مجبوس الربيان بالفلفل الحار

[شيماء علي]

مجبوس الربيان بالفلفل الحار

المقادير:

كيلو روبيان مقشر
كيلوا ونص ارز الزيتون او القطار او اي رز تحبون مغسول ومشخول من الماي
عدد 2 حبة بصل كبير مفرووم ناعم
عدد 2 حبة طماطمة طرية مقطعة قطع صغيرة
عدد 4 حبات فلفل حار اخضر مفرروم
عدد 4 فصوص ثوم طري مدقوق ناعم
نص صرة خضرة حشيش مفرومة ناعمة
قليل من بهارات الفلفل الاسود والبهار البحريني المخصص للربيان
قليل من الملح وعدد عودين من الدارسين
وحبتين من اللومي المصحح المخرومة شوي من الجانبين
وقليل من الكركم
وشوية ماي للمرووق مقدار لتر او حسب الحاجة



الطريقة سهلة


نحمص البصل شوي الى ان يصير لونه مائل الى البنى نضيف البهارات والفلفل الحاروكل المقادير ماعدا الماي
ندورة شوي في القدر الي ان تتحمص البهارات نضيف الطماطم المقطعه وندوبهاوماننسى الثوم والخضرة الحشيش واللومي السود وقليل من صلصة طماطم (معجون طماطم ندى) ونضيف الروبيان
ندورهم مع بعض وقليل من صلصة الطماطم ندي(معجون طماطم ندى)
وبعد ذالك نضيف الماي ولما يطبخ الماي نضيف الرز المشخول من الماي
ونشوف اذا الماي غطي الرز والا لا؟
اذا غطي الرز بمقدار 2 اونص يعني كفاية واذا لا نزيد الماي شوي على حسب الرغبة
ونتركه على النار لمده 10 دقائق ونرجع نفتح القدر ونشوف اذا نشف الماي بالكامل نخفف درجة الحرارة ونضع تحتها قطعة حديد نسميها (الحماية) ونتركة على النار الى ان يتفلفل الرز ويصير جاهز للاكل
يعني بعد 10 دقائق اخرى

وبالعافياااااااا

[HoNeY RoSe]

مممممممممممممم

مشكوره ع الوصفه ..

طبعا مايحتاج اسويها الله ييخلي الوالده مو قصره :>...

وكلللللللللله حااااااار بس حلو طبعا

[عيميه^بدويه]

يعطيج الف عافيه شيوم عالوصفه عاد اليوم غدانه مجبوس ربيان بس من غير فلفل :)

[فتى جده]

يعطيك العافيه حبيبتي








0

[شيماء علي]

الله يعــــــــــــــــــــــــافيكم

[كتكووته^^مكتكته]

تسلم ايدج شيومي


جد اموت في الروبيان انا وكل الاكل االبحري

ان شاءالله بزوركم بدبي
وهالله هالله فيني:)

[شيماء علي]

حياج والله إذا ماتشيلج الارض اتشيلج عيوني

[الريم اللعوب]

تسلم ايدج عالوصفه وعساج عالقوه

[شيماء علي]

الله يقـــــــــــــــــويج

[JoRy]

يسلمووووووووووووووو ياقلبي على الوصفه

[بقايا أثر]

الله يعطيج العافيه