ع ـالـ م ـي

[ع ـناديهـ]

لاتنشـغـل فيـنـي أنــا بحـالـي ادرى
قلـبٍ تعلّـق فيـك ينسـى مـع الوقـت


اكثر من اللي صارلي ويش يجـرى
بيـن الرجـا واليـاس فكـري تعلّقـت


مثلي ولو شفته عن همومـه ازرى
ما قـال ليتـك فـي جروحـه ترافقـت


هـاك القصايـد لا تضايقـت واقـرى
شف وشكثر فيها لبسماتك اشتقـت


أثـر الوفـا ينبـاع عـنـدك ويـشـرى
ما كنت اصدق فيك واليـوم صدّقـت


يا مشتهـي فرقـا المواليـف حـذرى
تبعد وأنا مـن سكـرة الحـب مافقـت


لاطافـت الفرصـه تحريـت الاخـرى
وتــروح ماكـنـي عليـهـا تـشـوقـت


سـاري لـو إن الليـل مافيـه قـمـرى
اشيل من حمل الهوى فوق ماطقـت


لاصـار حـظ أقشـر والايـام قشـرى
مافيه احد عاقل يلومـك إليـا ضقـت


صحيح بعض الناس فرقـاه بشـرى
وبعض البشر لا غاب ليله تضايقت


ليتك خذيـت بليـل الاحبـاب مسـرى
غربت من كثـر الطـواري وشرّقـت


السيـل يبقالـه علـى القـاع مـجـرى
ويبقالـك التذكـار لـو كـنـت فـارقـت


اشوف لك من وين مارحـت ذكـرى
ولاشفتهـا صـديـت عنـهـا ودنـقـت


مـاكـل جــرحٍ لاخــذا أيــام يـبــرى
بعض الجروح يزيد شره مع الوقت

[ع ـناديهـ]

أكبر قهر لاجيـت تعشقلـك انسـان
واللي تحبه ساهـي ٍ مـا درى بـك


وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك


وأكبر قهر تبني من سنيـن بنيـان
وتشوف بنٌيـك مـا تعـدى ترابـك


وأكبر قهر تسقي من الورد بستـان
وتموت بين يديـك زهـرة شبابـك


وأكبر قهر تارد على البير ضميـان
وتشوف بعض الطين حايس شرابـك


وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك


وأكبر قهر ترهي على حصان خسران
يوم السبق لا طحت كل ٍ حكـى بـك


وأكبر قهر لاصرت ضايع وعطشـان
ونفس الطريق اللي يوديـك جابـك


وأكبر قهر صاحبك لا جـاك خـوٌان
لابحت له بالسـر راح ووشـى بـك


وأكبر قهر تعطـي وتعطـي علشـان
تاخذ عقـب كـل العطايـا حسابـك


كل ما سبق ذكره على الشوف ما كان
حفنة حروف ٍ مـع بعضهـا تشابـك


ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك


إن كنت فيما قلـت تحتـاج برهـان
ناظر وتلقى فـي قصيـدي جوابـك


وإن كنت فيما قلت مخطي وغلطـان
أترك خطانا وأنـت عطنـا صوابـك

[ع ـناديهـ]

وقلبـي علـى ضمّتـك يسابـق يديّـه
ويردني طيب أبوي ومرجلـة خالـي


تكفـون ياللـي تمـرونـه علانـيّـه
قولوا له : الموت لامن غاب يبرالي !


وقولوا له : إن غيبته ما هيـب عاديّـه
وخلوه يرجع يشوف بعينـه أحوالـي


وقولوا له : إنه ذبحنـي لعنبـوا حيّـه
ما يرحم الشوق غالي ينتظر غالـي !!


وقولوا له : إن صد والصـده نهائيّـه
اشوالي آصد !! لا والله وش أشولي !!


حيل الله أقوى عساهـا روحـه بجيّـه
وعساه ما يبطـي ويرجـع ويسعالـي


وقولوا له : الله حسيبه كـان لـه نيّـه
ما عاد يرجع لي وقولوا لـه التالـي :


حرام كلّي ( ظما ) وإيديه ( وسميّـه )
وحرام ( مالي أمل ) مدامه ( آمالي )

[ع ـناديهـ]

انا مهره وابوي على الطيبه مربيني
عزيزه نفس ومايوم انحنى راسي لغير الله !


واذا انه في احد وده على كيفه يمشيني
ترى نجوم السماء كله قريبات مثل ظله !

[ع ـناديهـ]

انا

بنيه

وطبـ ع

النت

ع ـلمني

اشيل

فستان

الدلـ ع

والبس

:

:

شــمــاغ ــي

[ع ـناديهـ]

شفتها ياحمود صدفه بعد ما مرت سنيـن
عند قسم المختبر وسط مشفى الجامعـه


جيتها ثم قلت ممكن في سؤالي تسمحيـن
ناظرت فيني بدهشـه نظـره متواضعـه


قالت انت تحسبني مـن بنـات صايعيـن
تحسبني في زماني عن طريقي ضايعـه


قلت انا ماراح اطول كل ابوهـا كلمتيـن
وابعدت عني شويه ثـم جتنـي راجعـه


قالت اسال واضح انك من رجال طيبيـن
بس هرجك يالسنافي كان وشهـو دافعـه


قلت انا حبيت وحده يوم كنـا صغيريـن
ومن ثمان اسنين راحت للمواصل قاطعه


عقبهـا ماذقـت نـوم يهتنيـه النايميـن
ساهر في طول ليلي لين شمسي طالعـه


اذكر انه فيه حبه فوق ثغره مـن يميـن
واذكر انه لاجرينـا كـن شعـره تابعـه


واذكر انه عاشـق فالـورود الياسميـن
صار قلبي بالورود اللي عشقها زارعـه


قاطعتني بقولهـا سبحـان رب العالميـن
ومرتين كررتهـا وبعـد مـره ورابعـه


قلت وشفيك وشبـلاك يابنيـه ترجفيـن
ليش عينك يابنيـه مـن كلامـي دامعـه


قالت الموقف وقلبي والمحبـه والحنيـن
كيف اشوفك بعد ماكنـت عنـك قانعـه


قلت انا بسألـك انكانـك انتـي تذكريـن
عن مواثيق ثمنهـا مـن حياتـي دافعـه


قالت ظروف الزمان ماتطيـع العاشقيـن
بيعوني غصب حبك لو هو ماني بايعـه


انا في دنياي حالي كنها حـال السجيـن
حتى لو فكوا سراحه فيـه شـي مانعـه


زوجوني غصب واحد وحرموني حاجتين
السعاده فـي زمانـي والحيـاه الرائعـه


والحين انا ام لثلاثه عندي ريم وياسميـن
والولد اسمه على اسمك والمشاعر جايعه

[ع ـناديهـ]

•:°:فديت إللي يحاكيني إذا ضاق صدري ويواسيني:°:•
•:°:• فديت عيونه إللي تدمع لدمعت عيني •:°:•



•:°:•يسولف لي عن أحواله عن أخباره ويفرحني•:°:•
•:°:• بسمه من شفاته تموتني وتحييني •:°:•



•:°:• فديته لما يجي يكلمني يحاول يضحكني •:°:•
•:°:• ابتسم له شوي يزعل ويبتعد عني •:



•:°:• اروح بسرعه ارضيه ومايقدر يفارقني •:°:•
•:°:• فديته بروحي وعمري ودمي وكل مافيني •:°:•


•:°:• هذا الأنسان إللي لو أموت يفديني •:°:•
•:°:• أحبه حييييييل وحبه بس يرويني •:°:•



•:°:• وترى كل ذا العذال مايهموني •:°:•
•:°:•اببقى أحبك وأحبك وأحبك ألين ماالله يوافيني•:°:•

[ع ـناديهـ]

أحـس إنگ تبـي تبعـد .. ولاتـدري وش الحـيلـ?
ولا لگ بالهجـر أعـذار .. ولابـگ ـرح وتعـانـي


حبيبي لا بغـيت تروح .. ابيـگ الماضـي إتزيلـ?
ولا تفگر أبـد بنـدم .. عـلـى خـلـ(ن) تناسانـي


أنـا إن جـيـت تلقانـي .. أحـبـگ حـب مأتزيلـ?
رياح البعـد والهجـران .. ولا حـتـى أحـد ثانـي


أبي تعـرف بعـد عـنـي .. أعـيـش الحـب وأوفيلـ?
وأضحـي لجـل عـين ألي .. حـرم نفسه عـلـى شانـي


ولا أغـصب ابد وآحـد .. عـلـى حـبـي وتمويلـ?
أبد لاينزعـج منـي .. وعـلـى المگشـوف يلقانـي


أنا صادق وأحـب الصدق .. ولاشفت الصادق أدعـيل?
أحـس الگلمـه بوجهـه .. أعـبّرهـا وتقـرانـي


صريح بگل ماعـنـدي .. ولا لـي بالغـدر حـيلـ?
عـلى النيه أبي أمشي .. وعـسـى الخـونـه تعـدانـي


وأبي تعـرف ترى قلبـي .. يعـيـش اليـوم والليلـ?
يشيل أهموم لـو تـدري .. يعـانيهـا مـن يعـانـي


ذبحـني گثـرة التفكيـر .. يطيـح الفگـر وآشيلـ?
وأحـاول أنسى مايجـري .. علـى الدنيـا وأنسانـي


ألا ياخـل مـا ودگ .. تجـينـي تحـمـل الشيـلـ?
من التفگيـر بالدنيـا .. مـن أهمـوم(ن) تحـدانـي


وإذا أتخـليت ياربي .. عـسى ماتـذوق مـن ويلـ?
وتلقى بالسعـاده درب .. ولا يجـيـگ ألـذي جـانـي


وأنـا أغـنـي ب?الدنيـا .. ويميـل الحـظ بالميلـ?
وأهيجـن وأنظـر القمـرى .. وأبكّي?ـا بألحـانـي


وألا ياكيـف مـا ودك .. تعـذب يأسـود الشيلـ?
وأنا خـلك ب?الدنيا .. ولا عـنـدي سـوى أحـزانـي


أقول ( إنساني أحـسن لگ) .. وقول الحـب بطيلـ?
وع يـش العـالـم العـادي .. بـلا گانـي بلامانـي ......

[ع ـناديهـ]

لآ تزيد الطين بله مآ يطفـّي الدمـع نـآر
هذآ هو قلبي تحجّر من كثر غدر السنيـن


انتهآ وقت التسآمح شلت عن عيني الغبآر
و مآ اعتقد من كآن عآتي ينكسر ولاّ يليـن


السموحه يآ حيآتي نآوي أهـدم هالجـدار
لأني مآظنه ايتعمّر ولاّ حتـى يـرد متيـن


مل قلبي هـالتجآفي مل يمشي بـ هالمسآر
حآول يغيّر طريقـه بـس يمنعـه الحنيـن


القدر لو هو ايتغيّر كـآن غيّـره الكبـآر
و مآ تلآقي حد فينآ منكسـر قلبـه حزيـن


الشقى غيمه و تمطر فتتت أقسى الحجآر
و الحجر ان هو تفتت مآ يسآوي شي ثمين


الفرآق الي صدمني من بعد طول انتظآر
جدّد الإحساس فيني و حرّك قليبي السكين


دآمها هذي المحبه صدق أنا بنوي الدمآر
و الشموخ الي عرفته مآ يخلينـي رهيـن

[ع ـناديهـ]

ياقلب مالك بالزمن لـ..قشر صديـق ولاعشيـر
مــادام تخـلـص والآوادم تنقـلـب نياتـهـا


اللي مضى عكس الرضى واللي بعد مقبل خطير
الله يستـر مـن قشـر بقعـا ومـن صكاتـهـا


من يعتبر ياخذ عبر فـ.. الوقت لـ..ول والآخير
أهـل الغلـط لـو تتعـظ ماكـررت غلطاتهـا


المـال ماعمّـر غنـي والفقـر مايذبـح فقيـر
والناس لو تقصـر يديهـا ماقصـرت شرهاتهـا


وش خانة الشرهه على حيٍّ وهو ميـت ضميـر
اللـي عديميـن الضمايـر يشبهـون امواتـهـا


ناسٍ على درب الملام يقودهـا سلـك الحريـر
تتبـع طمـان نفوسهـا لـو نزلـت هاماتـهـا


يمشـون عميـان البصيـره مايقديهـم بصـيـر
اللي تـدق صدورهـا واللـي تجـرّ اصواتهـا


حاول تجنب دربهم فـي بعدهـم خيـره وخيـر
ويبين لك غيـض النفـوس وتنكشـف غاياتهـا


ان كنت ناقص معرفه ماهـوب عيـبٍ تستشيـر
العيب لو بعض البشر تضحـك علـى ساداتهـا


ميّز بعقلك وانتبه وحسب حساب اللـي يصيـر
ولصحاب تعرف مـن معادنهـا ومـن وقفاتهـا


الصبر مفتاح الفرج والغيب فـي علـم القديـر
واللـي تخفيـه الدقايـق تظـهـره ساعاتـهـا

[ع ـناديهـ]

البُعد بيتك ..والفرص هي (شبابيك)
كـل النوافذ موصده .. وانـا أعــاني


ما قلت :احـــبك !! إلا انا ميّتٍ فيك
والله كتـب لـي بدنيتك عمـر ثانـي


والا العــذارى عـدها من حواشـيك
وانته بـ كرامه !! قـدرهم حيل دانـي


وانا اتعـرفـني كم ّ لي وانا اماشيـك
كلمـة "احبـك" مـا نطـقـها لساني


لمّا تطـمن خـافـقي وقـال يبغـيك
و قلـبك نشـدته قـال قلبك بغـانـي


هذي عيـوني عـن عيونـي تداريـك
عـن ود غيـرك طيب قلبك عـمانـي


يا كيـف افكر ابتعـد عن مراســـيك
والموج عـالي ودفـوتك لي موانـي


حبك في قلبي مرتكـز دون تحريك
صفة ضلوعي اتسـخرت لك مباني


هو في احد مثلي تزعله ويراضــيك
قصرت وآنـــا في هواك مـتــفانــي


جـيتك حنان وصادق احساس معطيك
لنـكـرت حبي ولا اعتــرفت بحنــانـي


حطيـت غيري فـي مكاني وأنا أبيك ؟
لابـوك لابـو من تحطه فـ مكـاني

[ع ـناديهـ]

شوقي مسج صادر من وارد اشجاني
تجري الرسايل لك من خافقـي غيـر


كم امتلى عقبـك صنـدوق احزانـي
دام الامل صوتـك لاتقطعـه وتسيـر


كل الاماني فيك مـع حـب وجدانـي
يرخصلك الغالي ويغلى علـى الغيـر


صوت الرسايل منك بالحيل اودانـي
واسأل جروح البعد وش سبة التأثير


ليته مسج صوتي ويـرن فـاذانـي
وارسل صفر واحد و اعاود التفكيـر


واسمع صدى همسك لحظات تمدانـي
واقـدم الساعـه مـع كـل تحييـر


اوليته مسج مرئي يوصل ويحيانـي
بنظره من عيونك اصبح بهـا بخيـر


تدري جروح البعد تجرح لي اوجاني
من دمعي الي سال لك دون تقصيـر


لاتعـاود الكـره وترسلـي الفانـي
يامسى الشعر عذبي وتصبح على خير


ارجو اتصالك لو بتطلبنـي اعيانـي
ياصاحب الارقـام لاتزيدنـي تاخيـر


قيد استلامك لي يسهر لـي اجفانـي
وانا انتظـر ردك فـي كـل تقريـر

[ع ـناديهـ]

.صدقيني .. إنـك أحلــى من خلـق ربي أكيـد
ولو يجيبوا الزين / عندك يـستحـي يوقف معاك ........................


بس ( إنتي ) شي ثاني شي في ،، ذاته فريد
[ كيـمـياء الحسن ] فيك ِ ناتجة عن ~ احتكاك ........................


بين { ذرات ~ الأناقة والحلا ودم الوريد
ممّـا يُثبت .. إنـ / حُسنك في ؛ أساسـه ؛ ارتباك........................


انشطارك و التفاعل يبقى.. بــ العالم وحيد
أي فلزّي و لا فلزّي ، والله إن عـينك .. هلاك ........................


اجتمع ؛ فيك ِ؛ المُسلَّم و الطبيعي بـ العنيد
يعني [ غيّرتي / مفاهـيم ] البشر للي .. قراك ........................


- يمكن - إنك جيل آخر من زمن قادم بعيد
و يمكن إنك من { مجرة ~ ما وصلناها هناك........................


المُهم اللي ، أعرفه ، إني برجع من جديد
( أدرس الجينات ) وأكتب ما فهمته عن حلاك ........................


بعد هذا يمكن * أنشر * ما عرفته بـ البريد
و أحـفظ ؛ حقوق البراءة ؛ ضد شرع الانتهاك........................

[ع ـناديهـ]

ياصاحبي الدنيا حكايات وعلوم
قصص عجيبه تذهل اللي قراها


الدنيا لوتضحك معك دايم الدوم
خلك فطين ولايهمك رضاها


كم واحد تبني له امال وحلوم
يفنى وغيره يهتني في بناها


ياما افرحت قوم واحزنت قوم
وكم اعشقت عين وخانت غلاها


ياصاحبي شفت امس شف حالنا اليوم
دنيا تقلب يكفي الله بلاها


اليوم لامنه بغت عيني النوم
تنكدت روحي وعافت كراها


ماكل من علا بالاصوات مفهوم
وماكل روح تلتقي في مناها


وماكل من يشتكي معذب ومحروم
وماكل من يضحك همومه نساها


بحر الحياة ان صرت ماتعرف العوم
يرميك في غبة بعيدة مداها


من راح يستسلم من احزان وهموم
يموت حي وحاجته ماقضاها


واجه هبوب الوقت بايمان وعزوم
لابد ماربك يهدي هواها


واصبر اذا شمسك حجب نورها غيوم
الغيم يتفرق ويشرق سناها

[ع ـناديهـ]

خسرت نفسك ولا فكرت تكسبهاااا
)()()( ومازلت تدفع ثمن طيشك و غلطاتك


سدد حساب الليالي لا تعاتبهاااا
)()()( ما غيرك أحد تسبب في معناتك


أدفع ثمنها ولو عزت مطالبهاااا
)()()( يهون كل العنا من دون ما ساتك


يوم الليالي علينا وأنت صاحبهااا
)()()( بعت الكرامة لاجل ترضي ملذاتك


حتى الخطا يا الصغيرة دوم تحسبهاااا
)()()( وحنا أبد ما حسبنا يوم زلاتك


غلطتك أدور لها عذر ينا سبهاااا
)()()( ولا من عتبنا تداري الغيظ بسكاتك


ما دام صدق المشاعر منت راغبهااااا
)()()( ما ينتهي هاجس الشيطان من ذاتك


الخطوة اللي على دربك متعبهاااااا
)()()( تعشق ضياعك ولو طالت مسافاتك