ع ـالـ م ـي

[ع ـناديهـ]

تــقــول عــهــودتشرح العلم بوضووح
.......تشتكي من أحدااث الدهر والزماني


تشتكي على اللي في المواجيب ممدوح
......يابنت شووق جالي الثماني


أبدي له الأسرار والقلب مجروووووووح
.......من واحد ربي بحبة بلااااني


يلعب بقلبي شووح لين أتلف الروووووح
.....لاعود الله جيتة يووم جاني


لاناصح نفسة ولاهوو بمنصووح
.......وان جييت ابين زلته مايداني


حبة بــرا حالي كما برية اللوح
......واللي وطا مجنوون ليلى وطااني

[ع ـناديهـ]

الحب شايب والفراق ابنـه العـاق
والوصل غايه والقصايـد وسيلـه


اثر المفارق له علاقـه بالاخـلاق
ويقصر طويلة صدر راعي الطويله


مافيه اشرّ من الهواوي اذا ضـاق
من ضيقته حتى البزر يشتكي لـه


ياللي غضبت وكانت حلولك فـراق
الغيـض ولعـه والمجـادل فتيلـه


ابليـس للفتنـه وللشـر سـبّـاق
يجيك في صورة رذيـل ورذيلـه


ياللي خدودك قطنه وعودك دقـاق
والوجـه ياحلـوه وياحبنـي لـه


عليـك ماظنـي بتحتـار الاذواق
الا الــى كانـو هبيـل و هبيـلـه


وانا احسبنك طيّب وقلبـك رقـاق
يامـدرّس فنـون القسـاوه لجيلـه


رح والشقا على الهواجس والاوراق
ياللي عقب فرقـاه شوقـه بديلـه


اشتاق وادري منت راجع لو اشتاق
مير العوض بالذكريـات الجميلـه

[ع ـناديهـ]

أجامل وابتسم واضحك وانا في داخلي مقهور
احاول اكتم احزاني ورى صدري وأخبيها


أحاول اكتم همومي واخبيها وأنا مجبور
واحاول قد ما أقدر أبعد عن حراويها


لو اني كنت بنطقها مع انها واقفة بالزور
... ولكن لازم اكتمها ولا ابين معانيها


ولو بعض البشر تدري وتكشف خافي المستور
... أببلش في شماتتها وابتعب من حكاويها


طبيعه ماتفارقهم طبيعة من قديم عصور
... ورا حكي القفى تطرد وتنبش في خوافيها


واذا طاح الرجل مرة وصار من الزمن مكسور
... تجيله طعنه بظهره تفاجأ مادرى فيها


تفاجئ مادرى باللي بيصير ومن وراه يدور
...وخابت هقوته فيهم بعد ماكان هاقيها


لجل هذا كتمت الهم في صدري وانا معذور
... همومي في وسط قلبي أخبيها واخليها


واذا زاد الحزن فيني كني وحيد بعالم مهجور
... كأني بدنيتي وحدي وكل الناس جافيها


واذا ودي أبوح بهم أبد ما اكتبه بسطور
... همومي بس في نفسي الحنها واغنيها


مصير الهم يترحل وأعيش بدنيتي مسرور
...مصير الهم ينساني ونفسي ما يعنيها


مصير القلب لو يظلم يجي يوم ويشوف النور
...مصير الناس تتبدل وتتغير مماشيها


اذا صار الذي ودي أبيح خافي المستور
...واخلي الناس تدري بي وبهمومي أبكيها


ولكن بكتم همومي واخبيها عن الجمهور
... وطبع الهم مايهنى بغير ظلوع راعيها

[ع ـناديهـ]

لك وحــشة عـيّــت تفـــارق عيــوني
--------- من صبح يومي للمسا ليـن ما بـــات


ولك شــوقٍ بقلبي يجـــابه جـــنــوني
--------- شوق الغريق لشوفته بعض قشــات


لك الله اني مستــفيــــقــك بـــكـــوني
--------- ماعنّك أغفي أو أغضْ عنّك لحظـات


متشـــكلٍ طيـــفـــك على كـل لــونــي
--------- بأبـهى صوّرك مخـايـلك كل الأوقـات


ما احس للدنيــا حـــلا وأنـــت دونـي
--------- ولا أستلذ العيش..ماعـرف مســرات


بأقــفــايتـــك تلفي كـــثـير الطعـــوني
--------- والونــه بجــوفي تَخَــالَـطْ بعــبــرات


تهمي سـمــاي بـمــاطـرات المـزوني
--------- اليا لفيت وجيتني عـقـــب غــيبـــات


إيه استطـــيب بشوفتــك يا فـتــــوني
--------- وكل الجـــوارح تســـتــكن بـمـلـذات


لحظـــات عمـري بك تكابد ظـنــــوني
--------- لاعشت واقعها وعشــتــك خــيـالات


أرهي بقربك وأحـتــمــيــه بشجــوني
--------- واستعذبك حب ٍ وأخالج بــك الــذات


شف وحشتك داخل محاجـر عـيــوني
--------- تصبح معي وأمسي بها لين ما بـات

[ع ـناديهـ]

هين يجيب الله مطر كانك تبي تعاند معـاي
والله وانا بنت الرجال انك لتبطي ماقويـت


عود وراك من العناد وخلنـي ارجـع وراي
انا اذا صارت عناد انهيـك لامنـي بغيـت


لكن على ماقيل بالله حل بالله عـن سمـاي
بدري عليك انك تحدا خافقي لامـن نويـت

[ع ـناديهـ]

علمتني الحياه ..

ان احترم عقول البشر ..

لكن ..؟؟

ان لا اثق بها ...!!؟

[ع ـناديهـ]

كتبت الشعر لعيونك
.... بكيت وصرت مجنونك


واحس العين من دونك
.... حزينة تنتظر شوفك

[ع ـناديهـ]

نفسي عزيزة ما تطيق المذلة ..
أطالب الفرقى و لا أعيش منهان ..


ما ني ضعيف ولا أقوى من الله ..
من خلقني ما عشت في رحمة إنسان ..


يبقى شموخي فوق حب المذلة ..
صحيح أني أحبك والحب فتان ..


وإذا ما تحبني كلن منا له درب يدله ..
وتبقى الكرامة لي ركيزة وعنوان ..

[ع ـناديهـ]

آمــر .. فـديـتـك لـو عـشـانـي ! قـول : واطـلـب مـاتـريـد
وان قـلـت لك : شـلـي تـبـي ؟ .. لاتـقـوللـي : سـلامـتـك


خـلـنـي احـس .. بـلذة الـعـشـق ومـعـانـاة الـحـديـد
وارقـى بـسـلـم نـظـرتـك ,,, وآآطـيـح بأعـلـى قـامـتـك


تـونـي عـرفـت ! انـي ( أحــبــك ) وانـي مـن غـيـرك وحـيـده
لاتـلـومـنـي .. لاضـقـت مـنـك و الـمـشـاعـر لامـتـك


الـقــلـب شـجـره .. لـو تـهـز غـصـونـهـا يـا شـيـخ غـيـد
كـــل الـحـمـام يـطـيـر ! .. مـا تـبـقى سـوى * حـمـامـتك *


بـيـديـك ,,وهــــج الــنـــار ,, وبـيـديـنـي ,,ذوبـــان الـــجــلــيــد ,,
ابـتـلـت ايـديـنـا .. وصـار الــمــا يـبـيـن بـخـامـتـك


انـت الذهــب بـيـديـك ! خـلـى للـذهــب .. سـعـر ٍ جـديـد
فـي مـعـصـمـك .. مـا تـخـسـر اسـواق الـذهــب .. لاسـامـتـك


طــعــم الــهــوى : مـاهــو / بـضـمـة صـدر ولا مـسـكـة ايــد
طـعـمـه : لـيـا ( دخـت بـنـداك ) و ( ضـعـت فـي دوامـتـك )


حــــتــــى الـجـمـاد ؟ ان فــارقــك ! يـنـتـابـه الـحـزن الـشـديـد
تـشـتـاق لـك وسـادتـك و تـحـن لـك بـجـامـتـك


وشـلـون اجــل !! لاصــار . كـائـن حـي . واحـسـاسـه زهـيـد
بـيـمـوت مـن طـفـرة غـلاك و مـن ضـمـا فـطـامـتـك


كـنـك مـلـك .. واحــلا الـعـذارى صـاروا بـقـصـرك عـبـيـد
لـبـى الـثـغـر .. و الـوجـنـه اللــي مــيــزوا عـلامـتـك


تـقـول : مــنـــا شــامـتــي ؟ .. ولا انـا مـضـيــٌــع اكـيـد !
واقــول : .. لا يـا بـعـد عـمـري لا .. مـــنـــا شــامـــتــك


تـزعـل عـلـي و ارضـيـك يـا اغـلـى مـن سـكـن حـبـل الوريـد
وانــســى ( هـمـومـي ) كــــلـــهـــا ! لا بـانـت ابـتـسـامـتك


يـا مـلـيـُـن الـقـلـب الـقـوي ... ومـخـضـُـع الـراس الـعـنـيـد
كــلــك حـــلا يـازيـن .. مـن مــاطــاك حـتـى هــامــتـك


انـا مـعـك روح و جـسـد / وانـتـا مـعـي قـلـب و نـشـيـد
واللـي يـمـسـُـك مـسـُـنـي .. وكـرامـتـي كـرامـتـك


ياللـي ؟ لـعـبـت بـحـسـبـة الـشـٌـعــار واسـرفـت الـقـصـيـد
مـا زانـت حـروف الـقـصـيـد .. إلا عـلـى فـخـامـتـك


لاشـفـت عـيـنـك !! والله انـي مـا احــســد راعــي الـرصـيـد
ولا اغــبــط ابــن ســـعــود فـي حـكـمـه .. لاشلـت لـثـامـتـك


نـاس ٍ مـعـك كــل يــوم و تـشــوفــك .. وانـا ؟ عـنـك بـعـيـد
مــتــى عـلـى الله ؟؟ .. تـفـطـر بـشـوفـك عـيـون ٍ صـامـتك


مــعـــك !!! يــاحــظ /اثـــنــيـــن/ واحـــســدهــم عـلـى .. الــحــظ الـسـعـيـد
يــاحــظ ! ســايــقــكــم مــعــاك وحــظــها ! خــدامــتــك


مــايــقــدر احــد ٍ ؟ يــاخــذك مـنـي ,, يـابـو الـوصـف الـفـريـد
مـدامـك بـقـلـبـي ( هــنـــا ) وانــا بـقـلـبـي غـامـتـك


تـدري ؟ مـتـى ! تـخـنـقـنـي الـعـبـره واحـس أنـي وحـيـد
لا قـلـت : تـامـرنـي بـشـي ؟ وقـلـت لـي : ســــلامــتــك



للشاعر : سعود بن مهدي ..

[ع ـناديهـ]

لك في خفوقي بالغلا قيمة ومقدار
... والعين ماتفقد سوى عين غالي


لو فرقتنا عن محياك الاقدار
... طيفك يسامرني ليا ضاق بالي


بيني وبينك صادق الود تذكار
... منسى رفيقن بالموده صفالي

[ع ـناديهـ]

بعض العرب لو غاب ماعنه منشود
... يعني على ماقيل ماهو فقيده


وبعض العرب شرواك لا غاب مفقود
... نوصله لو قالو دياره بعيده


تستاهل تقدير يامنبع الجود
... وتبقى عزيز ولك صفات دايم حميده

[ع ـناديهـ]

قلبي قسمته ياهوى البال بالنص
... نصه بجوفي وانا بعطيك نصه


لاغبت عني يبتدي الحال ينقص
... وأسهر ويبتدي لي مع الحزن قـصـه


ياليتني في لجنة التعليم مختص
... والله لحط لمنهج الـحـــب حـصة

[ع ـناديهـ]

مانفترق لو فرق الموت خلان
***** اموت انا وياك والقبر دورين


اصل الفراق والموت وهموم واحزان
***** وانا بدونك ماأقدر أعيش يومين


لا والذي رفع السماء بغير ميزان
***** مااقوى الفراق المر من ناس غالين

[ع ـناديهـ]

على صحاري الصمت إنهار بي "حيـل"
ومـرّت قـدم عينـي ذلـول الغبينـه


وترست مـن دمـع المواجـع فناجيـل
وقنّـدت بـه راس الجـروح الدفينـه


وصفّيت هم الـروح صـف المعاميـل
وشبيـت نـار الذكريـات الحزيـنـه


قعدت اناجـي الليـل ويجـاوب الليـل
ماكن فوق الارض غيـر السكينـه!!!


وجرّيت من قلب(ن) خـلاوي مواويـل
مابـه علـى الشـدات منهـو يعينـه


وين العشير اللي على العـدل والميـل
اللـي علـى الدنيـا يدينـي بـيدينـه


يرسم لـي الفرحـه بوجـه المقابيـل
وابيـع غالـي العمـر كلـه لعيـنـه


ردّت علـى دنيـا تـزف الغرابـيـل
فيهـا الهزيلـه دوم فـوق الثمينـه :


ياغالية الاثمـان مـن غيـر تطويـل
وقـت الوفـا ولّـى وولّـت سنينـه !


رجعت اناجي الليل ... ثم صاح هالليل :
ماشفت مثلج يوم بنـت(ن) حزينـه !!

[ع ـناديهـ]

على ذكر الغـرام وشرهـة الغاليـن للغاليـن
بعد قفت وسومك واجدبـت خضـر البساتينـي


ضميتك بعد طولت الغياب ولا غفت لـي عيـنوان
ا لو أنت بحري واشربك ماأظـن تروينـي


انا ماعاتبك ليش الجفاء لأنـي اعرفـك زيـن
لكنـي لاكتبـت الشعـر فـي مثلـك يسلينـي


ادور لك عذر بين الظروف وسجـة الساليـن
وادله خاطري في كـل لحظـة بينـك وبينـي


عسى الله لايعيد الضيقة اللـي مسـا الاثنيـن
بعد ما جرحتني مـن فراقـك ودمعـت عينـي


هذاك اليوم لينت الخفوق اللـي حشـا مايليـن
لو تلين الرجال اللي علـى الشـدات قاسينـي


رحلت وضاقت الوجهات الاربع قلت اجيك منين
ولابـه غيـر درب لـو سلكتـه مايوديـنـي


تغافلت الطريق اللي يجي بيتك مـن الصوبيـن
احسب أني بشوفتك واحسب ان الوقت يمدينـي


تركت الدار بيساري وأخذت اول طريق يميـن
وانا شهب العلوم تحدنـي والشـوق حادينـي


على وصل الهنوف اللي تمخطر بين حين وحين
مرابعهـا القصيـد وبيتهـا بيـن الشراينـي


نبت في وصلها توت المحبة والكـرز والتيـن
تمايل كـل غصـن شوقـه نـدف الرياحينـي


عليها دين ماتنسى الغـلا ولهـا عليّـة ديـن
ماينقص مـن غلاهـا شـي دام الله محيينـي


للشاعر : محمد مريبد ..