ع ـالـ م ـي

[ع ـناديهـ]

الضيقة اللي بالصدر هدة الحيل
يالعن ابوهــا كــــل يوم تزايــد


دايم تجيني كل مايمسي الليل
وتحط في صدري همومن جدايد


اصد عن خلق الله واروح واميل
في مجلسي وحدي اجرالقصايد


اسلي نفسي بالشعر والمواويل
واحاول اخفي همي لوكنت كايد


ماودي باهل الهرج والقال والقيل
تنقل علومي مثل نـقـل الجرايد


ويسج فكري مع النجــم وسهيل
واذكر زمانن راح وجانا نكايد


واقول ياصدري تراها تساهـيـل
همومي عقب الشهيد ولاهوب عايد


واصبر عليها لو تبي تحط وتشيل
لاتضيق دام الضيق مابــه فوايــد



الشاعر غراف بن محمد العتيبي

[ع ـناديهـ]

ياهاجس الضيقه تري الصمت حقران
= أجمع شتات الغبن والحرف مصيـون


أعيد الشريط ولـي وقـت سهـران
= أغمض عيون ويرفـض نومها أجفـون


أنا صريح واضـح الرمـي نيشـان
= لا قول يلزمنى ولا هزتنـي أعيـون


تهزمني الافكـار مـن دون ميـدان
= تأذيني الأشواك ولانى بالـورد مفتـون


وياصاح ياللي قوله يلامـس أذهـان
= أنحت حروفي بصخر بتشكيلك أجنون


ليل ٍ يداهمني والخاطر الشين ماهـان
= يهيض علي أجروح ويزود أطعـون


من طيبى قبل اموّن مونت على عربان
= اعانـق دروبـي وريشة الرسـم عرجـون


ولاأسمع القـول ولاغرنـي أية أعيـان
= ياصاح ماتعرف اني مخلص ولا أخون


أيه طحت بس أقوم قومـت حصـان
= وانت لا طحت تغدي لصق معجـون

[ع ـناديهـ]

تسولف لي عن الضيقه وأنا عنوان للحرمان...
دخيلك لا دخيل الجرح لا تكشف معاناتي....


* حبيبي * لاتشجعني أسولف وأكسر الكتمان...
تعبت من السكوت اللي تعود يسكن بذاتي....


عليم الله مافيني شبر يضحك فرح وأشجان...
وأنا لو جيت ابضحكلك أجيك أضحك بدمعاتي...


حياتي شعر وشاعر وجمهوري بقايا انسان...
ونقادي زمن قاسي ولا يفهم كتاباتي...


أناظر للبشر حولي أحد ... يضحك ... أحد طربان...
وأنا صعبا علي أضحك أسايرهم بضحكاتي...


عجزت أكذب على نفسي بفرحه ما بها ألوان...
وحزني ما عجزعني بدا يرسم نهاياتي...


طريقي صعب وجروحي كثير وداخلي ضميان....
أبي لو يوم واحد أحاول أجمع شتاتي ...


أنا قصه تبعثرت وتطايرت بزمن خوان...
تعلمت أخسر البسمه وأداري عضة شفاتي....


أبكتبلك وبالخط العريض وريشه الفنان....
أنا الخسران توقيعي وانا الخسران بصماتي...


أكمل لك عن الضيقه؟ّّ اكمل لك عن الأحزان؟!!!...
تأكد لوبكمل لك تصيح وتطلب سكاتي....!!!!!

[ع ـناديهـ]

كيف أطفي الريح بثيابك وكيف اشعلك
كيف اتنثر على جمـرك وكيـف احتويك


نقضت ليل الحرير وجيت ماانت لهلك
سمّيت باللي فتني بـك وقلت ابتديـك


هذا اول الدرب او هذا الطــريق اولك
جيت آتوقّا عذابات المدى 00واهتديك


شوقـي مسافـة وهمساتـك مـدار وفلك
ان ماظميتك غلى 00ياعلني ماارتويك


إية اعرفك واعرف اني من غلاك اجهلك
مرات اضمّـك واخـاف اني مشبة عليك


مـرات اشوفـك بنفس الوقت واتخيـلك
وانشد كفـوفي عن اخر سالفة من يديك


أعـنّ لك لـو تصّـب المـوت 000واتهيّلك
واجـوع لـك وآتمـنى خنجـرك واشتهيـك


ماقلـت لك عمر سيـف العشق مايقتلك
ماتشوفني حي قدامك وانا امـوت فيك


اشتقت لك قبل اجيك وجيت واشتقت لك
البارحة طول ليلي بين هذي 00وذيـك


مليت جمـر انتظارك واستحيت أسألـك
واحسبتني ما بعد جيتك وفكرت اجيـك


اثرك بقلبي من البارح وانا استعجلك
واثري نسيتك من الفرحة وقمت احتريك

[ع ـناديهـ]

بين فرحة لقاك وهم فرقاك
لاتذكرت جرح ولا نسيتك


حي هالشوف ماتنمل دنياك
شف سواة العيون ليا لقيتك


عين تشربك شوف وعين تظماك
لاذبحني ظماك ولا رويتك


قمت اخيلك هنا ... وهناك .. وهناك
وين ترحل بي النظره نصيتك


ان تبسمت قلت الموعد شفاك
وان تمنعت بانفاسي دعيتك


وان طلبت الغلا قلت الغلا جاك
وان سكنت الخفوق البيت بيتك


وان نثرت القصيد بدرب لاماك
ذاع صيت القصيد وذاع صيتك


يارجا العمر لو حفتك الاشواك
ليتك اول طريق القلب ليتك


ودع البرد كف ضم يمناك
صافح الود قلبي يوم جيتك


حي هالشوف رغم هموم فرقاك
لو تناسيت جرحي مانسيتك



للشاعر : مساعد الرشيدي ..

[ع ـناديهـ]

فاصله ع مساعد الرشيدي :)



صوتك اللي بقالي من ليالينا
عاد لو غاب صوتك ويش يبقالي


صوتك الموج والمجداف والمينا
صوتك الناس لوني في خلا خالي


صوتك الذكريات اللي اتدفينا
كل ماهل شفت العيد يبدالي


صوتك بعيد مثل البعد يطوينا
صوتك اغليه ... صوتك يابعد حالي


من غروب الكلام لشرق اسامينا
ياحبيبه وصوتك عندي الغالي


سولفي ... لعنبو هــمٍ يبكينا
انت اقصى مدى الهقوات والتالي


مالها حد شرهتنا وامانينا
والمسافات قشرى مالها والي


يقبل الليل لامرفأ ولامينا
عاد لو غاب صوتك ويش يبقالي

[ع ـناديهـ]

ينجرح قلب..لكـن ترتفـع هامـه
والله انّي ل..اموت ولاانحتى راسي


لورمانـي زمانـي وسط..دوّامـه
العواصف شديده..والجبل راسـي


أنقل الحزن وامشي منتصب قامـه
قاسي الوقت لكنّـي بعـد قاسـي


واسمع الحلم يصرخ لحظة اعدامه
رابط الجاش..ماهزّ الخبر باسـي


عزّتـي غاليه..والنـاس سوّامـه
قِلت مااطيع حتى تقطـع انفاسـي


زانت ايام عمري..شانـت ايامـه
مارجيت العزا من رحـة النّاسـي


من عجز لايـدوس الهمّ..باقدامـه
لازم انّـه مـع الايام..ينـداسـي


يندمل جرح قلبٍ ..ماتت احلامـه
بس مااظن يبرا جرح الاحساسـي


يوم صارت مابين القلب والهامـه
ويش ابي بالحياة اليا انحنى راسي



للمبدع : مساعد الرشيدي :)

[ع ـناديهـ]

مايبيله طبعا .. الشاعر : مساعد الرشيدي




حزين من الشتا والاحزين من الظما ياطير
دخيل الريشتين اللي تضفك حل عن عيني


دخيل الما ..وملح الما..وحزن الما قبل ماتطير
تهيا للهبوب اللي تصافق في شراييني


دخيل الغصن والظل والهزيل وهفهفات إعصير
دخيلك لاتشح بنجمتي والليل ممسيني


ترفرف يافقير الريش ضيقه والنهار قصير
علامك كل ماليل جناحك جيت ساريني


انا ماني بخير وجيت يمي وانت مانت بخير
وانا ياطير في من الهجاد اللي مكفيني


ترى لو شفت لي ظل ومهابه في عيون الغير
ترى كل الزهاب اللي معي جرحي وسكيني

[ع ـناديهـ]

ياعيوووني من نسانى مانبيه
مانبي من باع قلب له صفا


باعني يوم اني بالغالي اشتريه
كنت ابي وصله وجازاني ابجفا


عفت دمع هلته عيني عليه
وعفت قلب حب باخلاص وفا


كان نبع الحب عذب ارتويه
وكان نور في حياتي وانطفا


من عقب ماهو امل لي وارتجيه
اتضح انه سراب واختفا


ماحصل يانفس كافي واتركيه
لانشد عني ولا بحالي رفا


شيعي ياعين حبي وادفنيه
من عذاب القلب جاني ماكفا

[ع ـناديهـ]

مصدر ح ـياتي عزتي واعذرني

ماقدر اواصل بالهوى ح ـاني الراس

صـ ح ـيـح ح ـبك نقطة الضعف فيني

مانكرت لكن عزتي مالها قياااااااااس ...

[ع ـناديهـ]

مـع زمانـي لا تحاربـنـي بـصـدك
خلنـي بالعمـر اضحـك لـو ثوانـي


كان لك قلـبٍ علـى غيـري يحـدك
وش ترى في قلبي اللي لك حداني


بالجفـاء ياصاحبـي عـديـت حــدك
مـا وصلنـي منـك يالغالـي كفـانـي


اشتـكـي لــك لا تعـذبـنـي بـــردك
لا تصـد ارجـوك يــوم الله بـلانـي


ليـت حـب ضـاع للذكـرى يـشـدك
تذكـر اللـي راح منـا فــي ثـوانـي


ليتنـي مرتـاح مــن قلـبـي وحـبـك
ليـت لـي يازيـن مثلـك قلـب ثانـي

[ع ـناديهـ]

منك انهتينا يا مخيـب رجانـا
الصبر طال وعذبتنا المشاويـر


في موت حبك يجبر الله عزانـا
بيدك رميته لا تقـول المقاديـر


لـولاك حنـا ماتبـدل غلانـا
كل الوفا منا ولا منـك تقديـر


قلنا سحابه صيف تعبر سمانـا
وتزول ماله في سما الحب تأثير


غدرك على نسيان حبك حدانـا
هذي سواتك ما تفيد المعاذيـر


عفناك واللي عالم فـي خفانـا
البعد عنك ارحم وقلبك مع الغير


تبيعنا واليـوم تبكـي هوانـا
لايا عديم القلب فرقاك لي خير




.. عبدالله العلوي رحمه الله ..

[ع ـناديهـ]

اكذب عليك ان قلت مانـي بمشتـاق
واكذب عليك ان قلت حبـك نسيتـه


خل الكلام اللي طعن صمت الاوراق
يحكي لك اللي ما نطقـت وحكيتـه


ناظر عيوني شوف تاثير الاشـواق
شوف الفرح وشلون بعـدك جفيتـه


كتفي يشيل من الزمن فوق ما طـاق
والضيق يرضابي وانـا مارضيتـه


الى متى وانا انتظر لحظه اشـراق
الى متـى والحـزن هالقلـب بيتـه


الى متى والهـم ينحـت بالاعمـاق
واسقيه مـن فراقـك دمـع بكيتـه


ياصاحبي شف خاطري ما بعد راق
بنفس الطريق اللي انتهـى وابتديتـه


ضاق الزمان وكل شي بعـد ضـاق
حتى القصيد اللي بصدري احتويتـه


عمر الشعر ما ضيق صدور الاوراق
الضيـق ضيقـي لاكتبـت وقريتـه


تعبت اجمع ما بقالي مـن اشـوااق
واقول ليـت الوقـت يفهـم ياليتـه


ياقو قلبك وانت محرقنـي احـراق
ارفق بحال اللـي ذكـرك ونسيتـه


تدري عزاي ان حدك القلب تشتـاق
دور علـي بـكـل درب مشيـتـه


يمكن تلاقي درب بـدروب الفـراق
يجـوز ربـي كاتبـه واهتديـتـه

[ع ـناديهـ]

يسعـد مسـاك الله يمسيـك بالخيـر
........ والله يَجَمّـل فــي حَيَـاتَـك حَيَـاتَـك


ويسّعَد صَبَاحِك كِل ماغَـرّد الطَيـر
..........والله يحقَـق لــك جمـيـع أُمُنِيَـاتِـك


غـيرك تـرا ماله مـع الوقـت تأثيـر
.........ولا له من إللي تملكه من صفاتك


أنت الوحيد إللي فقط بـس لاغـيـر
..........لو قال روحك قلت سهلـه وجاتـك


دقيـت فـي قلبي ثـلاثـة مسامـيـر
........ وعلـقـت فيـهـا ياحيـاتـي غـلاتـك


الـحـب والأخـلاص وشـوق الغنادير
........ وصايفك من طيـب أصلـك وذاتـك


( بنت ) الرجال إللي تقود الطوابير
..........والطُهـر والعِـفَـه تـوشـح عبـاتـك


هـل يا ترى بنساك وأتـرك للغيـر
.........أنـتـه منـايـه دامـنـي لــك منـاتـك


وكانك تبينا نسكـر الحـب تسكيـر
........اذكـر تـرى نــزّع المساميـر فاتـك


مصيـرنـا فالـلـوح مافـيـه تأخـيـر
........ ساعة وفاتي تختلـف عـن وفاتـك


لـو إفتـرقـنـا فرّقـتـنـا المـقـاديـر
......... والله يصبـرنـي عـلــى ذكـريـاتـك


آمــر تـدلـل مـأبـي مـنــك تـبـريـر
...........والله يحقـق لــك جمـيـع أُمُنِيَـاتِـك

[ع ـناديهـ]

فقدتك حيل؟ وينك كثرت احزاني
اثر بعدك حياتي مالها قيمه


كثير الربع حولي وصرت وحداني
على ذكراك شفها تبكي الغيمه


بعيني صورتك واسمك على لساني
ظلمنا الحب واصبحنا مظاليمه

للشاعر : عايد المسيلم ..