



اولا اختي الاصابع كاهي سوا في الزين وفي الشين الي انشالله اننا نكون بعدين عنه


وهذي الشغلات شي طبيعي ولو تشوفين عنوان الموضوع تشوفين ان اسمها

رومنسيـــات الصباح يعني تختلف اختلاف كبير عن رومنسيات المسااااااء

وهذي حلاوت الحياه الزوجيه ان يكون هناك مشاكل علشان تنحل المشاكل وتمشي الحياه

لان الحياه ماتشي علي رتم واحد الي اهو الحب لازم يكون في مشاكل بس مشاكل صغيره



وشاكر لج اخت زيتونه علي الرد وباالتوفيق انشالله لج ولحياه زوجيه سعيده انشالله



وشكرا للاعضاء الباقين الي انا شايف مايردون علي مواضيعي في اكثر من

قسم


وشكرا