كيــــــــــكه من صنعي انا وعشــــــــوقه ,, بالصــــــور

[كتكووته^^مكتكته]

مســـــــــــــاء الخير


اول مره يهدينا الرحمن انا وعشوقه
ونقرر نسوي حلو

طبعا انا مو من عشاق الككاو

بس هالمره فصلنا واشتهينا كيكه ككاو

فضينا المطبخ من جميع المخلوقات البشريه

عشان نقعد بروحنا على راحتنا
وبلشنا
تعالو خل اراويكم اشسوينا

وبالعافيه مقدما

[كتكووته^^مكتكته]

طبعا اسمحولنا اذا الصور مو واضحه لانها من موبايل وطلعت شوي كبيره


ها الشكل النهائي للكيكه








وهذي قطعه منها صورناها من صحن جوري




ترى والله طعمها ينن لا تطوفونها عليكم

[كتكووته^^مكتكته]

:: المقادير ::

نحتاج باكتين ونص كيك سويس رول شوكولاتة
2- شوكولاتة سنكرز كبير

:: الصوص ::

1- علبة قيمر ( قشطه يا قشطه )
1- باكو زبدة صغير مذوبة ع النار
2- ملعقة كبيرة حليب بودرة
2- ملعقة كبيرة سكر
2- ملعقة كبير كاكاو بودرة
كلهم في الخلاط

والآن الطريقة وكلها موضحة بالصور

اول شي تييبين صينية الكيك المجوفة من الوسط وتلبسينها بالبلاستيك علشان يسهل علينا قلب الكيكه بعدين






بعدين تقطعين السويس رول حلقات وتقطعين السنكرس قطع صغيرة والأفضل انك تحطينه بالثلاجة قبلها علشان يتقطع وهو مرتب ومايذوب عند التقطيع





بعد جذي ترصين حلقات السويس رول في الصينية بهالطريقة






بعدين تحطين نص كمية قطع السنكرس بهذي الطريقة






بعدين تصبين نص كمية الخليط فوق السنكرس





يــتــبــعـــ

[كتكووته^^مكتكته]

بعدين تحطين حلقات السويس رول كـ فاصل بين الطبقتين






بعدين تحطين النص الثاني من السنكرس فوق السويس رول






والنص الثاني من الخليط




والمفروض آخر شي احط سويس رول بس بصراحة خلصت الكمية اللي عندي
يعني اذا سويتوها لازم تحطون علشان لما نقلبها تصير الطبقة اللي تحت سويس رول مو خليط

هنا بعد ما طلعتها من الثلاجة وقلبتها





بس بعد ماطلعتها من الثلاجة حسيت انه يبيلها فريزر مو ثلاجة وحطيتها في الفريزر
وطلعت امممممممممم طعم يجننننن ومتماسكة وبااااااردة مثل الآيسكريم


وهذي القطعة لأول وحدة تدخل وترد علي





وهذي القطعة لـعشوقه حبيبة قلبي








ويارب تعجبكم اختراعاتنا

وطبعا جوري ما اشتغلت بس كلت عالجاهز

[أمونه]

تسلم ايدج انتي وعشووقه على الكيكه الكيوووت

والله شكلها ايينن ,, عليكم بالعافيه

ولا تحرميني من صنــعج :p

ومواضيعج القيمـــه

يعطيج العافيه

وقواج الله

:)

[عيميه^بدويه]

الله يعطييييييييييكم الف عافيه وصج شكلها لذيذ بس مبين الطويل وبشوووف اذا ييت بيتكم يا ويلج اذا ماسويتيها حقي :)

[عاشقــ تويتي ـة]

إحم إحم


^_^

مشكـوورة على القطعة يا قلبي

وربي يعطيج العافية ولاول مرة في حياتي اسوي حلو والفضل يعوود لكتكوتوة هههههههه

[ام البيبيات]

الله يعطيكم العافيه بنوتات وتسلم ايدينكم شكلها لذيذه وسهله قواكم الله

[AWRAD]

..

تسلم ايدج كتكوتي
وتسلم ايد عشوقه بعد


شكلها لذيذ
انشالله راح اجربها
الله يعطيج الف عافيه


..

[كتكووته^^مكتكته]

امونه

بما انج اول المارين

القطعه لج

بالعافيه

[كتكووته^^مكتكته]

عيميه بدويه
لا مو الطويل
تعالي وشوفي

:)
منوره

[كتكووته^^مكتكته]

عشوقه
لولا مساعدتج ما صارت هالكيكه
منوره يالغلا

[كتكووته^^مكتكته]

ام البيبيات
تسلملي طلتج
الحلوة

[كتكووته^^مكتكته]

ورودتي

بالعافيه ان شاءالله
منوره