| لزانيا البيتزا |

[أحلام وردية]

بسم الله الرحمن الرحيم

المقادير والطريقه ,,

اول شي جهزي الباشميل

وطريقتي في الباشميل شوي مختلفه عن الطريقه العاديه

احط حليب كامل الدسم في جدر مع 3ملاعق زبد ومكعب ماجي

وفلفل اسود و4ملاعق نشا للتر الحليب خلطي المكونات لين تغلظ معاك

ماعجبتك طريقتي سوي باشميلك اللي تحبينه

اسلقي اللازنيا نص سلق واحينا مافي داعي للسلق

بس انا كنت مستعجله

ملاحظه لما تسلقي اللازنيا ضيفي زيت للماء

جهزي حمسة لحم مفروم

في بايركس الفرن حطي باشميل في القاع

طبقه لازنيا

حطي صوص بيتزا مثل اللي تحطيه في البتزا انا استخدم ماركة امريكانا

واللحم والجبن المبشور

طبقه من اللازنيا وعليها باشميل وعقب زيتون مع فطر وجبن

وفلفل رومي

حطي اي مكونات تحبينها

طبقه اخرى لازنيا وعليها باشميل

رشي على الوجه جبن مبشور

غطي البايركس بقصدير ودخليها فرن حار مسخن مدة

40دقيقه عقب شيلي القصدير وحمري الوجه

الششكل النهآآآآآآآآئي .

عوافي على قلوبكم .

[Demon of Dark]

رد: | لزانيا البيتزا |

يمي يمي
<=== صارت بخاطري
حلاتي الوقت هذا اسويها
:>
...

ثانكس ع الطريقه الحلوه
..

[سآرونه]

رد: | لزانيا البيتزا |

يعطيج العااافيية

[بنوتة ملاك]

رد: | لزانيا البيتزا |

سلمت على هذا الطرح ..
وسلمت أناملك المبدعة ..
ولا حرمنا جديدك غاليتي ..
كل التقدير ..