((ته جين )) اكله ايرانيه لذيذه

[رديـت_لعيونـك]

المقادير:

عيش كيلو
دياي مسلووق ومن غير عظم كيلو
روب كيلو
زعفران ملعقه وسط
زيت شويه
بيض 2



الطريقه:


طريقه تحضير الزعفران (لاعطاء لون طبيعي)

نضع (الزعفران) بقليل من الماء الساخن

وكلما اردنا ان نفتح اللون نزيد من كميه الماء

فنلاحظ ان اللون البرتقالي .. بدأ يتدرج الى الاصفرار

نخلط الروب مع نصف كميه الزعفران المخلوط بالماء

ونضيف بيضتان الى الخليط وقليل من الملح والفلفل

وبعدين نستخرج العظم من الديايه المسلووقه

ونقطعها قطع صغيره نفس المسحب ونضيفه الى الخليط

ونخلط الخليط بالملعقه

تخلين العيش بالماي لما يستوي وتصفينه

وتخلطين العيش ويا خليط الروب والزعفران والدياي

وبعدين نضع الزيت في صينيه من التيفال

و نفضي الخليط فيه و نضع قليل من الزيت على الطبق

وبعدينندخل الصينيه الفرن

ونشب الفرن من فوق و تحت

والصينيه تكوون في نص الفرن

لما يحمر الطبق و يصير عندج حكووكه من فوق وتحت

وبعدين نطلعه من الفرن و نقلب الصينيه

ويصير عندنا طبق حلو ولذيذ



وفي عندنا طريقه ثانيه بس انا عندي الطريقه الاولى احلى

لما نصفي العيش

نحط شوي زيت بالجدر

ونخلي شوي عيش عليه

وبعدين نغطيه بخليط الروب

ونخلي عليه شوي عيش

ونغطيه بخليط الروب مره ثانيه

ونسوي طبقاات روب وعيش

ونخليه الجدر على النار

لما يصير عندنا حكووكه

وبعدين نقلب الطبق بصحن التقديم

وندخله الفرن شوويه

عشان يحمر ويه الطبق

ونقدمه




جربوووووه مره

و ما تنسوون طعمه بالمره

وتسوونه كل مره

وبالهنا والعافيه

منقوؤوؤوؤل

عن نفسي مافهمت شي يالله شدو حيلكم يابنات وبيضوا الوجيه بالمطبخ :P

[عنوسه ^_~ ماتهاب]

لا باين انها غريبه وحلوه بجربها ان شاء الله واذوقك يا الغلاا
تسلم خيووووووو علي الطبخات :)

[رديـت_لعيونـك]

لا دام انتي بتطبخين عز الله بناكل اكل محترررق :p

لوول مشكوره عالمرور خيتوؤ :)

[@ أميرة @]

خخخخخخخخخخخخ


بجربها شكلها تشهي :)



يسلمووو على الطبخة

[عنوسه ^_~ ماتهاب]

ينقل

[رديـت_لعيونـك]

ويييييين ينقل


وييين بتقلعييين مواضييعيي ؟؟؟؟؟؟

:@

[عمشه بولند]

رديت ينقل الى قسم الطبخ والوصفات
لانه المرأه صار قسمين
وهذا للبلع
وانا اقول انت جربه وبعدين قول لنا النتيجه
لوؤوؤول
يسلموؤوؤوؤ

[رديـت_لعيونـك]

شلون مافهمت

<< مقفل

لوووول اضحك ادري تقدرين تقولين عبيط